Bir yil. Bir maqsad. Sifatli ta’lim sari bir qadam

Bugun Ta’lim sifatini ta’minlash milliy agentligi tashkil etilganiga 1 yil to‘ldi.

Bir yil — vaqt nuqtayi nazaridan qisqa davr. Ammo shu vaqt ichida ta’lim sifatini ta’minlash tizimini yangi bosqichga olib chiqish yo‘lida qator muhim ishlar amalga oshirildi.

Raqamlashtirish, akkreditatsiya jarayonlarini takomillashtirish, ta’lim dasturlari sifatini baholash, bitiruvchilar natijalarini tahlil qilish, xalqaro hamkorlikni kengaytirish — bularning barchasi sifatli ta’lim uchun yagona tizimni shakllantirish maqsadiga xizmat qilmoqda.

Bu bir yil — erishilgan natijalar sarhisobi emas, balki katta maqsadlar sari yo‘lning boshlanishi.

Oldimizda yana ko‘p vazifalar, yangi marralar va eng muhimi — ta’lim sifatini yanada oshirishdek katta maqsad turibdi.

1 yillik faoliyatimizning eng muhim lahzalarini videorolikda muhrladik.

Bir yil birga bo'lganingiz uchun rahmat!

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

🇨🇳 Diqqat! Xitoyda grant asosida malaka oshirish imkoniyati

Ta’lim sifatini ta’minlash milliy agentligi Malayziya xalqaro madaniy aloqalar markazi (ICCCM) bilan hamkorlikda oliygohlarda ta’lim sifatini ta’minlashga mas’ul xodimlarni "Ta’lim sifatini boshqarish va xalqaro ilg‘or tajribalar” xalqaro malaka oshirish dasturida ishtirok etishga taklif qiladi.

Dastur Xitoyning Chengdu shahrida oktabr oyida bo‘lib o‘tadi.

Dastur doirasida ishtirokchilar uchun:

➖Xitoyda oliy ta’limni rivojlantirish tarixi va milliy strategiyalar;
➖oliy ta’limni boshqarish tizimi va boshqaruv mexanizmlari;
➖ta’lim sohasida liderlik va xalqaro boshqaruv;
➖ta’lim tashkilotlariga amaliy tashriflar;
➖xalqaro tajriba almashinuvi va professional muloqotlar tashkil etiladi.

Dasturda ishtirok etish mutlaqo BEPUL.

✈️Ishtirokchilarning aviaparvoz, yashash, ovqatlanish va dasturda ishtirok etish bilan bog‘liq asosiy xarajatlari ICCCM tashkiloti tomonidan to‘liq qoplanadi.

Kimlar ishtirok etishi mumkin?

Oliygohlarda ta’lim sifatini ta’minlash uchun mas’ul xodimlar.

Ishtirokchilarni saralash jarayoni sun’iy intellekt bilan ingliz tilida suhbat yordamida ushbu havola orqali amalga oshiriladi.

🌏Bu shunchaki safar emas.Balki xalqaro tajribani bevosita o‘rganish, yangi professional bilim va aloqalarga ega bo‘lish hamda o‘z oliy ta’lim tashkilotingizga sifatni oshirishga xizmat qiladigan yangi yondashuvlarni olib kelish imkoniyati.

Ta’lim sifati sohasida xalqaro tajriba oshirish imkoniyatini qo'ldan boy bermang!

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

"Akkreditatsiya kadrlar tayyorlash jarayonini zamon talablari asosida baholash imkonini berdi"

Davlat akkreditatsiyasi universitet faoliyatini baholash bilan birga, ta’lim sifatini yanada takomillashtirish uchun qanday imkoniyatlar yaratadi?

Termiz davlat universitetining akademik faoliyat bo‘yicha prorektori O‘ral Ahmedov davlat akkreditatsiyasi jarayoni, uning universitet faoliyatiga ta’siri va akkreditatsiyadan keyin erishilgan natijalar haqida o‘z fikrlari bilan o‘rtoqlashdi.

Videoda akkreditatsiya jarayoni qanday kechgani, universitet uchun eng muhim natijalar, akkreditatsiyadan keyin faoliyatda qanday o‘zgarishlar kuzatilgani, shuningdek, boshqa oliy ta’lim tashkilotlari uchun tavsiyalar haqida so‘z boradi.

🎬 Videoni ushbu havolada tomosha qiling: https://youtu.be/il_TEMGQtqk

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

BSI: Qizlar tezroq ish topadi, yigitlarda esa maosh ko‘proq. Raqamlar yana nimani ko‘rsatmoqda?

Bitiruvchilar sifati indeksi (BSI) doirasida bitiruvchilarning mehnat bozoridagi natijalari jinslar kesimida ham tahlil qilingan.

Natijalar qiziq manzarani ko‘rsatmoqda.

BSI natijalariga ko‘ra, qizlar o‘rtasida bandlik darajasi 85,1 foiz, yigitlarda esa 80,4 foizni tashkil etgan. Qizlar o‘rtacha 2 oyda, yigitlar esa 3 oyda ishga joylashgan.

Biroq o‘rtacha ish haqi bo‘yicha manzara boshqacha: yigitlarda bu ko‘rsatkich 6 mln so‘m, qizlarda esa 3,9 mln so‘mni tashkil qilgan.

Mehnat bozorida yuqori natija qayd etilgan TOP-5 sohalar tahlil qilinganda, quyidagilarni ko‘rish mumkin:

Qizlarda:

➖Transport xizmatlari;
➖matematika va statistika;
➖ta’lim;
➖biznes va boshqaruv;
➖Gummanitar fanlar.

Yigitlarda esa:

➖Biznes va boshqaruv;
➖sog‘liqni saqlash;
➖san’at;
➖matematika va statistika;
➖axborot-kommunikatsiya texnologiyalari.

Bitiruvchilar sifati indeksi natijalari bilan platformada batafsil tanishishingiz mumkin.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Hududlarda qaysi kasb va mutaxassisliklarga talab yuqori?

Texnikumlarning 2025/2026 o‘quv yilida qabul parametrlarini shakllantirilishi, taqsimlanishi va bajarilish samaradorligi tahlil qilindi.

Bunga ko‘ra respublikada eng ommabop yo‘nalish – avtomobillarni ta’mirlash va ularga xizmat ko‘rsatish ekanligi ma'lum bo'ldi. Mazkur yo'nalishga 249 130 nafar o‘quvchidan 50 208 nafari, ya’ni 20,2 foizi hujjat topshirgan.

Tahlilda hududlarning o'ziga xos bo'lgan yo‘nalishlari ham aniqlandi:

➖Toshkent shahrida – kompyuter tizimlarida dasturlash;
➖Samarqand viloyatida – sartaroshlik;
➖Surxondaryo viloyatida – qutqaruvchilik;
➖Farg‘ona viloyatida – tikuvchilik mahsulotlari dizayni;
➖Toshkent viloyatida – kimyoviy ishlab chiqarish laboranti;
➖ Navoiy viloyatida – foydali qazilmalarni maydalash va saralash.

Kasbiy taʼlim tizimida qabul parametrlarining batafsil sharhi bilan ushbu havolada tanishishingiz mumkin.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

Qonliko‘ldan keldi bir oddiy ustoz,
Qo‘lida bo‘r changi, dilida quyosh.
«Rahmat» deganida titradi ovoz,
So‘zidan oldinroq so‘zladi ko‘z yosh.

Birovning bolasin bolam deb suydi,
Kechalar daftarlar bo‘ldi hamrohi.
Har bitta harf uchun ko‘z nurin quydi,
Bo‘r tutgan qo‘llari — mehnat guvohi.

Har tuman, shahardan bir ustoz bugun,
«Yil o‘qituvchisi» degan nom oldi.
El aro shunchalar aziz bo‘ldiki,
Bolalar ko‘ngliga bir orzu soldi.

Olti yuz o‘n olti million so‘mdan
Mehnatga munosib mukofot bo‘ldi.
Ikki yuz sakkizta ustoz qalbiga
Bir yurtning ishonchi, mehri ham to‘ldi.

— Ellik ming dollar-a! — dedi muallim,
Kulgisi yarashdi nurli yuziga.
— Rahmat, Prezidentim! — deganida ham,
Elning ming rahmati sig‘di so‘ziga.

Ko‘rmagan edik-ku bunday mukofot,
Bir uyning eshigi baxtga ochildi.
Halol mehnat bilan yashnadi hayot,
Ustozning ko‘ngliga quyosh sochildi.

Muallim e’zozda turgan diyorda,
Bolaning ko‘nglida orzu so‘lmaydi.
Bu kundan bir hikmat qolsin dunyoga:
Ustoz qadrin bilgan yurt kam bo‘lmaydi!

Kanallarimizga ulanish:
😄 Instagram
😀 Telegram

#Hafta_raqami

Texnikumlarda pedagoglarning qariyb 60 foizi — 40 yoshgacha

Bugun kasbiy ta’lim tizimida yosh, zamonaviy yondashuvlarga ochiq pedagoglar ulushi yuqori ekanligini quyidagi raqamlarda ko'rish mumkin.

Bugungi kunda mamlakatimizdagi texnikumlarda 27 911 nafar pedagog faoliyat yuritmoqda. Ularning 16 424 nafari, ya’ni 58,9 foizi 40 yoshgacha bo‘lgan pedagoglardir.

Shundan:
➖8 556 nafar — 30 yoshgacha;
➖7 868 nafar — 30–39 yosh.

Bu ko‘rsatkich kasbiy ta’lim tizimida yosh mutaxassislar avlodining faol shakllanayotganini ko‘rsatadi.

Hududlar kesimida esa 40 yoshgacha bo‘lgan pedagoglar ulushi Navoiy viloyatida — 67 foiz, Buxoro viloyatida — 66,7 foizni tashkil etmoqda.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

21-oktyabr — O'zbek tiliga Davlat tili maqomi berilgan kun

Til – bu shunchaki muloqot vositasi emas. U bolaligimizdagi ilk so‘zlar, onamizning allasi, qalbimizdagi eng samimiy tuyg‘ular va xalqimizning ko‘p asrlik xotirasidir.

O‘zbek tilida orzularimizni bayon etamiz, farzandlarimizga hayot saboqlarini beramiz.

Bu tilda buyuk ajdodlarimizning tafakkuri va xalqimizning bebaho ma’naviy merosi mujassam.

Ona tilimizni qadrlash, ravon so‘zlash va uning boy imkoniyatlarini kelajak avlodlarga yetkazish har birimizning burchimiz ekanini unutmaylik.

Ta’lim sohasida faoliyat yuritayotgan barchamiz uchun esa bu mas’uliyat yanada kuchli zero, tilga hurmat, avvalo, ta’lim va tarbiya orqali avlodlar qalbiga singadi.

Ona tilimizning doimo qadri baland bo‘lsin!

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook

#Hafta_raqami

Akademik litseylarda faoliyat yuritayotgan pedagoglarning 52,4 foizi 40 yoşgaça

Akademik litseylarda ham pedagog kadrlarning yoş tarkibi ta’lim tizimining inson resurslari salohiyatini baholaşda muhim ko‘rsatkiçlardan biridir.

Bugungi kunda akademik litseylarda asosiy ştat va içki örindoşlik asosida jami 3 218 nafar pedagog faoliyat yuritmoqda. Ularning 1 682 nafari, ya’ni 52,4 foizi 40 yoshgacha bölganlardir.

Şundan:

➖ 796 nafar — 30 yoşgaça;
➖ 886 nafar — 30–39 yoş.

Ushbu körsatkiçlar akademik litseylarda yoş kadrlar salmoği sezilarli ekanini hamda turli yoş toifalaridagi mutaxassislar ta’lim jarayonida faoliyat yuritayotganini körsatadi.

Tahlil Milliy reyting doirasida 73 ta akademik litseyda faoliyat yuritayotgan pedagoglar töğrisidagi ma’lumotlar asosida tayyorlangan.

English

➖➖➖➖➖➖➖➖➖

☎️ Veb-sayt |😎 Telegram | 😎Instagram | 😎Facebook