Samarqand iqtisodiyot va servis institutida kechki ta’lim-2 fakulteti tyutorlari tomonidan talaba-yoshlar o‘rtasida kitobxonlikni keng targ‘ib etish, ularning o‘qigan asarlari yuzasidan mustaqil fikr va xulosalarini shakllantirish maqsadida “Bir kitob — bir fikr” mavzusida ma’rifiy davra suhbati o‘tkazildi.

Tadbir davomida talaba-yoshlar tomonidan o‘qilgan badiiy va ilmiy-ma’rifiy asarlar mazmuni, ularda ilgari surilgan g‘oyalar hamda asarlardan olingan taassurotlar haqida fikr almashildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti tyutorlari boshchiligida 1-bosqich talabalari ishtirokida “Giyohvandlikka yo‘q deymiz!” mavzusida davra suhbati tashkil etildi.

Suhbat davomida giyohvandlikning inson salomatligi, ma’naviy hayoti va jamiyat taraqqiyotiga salbiy ta’siri, uning oldini olish, yoshlarni turli zararli illatlardan asrash hamda sog‘lom turmush tarzini targ‘ib qilish masalalariga alohida e’tibor qaratildi. Talabalarga giyohvandlik vositalarining salbiy oqibatlari va ulardan himoyalanish bo‘yicha zarur tushunchalar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida tahsil olayotgan chet ellik talabalar o‘rtasida o‘zbek tili bo‘yicha respublika olimpiadasining institut bosqichi o‘tkazildi.

Olimpiadada institutning barcha fakultetlaridan iqtidorli va faol talabalar ishtirok etib, o‘zbek tilini bilish darajalarini namoyish etdilar. Jumladan, iqtisodiyot fakulteti talabasi Valeriy Chapligin, buxgalteriya hisobi fakulteti talabasi Shohjahon Ismatov hamda sirtqi ta’lim fakulteti talabasi Mehrona Vafayeva o‘zbek tilida og‘zaki va yozma topshiriqlarni bajarib, o‘z bilim va ko‘nikmalarini namoyish etdilar.

Olimpiada davomida ishtirokchilarning o‘zbek tilida to‘g‘ri va ravon so‘zlashi, yozma savodxonligi hamda til bo‘yicha bilimlari sinovdan o‘tkazildi.

🌟🌟🌟🌟🌟🌟🌟🌟🌟

Buxgalteriya hisobi fakulteti tyutorlari tomonidan “Korrupsiya — xavfsizlikka tahdid" hamda "Iqtisodiy-siyosiy manfaatlar to‘qnashuvining oqibatlari” mavzularida davra suhbati tashkil etildi.

Tadbir davomida korrupsiyaning jamiyat taraqqiyoti, davlat va jamiyat xavfsizligi, iqtisodiy barqarorlik hamda sog‘lom ijtimoiy muhitga salbiy ta’siri haqida atroflicha fikr yuritildi. Shuningdek, xalqaro korrupsiya holatlari iqtisodiy va siyosiy manfaatlar to‘qnashuvi natijasida yuzaga kelishi, uning oldini olishda huquqiy madaniyat, fuqarolik mas’uliyati va yoshlarning daxldorligini oshirish muhim ekani ta’kidlandi.

🌟🌟🌟🌟🌟🌟🌟🌟🌟

Samarqand iqtisodiyot va servisn instituti servis fakulteti tyutori tashabbusi bilan fakultet talabalari Imom Al-Buxoriy majmuasiga tashrif buyurdi.

Ekskursiyadan ko‘zlangan asosiy maqsad — talabalarning tarixiy-madaniy merosga qiziqishini oshirish, milliy va ma’naviy qadriyatlarga hurmat ruhida tarbiyalash hamda ziyorat turizmi bo‘yicha bilimlarini mustahkamlashdan iborat.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi fakulteti tyutorlari tashabbusi bilan talaba-yoshlar o‘rtasida “Talabalar o‘rtasida kiberjinoyatchilik va internet tahdidlarining oldini olish” mavzusida davra suhbati tashkil etildi.

Suhbat davomida internet va axborot texnologiyalaridan foydalanishda uchrashi mumkin bo‘lgan kiberjinoyatchilik, internet firibgarligi, fishing, soxta akkauntlar, zararli havolalar hamda boshqa kiberxavflar haqida batafsil ma’lumot berildi. Shuningdek, internetdan xavfsiz foydalanish, shaxsiy ma’lumotlarni himoya qilish va turli kiberxavflardan ogoh bo‘lish bo‘yicha tavsiyalar berildi.

🌟🌟🌟🌟🌟🌟🌟🌟🌟