Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan talabalarning bo‘sh vaqtlarini mazmunli o‘tkazish hamda ichki turizmni rivojlantirish maqsadida o‘zlariga biriktirilgan guruhlar bilan Samarqand shahridagi "Murod Avliyo" maqbarasiga tashrif buyurishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti axborot texnalogiyalari kafedrasi tashabbusi bilan talabalarga “Bir million dasturchi” loyihasining mantiqiy davomi bo'lgan “Besh million sunʼiy intellekt yetakchilari” loyihasi haqida keng-ko‘lamli tushunchalar berildi.

Shuningdek, talabalarga aileaders.uz yoki omp.aistudy.uz taʼlim platformalari orqali o‘qib, tegishli sertifikatlarni qo‘lga kiritishlari haqida ma’lumotlar berildi.

⚪️⚪️⚪️⚪️⚪️⚪️⚪️⚪️⚪️

Samarqand iqtisodiyot va servis instituti talabalar turar joyida kechki ta’lim fakulteti tyutori P.Nabiyev tashabbusi bilan “Biz giyohvandlikka qarshimiz” mavzusida davra suhbati tashkil etildi.

Mazkur tadbir davomida bugungi kunda yoshlar orasida keng tarqalib borayotgan giyohvandlik va psixotrop moddalarning inson salomatligi hamda jamiyat hayotiga salbiy ta’siri haqida talabalarga batafsil ma’lumot berildi.

Shuningdek, ishtirokchilarga bunday zararli illatlardan yiroq bo‘lish, sog‘lom turmush tarzini tanlash hamda qonunbuzarlik va jinoyatchilikka yo‘l qo‘ymaslik zarurligi alohida ta’kidlandi. Aks holda, ushbu holatlar inson hayotida jiddiy va ayanchli oqibatlarga olib kelishi mumkinligi haqida tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti qo‘shma ta’limni muvofiqlashtirish bo‘limi tyutorlari hamda oʻzbek tili va adabiyoti kafedrasi professor-o‘qituvchilari tashabbusi bilan buyuk sarkarda va davlat arbobi Amir Temur tavalludining 690 yilligi munosabati bilan ma’naviy-ma’rifiy tadbir tashkil etildi.

Tadbir davomida talabalar ishtirokida Amir Temurning notiqlik mahorati, uning davlat boshqaruvidagi siyosiy va harbiy strategiyalari hamda tarixiy merosi yuzasidan kichik insho yozish tanlovi o‘tkazildi. Shuningdek, ishtirokchilarning bilimini mustahkamlash maqsadida Amir Temurning hayoti va faoliyatiga bag‘ishlangan qisqa viktorina ham tashkil etilib, talabalar faol ishtirok etdilar.

🌟🌟🌟🌟🌟🌟🌟🌟🌟