💎 Imam Ibnul Kajjim, Allahu e mëshiroftë, ka thënë:

▪️Disa nga sahabët kanë thënë:
Pranoje të vërtetën nga ai që e thotë, edhe nëse e urren atë, dhe refuzoje të pavërtetën nga ai që e thotë, edhe nëse e do atë.


📚Medarixh es‘Salikin (3/482)

🖋️Përktheu: Semir Veliu

📍https://telegram.me/selefit

💎 Imam Ismail etTejmi el-Asbahanij (457–535H = 1065–1141G), Allahu e mëshiroftë, ka thënë:

🔸 Një nga argumentet, që vërtetojnë se Pasuesit e Hadithit janë në të vërtetën, është fakti se, nëse do t’i shqyrtoje të gjithë librat që ata i kanë shkruar, nga i pari deri tek i fundit, si ata të hershmit, ashtu edhe ata të mëvonshmit, pavarësisht dallimeve në vendet dhe kohët ku kanë jetuar, largësisë mes tyre dhe faktit se secili prej tyre ka banuar në një krahinë të ndryshme, do t’i gjeje ata, në shpjegimin e akides (besimit), në një rrugë të vetme dhe në një metodologji të vetme, të cilën e ndjekin pa u shmangur dhe pa anuar prej saj.

🔸 Qëndrimi i tyre në këtë çështje është i njëjtë dhe transmetimet e tyre janë të njëjta. Nuk sheh mes tyre asnjë mospajtim apo përçarje në ndonjë çështje, sado e vogël qoftë ajo. Madje, nëse do t'i mblidhje të gjitha ato që kanë shprehur me gjuhët e tyre dhe që kanë transmetuar nga të parët e tyre, do të të dukej sikur të gjitha kanë dalë nga një zemër e vetme dhe janë shprehur nga një gjuhë e vetme.

🔸 A ka argument më të qartë se ky për të dëshmuar të vërtetën?

Allahu i Lartësuar ka thënë:
{أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ غَيْرِ اللهِ لَوَجَدُوا فِيهِ اخْتِلَافًا كَثِيرًا} [النساء: ٨٢]
“A nuk e përsiatin ata Kuranin? Sikur ai të ishte nga dikush tjetër e jo nga Allahu, do të gjenin në të shumë kundërthënie.” (enNisa': 82)

Gjithashtu, Allahu i Lartësuar ka thënë:
{وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا} [آل عمران: ١٠٣]
“Kapuni të gjithë fort pas Litarit të Allahut dhe mos u përçani!” (Ali Imran: 103)

📚 elHuxhxhe fi bejani elMehaxhxhe, vëll. 2, f. 239.

✍ Përktheu: Xhemal Jakupi

------------------------------
🔗 linktr.ee/xhemal_j

💎Imam Ibnul Kajjim, Allahu e mëshiroftë, ka thënë:

▫️Selefët, kur zgjoheshin në mëngjes, gjëja e parë që bënin ishte të shikonin në Mus’haf. Ata lexonin prej tij derisa t’u ndriçohej zemra, ashtu siç ndriçohet dhe pastrohet trupi me ujë gjatë abdesit.

📚Medarixh Salikin (1/469)

🖋️Përktheu: Semir Veliu

📍 https://t.me/selefit

💎Imam Ibn Kajjim, Allahu e mëshiroftë, ka thënë:

▫️Shirku e ka mbizotëruar shumicën e njerëzve për shkak të përhapjes së injorancës dhe pakësimit të dijes. Kështu, e mira është bërë e keqe, kurse e keqja është bërë e mirë; Suneti është bërë bidat, ndërsa bidati është bërë Sunet.

Në këtë gjendje është rritur i vogli dhe është plakur i moshuari. Shenjat e fesë janë fshirë dhe të qenët i huaj i Islamit është bërë edhe më i theksuar. Dijetarët janë pakësuar, ndërsa mendjelehtët kanë mbizotëruar.

Gjendja është përkeqësuar dhe vështirësitë janë shtuar. Çrregullimi është shfaqur në tokë dhe në det për shkak të asaj që kanë bërë duart e njerëzve.

Megjithatë, një grup prej pasuesve të Muhamedit ﷺ vazhdon të qëndrojë i palëkundur në të vërtetën dhe të luftojë kundër ithtarëve të shirkut dhe bidateve, derisa Allahu i Lartësuar ta trashëgojë tokën dhe gjithçka që gjendet mbi të. Ai është Trashëguesi më i mirë.


📚Zad El‘Mead (3/443)

📮 https://www.facebook.com/share/p/1EVYyk3kwg/?mibextid=wwXIfr

🖋️Përktheu: Semir Veliu

📍https://t.me/selefit

💎 Imam #Ibnul_Kajjim, Allahu e mëshiroftë, ka thënë:

🔸 Zemra lundron në gjashtë fusha dhe nuk ka fusha të tjera përtej tyre. Tri janë të ulëta dhe tri të larta.

🔸 Të ulëtat janë: dynjaja, me të cilën njeriu zbukurohet; nefsi (pasionet dhe dëshirat), që vazhdimisht i pëshpërit; dhe armiku (shejtani), që e cyt (i fut vesvese). Këto janë fushat ku vazhdojnë të lundrojnë shpirtrat e ulët.

🔸 Tri fushat e larta janë: dituria, që ia ndriçon rrugën; mendja, që e udhëzon; dhe Allahu, të Cilin e adhuron.

🔸 Zemrat lundrojnë vetëm në këto fusha.

📚 El-Feuaid, f. 144.

✍ Përktheu: Xhemal Jakupi

------------------------------
🔗 linktr.ee/xhemal_j

💎 Imam Ibën Muflih (708-763H), Allahu e mëshiroftë, ka thënë:

🔸Ndër obligimet e muslimanit ndaj muslimanit janë:
- t’ia mbulojë të metat,
- t’ia falë gabimin,
- t'i mëshirojë lotët e tij,
- t’ia anashkalojë rrëshqitjen,
- t’ia pranojë arsyetimin,
- ta mbrojë kur përgojohet,
- ta këshillojë vazhdimisht,
- ta ruajë miqësinë me të,
- ta respektojë besën që ka ndaj tij,
- t’i përgjigjet ftesës së tij,
- t’ia pranojë dhuratën,
- t’ia shpërblejë vizitën dhe lidhjen që mban me të,
- t’ia falënderojë mirësinë,
- ta ndihmojë në mënyrën më të mirë,
- t’ia plotësojë nevojën,
- të ndërmjetësojë për kërkesën e tij,
- t’i thotë: «Allahu të mëshiroftë!» kur ai teshtin dhe falënderon Allahun,
- t’ia kthejë sendin e humbur,
- të mbajë miqësi me të e të mos e armiqësojë,
- ta ndihmojë kundër atij që i bën padrejtësi,
- ta pengojë nga padrejtësia ndaj të tjerëve,
- të mos e dorëzojë,
- të mos e braktisë e të mos e lërë pa përkrahje,
- t’ia dëshirojë atë që ia dëshiron vetes dhe të mos ia dëshirojë atë që nuk ia dëshiron vetes.

📚 el-Adab eshSher‘ijje, vëll. 1, f. 290.

✍ Përktheu: Xhemal Jakupi

------------------------------
🔗 linktr.ee/xhemal_j

💎 Shtatëmbëdhjetë parime për përvetësimin e dijes së dobishme

1. Sinqeriteti i qëllimit, duke e kërkuar dijen vetëm për hir të Allahut;
2. Dëgjimi me vëmendje;
3. Kuptimi i saktë i asaj që lexon ose dëgjon;
4. Parashtrimi i pyetjeve të duhura;
5. Shënimi dhe shkrimi i dijes;
6. Memorizimi;
7. Përsëritja e asaj që është mësuar;
8. Nxënia graduale e dijes, duke filluar nga çështjet më të thjeshta drejt atyre më të ndërlikuara;
9. Durimi në nxënien e dijes;
10. Rishikimi i vazhdueshëm i njohurive të fituara;
11. Shoqërimi me dijetarët dhe nxënësit e dijes;
12. Edukata dhe sjellja e bukur;
13. Organizimi dhe shfrytëzimi i kohës;
14. Përsëritja dhe shqyrtimi i dijes së bashku me të tjerët;
15. Zbatimi i dijes në praktikë;
16. Përhapja e dijes;
17. Lutja e shpeshtë drejtuar Allahut dhe kërkimi i ndihmës dhe suksesit prej Tij.

✍ Xhemal Jakupi

------------------------------
🔗 linktr.ee/xhemal_j

🔹Qëndrimi selefi ndaj protestave (demonstratave)

بسم الله الرحمن الرحيم

Allahu i Lartësuar thotë:
﴿وَإِذَا جَاءَهُمْ أَمْرٌ مِّنَ الْأَمْنِ أَوِ الْخَوْفِ أَذَاعُوا بِهِ ۖ وَلَوْ رَدُّوهُ إِلَى الرَّسُولِ وَإِلَىٰ أُولِي الْأَمْرِ مِنْهُمْ لَعَلِمَهُ الَّذِينَ يَسْتَنْبِطُونَهُ مِنْهُمْ ۗ وَلَوْلَا فَضْلُ اللَّهِ عَلَيْكُمْ وَرَحْمَتُهُ لَاتَّبَعْتُمُ الشَّيْطَانَ إِلَّا قَلِيلًا﴾

{Kur u vjen atyre ndonjë lajm që lidhet me sigurinë ose frikën, ata e përhapin atë. Sikur t’ia përcillnin atë të Dërguarit dhe përgjegjësve prej tyre, do ta kuptonin atë ata që janë në gjendje ta zbërthejnë dhe ta nxjerrin përfundimin e saktë prej tyre. Sikur të mos ishte mirësia e Allahut ndaj jush dhe mëshira e Tij, ju do ta ndiqnit shejtanin, përveç një pakice}
Sure Nisa, ajeti 83

O ju muslimanë, a e dini cilat janë qëllimet e Islamit? Qëllimet kryesore të kësaj feje madhështore janë pesë:
1.Ruajtja e fesë.
2.Ruajtja e mendjes.
3.Ruajtja e pasurisë.
4.Ruajtja e jetës.
5.Ruajtja e pasardhësve.

Nëpërmjet këtyre pesë qëllimeve realizohen siguria dhe stabiliteti. Prandaj, këto pesë domosdoshmëri janë të patjetërsueshme, sepse nëpërmjet tyre realizohen të mirat dhe interesat e fesë dhe të kësaj bote.

Dijetarët e Islamit të kohës sonë, e në krye të tyre tre Shejhul Islamët e kohës sonë: el-Albani, Ibn Bazi dhe Ibn Uthejmini, Allahu i mëshiroftë, i kanë ndaluar protestat. Sepse këto protesta nuk kanë asnjë lidhje me Islamin.

Pejgamberi i Allahut ﷺ dhe shokët e tij të ndershëm përjetuan në Mekë tortura, shtypje, persekutime dhe padrejtësi të shumta. Megjithatë, ata nuk iu drejtuan demonstratave si mënyrë për të kërkuar të drejtat e tyre, sepse protesta nuk është rrugë islame për përmirësim.

Po ashtu, Musai dhe Haruni, alejhima salatu ue selam, u përballën me një prej zullumqarëve më të mëdhenj në historinë njerëzore, Faraonin. Megjithatë, ata nuk dolën në protesta kundër tij. Madje, Allahu, i Cili është mbi Fronin e Tij, i udhëzoi dy Pejgamberët e Tij se si t’i drejtoheshin Faraonit dhe si të flisnin me të, duke u thënë:

﴿فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَىٰ}
{Dhe flitini atij me fjalë të buta, në mënyrë që të kujtohet ose të frikësohet nga Allahu} Sure Ta-Ha, ajeti 44

Imam Ibn Kethiri, Allahu e mëshiroftë, ka thënë: Ky ajet përmban një mësim madhështor: Faraoni kishte arritur kulmin e tiranisë dhe mendjemadhësisë, ndërsa Musai ishte i zgjedhuri i Allahut nga krijesat e Tij në atë kohë. Megjithatë, edhe përkundër kësaj, Musai u urdhërua që t’i drejtohej Faraonit vetëm me butësi dhe fjalë të ëmbla.

Imam Sadi, Allahu e mëshiroftë, ka thënë: {Dhe flitini atij me fjalë të buta} domethënë: me fjalë të lehta e të këndshme, me butësi, ëmbëlsi dhe edukatë në të shprehur, pa fjalë të pahijshme, pa arrogancë dhe ashpërsi në të folur, apo vrazhdësi në veprime.

Kjo është metodologjia e Kuranit dhe kjo është metodologjia e Pejgamberëve të Allahut. Prandaj, o ju muslimanë, ndiqeni këtë udhëzim që të shpëtoni dhe mos ndiqni metodologji të importuara nga jobesimtarët.

Dhe mos lejoni që t’ju mashtrojnë Ihvanul Musliminët, havarixhët e kohës sonë, të cilët thonë: është e drejta e gjithë secilit prej nesh, qofshin student apo jo stundet të dalë e të protestoj për të drejtat e veta, për mohimin e asaj që është e drejte dhe haku i tij. Një fjalë të tillë e ka thënë Ahmed Kalaja, e sa e sa të tjerë ka që mbajnë të njëjtin qëndrim!

Muslimanët kanë nevojë ta dinë qëndrimin e Islamit ndaj protestave, e jo të mashtrohen dhe të tradhtohen duke u paraqitur atyre si udhëzim islam ajo që nuk përputhet me të.

Merrni mësim nga ajo që ndodhi gjatë të ashtuquajturës «Pranverë Arabe» dhe shikoni se ku përfunduan ato protesta dhe çfarë pasojash sollën për ato vende.

Ihvanul Musliminët ishin ndër ata që, fillimisht, përmes minbereve të xhamive dhe shkrimeve të tyre, nxitën dhe mbështetën këto protesta, duke ua zbukuruar njerëzve këtë rrugë nën sloganin e kërkimit të të drejtave.

Prandaj, o ju muslimanë, mos i dëmtoni vetet tuaja dhe familjet tuaja, sepse nesër do të jeni ju ata që do t’i bartni pasojat.

🖋️Shkroi: Semir Veliu

💎Tabiini Ubejd ibën Umejr kur hynte dimri thoshte:

▫️"O Pasues të Kur'anit! Nata është zgjatur për t'u falur dhe dita është shkurtuar për të agjëruar. Shfrytëzojeni rastin dhe përfitoni!"


📚el-Musannef, Ibën Ebi Shejbe, 9863.

📝Përktheu: Xhemal Jakupi

🔗 https://telegram.me/selefit