Samarqand iqtisodiyot va servis instituti xalqaro iqtisodiy munosabatlar fakulteti tyutorlari tashabbusi bilan talaba-yoshlar o‘rtasida “Kitobxonlik madaniyati va uning ahamiyati” mavzusida davra suhbati o‘tkazildi.

Tadbir davomida kitob mutolaasining yoshlar dunyoqarashini kengaytirish, ma’naviy-intellektual salohiyatini oshirish hamda bo‘sh vaqtini mazmunli tashkil etishdagi ahamiyati haqida fikr almashildi.

🌟🌟🌟🌟🌟🌟🌟🌟🌟

Buxgalteriya hisobi fakultetida yoshlar o‘rtasida sog‘lom ma’naviy-axloqiy muhitni shakllantirish, ularni turli zararli illatlar va salbiy ta’sirlardan asrash, bo‘sh vaqtlarini mazmunli tashkil etish hamda faol fuqarolik pozitsiyasini mustahkamlash maqsadida “Zararli illatlardan xoli kelajak sari” mavzusida davra suhbati tashkil etildi.

Tadbir davomida yosh avlod tarbiyasiga salbiy ta’sir ko‘rsatuvchi zararli odatlar, turli yot g‘oyalar va salbiy axborotlar ta’sirining oldini olish masalalariga alohida e’tibor qaratildi.

Shuningdek, internet va ijtimoiy tarmoqlardan oqilona foydalanish, axborotlarni tanqidiy tahlil qilish, sog‘lom turmush tarziga amal qilish hamda bo‘sh vaqtni mazmunli tashkil etish yuzasidan fikr va tavsiyalar bildirildi.

🌟🌟🌟🌟🌟🌟🌟🌟🌟

​Xalqaro iqtisodiy munosabatlar fakulteti tyutorlari tomonidan talaba-yoshlar ishtirokida profilaktik tadbir tashkil etildi.

​Uchrashuv davomida yoshlar o‘rtasida alkogol, giyohvandlik vositalari hamda psixotrop moddalarni iste’mol qilishning inson salomatligi, ruhiyati va uning kelajagiga yetkazadigan salbiy oqibatlari haqida atroflicha tushuntirish berildi. Shuningdek, talabalarga sog‘lom turmush tarziga amal qilish hamda vaqtni mazmunli o‘tkazish bo‘yicha tavsiyalar bildirildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida talaba-yoshlarning bo‘sh vaqtini mazmunli tashkil etish, ularni sportga keng jalb qilish hamda sog‘lom turmush tarzini targ‘ib etish maqsadida “Besh tashabbus olimpiadasi” doirasida sportning voleybol turi bo‘yicha musobaqa tashkil etildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida xalqaro iqtisodiy munosabatlar fakulteti tomonidan “Yosh diplomat”lar bilan uchrashuv tashkil etildi.

Uchrashuv davomida yoshlarni diplomatiya va xalqaro munosabatlarning asosiy tushunchalari, diplomatik faoliyat mazmuni hamda zamonaviy diplomatiya yo‘nalishlari bilan tanishtirishga alohida e’tibor qaratildi. Shuningdek, diplomatik protokol va etiket, rasmiy uchrashuvlar va delegatsiyalar bilan ishlash, muzokara olib borish, ommaviy nutq va liderlik, xalqaro huquq asoslari, konsullik faoliyati hamda fuqarolar bilan ishlash kabi yo‘nalishlar bo‘yicha nazariy va amaliy ma’lumotlar berildi.

🌟🌟🌟🌟🌟🌟🌟🌟🌟