RTA Pashto - ملي راډیو تلویزیون

۲۴ خپرونه؛
په لوګر کې د راډیو خبریال سمیع الله عیسی‌خېل په دغه ولایت کې د جهادي اثارو د راټولو د روان بهیر په اړه جزییات ورکوي.

164 views15:44

د کابل او یو شمېر ولایتونو د هوا حالات.

160 views16:02

2:05

کاوش؛
د اقتصادي چارو کارپوه محمد شبیر بشیري وايي، چې د منځنۍ او سویلي اسیا ترمنځ د ترانزیټي دهلېز په توګه د افغانستان د بدلولو لپاره باید د هېواد د لویو لارو په بیارغونه پانګونه وشي.
بشپړه خپرونه👇
https://youtu.be/WeLaLRQKKSM

172 views16:23

2:43

د پاکستان د پارلماني چارو وزیر په خپلو تازه څرګندونو کې ویلي چې اسلام اباد به د هغو ترهګریزو فعالیتونو د پای رسولو لپاره اقدام وکړي چې په وینایې له افغانستان څخه سرچینه اخلي.

162 views17:02

د ملګرو ملتونو سرمنشي انتونیو ګوټریش د اسرائیلو له لوري د مېشت‌ځایونو د پراختیا، د فلسطینیانو له خپلو سیمو څخه د جبري ایستلو او په اشغال شوې لوېدیځه غاړه کې د مېشت‌کېدونکو د تاوتریخوالي د زیاتېدو په اړه ژوره اندېښنه څرګنده کړې ده.
ګوټریش پر خپلې ایکس‌پاڼې خبرداری ورکړی، چې د دې وضعیت دوام د ځپنې فضا رامنځته کوي او د قومي تصفیې خطر زیاتوي.
هغه ټینګار کړی، چې دغه اقدامات باید پای ته ورسېږي او د فلسطین د خلکو د برخلیک ټاکلو د مشروع حق له تحقق پرته په منځني ختیځ کې د تلپاتې سولې ټینګښت ناشونی دی.

187 views17:11

This media is not supported in your browser

2:07

د معیار او کیفیت ادارې پلاوی د اسلامي هېوادونو ترمنځ د تخنیکي همکاریو پیاوړتیا غونډه کې د ګډون لپاره د روسیې کازان ښار ته تللی دی.

174 views17:48

This media is not supported in your browser

1:31

د پېښو پر وړاندې د مبارزې او چمتوالي اداره وايي چې تېره یوه میاشت کې یې له کورنیو او بهرنیو موسسو سره د ۷ میلیونه ډالرو په ارزښت هوکړه لیکونه لاسلیک کړي.

162 views19:28

د ایران ولسمشر مسعود پزشکیان د ګاز صادروونکو هېوادونو د ټولنې په اتمه سرمشریزه کې د ګډون او وینا په موخه د روسیې پلازمېنې مسکو ته رسېدلی دی.

د ایراني رسنیو د راپورونو له مخې، پزشکیان به د دې غونډې په څنډه کې د روسیې له ولسمشر او د غونډې له یو شمېر نورو ګډونوالو مشرانو سره هم لیدنې او خبرې وکړي.

194 views20:16

د نن سې شنبې ورځې تاریخ!

177 views02:05

روسیې او اوکراین د سې‌شنبې په ورځ د روسیې تر کنټرول لاندې په اولشکي ښار کې د لنډ مهاله اوربند د ټینګښت خبر ورکړ.

د دغه اوربند موخه په یاد ښار کې د بشري مرستو رسولو لپاره د زمینې برابرول بلل شوي دي.

د رویټرز خبري اژانس د روسیې د دفاع وزارت په حواله راپور ورکړی، چې د مسکو پر وخت د سهار له څلورو بجو راهیسې د اوکراین د خرسون ښار پر لوري د توپونو بریدونه درول شوي، څو په اولشکي ښار کې د بشري مرستو د عملیاتو د پیل لپاره زمینه برابره شي.

171 views03:43

د عامې روغتیا وزیر مولوي نور جلال جلالي د ترکیې هېواد د میډیپول روغتونونو او روزنیز ګروپ له پلاوي او د سرپل ولایت د سنچارک ولسوالۍ له قومي مخورو سره لیدنه کې د روغتیایي خدمتونو پیاوړتیا په اړه خبرې کړي.
په لیدنه کې د ترکیې له پلاوي سره د ځانګړي روغتون د جوړولو، د امبولانسونو د بېړنیو خدمتونو، د تجربو د شریکولو او د روزنیزو پروګرامونو د پلي کولو په برخو کې د همکارۍ طرحې وڅېړل شوې.

همداراز، د سنچارک ولسوالۍ قومي مشرانو د روغتیايي خدمتونو د پراختیا، د موجوده روغتون د امکاناتو د لوړولو او په دې ولسوالۍ کې د یوه عمومي روغتون د جوړولو غوښتنه وکړه.

د عامې روغتیا وزیر اړوندو مسئولینو ته لارښوونه وکړه، چې د دغې ولسوالۍ د روغتیايي ستونزو د حل لپاره لازم اقدامات ترسره کړي.

170 views04:09

د بهرنیو چارو وزارت د ډيپلوماسۍ انستیتیوت رییس عبیدالله اخندزاده د مالیزیا د نړیوال اسلامي پوهنتون له رییس پروفیسر عثمان بکر سره لیدلي.
په دې لیدنه کې دواړو لوریو د ښوونیزو او علمي همکاریو پر پراختیا، افغان ‌ډیپلوماټانو او کارکوونکو ته د روزنیزو پروګرامونو پر جوړولو او د متخصصینو د تجربو پر شریکولو خبرې وکړې.

همداراز، ښاغلي اخندزاده د «ګډې همکارۍ له لارې هوساینه» تر سرلیک لاندې د یوې ورځې نړیوال سمپوزیم په څنډه کې د مالیزیا د بهرنیو چارو وزارت د ډیپلوماسۍ او نړیوالو اړیکو انسټیټیوټ له مشرې، داتو روز شازیلا عثمان سره هم لیدنه کړې.

په دې لیدنه کې د دواړو انسټیټیوټونو ترمنځ د همکاریو پر پراختیا خبرې شوې.

159 views05:04

3:00

د ترکیې پلاوي د راډیو عمومي ریاست له لوی رییس او نورو مسولینو سره په لیدنه کې د دوه‌اړخیزو اړیکو په اړه خبرې وکړې.

161 views05:24

د کلیو د بیارغونې او پراختیا وزارت وایي، چې د کندهار ولایت په سپین‌بولدک او لوړ شاه‌ولیکوټ ولسوالیو کې د ۵۲ میلیونه افغانیو په ارزښت د دوو پراختیایي پروژو چارې پيل شوې.
په دغو پروژو کې د یو زرو او۳۱۰ متره په اوږدوالي د استنادي دیوال، د ۳.۶۱ کیلو متره په اوږدوالي د جغلي سړک او ۵۴۵ متره په اوږدوالي د معبر جوړول شامل دي.

167 views06:24