د روزګان ــ کندهار سړک د ۲۴ کیلومتره برخې د جوړولو چارې پیل شوې دي.

په پکتیا کې له ۳ زرو څخه زیاتو بزګرانو ته اصلاح شوي تخمونه وېشل شوي دي.

د غزني په قره‌باغ ولسوالۍ کې د یوه ښوونځي لپاره ودانۍ جوړه او ګټې اخیستنې ته وسپارل شوه.

د کابل او یو شمېر ولایتونو د هوا حالات.

د نن سې شنبې ورځې تاریخ!

د امریکا پوځ د دغه هېواد د سمندري ځواکونو اړوند د یوې پوځي چورلکې لوېدل تأیید کړي دي.

د امریکايي رسنیو د راپورونو له مخې، دغه چورلکه د اریزونا ایالت د لیک هاواسو ښار ته نږدې لوېدلې ده.

راپورونه زیاتوي، چې د چورلکې دواړه سپاره کسان ژوندي ژغورل شوي دي.

فرانسوي چارواکو د حکومت ضد پراخو لاریونونو وروسته، د ناکراریو او د هټیو د لوټلو په غبرګون کې، د پاریس، لېل او نیس په ګډون د څو ښارونو په ځینو برخو کې د شپې پر ګرځېدو محدودیتونه لګولي دي.

د رویټرز خبري اژانس د راپور له مخې، دغه پرېکړه داسې مهال شوې، چې د فرانسې حکومت د امنیتي ناکامیو له امله له نیوکو سره مخ دی.

د خوړو نړیوال پروګرام اعلان کړی، چې د بودیجې د کمښت له امله به په غزه کې خپلې مرستې راکمې کړي؛ هغه اقدام چې له کبله به یې شاوخوا ۵۰۰ زره کسان له حیاتي مرستو بې‌برخې شي.

دغه بنسټ تېره ورځ دوشنبه (د تلې ۲۷مه) اعلان وکړ، چې په ۲۰۲۶ کال کې د فلسطین لپاره د مرستندویه عملیاتو په موخه ترلاسه شوې بودیجه د تېرو کلونو په پرتله تر نیمايي هم کمه ده.

د خوړو نړیوال پروګرام ویلي، چې په راتلونکو شپږو میاشتو کې په اشغال شویو فلسطیني سیمو کې د خپلو فعالیتونو د دوام لپاره ۴۵۰ميليونه ډالرو اضافي بوديجې ته اړتیا لري.

د پېښو پر وړاندې د مبارزې او چمتووالي ادارې له یوې مؤسسې سره د ۹۶۹ زره او ۷۵۲ امریکايي ډالرو په ارزښت د همکارۍ هوکړه‌ لاسلیک کړه.

دغه هوکړه‌لیک د بامیان د مرکز په ګډون په یکاولنګ لومړۍ، دویمه او سیغان ولسوالیو کې له اړمنو کورنیو سره د مرستې، کاري فرصتونو د رامنځته کولو او د طبیعي پېښو د خطرونو د کمولو په موخه لاسلیک شوی.

د هوکړه‌لیک له مخې به، دوه زره او ۵۰۰ کورنیو ته نغدي مرستې ووېشل شي او په ۱۴ کلیو کې به د عامه پوهاوي او د پېښو د خطرونو د کمولو پروګرامونه پلي شي.

د عامې روغتیا وزیر مولوي نورجلال جلالي نن د خصوصي روغتونونو د اعتبار ورکولو او درجه بندۍ پروسې د پایلو اعلان غونډې کې وویل، چې د خصوصي روغتیایي سکټور اصلاح د یاد وزارت په لومړیتوبونو کې ده.
ښاغلي جلالي زیاته کړه، د نرخونو کنټرول، د شفري نسخو او خپلسرو خدماتو مخنیوی، باکیفیته او د اسلامي امارت له پالیسۍ مطابق د خدماتو وړاندې کول له مهمو موخو څخه ګڼل کیږي.

خصوصي روغتونونو د اعتبار ورکولو او درجه بندۍ پروسې د پایلو اعلان غونډه کې د عامې روغتیا وزیر مولوي نورجلال جلالي وینا.

د ریاست‌الوزرا اداري مرستیال مولوي عبدالسلام حنفي د خصوصي روغتونونو د اعتبار ورکولو او درجه‌بندۍ د پایلو د اعلان په مراسمو کې وویل، چې یاد روغتونونه د خپلو روغتیايي خدمتونو د څرنګوالي له‌مخې پر درېیو کټګوریو وېشل شوي دي.

ښاغلي حنفي زیاته کړه، چې خصوصي روغتونونو ته به د ټاکل شوې کټګورۍ له‌مخې د خدمتونو د بیو لېست هم ورکول شي.

د ریاست‌الوزرا د اداري مرستیال په وینا، دغه اقدام د خلکو د هغو شکایتونو په غبرګون کې شوی، چې د خصوصي روغتونونو د لوړو بیو او د روغتیايي خدمتونو د ټیټ کیفیت په اړه یې درلودل.

همداراز مولوي عبدالسلام حنفي وویل، چې دغه کټګورۍ د عامې روغتیا وزارت د یوه هر اړخیز ټیم له خوا ټاکل شوې او خصوصي روغتونونه کولای شي د خپلو روغتیايي خدمتونو د کیفیت په ښه کولو سره لومړۍ کټګورۍ ته پورته شي.

خصوصي روغتونونو د اعتبار ورکولو او درجه بندۍ پروسې د پایلو اعلان غونډه کې د ریاست‌الوزرا د اداري مرستیال مولوي عبدالسلام حنفي وینا.

خصوصي روغتونونو د اعتبار ورکولو او درجه بندۍ پروسې د پایلو اعلان غونډه کې د عامې روغتیا وزارت د روغتیایي خدمتونو وړاندې کولو مرستیال مولوي عبدالولي حقاني وینا

نن سې‌شنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

د تخنیکي او مسلکي زده کړو ادارې رییس مولوي غلام حیدر شهامت د یوه پلاوي په مشرۍ مالیزیا او اندونیزیا هېوادونو ته په سفر روان شو.

یادې ادارې د دغه سفر موخه د علمي، تخنیکي او ښوونیزو اړیکو او همکاریو پراختیا، د تخصصي تجربو شریکول او د تخنیکي او مسلکي زده کړو په برخه کې له نویو لاسته راوړنو سره بلدتیا بللې ده.

دغه راز به په دې سفر کې به له تخصصي او ښوونیزو بنسټونو سره د رغنده تعاملاتو پر پیاوړتیا، د استادانو د علمي او مسلکي ظرفیتونو پر لوړولو، د ښوونیزو سرچینو د ډیجیټلي کولو بهیر پر پراختیا، د تدریس له معاصرو لارو چارو سره پر بلدتیا او د کوربه هېوادونو له علمي او تخنیکي تجربو څخه پر ګټې اخیستنې خبرې وشي.

د ریاست‌الوزراء اقتصادي مرستیال ملا عبدالغني برادر اخوند په مشرۍ د اقتصادي کمېسیون ځانګړې غونډه کې په هېواد کې د توکو د نرخونو او کیفیت پر کنټرول بحث شوی دی.

د ریاست‌الوزراء اقتصادي معاونیت وايي، په دې غونډه کې پریکړه شوې چې په ولایتونو او ولسوالیو کې، د صنعت او سوداګرۍ وزارت په مشرۍ د مستهلکینو جوړې شوې کمېټې او په کابل ښار کې، د کابل ښاروالۍ په مشرۍ جوړه شوې کمېټه باید خپل مسوولیت په لا جدي ډول ترسره کړي.

همداراز د توکو د کیفیت د کنټرول په برخه کې پرېکړه شوې، چې د هېواد په سوداګریزو بندرونو کې، د عامې روغتیا وزارت د خوړو او درملو معینیت او د وارداتي توکو د کیفیت د کنټرول په برخه کې، د معیار او کیفیت اداره باید خپل فعالیتونه لا پياوړي کړي.

د امربالمعروف، نهی عن المنکر او د شکایتونو اورېدلو وزارت وايي، چې د پروان ولایت په بګرام او سیدخېل ولسوالیو کې یې د جبري نکاح د دوو قضیو مخنیوی کړی.

د دغه وزارت مسوولینو همداراز د تخار په د اشکمش ولسوالۍ کې د کوډګرۍ په تور د یوه کس د نیولو خبر ورکړی دی.

د دوی په وینا، له دغه کس څخه د سحر او جادو اړوند څو ټوکه کتابونه او اسناد هم ترلاسه شوي او دوسیه یې عدلي او قضايي ادارو ته سپارل شوې ده.

د هرات والي شیخ مولانا نوراحمد اسلام جار، په هرات کې د ترکیې او ترکمنستان له جنرال قونسلانو، د تیکا دفتر له مشر، د افغان ـ ترک ښوونځیو له مشر او په افغانستان کې د ټاپي پروژې له مشرسره په لیدنه کې، له یادو هېوادونوسره د سوداګریزو اړیکو پر پراختیا او د روغتیايي او بنسټیزوهمکاریو پر پیاوړتیا ټینګار کړی دی.
نور ولولئ👇
https://rta.af/news/takyd-afghanstan-trkyh-o-trkmnstan-br-gstrsh-roabt-tgarty-o-tkoyt-hmkaryhay-shy-o-zyrbnayy

لنډ خبرونه|۱۴۰۵/۰۷/۲۸
عامې روغتیا وزارت خصوصي روغتونونه د روغتیايي چوپړتیاوو وړاندې کولو له مخې پر درېیو کټګوریو وېشلي دي.