د افغانستان د کانونو لومړني ځانګړي نندارتون پرانېست‌غونډه کې د کانونو او پټرولیم وزیر ملا هدایت‌الله بدري ویلي، د کانونو په استخراج کې تر ۱۸۰ زرو ډېر کسان پر کار بوخت دي.

د صنعت او سوداګرۍ وزیر نورالدین عزیزي، د افغانستان د کانونو لومړني ځانګړي نندارتون پرانېست غونډې مراسمو کې ویلي، چې تر یوه کال پورې به د افغانستان د صادراتو پروسس مرکز پرانیستل شي.

د صنعت او سوداګرۍ وزیر نورالدین عزیزي، د افغانستان د کانونو لومړني ځانګړي نندارتون پرانېست غونډې مراسمو کې ویلي، چې د کانونو د پلور ټول بهیر شفاف شوی دی.

لنډ خبرونه| ۱۴۰۵/۰۸/۰۶
د افغانستان د کانونو لومړنی ځانګړی نندارتون نن (چهارشنبه) په کابل کې د لوړ پوړو مسوولینو په حضور کې پرانیستل شو.

د ریاست‌الوزرا اقتصادي معاونیت وايي، چې د کندهار د شوراندام د سمنټو تولیدي کارخونې لومړی فاز به په نږدې راتلونکي کې د ۱۵۰ میلیونه ډالرو په ارزښت ګټې اخیستنې ته وسپارل شي.

د اقتصادي معاونیت د خبرپاڼې له مخې، د دې فاز د ورځني تولید ظرفیت ۱۵۰۰ مټریک ټنه دی او د یادې کارخونې د درې واړو فازونو ټولیز تولیدي ظرفیت به هره ورځ ۵۰۰۰ مټریک ټنو ته ورسېږي.

د شوراندام د سمنټو کارخونې لومړی فاز به زرګونو کسانو ته په مستقیم او غیرمستقیم ډول د کار زمینه برابره کړي.

په ناروې کې د افغانستان سفارت سرپرست نجیب‌الله شاهین، د دغه هېواد لپاره د اندونیزیا له سفیر تکو فایزاشیا سره وکتل.

په ناروې کې د افغانستان سفارت وايي، په دې کتنه کې د دوه اړخیزو اړیکو پر پیاوړتیا او په افغانستان کې د پانګونې پر فرصتونو او اسانتیاوو خبرې شوې دي.

د ننګرهار ولایت د هسکې مېنې ولسوالۍ اوسېدونکي په دې ولسوالۍ کې د روانو پروژو له پلي کېدو خوښي څرګندوي او د لا ډېرو پرمختیايي پروژو د پلي کېدو غوښتنه کوي.

د لوګر ولایت د مرکز اړوند ګمبزې سیمه او د محمداغې ولسوالۍ په سفیدسنګ سیمه کې، د دوو جلا ترافیکي پېښو له امله دوه کسان شهیدان او لس نور ټپیان شوي دي.

د لوګر ولایت مقام وايي، امنیتي منسوبین د پېښو ځای ته رسېدلي او د ټپیانو ژغورنې لپاره یې لازم اقدامات ترسره کړي دي.

د امر بالمعروف، نهی عن المنکر او شکایتونو اورېدلو وزارت له لوري په هېواد کې پر پټاقیو او نورو غږ لرونکو توکو د بندیز له اعلان وروسته، د ننګرهار یو شمېر اوسېدونکي د دغه اقدام هرکلی کوي.

د ترکیې هېواد د ازګردر خیریه ټولنې له رییس رضوان کایا سره ځانګړې مرکه.

د میدان وردګ په چک ولسوالۍ کې د اوبو رسولو د څلورو شبکو د جوړېدو او ۶۵ ژورو څاګانو د بیارغونې پروژې ګټې اخیستنې ته وسپارل شوې.

د لغمان لرې پرتې فراشغان ولسوالۍ ته د سړک جوړونې او پراخوالي چارې پیل شوې دي.

د غزني د پوهنې ریاست مسوولین وايي، په دغه ولایت کې دا مهال د ۷۰ میلیونه افغانیو په لګښت د بېلابېلو ښوونځیو د بیارغونې چارې روانې دي.

په مزارشریف ښار کې « د اسلامي نظام تر چتر لاندي د شريعت د نفاذ او همغږۍ» ولسي غونډه ترسره شوه.

د چاپېریال ساتنې ادارې عمومي رییس مولوي مطیع‌الحق خالص مالیزیا کې د چاپېریالي زده کړو نړیوال کنفرانس کې ګډون کړی.

کاوش؛
د نړیوالو اړیکو کارپوه ډاکټر سمیر انګار وايي، د اسلامي امرات په بیا واکمنۍ سره د مخدره توکو تولید او قاچاق صفر ته را ټیټ شوی دی.
بشپړه خپرونه👇
https://youtu.be/egAyFT-XFXY?si=q6D1Z2pXhF-aqe_Q

په هېواد کې د بېوزلۍ د کمولو لپاره د اغېزناکو لارو چارو د موندلو هڅې روانې دي.

د ملګرو ملتونو امنیت شورا د سې شنبې ورځ د ښځې. سوله او امنیت تر سرلیک لاندې د یوې غونډې کوربه و.