د عامې روغتیا وزیر مولوي نور جلال جلالي د ترکیې هېواد د میډیپول روغتونونو او روزنیز ګروپ له پلاوي او د سرپل ولایت د سنچارک ولسوالۍ له قومي مخورو سره لیدنه کې د روغتیایي خدمتونو پیاوړتیا په اړه خبرې کړي.
په لیدنه کې د ترکیې له پلاوي سره د ځانګړي روغتون د جوړولو، د امبولانسونو د بېړنیو خدمتونو، د تجربو د شریکولو او د روزنیزو پروګرامونو د پلي کولو په برخو کې د همکارۍ طرحې وڅېړل شوې.

همداراز، د سنچارک ولسوالۍ قومي مشرانو د روغتیايي خدمتونو د پراختیا، د موجوده روغتون د امکاناتو د لوړولو او په دې ولسوالۍ کې د یوه عمومي روغتون د جوړولو غوښتنه وکړه.

د عامې روغتیا وزیر اړوندو مسئولینو ته لارښوونه وکړه، چې د دغې ولسوالۍ د روغتیايي ستونزو د حل لپاره لازم اقدامات ترسره کړي.

د بهرنیو چارو وزارت د ډيپلوماسۍ انستیتیوت رییس عبیدالله اخندزاده د مالیزیا د نړیوال اسلامي پوهنتون له رییس پروفیسر عثمان بکر سره لیدلي.
په دې لیدنه کې دواړو لوریو د ښوونیزو او علمي همکاریو پر پراختیا، افغان ‌ډیپلوماټانو او کارکوونکو ته د روزنیزو پروګرامونو پر جوړولو او د متخصصینو د تجربو پر شریکولو خبرې وکړې.

همداراز، ښاغلي اخندزاده د «ګډې همکارۍ له لارې هوساینه» تر سرلیک لاندې د یوې ورځې نړیوال سمپوزیم په څنډه کې د مالیزیا د بهرنیو چارو وزارت د ډیپلوماسۍ او نړیوالو اړیکو انسټیټیوټ له مشرې، داتو روز شازیلا عثمان سره هم لیدنه کړې.

په دې لیدنه کې د دواړو انسټیټیوټونو ترمنځ د همکاریو پر پراختیا خبرې شوې.

د ترکیې پلاوي د راډیو عمومي ریاست له لوی رییس او نورو مسولینو سره په لیدنه کې د دوه‌اړخیزو اړیکو په اړه خبرې وکړې.

د کلیو د بیارغونې او پراختیا وزارت وایي، چې د کندهار ولایت په سپین‌بولدک او لوړ شاه‌ولیکوټ ولسوالیو کې د ۵۲ میلیونه افغانیو په ارزښت د دوو پراختیایي پروژو چارې پيل شوې.
په دغو پروژو کې د یو زرو او۳۱۰ متره په اوږدوالي د استنادي دیوال، د ۳.۶۱ کیلو متره په اوږدوالي د جغلي سړک او ۵۴۵ متره په اوږدوالي د معبر جوړول شامل دي.

د بهرنیو چارو وزیر مولوي امیرخان متقي د امیرالمؤمنین حفظه‌الله تعالی د «عقیده اهل السنة والجماعة» کتاب د علمي ارزښت، هر اړخیزتیا او اهمیت په اړه علمي غونډه کې وويل، چې دغه اثر د اسلامي عقیدې په زده‌کړه او پیاوړتیا کې اغېزناک دی.
نوموړي ټینګار وکړ، چې د اسلامي ټولنې هر وګړی باید د عقیدوي مسایلو په اړه پوره پوهاوی ولري.
نور ولولئ⬇️
https://rta.af/news/nshst-aalmy-drbarh-arzsh-ktab-aakydh-ahl-alsn-oalgmaaa-brgzar-shd

د زندانونو چارو د تنظیم له ادارې څخه د عدلیې وزارت ته «د ماشومانو د اصلاح او تربیې(دارالتأدیب) مرکزونو» د لېږد مؤظف شوي پلاوي خپله لومړنۍ ناسته ترسره کړه او د دغو مرکزونو د لېږد رسمي چارې یې پیل کړې.
نور ولولئ ⬇️

https://rta.af/news/rond-rsmy-antkal-mrakz-aslah-o-trbyt-atfal-bh-ozart-aadlyh-aghaz-shd

د ۱۴۴۸ هجري قمري کال د جمادي‌الاولی میاشتې پر اوومه نیټه د عالیقدر امیرالمؤمنین حفظه‌الله تعالی د ۱۴م ګڼه حکم له مخې د ماشومانو د اصلاح او روزنې مرکزونه (دارالتأدیب) د زندانونو چارو د تنظیم له ادارې بېل او عدلیې وزارت ته ولېږدول شول.
نور ولولئ⬇️

https://rta.af/leader-decrees/hkm-aaalykdr-amyralmomnyn-hfthhallh-drbarh-antkal-mrakz-aslah-o-trbyt-atfal-bh-ozart-aadlyh

د غوښې تولید او پروسس( مسلخ) په برخه کې د امارتي شرکت فعالیتونه.

د دفاع وزارت د مرکزي قطعاتو اوساحوي قول‌اردوګانو ۱۱۳ تنه منسوبین د عبدالله بن مسعود رضي الله عنه د جګړه‌ییزو ګډو زده‌کړو قوماندانۍ د مسلکي کورسونو له درې میاشتنیو نظري او عملي زده‌کړو ترلاسه کولو وروسته فارغ شول.

ورته مهال یادو فارغانو ډاډ ورکړی چې د هېواد له سرحداتو او اسلامي نظام څخه د دفاع او ساتنې په برخه کې هر ډول سرښندنې ته چمتو دي.

د ریاست‌الوزرا اقتصادي معاونیت وايي، د تدارکاتو کمېسیون په وروستۍ غونډه کې د هلمند له دوه‌لارې تر هراته د عمومي لویې لارې د لومړۍ او څلورمې برخې د بیارغونې پروژې، چې ټولیز لګښت یې شاوخوا ۱۲۰ میلیونه افغانۍ کېږي، منظور شوې ده.
نور ولولئ👇
https://rta.af/news/shahrah-aamomy-az-dorahy-hlmnd-ta-hrat-bazsazy-myshod

د کورنیو چارو وزارت له لوري، هغو کسانو ته چې د خپلو شخصي کورونو د ساتنې لپاره یې د وسلو ګرځولو جوازونه ترلاسه کړي، خبرداری ورکړل شوی، چې له یادو وسلو څخه یوازې د خپلو شخصي کورونو د ساتنې لپاره کار واخلي.

د دغه وزارت د خبرتیا پر بنسټ، یاد کسان یوازې د خپل کور د ساتنې لپاره د ورکړل شوې وسلې د کارولو اجازه لري او د دغې وسلې کارول د ځان ساتنې، دوکان، سوداګریز ځای یا نورو موخو لپاره د نافذه اصولو خلاف عمل ګڼل کېږي.

د کرنې، اوبو لګولو او مالدارۍ وزارت مرستیال مولوي صدراعظم عثماني، د ازبکستان د کرنې وزارت له مرستیال جمشید عبدوذوکروف او د دواړو هېوادونو له متخصصینو سره په انلاین ناسته کې د کرنې او مالدارۍ په برخو کې د همکاریو پر پراختیا خبرې کړې دي.
نور ولولئ👇
https://rta.af/news/gftogoy-afghanstan-o-azbkstan-drbarh-gstrsh-hmkaryhay-zraaaty

د احصایې او معلوماتو ادارې اعلان کړی، چې د روان کال په لومړیو شپږو میاشتو کې د هېواد د صادراتو ارزښت ۵۹۸ میلیونه او ۵۰۰ زره ډالرو ته رسېدلی دی.

یادې ادارې همداراز ویلي، چې په دغه موده کې د هېواد د وارداتو ارزښت له ۶ میلیارده او ۶۵۶ میلیونو ډالرو څخه زیات و.

وچه او تازه مېوه، طبي بوټي، معدني مواد او کرنیز تخمونه د هېواد له مهمو صادراتي توکو څخه بلل شوي دي.

لنډ خبرونه | ۱۴۰۵/۰۸/۰۵
د بهرنیو چارو وزیر د «اهل السنة والجماعة عقیده» کتاب د علمي ارزښت په اړه علمي غونډه کې ټینګار وکړ، چې د اسلامي ټولنې هر وګړی باید د عقیدوي مسایلو په اړه پوره پوهاوی ولري

د امربالمعروف، نهی عن‌المنکر او شکایتونو اورېدو وزیر شیخ محمد خالد حنفي، ځوانانو او محصلینو ته په یوه غونډه کې ویلي، چې د افغانستان راتلونکی نسل به د اسلامي شریعت، ځمکنۍ بشپړتیا او خپلو ارزښتونو ساتونکي وي.
ښاغلي حنفي زیاته کړې، چې اوس په هېواد کې تعصب له منځه وړل شوی او ټول یو ملت دي.

د بهرنیو چارو وزیر مولوي امیرخان متقي «له نشه‌يې توکو سره د افغانستان اسلامي امارت مبارزه، واقعیتونه او لاسته راوړنې» تر عنوان لاندې جوړې شوې غونډې ته په خپلو خبرو کې ویلي، چې اسلامي امارت د نشه‌يي توکو د کښت د ساحوي څارنې په برخه کې له نړیوالو بنسټونو سره همغږۍ ته چمتو دی.

د کلیو د بیارغونې او پراختیا وزیر ملا عبداللطیف منصور په افغانستان کې د یونیسف دفتر له استازې او مل پلاوي سره د دغه بنسټ د پراختیايي پروژو په اړه خبرې کړې دي.

ښاغلي منصور د یونیسف د همکاریو د ستاینې ترڅنګ، د پروژو پر باکیفیته او پر وخت پلي کېدو ټینګار کړی دی.

د یونیسف دفتر استازې ډاډ ورکړی، چې د کلیو د بیارغونې او پراختیا وزارت په همکارۍ سره به نورې پراختیايي پروژې هم پلي کړي.

د بهرنیو چارو وزارت په کوربه‌توب «له نشه‌يي توکو سره د افغانستان اسلامي امارت مبارزه، واقعیتونه او لاسته راوړنې» تر عنوان لاندې غونډه، په کابل کې د بېلابېلو هېوادونو سفیرانو، دیپلوماتانو او د نړیوالو سازمانونو استازو په ګډون ترسره شوه.

د بهرنیو چارو وزیر مولوي امیرخان متقي ویلي چې د نشه‌يي توکو د کښت، تولید، پروسس، قاچاق او استعمال د ممنوعیت په اړه د اسلامي امارت دریځ پریکنده او قاطع بللی دی.

ښاغلي متقي د افغانستان په ګاونډ کي په ډیره پراخه پیمانه د نشه‌يي توکو کښت او قاچاق په اړه اندېښنه ښودلې او په وینا یې، که نړیواله ټولنه یې مخنیوي ته پاملرنه ونه کړي، د یادې پدیدې په اړه به د افغانستان مبارزه نیمګړې پاتې شي.

د بهرنیو چارو وزارت مالي او اداري مرستیال ډاکټر محمد نعیم، د نشه يي توکو مخنیوي په برخه کې له افغانستان سره تخنیکي همکارۍ او سیمه‌ییزه همغږي اړینه بللې او په دې برخه کې یې د نړیوالې ټولنې پر دوامدارې همکارۍ ټینګار کړی دی.

مسیر؛
د پوهنتون استاد محمد اسماعیل یون وايي، اوس مهال پاکستان په سیاسي او اقتصادي توګه ستر زیان لیدلی دی.
بشپړه خپرونه
https://youtu.be/-rtliCJ7Spk

د کډوالو او راستنېدونکو چارو وزیر مولوي عبدالکبیر، د کابل جهادي مدرسې له مهتمم شیخ محمد ابراهیم او شیخ محمد فقیر محمدي سره لیدلي دي.

مولوي عبدالکبیر په دې لیدنه کې په هېواد کې د دیني علومو پرمختګ مثبت بللی او ویلي یې دي چې اسلامي امارت د دیني او عصري علومو پراختیا ته ژمن دی.

ورته مهال شیخ محمد ابراهیم ویلي چې د اسلامي امارت له بیا واکمنېدو وروسته، جهادي مدرسو د نورو دیني مرکزونو ترڅنګ د پام وړ پرمختګ کړی دی