‏"تركتك للراضين بالسهل و مُحبين البقايا
‏و أخترت أتجاوز سوادك لا الطخ بياضي"

"إلى آخر مدى صبري عسَاي من التعب مأجور
‏ولا أكون القنوط الِّلي جزع من كثر حِرمانه"

"كل ما بانت خيوط الشمس من شرق المدينة
‏ما ذكرت إلا سناك .. و ما فقدت إلا مجيّه"

‏"جيتك غريبٍ ضايع الخطوات في ليلٍ طويل
‏ابصرت بك فجرٍ ضحك لي نوره وغيثه همى"

على وجهك من إسهاب الكلام ولوعة الكتمان
مايجبر شاعرك، يغوي بشر و يهيم في وادي

عرفتك و الهوى طيشه عنيف وضحكتك طوفان
بغيت أقاومك و اللي يقاوم ضحكتك غادي!

على غفلة من عيون الحرس يادرة النعمان
‏عطيتك مايفرح صاحبي ويغلّ حسادي

أحبك و العمر صبره سجين وسطوته سجّان
مع غيرك؟ حدودي ثابتات ومعك متمادي!

تشوف الليل و الصبح الندي، وأشوفهم سيَّان
معك مانيب أشوف إلا الجروح ووجهك الهادي

تناسى ضحكتي شعري ظروفي بيتي الريان
و لكن لا تناسى وجهي، و تاريخ ميلادي!

يهون اللي يصير إن عاد لي وسط الوطن عنوان
يجدد سيرتي صبح الحنين إن غطرف الشادي

‏"دعيتك والكفوف المستغيثة خاليات يدين
‏يا ربّي لا تعوّد خاليات .. الَّا من ذنوبي"

‏"أنا فرصة قلوبٍ ضعت منها لين جاك الدور
‏خياراتك معك و إن طعت شوري لا تضيعني"

"قطعت بشقّ الأنفس من مفارق يديك أميال
‏ولا أدري كيف رجّعني حَنيني لأول دروبي"

‏"رجعت من الغياب المر لكن ما رجعت إيّاي
‏ يا ليت اللّي يرد الغايبين .. يردّني يمي"

"كنت أحسب اللي بيننا جفوّة ويمديها تزول
وأثر الجفاء اللي بيننا فجوّة وقامت تتسع"

"لو يجوب السماء والأرض للنسيان ما يمديه
‏ثقيل اسمي عليه ولا يمر البال خفّافي"

"رفرفي يارآية التوحيد من عصر المؤسس
لين عيسى يذبح الدجّال وتقوم القيامه"

صباح الخير لكل بن آدم مفعل الإشعارات

‏"يا الله لا تاه الكلَام وضَاقت رحابي
‏سخَّر لي إنسان يدعي لي مع الجمعة"

"حبيبي جيت في خوفي شعورٍ يفرض التطمين
‏مثل ما غيبتك تفرض على درب الهوى اشواقي"