Canale de Sardware -:|:-
409 subscribers
49 photos
5 videos
31 files
94 links
Canale cun informatziones subra tecnologia e limba sarda.
Download Telegram
Salude,

Amus agiornadu sos pachetes linguìsticos de Telegram pro Android, iOS e Desktop.

Inoghe ais a agatare àteras informatziones subra custu agiornamentu:

https://telegram.org/blog

Mira: comente est capitadu in sas versiones antepostas, su pachete nou pro Android no intrat in cambiu de su betzu. Dias pòdere agatare prus de unu pachete sardu in sa lista de sas limbas. Si tenes dudas, in antis de iscarrigare su nou, catza·nche sos àteros incarchende pro duos segundos subra de su pachete chi cheres e seletziona "Cantzella". Posca podes installare su pachete nou.

Istrutziones e ghias pro s'installatzione:
https://t.me/sardware/38
OmegaT (www.omegat.org), s'aina lìbera de tradutzione assistida, bortada in sardu. Prus de 7.500 paràulas bortadas e a disponimentu cun lissèntzia lìbera in is memòrias de tradutzione de Sardware: www.sardware.tradumatica.net/resursas/memorias.
Salude a totus. Su grupu de chirca Tradumàtica de s'Universidade Autònoma de Bartzellona (Catalugna) si at pedidu de donare difusione a custu bandu. Est indiritzadu mescamente a istudiantes de tradutzione e de informàtica. Torrade a imbiare su messàgiu a chie potzat èssere interessadu!
Forwarded from Canal Tradumàtica
#Traineeships on #translation #technologies with Tradumàtica for #Sardinian students.
Augùrios a is cumpàngios de #L10n_Kurdî pro sa presentada de sa tradutzione de sa versione #Android de #Telegram in lìngua #curda. http://t.me/L10n_Kurdî #TelegramInKurdish! #FreeSoftware #MinoritisedLanguages
Salude a totus! Oe semus cuntentos meda, ca Telegram at presentadu unu sistema nou pro is tradutziones, e custu si at permìtidu de pòdere torrare a frunire sa tradutzione de is tres prataformas chi in Sardware amus semper mantènnidu (Android, iOS e TDesktop). In prus, cunfigurare Telegram in sardu divenit prus fàtzile: dae oe, tocat isceti de abèrrere su ligàmene t.me/setlanguage/sardu dae cale si siat prataforma e su programma at a aplicare sa tradutzione a sa sola. (Tenides bisòngiu de tènnere is programmas atualizados a s'ùrtima versione.) #TelegramInSardu!
Semus aprontende sa publicatzione de #UbuntuTouch in #sardu, resurtadu de sa collaboratzione intre @sardware e @tradumatica, e gràtzias a su tirotzìniu de tres istudiantes de s'Universidade de Casteddu, @univca, chi ant partetzipadu a su progetu. Àteras noas luego!
Canale de Sardware -:|:- pinned «Salude a totus! Oe semus cuntentos meda, ca Telegram at presentadu unu sistema nou pro is tradutziones, e custu si at permìtidu de pòdere torrare a frunire sa tradutzione de is tres prataformas chi in Sardware amus semper mantènnidu (Android, iOS e TDesktop).…»
Oe, chenàbura a is 19.00 h de merì, presentada de Sardware in sa sede de Scida in Casteddu!

https://www.facebook.com/events/610130042858848/
Canale de Sardware -:|:- pinned «Salude a totus! Oe semus cuntentos meda, ca Telegram at presentadu unu sistema nou pro is tradutziones, e custu si at permìtidu de pòdere torrare a frunire sa tradutzione de is tres prataformas chi in Sardware amus semper mantènnidu (Android, iOS e TDesktop).…»
Oe, in Oroteddi, amus retiradu su prèmiu "Si moves sa limba, sa limba ti movet" :) Gràtzias a s'Istituto di Studi e Ricerche Camillo Bellieni.

#sardware #oroteddi #limbasarda #sardigna
Canale de Sardware -:|:- pinned «Incarca inoghe pro pònnere Telegram in sardu (Android, iOS e TDesktop): t.me/setlanguage/sardu»
🎉🎊 Pro festare s'annu nou, cumpartzimus duas noas cun praghere mannu:

🎤📺 Sa prima pertocat is noas chi ant publicadu Videolina e TeleCostaSmeralda, mentovende su prèmiu de s'Istitutu Bellieni.

👍🏽👍🏽 Sa segunda est chi su canale nostru de Telegram, t.me/sardware, nch'at giai barigadu 200 membros, e sa pàgina Facebook at retzidu 500 "m'agradat".

S'ispera est de pòdere cumpartzire àteras noas bellas meda in contu de limbas de Sardigna fintzas in su 2020!! 🥳🥳
Salude! 👋🏽

S'iscuadra nostra est traballende meda in custas dies de isolamentu. 🤓

Pro immoe, tenimus is pachetes de limba de Telegram pro Android, iOS e elaboradores de iscrivania (TDesktop) a su 100% #TelegramInSardu!

In prus, semus cuntentos meda de annuntziare chi dae oe frunimus tradutziones fintzas de Telegram pro 🍏Mac OS🍎. Faghe festa in rete paris cun nois tràmite is etichetas #TelegramProIsMacOs #TelegramProIsMacas 🤪!

Is dies imbenientes, amus a donare àteras noas! Sighi su canale nostru de Telegram: t.me/sardware!

In su mentras, si connosches su sardu e si boles agiudare a torrare su sardu prus presente in sa tecnologia, faghe·ti intèndere in su grupu nostru!
Is sotziedades nostras tenent bisòngiu de ainas pro amparare sa riservadesa in su mundu digitale, ancora de prus in su cuntestu benidore de pèrdida de deretos. Pro custu semus cuntentos de annuntziare chi DuckDuckGo, su chircadore chi non ti sighit, est giai in #sardu.

Èvita publitzidade basada in sa sighidura, ampara sa bista tua cun temas iscuros, impara de prus a subra de su business de is datos, imprea is chircas lestras tràmite is !bang o cumbate sa disinformatzione e sa bussica de filtru. E cumintza, dae oe, a bìvere sena Google!