Samarqand iqtisodiyot va servis instituti buxgalteriya hisobi va menejment fakulteti tyutorlari va menejment kafedrasi professor oʻqituvchilari tashabbusi bilan fakultet talabalari uchun A.S.Pushkin nomidagi Samarqand viloyat axborot-kutubxona markazida “Men oʻqigan kitob” loyihasi doirasida kutubxona bo‘ylab ekskursiya tashkil etildi.

Ekskursiya davomida mutaxassislar tomonidan kutubxonada yaratilgan zamonaviy sharoitlar, boy kitob fondi, o‘quv zallari hamda kitobxonlarga ko‘rsatilayotgan xizmatlar haqida batafsil ma’lumot berildi. Shuningdek, kutubxonada amalga oshirilayotgan loyihalar va faoliyat yuritayotgan elektron ma’lumotlar bazalari, raqamli resurslardan foydalanish imkoniyatlari yuzasidan tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti oliy matematika kafedrasida sog‘lom turmush tarzini hayotga keng tadbiq etish va ommaviy sportni yanada rivojlantirish maqsadida shaxmat musobaqasi o‘tkazildi.

Tadbirdan asosiy maqsad sog‘lom turmush tarzini targ‘ib qilish, jamoaviy muhitni shakllantirish va sportga bo‘lgan qiziqishlarni oshirish.

🌟🌟🌟🌟🌟🌟🌟🌟🌟

Musobaqadan koʻzlangan asosiy maqsad talaba-yoshlar oʻrtasida sogʻlom turmush tarzini targʻib qilish, sportga boʻlgan qiziqishni oshirish hamda jamoaviy hamjihatlikni mustahkamlashdan iborat.

Bellashuvlarda fakultetning iqtidorli va sportsevar talabalari faol ishtirok etib, gʻoliblik uchun murosasiz bahs olib borishmoqda.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutorlari hamda jismoniy madaniyat kafedrasi tashabbusi bilan talabalar o‘rtasida sog‘lom turmush tarzini targ‘ib qilish, jismoniy faollikni oshirish hamda sportga bo‘lgan qiziqishni kuchaytirish maqsadida davra suhbati tashkil etildi.

Tadbir davomida talabalarga sog‘lom turmush tarzining ahamiyati, muntazam sport bilan shug‘ullanishning inson salomatligiga ijobiy ta’siri hamda yoshlar o‘rtasida jismoniy faollikni oshirish bo‘yicha tavsiyalar berildi. Shuningdek, sportning inson hayotidagi o‘rni, zararli odatlardan yiroq bo‘lish hamda bo‘sh vaqtni mazmunli tashkil etish masalalari yuzasidan fikr almashildi.

🌟🌟🌟🌟🌟🌟🌟🌟🌟

Kechki ta'lim fakulteti tyutorlari tashabbusi bilan "Samarqand kitob olami" do‘koniga "Men sevgan asar" loyihasi doirasida ekskursiya uyushtirishdi. Mazkur tashrif davomida talabalar do‘konning boy kitob fondi bilan tanishish imkoniga ega bo‘lishdi.

Shuningdek, ekskursiya davomida tyutorlar tomonidan kitob o‘qishning ahamiyati, o‘z ustida ishlash va intellektual salohiyatni rivojlantirish borasida qiziqarli suhbatlar o‘tkazildi. Talabalar uchun bu tashrif nafaqat ma’naviy oziqa, balki kitobxonlik madaniyatini oshirishga xizmat qiluvchi muhim tashabbus bo‘ldi.

🌟🌟🌟🌟🌟🌟🌟🌟🌟

Buxgalteriya hisobi va menejment fakulteti tyutorlari tashabbusi bilan 9-may — Xotira va qadrlash kuni munosabati bilan talabalar uchun Xotira maydoniga ma’naviy-ma’rifiy ekskursiya uyushtirildi.

Ekskursiya davomida talabalarga xalqimizning Ikkinchi jahon urushi yillaridagi jasorati, front ortidagi fidokorona mehnati hamda yurt tinchligi va ozodligi yo‘lida jon fido qilgan ajdodlarimiz xotirasini e’zozlashning ahamiyati haqida batafsil ma’lumotlar berildi.

🌟🌟🌟🌟🌟🌟🌟🌟🌟

Iqtisodiyot fakulteti tyutorlari tomonidan talabalarning mafkuraviy immunitetini mustahkamlash maqsadida “Erta turmushning oldini olish va qarindosh-urug‘ o‘rtasidagi nikohlarning salbiy oqibatlari” hamda “Yoshlarni oilaga tayyorlash” mavzularida davra suhbatlari va ma’rifat darslari tashkil etildi.

Tadbir davomida yoshlarga erta turmushning salbiy oqibatlari, qarindoshlar o‘rtasidagi nikohning tibbiy va ijtimoiy jihatlari, sog‘lom oila qurish mas’uliyati hamda oilaviy hayotga puxta tayyorgarlik ko‘rishning ahamiyati haqida batafsil ma’lumotlar berildi.

Shuningdek, yoshlarning dunyoqarashini kengaytirish, ularda mas’uliyat hissini shakllantirish, sog‘lom turmush tarzini targ‘ib qilish hamda mustahkam oila qadriyatlarini qaror toptirish masalalariga alohida e’tibor qaratildi.

🌟🌟🌟🌟🌟🌟🌟🌟🌟