((:

التخفيضات الحلاوة دي ما بتتكرر تاني.. 🥳

⭕ الكمية محدودة جدًا.

الإدناء السادة= 13.000.
النقاب الماليزي قطعتين= 4.500.

• العَرض (إدناء+ نقاب)= 16.000 فقط، بدلًا عن 17.500. 😌

الألوان المتوفرة من الإدناء: كوبي، بنفسجي، أخضر زرعي، بيجي، بيجي فاتح، رمادي، بُنِّي.
الألوان المتوفرة من النقاب: أسود، رصاصي، كبدي، أبيض، بيجي.

للطلب راسلونا على بريد الصفحة، أو على رقم الواتساب: 0100100592 🦋

‏يا رسولَ اللّٰه، أجعلُ لك صلاتي كلَّها؟

‏قال ﷺ:
‏إذًا تُكفىٰ همَّك، ويُغفَـر ذنبُك..♡

"فيا وحشة مِن مُؤنسٍ قَد عدمته!"

"اللهم وسِّع علي في ذاتي" :))

صباح الخير وجُمعة أنيسة..
«إن الرسول لنور يُستضاء به!»

أكثر الناس بؤسًا هو «الإنسان المُؤَجِّل»، الذي يقضي حياته كلها تسويفًا وتأخيرًا.

يغترب فيؤجل حياته وذاتَه حتى يعود، يحبُّ فيؤجل سعيَه حتى يذهب من يحب، يذنب فيقول: غدًا أعود؛ تدنو منه أسباب العلم والتعلم فيقول: غدًا سأتعلم.

ويظل في هذا التأجيل حتى يتآكل فيه كلُّ شيءٍ إلا زفرة متحسِّرة!

- الشيخ/ وجدان العلي

بسم الله
نفتتح التسجيل لمعارج الدورة التاسعة
ومع سورة عظيمة نتربى في أكنافها ( سورة الرعد )
و بهدية للمتميزين ( مقعدي عمرة )
قل لي : مالك ألا تحفظ سورة من كتاب الله ؟ تقرؤها متى شئت ؟
هات يدك و ناد من تحب

يستمر التسجيل حتى الثلاثاء القادم 3/10/2023

تسجيل النساء : https://forms.gle/LeHT77MpRv8UzmGm6

تسجيل الرجال : https://forms.gle/noZ3cLp8SwwkT6Ze6

سفراء معارج هو فريق من المشاركين ستوكل لهم مهام محددة بنشر برنامج معارج يحصلون بها على نقاط إضافية تعزز فرصتهم بالفوز بجائزة العمرة للانضمام للفريق من هنا : https://chat.whatsapp.com/JXLVjpcBuZTJaQ8WwGyV3O

أم ..أب ..أخ ..أخت .. صديق ..زوج ..نادهم جميعا وكونوا معنا في هذا الأسبوع المبارك
نريده أسبوعًا قرآنيًّا ..
شارك النموذج لأكبر عدد فالدال على الخير كفاعله

#معارج_الرعد
#علمتني_الرعد
#مشروع_ذكرى

اللهُمَّ يا حيلة من انقطعت بهِ الحِيل
ويا سبيل من ضاقَت بهِ السُّبُل

حنانَيكَ رَبّنا، عافِيتُكَ أوسَعُ لنا

(قصَّتي مع سورة البقرة)

اترددت كتير قبل أكتب البوست ده لكن لعل يقراه شخص واحد بَس ويعمل بما فيهِ وربنا يكتب لينا اجرو بإذنه تعالى

بداية السنة كده عييت عيا شديد خلاص وماف أي علاج نفع معاي، وكنتَ طريحة الفراش لي أكتر من شهر، بس بي التهاب!
كانت الحمى ما بتفارقني، وضيق في النَّفسِ وألم حاد في الصدر
اتشخصت بي أزمة وما كلمت زول من ناس البيت، لفّيت حكاية 3 أو 4 دكاترة كده وكلهم قالو نفس الشي
اتصلت عليّ صحبتي تشوفني بقيت كيف وأدَّتني أمها تكفّر لَي
قالت لي يا صفية خلّيهو كلام الدكاترة، وواظبي على سورة البقرة بَس وحتبقي كويسة بإذن الله!

قلتَ خلاص يا صفية انتي ما خلّيتي باب ما طرقتِيهو، أرح جرّبي اطرقي باب ربنا وإن شاء الله ما ح تخيبي

البِعرفني بعرف إني أكتر مخلوق بتجرّس من سورة البقرة، ومستعدة اقرأ القرآن في جلسة واحدة وما اقرأ البقرة شدة ما بخاف منها🤣

أها قلتا بس يا أنا يا انتَ يا إبليس
مش عامل لي فيها خايف من سورة البقرة؟!
أرح بَس قدّام ورا إعدام🤣

وقلتَ بسم الله كده جبتا لي جردل موية ختّيتو قدامي، اتوضيت واتربّعتَ في نص السرير وبديت
يوم
يومين
تلاتة يوم

عينكم ما تشوف إلا الضُلمَّة🤣
بقيت كويسة؟؟
أبدًا واللهِ عييت زيادة🤣💔
قلتا بس خلاص
عييت زيادة معناها أي مرض جواي قاعد يطفو للسطح، وإبليس يشيل ويقول لي ياخ شوفي انتي تعبانة كيف وقّفيها بتبقي كويسة
اصدّقو ؟
قلتا ليو كضَّاب
تعبان انتا ده، والليلة بَل بَس🤣

أربعة يوم
خمسة
ستة
جاتني أفكار انتحارية عديل وقلتا الدنيا دي أنا يوم واحد زيادة ما دايرة اقعد فيها، وكان ما الواطة كانت ليل، كان وقعت البحر

سبعة يوم
تمنية
عشرين، تلتين يوم

بديت أحس بالعافية، البركة، والخير اترادم عليّ حرفيًا
قدر ما تتقفل من باب، تتفتح من باب أكبر منو
ما ضاقت عليّ إلا وربَّنا فرّجها
ما بكيت إلا وضحكت بعدها
ما عييت إلا وكان شفائي في سورة البقرة

شهرين، تلاتة شهور، أربعة
الحياة ماشة معاي فُلّة شمعة منوّرة♥️!

أنا الكنتَ قاعدة 3 سنوات فيها ما قادرة احفظها
حفظت سورة البقرة من التكرار سبحان الله، وبقيت بسردها غيبًا بدون ارجع للمُصحف بحمد الله

يوم من أيام النزوح دي
نايمين كلنا في الحوش، أنا وأمي وخالتي سرايِرنا قُصاد بعض
كنت بقرا شوية وأحس بي تعب، اسكت وتاني أواصل
غفيت وسامعة صوت الناس بعيييييد كده،
خالتي قالت لي أمي اليومين ديل صفية رجعت تاني لمن تقرأ البقرة تتعب!
قالت ليها أمس بالليل زي الساعة 3 كده جاتني صَحية وشايفة سرير صفية ده فيو نور، بقيت أقول ليها يا صفية مش قلنا ليك ما تساهري في التلفون
وهي ما ردت لي، قلتا إلا لابسة سمّاعة
قمتا من سريري رفعت من وشها البطانية لقيتا نايمة!
قلتا سبحان الله!!

ما تأويل النور ده إلا سورة البقرة وبركتها علينا واللهِ!
من سمعت الكلام ده
أقسمت على نفسي إني لو بيني وبين الموت سورة البقرة، أجيبا حتى أموت!
واسأل الله إنو اليوم اللي ح تُقبض فيهو روحي، أكون قريت سورة البقرة حتى مُتَّا!

فيا اخوانا
سورة البقرة في بدايتها حارة ليه؟!
لأننا ببساطة شديدة مفرّطين في الأذكار والتحصين، والعين حق!
فما ممكن تكون ماشي وجايي بدون تحصين، وما عايز تُصَاب بالعين أو الحسد أو غيرو

كل التعب ده هو في الحقيقة دَرِب عافية وخير
ووالله مع الالتزام والتعويد ح تلقو روحكم ونَفَسكم سورة البقرة

ياخ أقول ليكم شي؟
شُفتو صداع الجَّبنة داك لمن تفوت مواعيدها وما تشربا؟!
أها أنا بقيت كان ما قريت سورة البقرة دي قبل يجي الليل، بصدّع عديل، اللَهمَّ أدِمها نِعمَة🤣♥️

الظريف في الموضوع
بقيت محل ما أمشي أقابِض الناس من طرف، أرح اقرو معاي سورة البقرة

اقرّب امسك الناس في الشارع أقول ليهم ياخوانَّا اقرو سورة البقرة ياخ🤣!

ما لقيت من سورة البقرة إلا البركة والخير في نفسي وأهل بيتنا، وكل زول نزلتَ معاهو فترة نزوحنا دي وبدأ يقراها معاي
سِعَة في النفس والرزق والأهل وكل شي في الحياة واللهِ فالحمدلله الحمدلله الحمدلله

ومافي ختام أفضل من قولهِ عليهِ الصلاةِ والسَّلام:
"تَعلَّموا سُورةَ البقرةِ؛ فإنَّ أَخْذَها بَرَكةٌ، وتَرْكَها حَسْرةٌ، ولا يستطِيعُها البَطَلَة" البَطَلَة=السَّحَرة

عايزين تعيشو حياة جميلة وطيبة؟! اقرو سورة البقرة ياخوانَّا♥️

#صفية_مصطفى

طيب بما إنو الناس في تعليقات الفيسبوك ورسايل الخاص كلها متحمّسة لي سورة البقرة أنَّحكي ليكم القصة دي🤣♥️

عندنا بت خالةً لينا كده، نزحتَ معاهم كم يوم في بيتهم
وأنا أساسًا اسمي في الشهادة: هيي فلانة تعالي اقري معاي سورة البقرة🤣

زولتنا دي قدر ما نناديها عشان تقراها معانا، بتعمل ليها حجة من ماف تختفي بيها وما تظهر إلا بعد نقول صدق الله العظيم🤣

أها اليوم داك قلتا ليها الليلة من هنا دي ماف ليك قومة كان ما جبتي معانا سورة البقرة، وبالفعل قعدت الحمدلله
تدرون ليش؟! عشان قلتا ليها أرح اقري معانا سورة البقرة عشان أمورك تزبط وتعرّسي سريع🤣❤️
هي كانت مخطوبة جديد كده بس لسه العرس ما اتحدد ولا قالو شي،

أها يوم يومين تلاتة من الالتزام ما شاء الله
دقَّ ليها خطيبها ونحنا قاعدين عايزين نقراها

اسمعا ليك تقول ليو،
هوي أنا ما فاضية ليك ماشة اقرأ سورة البقرة، انتا زاتك امشي اقراها خلي عوارضنا دي تفك🤣

قلتا ليها يا بتي ده شنو ده ده!؟
قالت لي "بي لهجتنا بتاعت الجزيرة"

أكان باريتو في الكلام بمرقني في الساعة ١٢ بالليل ما بلقى زول يقراها معاي🤣❤️

الشاهد، إني تاني يوم مشيت منهم وجاتني بُشريات إنهم هي وأختها التزمو بي قرايتها يوميًا تبارك الرحمن

وتوالت البُشريات جد جد ما شاء الله وفجأة العريس قال ليهم جايين نعقد بكرة، وعقدو ياخوانَّا🤣🔥

الخُلاصة:
اقرو سورة البقرة ياخوانَّا خلُّو عوارضكم دي تفِك🤣♥️

#صفية_مصطفى
#سورة_البقرة

اللهم عوناً وسداداً

وسيرٌ على درب السلامة نعمةٌ
و إن كان سيراً تعتريه العوائقُ

و نوم على فضل أتى حين غرّة
دليل على النُعمى و فيها فوارق

فإنّي و أنتم سائرون إلى الهدى
نخاف انتكاسا سببّته السوابق

ونرجو من الله المعونة والهدى
ثباتا بـ سيرٍ  أرهقته المزالق

و تأتي من الله العزائم والقُوى
على ما تَقرّبنَا و هاذِ فوارقُ