Samarqand iqtisodiyot va servis instituti iqtisodiyot fakulteti Amir Temur tavalludi munosabati bilan e’lon qilingan “Amir Temur oyligi” doirasida talaba-yoshlar uchun mazmunli va amaliy ekskursiya tashkil etildi. Ushbu tadbir yoshlar ongida milliy tariximizga boʻlgan hurmatni yanada mustahkamlash, buyuk sarkarda va davlat arbobi Amir Temurning boy merosini chuqurroq anglashga xizmat qildi.

Ekskursiya davomida talabalar tarixiy maskanlar bilan yaqindan tanishib, Amir Temur davlatchiligi, uning harbiy va siyosiy faoliyati, shuningdek, mamlakat taraqqiyotiga qoʻshgan ulkan hissasi haqida keng qamrovli ma’lumotlarga ega bo‘ldilar. Mazkur jarayon talabalarning nazariy bilimlarini amaliy kuzatuvlar bilan boyitishga xizmat qildi.

Bunday amaliy ekskursiyalar talaba-yoshlarning tarixiy tafakkurini rivojlantirish, ularni milliy qadriyatlarimiz ruhida tarbiyalash hamda vatanparvarlik tuygʻularini mustahkamlashda muhim ahamiyat kasb etadi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida “Amir Temur tuzuklari to‘plami” mavzusida davra suhbati bo‘lib o‘tdi.

Temur tuzuklari — bu Amir Temurning davlat boshqaruvi, harbiy intizom va jamiyat tartibini belgilovchi qonun-qoidalar majmuasidir. Unda adolat, tartib-intizom, kuchli boshqaruv va xalq manfaatini himoya qilish asosiy o‘rin egallaydi.

Ushbu tadbirdan asosiy maqsad talaba-yoshlarning tarixiy tafakkurini rivojlantirish, ularni milliy qadriyatlarimiz ruhida tarbiyalashdan iborat.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan talabalarning bo‘sh vaqtlarini mazmunli o‘tkazish hamda ichki turizmni rivojlantirish maqsadida o‘zlariga biriktirilgan guruhlar bilan Samarqand shahridagi "Murod Avliyo" maqbarasiga tashrif buyurishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti axborot texnalogiyalari kafedrasi tashabbusi bilan talabalarga “Bir million dasturchi” loyihasining mantiqiy davomi bo'lgan “Besh million sunʼiy intellekt yetakchilari” loyihasi haqida keng-ko‘lamli tushunchalar berildi.

Shuningdek, talabalarga aileaders.uz yoki omp.aistudy.uz taʼlim platformalari orqali o‘qib, tegishli sertifikatlarni qo‘lga kiritishlari haqida ma’lumotlar berildi.

⚪️⚪️⚪️⚪️⚪️⚪️⚪️⚪️⚪️

Samarqand iqtisodiyot va servis instituti talabalar turar joyida kechki ta’lim fakulteti tyutori P.Nabiyev tashabbusi bilan “Biz giyohvandlikka qarshimiz” mavzusida davra suhbati tashkil etildi.

Mazkur tadbir davomida bugungi kunda yoshlar orasida keng tarqalib borayotgan giyohvandlik va psixotrop moddalarning inson salomatligi hamda jamiyat hayotiga salbiy ta’siri haqida talabalarga batafsil ma’lumot berildi.

Shuningdek, ishtirokchilarga bunday zararli illatlardan yiroq bo‘lish, sog‘lom turmush tarzini tanlash hamda qonunbuzarlik va jinoyatchilikka yo‘l qo‘ymaslik zarurligi alohida ta’kidlandi. Aks holda, ushbu holatlar inson hayotida jiddiy va ayanchli oqibatlarga olib kelishi mumkinligi haqida tushuntirishlar berildi.

🌟🌟🌟🌟🌟🌟🌟🌟🌟