Sanjar Xo‘ja
10.6K subscribers
755 photos
908 videos
7 files
633 links
HAYOT - MUSOBAQA MAYDONI EMAS...


Youtube: https://m.youtube.com/channel/UC4QRQxiGGAID-F5DjgvcX9A
Download Telegram
This media is not supported in your browser
VIEW IN TELEGRAM
Qizi 12 yoshida Shavkat Mirziyoyev Jizzax viloyati hokimi boʻlgan. 12 yoshli bola ayollarni, qariyalarni, kichiklarni hayotiga xavf boʻlib Jizzax boʻylab moshina haydagan ekan.

DAN xodimlari koʻrmaganga olgandir. Axir viloyat hokimini qizi boʻlgan. Toʻxtatsa ishdan ajralishi mumkin edi-da.

Oradan yillar oʻtdi. 12 yoshidagi ishlardan afsuslanib emas, fazilatdek aytib berishi bir muammo.

12 yoshli bolaga moshina haydashni oʻrgatgan, odamlarni hayotini xavfga qoʻygan haydovchini maqtashi boshqa muammo.

Bu videoni tasvirga olgan, montaj qilgan, jarayonda xizmat qilganlar kamida 10ta odam bor. Bu aytilgan gaplarga oddiy holdek qarab, koʻnib, efirga berishi boshqa muammo.

@sanjar_xoja
71😁229🔥38😢32👍26🤨10❤9🤔9
“Piar” jamoasi shu signalni berish uchun qilgan:

Odamlar “Voy, maladeska.12 yoshida jasoratli boʻlib moshinaga mingan ekan. Qoʻrqmagan ekan. Bola boshidan ma’lum” deb aytishini reja qilgan.

Aksincha, odamlar “Ha, 12 yoshida qonunbuzarlikni boshlagan ekan. Hech kim mushugiga pisht deyolmagan. Moshinaga minib, xohlaganini qilgan. Hozir mansabga minib nima qilayapti ekan? Gulnoradan shuncha kuyganimiz kammidi?” deb aytadi.

@sanjar_xoja
10👍207😁93🔥20❤6😢4
Endi masalani boshqa tarafi:

Bu gaplarni Ortiqxoʻjayev aytsa edi, rosa tanqidga uchrardi. Agar Ozodbek Nazarbekov aytsa, tepkini ostida qolardi. Nega bu holatda bloger va jurnalistlar jim?

Komil Allamjonov va Saida Mirziyoyeva hokimiyat tepasiga kelishdan oldin, tuyasini mustahkam qoziqqa bogʻlashgan. “Mass Media” orqali. Kelajakda tanqid qiluvchilar bilan oldindan bir jamoa boʻldi.

Haaa, mayli. Avgustgacha yaxshi boʻlib qolar! 😉

@sanjar_xoja
10😁200😢24🔥21👍11🤔6❤1
Siz uchun yangi video!
👍65🔥16❤6
1👍58🔥14❤4😁2
Içki işlar vazirining maslahatchisi va matbuot kotibi Şohrux Ğiyosov lavozimidan ozod qilindi. Köpçilik bundan xursand.

Bu xursandçilikni tuşunsam-da, unda ma’no topolmayman.

Masalan yaqinda:

Ruslanbek Davletov işdan olindi. Odamlar xursand böldi. Bir hafta ötmay, uni yangi lavozimga ötkazildi.

Behzod Musayev işdan olindi. Köpçilik xursand böldi. Bir oy ötmay, unga yangi lavozim sovğa qilindi.

Endi Şohrux Ğiyosovning işdan olinişi ham xuddi şunday xursandçilikka sabab bölmoqda. Lekin menimça, bu quvonç uzoqqa çözilmaydi.

Bloger va jurnalistlarning ipini tortib turadigan ştab Şayxontohur tumani içki işlar boşqarmasida edi. Taxminimça, endi bu tizimning faqat köri­nişi özgaradi. Bloger va jurnalistlarning yangi kuratori esa Şohrux Ğiyosov bölişi mumkin.

Bu, albatta, mening taxminim.

Yuqorida tilga olingan şaxslarning barçasi xalqning ğaşiga tekkan bölişi mumkin. Lekin ular tizimga sadoqat bilan xizmat qilgan.

Xalqqa yoqmaslik tepadagilarning közida ayb emas. Muhimi - sadoqat.

@sanjar_xoja
👍156😁34😢21❤18🔥10🤔3
This media is not supported in your browser
VIEW IN TELEGRAM
Kongoliklar ajoyib-da! Köçasida tuzukroq asfalt yöq. Qimmat moşina olib, kibrlanib yuradi!

@sanjar_xoja
1😁247😢33👍26🔥7🤔4
Yaqinda Prezident yangi qonun imzoladi. Avval “jonkuyar” deputatlar qonunni ishlab chiqdi va tasdiqladi. Keyin senat tasdiqladi. Soʻng Prezident imzoladi.

Bu qonunni xalq manfaatiga zid ishlatish boshlanganida, Oʻzbekistondagi media muhiti oʻzgaradi.

Masalan, Otabek Bakirov shu vaqtgacha davlat mulkini nooʻrin oʻzlashitirilishini tanqid qilardi. Bu ketishda artislarning uyini “obzor” qiladigan boʻladi.

Umid Gafurov xalq puliga olingan amaldorlarning mashinasini tanqid qilardi. Bu ketish boʻlsa, artistlarning mashinasini gapirishni boshlaydi.

Kun-uz kabi xabar saytlari esa ekspertlarni chaqirib, Botiq Qodirov va Shohjahon Joʻrayev oʻrtasidagi mash-mashalarni muhokama qiladi.

U davr boshlansa, sobiq hokim Shuhrat Gʻaniyevning ta’biri bilan aytganda, soʻz erkinligining “janozasi oʻqiladi.

Davomini aytaymi?

Oʻzbekistonga yirik kompaniyalar zavod va fabrika ochmaydi. Amerikaning demokratlar partiyasi siyosatchilari amaldorlarga sanksiyalar e’lon qiladi. Natijada, amaldorlar kasal boʻlsa, Germaniyada davolanolmaydi. Bolasini yetaklab, dunyo boʻylab sayohat qilolmaydi.

Buni zarari hamma boʻladi!

@sanjar_xoja
1👍90🤔35😁8🔥7❤5
Har kun bir xil holat. Tunda uxlash uchun yotaman. Koʻzimni yumaman. Lekin…

Shunaqangi mavzular, gaplar, masalalar kallada bir-biriga boʻgʻlanib ketadi-ki, uyqum qochadi. Kunduzi esa oʻz ishlarim bilan boʻlib koʻpincha u gaplar va mavzular unutilib ketadi.

Hozir ham shunday boʻldi. Bir yarim soat avval uxlashga yotgan edim. Yana eski hol.

Lekin ayb oʻzimda. Oʻsha kallada aylanayotgan gaplarni allaqachon video qilishim kerak edi. Yukim yengil boʻlib, yaxshi uxlardim.

Gaplar ichimda qolib, meni uyqum qochganidan, u gaplarni eshitib, boshqalarni uyqusi qochgani yaxshiroq-da, toʻgʻrimi? 😉

@sanjar_xoja
1🔥83😁52👍41❤6
Kecha kechki vaqt “Shaytanat” serialini qayta koʻrishni boshladim.

Bu serialning eng katta yutugʻi - senariy. Tohir Malik haqiqatdan usta va oʻtkir yozuvchi edi.

Ikkinchi katta yutugʻi - eng sara teatr aktyorlar rol oʻynagan. Kichik epizodda ham mahoratli aktyorlar bor.

Va eng achinarlisi, shunday mahoratli va tajribali aktyorlarga ijodiy erkinlik berilmagani. Siyosat uchun “qurbon” qilingani.

Prezident yonida, qoʻli koʻksida, senariy boʻyicha rol oʻynashi emas, sahnada, xalq uchun teatr roli oʻynaydigan insonlar edi…

@sanjar_xoja
1👍87🔥13❤9😢6😁2🤔2
Sanjar Xo‘ja
Kecha kechki vaqt “Shaytanat” serialini qayta koʻrishni boshladim. Bu serialning eng katta yutugʻi - senariy. Tohir Malik haqiqatdan usta va oʻtkir yozuvchi edi. Ikkinchi katta yutugʻi - eng sara teatr aktyorlar rol oʻynagan. Kichik epizodda ham mahoratli…
Siyosat deganda umumiy va keng ma’noda aytdim. Masalan, 1950-yida Asadbekning otasini olib ketishga kelishadi. NKVD xodimi rolini oʻynaganlardan biri “Muqimiy” teatrining aktyori. Bu teatrda ne-ne insonlar yetishgan. Oʻsha teatrda mahoratli aktyor “Shaytanat” serialida oʻynadi.

Bu yaxshimi, yaxshi. Endi u aktyor bugun yoshi 60ga yaqinlashdi. Yaqinda bir serialda koʻrib qoldim. Keliniga suykalayotgan qaynota rolida edi.

Nega bu rolda oʻynadi? Nima majbur qildi? Tirikchilik.

Tirikchilik va roʻzgʻor deyilishi u aktyor oʻziga bu rolni ravo koʻrishini oqlamaydi. Rozi boʻlmasligi kerak edi. Lekin tirikchilik uchun boshqa bir jiddiy kino va serillar yoʻq-da.

Telekanallarda qandaydir jamiyatni choʻktirish uchun gʻalamis seriallar “trendi” davridamiz. Balki erkinlik faqat shunga berilgandir. Boshqacha, haqiqiy ijodga emas. Bu ham siyosatga taqaladi.

@sanjar_xoja
1👍94🔥20❤13🤔6😁1
Bu gaplar uyqumni qochirgan oʻnlab mavzulardan eng kichigi. Endi dardimni siz tushunavering! 😉

Mayli-da, shunaqa mavzularni oʻylab uyqu qochgani yaxshi baribir. Bitmaydigan uylarni, soqqani kiydiradigan moliyaviy piramidalarni reklama qilib, odamlarni chuv tushishiga sabab boʻlib, uyqum qochgandan koʻra shunisi afzalroq!

@sanjar_xoja
1👍132🔥26😁13❤8😢2