كلش تساهيل

النفس مكتفيه وكلش تساهيل
ماهمني من جاء ومن راح مره

الحال طيب والبشاير مقابيل
واللي رحل مافي غيابه مظره

عبدالله حمود كسران

‏انس

‏لو تحب الكوع الايسر واليمين
‏ولو تشوف اصغر نجوم القايله
‏
‏حتى لو تاتيبه العذر السمين
‏انس اضمك ضمن كرت العايله

عبدالله حمود كسران

‏انهدم ساسه

‏ترى الهم متسلط على مرهف الاحساس
‏يخليه من كثر العنا يفقد احساسه

‏بعد كان طيبه والوفا والتسامح ساس
‏تغير من هموم الزمن وانهدم ساسه

‏يكن الجروح بداخله عن عيون الناس
‏وعلى كثر حزنن صايبه مادرو ناسه

‏حياته على طول الدهر كلبوها اتعاس
‏ولا باح للقاصين والداني عن اتعاسه

‏عبدالله حمود كسران

• عناء الهوجاس

وحيد وزود احزاني عناء الهوجاس والتفكير
ولا به حي  فالدنيا  تنشد  عن عناويني

ضميت ولا لها بخل السنين الموحشه تفسير
ودمعي لاحتمى حر  النهار  الشين  يرويني

جريح إمن الزمان  وشايفن جرحه بلا  تبرير
الا وين الطبيب اللي من  اجراحي  يداويني

بعد ماداجت اقدامي عثرت ولا قويت أسير
دخيلك يالحمامه غردي  صوتك يسليني

اشيل بصدري اوجاعي وهمي ثقل ضلع النير
ولو تضحك معي دنيا الشقا ماعاد تغريني

تعبت وقاف شعري ياعسى ماخانه التعبير
عليه الحمل  زايد  وان بغيته مايخليني

• عبدالله  حمود  كسران

• حزين من الالم

حزين من الألم ولا ثقيل الهم له تاثير
دخيل الدمعتين اللي تحدر  وش تبي فيني

آخيل الماء ولمح الماء ومزن الماء قبل ماسير
تهيا للضما ياكل عرقن بان بيديني

دخيل الغيم والجو العليل ورفرفات طوير
دخيلك مايصح بفرحتي يالحزن تبكيني

ترفق وانظر دموع المحاجر جالها تقطير
وعلامك كل مابين ظلام الليل تاتيني

انا ما جيتلك مختار وانت اللي علي مغير
وانا فيني من اوجاع السنين اللي مشقيني

ترى يالحزن  مع  ليل الشتاء  ماينفع التصبير
وتراك انت العذاب اللي تشوفه دايمين عيني

• عبدالله حمود كسران

‏•
أتجافى لين صوت المساجد كبرت
‏الله أكبر جل شانه ولا يعبد سواه

‏ عبدالله حمود كسران

كلي ترى حزن وعناء وهموم
وكل الجروح انت السبب فيها

اقفيت عني ياحلال القوم
وجروح قلبي من يداويها

ماقوى على فرقاك حتى يوم
ودموع عيني ماقدر اخفيها

باصبر على ماصار والمقسوم
وانسى غثا الدنيا واهاليها

شفت الظليمه والعتب واللوم
والروح لجلك دوم مشقيها

عبدالله حمود كسران

‏•
‏دام الهقاوي خابت ظنونها فيك
‏ونفسك مرور الوقت بين خفاها

‏صرت اتحاشى جيتي في حراويك
‏والروح ماتشفق على من جفاها

‏ماعاد ابي قربك وشوفك وطاريك
‏خلاص تجريح المشاعر كفاها

‏بارحل مع البدوان وابعد واخليك
‏وجروح قلبي عند ربي شفاها

‏عبدالله حمود كسران

تقدر آبليل الدجى عد النجوم
ماعتقد لكن ابي منك الجواب

شف غلاك يزيد عندي كل يوم
واعترافك بالمثل عين الصواب

يالذهب يالماس يالقلب الرحوم
اطلب الله يمنحك حسن الثواب

عبدالله حمود كسران

-
طيف ذكراك

وشلون باصبر واحتمل نار فرقاك
والشوق ياكل من طوارف ضلوعي

رحلت عني مابقى غير طرياك
وصديت مقفي قبل ماسد جوعي

لجل الغلا لامرني طيف ذكراك
هلت على شانك سحايب دموعي

ماتدري اني بين شوفك ولقياك
القلب هايم غصب ماهوب طوعي

الجرح ينزف والمعاليق تنعاك
والعين تسهر والخلايق هجوعي

عبدالله حمود كسران

‏يا ليتنا بيت الشعر ماطويناه
ولا سكنا بعاليات العماير

ياليت يرجع وقتنا اللي قضيناه
وقت القلوب الصافيه والضماير

الجار لامنه بغى الجار يلقاه
وكلن يجي جاره على طول زاير

والضيف لامنه لفانا نطحناه
ونقدره لو وقتنا بالحيل جاير

• عواد مفلح الحويطي
——————-

لاشك شفنا ماذكرته وعشناه
زين النفوس وطيب خاف السراير

الله واكبر كم شعيبن نزلناه
وعيني على الذكرى تهل العباير

واليوم عم الخير والله شكرناه
من بدو رحل للمدن والحواير

ومن بعد رث احوالنا والمعاناه
نسكن قصور وحالنا زين صاير

• عبدالله حمود كسران