د سمنګان ولایت په مرکز اېبک او شپږو ولسوالیو کې د ۶۶ میلیونه او ۷۶۷ زره افغانیو په لګښت د ۲۵ پروژو چارې بشپړې او ګټې اخیستنې ته وسپارل شوې.
په یادو پروژو کې ۱۲ د څښاک پاکو اوبو رسولو شبکو، د اوبو د یوې لویې ذخېرې، د ۲۵۰ متره کانال، استنادي دیوال او ولایتي روغتون کې د ۳۶ تشنابونو جوړول شامل دي.

د امر بالمعروف، نهی عن المنکر او د شکایتونو اورېدلو وزارت وايي، چې د روانې اوونۍ پرمهال یې په ټول هېواد کې د ښځو د شرعي حقونو اړوند ۱۲۸ قضیو ته رسېدنه کړې ده. په دغو قضیو کې جبري نکاح، میراث، مهر، نفقه او طلاق شامل دي.

د دغه وزارت د معلوماتو له مخې، په همدې موده کې په پنځو ولایتونو کې ۱۴ کسان د کوډګرۍ په تور نیول شوي او عدلي او قضايي ارګانونو ته ورپېژندل شوي دي.

دغه وزارت همداراز خبر ورکړی، چې د علماوو او قومي مشرانو په همکارۍ یې۱۲ پخوانۍ دښمنۍ حل کړي دي.

د اسلامي امارت ویاند مولوي ذبیح الله مجاهد وايي، د عالیقدر امیرالمؤمنین حفظه الله تعالی د حکم پر اساس نوې ټاکنې شوې دي.
۱- د کندهار ولایت بولدک ولسوالۍ مخکنی ولسوال مولوي عبدالکریم جهادیار؛ د زندانونو چارو د تنظیم ادارې د عمومي رئیس په توګه.
۲ـ د زندانونو چارو د تنظیم ادارې مخکنی عمومي رئیس ملا محمد یوسف مستري؛ د لوګر ولایت د مرستیال په توګه.
۳ـ د لوګر ولایت مخکنی مرستیال مولوي انعام الله؛ د کندهار ولایت بولدک ولسوالۍ د ولسوال په توګه ټاکل شوي دي.

د ټرانسپورټ او هوايي چلند وزیر ملا محمد فاضل مظلوم، هرات ولایت ته د خپل سفر په ترڅ کې د خواجه عبدالله انصاري نړیوال هوايي ډګر د ځغاستلیکې بیارغونې او هوایي ډګر د ساتنې او پاملرنې پروژو څخه لیدنه کړې ده.
د یاد وزارت په وینا، نوموړي د لیدنې پر مهال د پروژو بېلابېلې برخې ارزولې، د چارو پر معیاري پلي کېدو، د تخنیکي اصولو پر رعایت او د هوايي ډګر د تاسیساتو د ساتنې او پاملرنې پر ارزښت یې ټینګار کړی.

د سترې محکمې مرستیال ویاند قاري منصور احمد حمزه ویلي، د افغانستان اسلامي امارت درې‌ګونو محاکمو په تېرو شپږو میاشتو کې د شرعي احکامو په رڼا کې ۱۵۷زره او ۱۲۳ قضیو ته رسېدنه کړې او ۸۶ زره او ۳۲۲ بېلابېلې وثیقې یې هم اجرا کړې دي.

نن پنج‌شنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.

د عالیقدر امیرالمؤمنین حفظه‌الله تعالی د حکم پر بنسټ، د هېواد د پانګې بازار د رامنځته کولو لومړنۍ غونډه د اسلامي امارت د مالیې وزیر ملا محمد ناصر اخوند په مشرۍ جوړه شوه.

بشپړ خبر ⬇️

https://rta.af/news/brgzary-nkhstyn-nshst-aygad-bazar-srmayh

دریځ؛
د سیاسي چارو شنونکی حمایت‌الله احمدي وايي، د شرطې قانون د افغانستان د شرطې د مسلکي کېدو او په یوه منظم چوکاټ کې د هغوی د یو شان کولو لپاره مهم ګام دی.
بشپړه خپرونه⬇️
https://youtu.be/5TO80HZvUYQ?si=l5AfHhGpC7zdBASX

د تخنیکي او مسلکي زده کړو ادارې عمومي رییس مولوي غلام حیدر شهامت، مالیزیا ته د خپل سفر په ترڅ کې د «لب‌ټیک» نړیوال شرکت او د دغه هېواد له لومړني دولتي تخنیکي انستیتیوت څخه لیدنه کړې ده.

ښاغلي شهامت په خپلو خبرو کې ویلي، چې په افغانستان کې په بېلابېلو برخو کې وروستي پرمختګونه د خلکو د خدمت او د هېواد د پرمختګ لپاره د نظام د ژمنتیا او هوډ څرګندونه کوي.

د ټولګټو چارو وزارت وايي، چې نن ( پنجشنبه، تلې ۳۰ مه) د خواف ــ هرات اوسپنیزې لارې مسیر څخه، د ایران د اوسپنیزې لارې شبکې له لارې ۶۰۰ ټنه پنبه ترکیې هېواد ته صادره شوه.

د یاد وزارت په وینا، دغه محموله د افغانستان او د سیمې هېوادونو ترمنځ د سوداګریزو او ترانزیټي اړیکو د پراختیا په چوکاټ کې لېږدول شوې ده.

لنډ خبرونه | ۱۴۰۵/۰۷/۳۰
عالیقدر امیرالمؤمنین حفظه الله تعالی له مجاهدینو غوښتي، چې د بیت‌المال، موټرو او وسلو په کارولو کې ډېر احتیاط وکړي.

د ریاست الوزرا اداري مرستیال مولوي عبدالسلام حنفي په مشرۍ، د اداري کمېسیون غونډه کې د پوهنې او مخابراتو او معلوماتي ټیکنالوژۍ وزارتونو اړوند موضوعات په هر اړخیز ډول څېړل شوي او په اړه یې لازمې پرېکړې شوې دي.

د کورنیو چارو وزارت یوه پلاوي، د زابل ولایت له خبریالانو او د رسنیو له استازو سره د همغږۍ ناسته کړې.

د افغاني سرې میاشتې عمومي رییس شیخ شهاب‌ الدین دلاور، په افغانستان کې د یوناما د بشري حقونو برخې له مسٶولې فیانو فریزر او مل پلاوي سره کتلي دي.

په دې کتنه کې دواړو لوریو په هېواد کې د زیانمنو شویو وګړو او کورنیو د ملاتړ او بشري مرستو د همغږۍ په اړه خبرې کړې دي.

د افغاني سرې میاشتې په خبرپاڼه کې راغلي چې د یوناما استازو د تېرو ناخوالو له امله د زیانمنو شویو وګړو او کورنیو د اړتیاوو پر پوره کولو، د ملاتړ پر دوام او د بشري مرستو د اغېزمنتیا پر اهمیت ټینګار کړی دی.

بدلون؛
د سیاسي چارو کارپوه داوود خان شیراز وايي، د افغانستان ثبات د سیمې هېوادونو لپاره مهم دی.
بشپړه خپرونه👇
https://youtu.be/kVl3_RUnF9M

د کورنیو چارو وزارت یوه پلاوي، د غزني ولایت له خبریالانو او د رسنیو له استازو سره د همغږۍ ناسته کړې.