RTA Pashto - ملي راډیو تلویزیون

پنجشېر کې د ۴۰ میلیونه افغانیو په ارزښت د ۴۵ کیلومتره عمومي سړک ترمیم چارې د یاد ولایت د ټولګټو ریاست د مسولینو په حضور کې پیل شوې

دغه سړک د شتل ولسوالۍ له دالان‌سنګه څخه د بازارک د دوابي سیمې پورې غځېدلی.

په دې پروژه کې د سړک د ویجاړو برخو ترمیم، د درزونو ډکول، د ګبین دېوالونو جوړول، د پلچکونو، ویالو او اوبو د تېرېدو لارو جوړول شامل دي.

176 views07:41

نن دوشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

❤1

190 views07:48

1:03

د ښارهېنداره؛
هره ورځ شاوخوا ۱۲۰ ناروغان د روغتیايي خدمتونو ترلاسه کولو لپاره د شیخ زاید روغتون ته مراجعه کوي.
بشپړه خپرونه ⬇️
https://www.youtube.com/watch?v=B96KE-NQyzA

179 views10:09

د افغانستان د سوداګرۍ او پانګونې خونې پلاوي، د اندونیزیا د سوداګرۍ او صنایعو خونې او د دغه هېواد د بهرنیو چارو وزارت له استازو سره د سوداګرۍ او پانګونې په برخو کې د همکاریو پر پراختیا خبرې کړې دي.

افغان پلاوي له اندونیزیایي پانګوالو غوښتي چې د هېواد د کانونو، کرنې، انرژۍ او صنعت په برخو کې پانګونه وکړي.

یاد پلاوي همداراز، د ګډې کاري کمېټې پر جوړولو، د سوداګریزو نندارتونونو پر جوړولو او د سوداګرو لپاره د ویزو د ترلاسه کولو بهیر پر اسانتیا ټینګار کړی دی.

ورته مهال، د اندونیزیا استازو د دواړو هېوادونو ترمنځ د اقتصادي همکاریو زیاتوالي لپاره چمتوالی ښودلی دی.

184 views10:42

1:05

لنډ خبرونه|۱۴۰۵/۰۷/۲۶
د بهرنیو چارو وزیر، د افغانستان لپاره د ملګرو ملتونو د سرمنشي ځانګړي استازي او د یوناما نوي رییسي سره په لیدنه کې د ملګرو ملتونو په راپورونو کې د افغانستان د واقعیتونو پر متوازن انعکاس ټینګار کړی.

179 views11:08

د فراه ولایت د پشت‌کوه ولسوالۍ په انجیران کلي کې د یوه چک‌ډیم د جوړولو چارې بشپړې او ګټې اخیستنې ته وسپارل شو.

د کرنې، اوبو لګولو او مالدارۍ وزارت وایي، دغه چک‌ډیم د شاوخوا ۱۰۰ زره متر مکعب اوبو د زېرمه کولو وړتیا لري.

👍1

200 views11:36

2:24

ننګرهار کې یو شمېر بزګران وايي، سږ کال یې د ممپلیو حاصلات د پام وړ زیات شوي دي.

❤1👍1

209 views11:46

3:06

بلخ کې د یوه علمي او کلتوري بنسټ له لوري، د عالیقدر امیرالمؤمنین حفظه الله تعالی د ۱۷ مه ګڼه فرمان د ښه تطبیق او عامه پوهاوي لپاره غونډه ترسره شوه.

❤1

204 views12:21

0:44

د کابل ـ جلال‌اباد او کابل ـ بګرام سړکونو ترمنځ د نوي نښلوونکي سړک د جوړولو چارو وروستی وضعیت.
بشپړه خپرونه⬇️
https://youtu.be/vQ1Axd2mV2A

188 views12:46

د لوړو زده کړو وزیر شیخ نداء محمد ندیم، د مرکزي خصوصي پوهنتونونو له استازو سره په کتنه د یادو پوهنتونو ستونزې او وړاندیزونه اورېدلي دي.

د لوړو زده کړو وزیر، اړتیاوو ته په پام د هېواد په پوهنتونونو کې د نویو پوهنځیو او څانګو پر رامنځته کولو ټینګار کړی دی.

ښاغلي ندیم همداراز ویلي، چې خصوصي پوهنتونونه په خپلو چارو کې د اسلامي امارت د احکامو او پالیسیو په عملي کولو مکلف دي.

192 views13:29

له افغان شخصیتونو سره د اړیکو کمیسیون وايي، په تېره اداره کې د ننګرهار ولایت د سرحدي پولیسو د واکنش کنډک قوماندان بخت جمال عمر‌خېل د دغه کمیسیون له لارې، له پاکستان څخه خپل هېواد ته راستون شو.

191 views13:40

د روسیې د بهرنیو چارو وزیر سرګي لاوروف ایران ته د خپل سفر په ترڅ کې د دغه هېواد د بهرنیو چارو له وزیر سید عباس عراقچي سره لیدلي دي.

د ایران د بهرنیو چارو وزارت ویاند ویلي، ایران ته د لاوروف د سفر موخه د دواړو هېوادونو ترمنځ د لاسلیک شویو هوکړو د پلي کېدو تعقیبول او همدارنګه د سیمه‌ییزو او نړیوالو بدلونونو په اړه سلا مشورې کول دي.

174 views14:30

2:10

بدلون؛
سیاسي کارپوه ګلاب‌خان باز وايي، د یوناما له لوري تر اوسه د افغانستان رښتینی انځور نړۍ ته نه دی وړاندې شوی.
بشپړه خپرونه: https://youtu.be/PhAgfUMxxdc

187 views14:43

د سره صلیب نړیوالې کمېټې (ICRC) له لوري د پکتیا له حوزوي روغتون سره د ۱۵۰ زره امریکایي ډالرو په ارزښت د درملو او طبي وسایلو مرسته وشوه.

د پکتیا د عامې روغتیا ریاست د مسؤلینو په وینا، په دې مرسته کې ۱۲۰ قلمه طبي توکي، د بېړنۍ خونې درمل، د التراساونډ ماشین، ویلچیرونه او د وینې فشار معلومولو سیټونه شامل دي.

209 views14:54

2:18

روزګان کې د غرنیو سیمو او ستونزمنو جغرافیایي شرایطو په منځ کې جوړ شوی ۱۵ کیلومتره سړک ګټې اخیستنې ته وسپارل شو.

209 views15:10

2:14