🙂Сенат Төрағасының орынбасары, ҚР Президенті жанындағы Адам құқықтары жөніндегі комиссияның төрағасы Жақып Асанов ЕҚЫҰ-ның Астанадағы Бағдарламалар кеңсесінің басшысы Алексей Роговпен кездесті.

Кездесу барысында тараптар адам құқықтарын қорғау саласындағы ынтымақтастықты одан әрі дамыту, құқық қорғау тетіктерін жетілдіру және сараптамалық өзара іс-қимылды нығайту мәселелерін талқылады.

Жақып Асанов цифрлық технологиялардың дамуы азаматтардың құқықтары мен бостандықтарын қорғаудың жаңа тәсілдерін талап ететінін атап өтті. Сондай-ақ тараптар Адам құқықтары жөніндегі комиссияның қызметін жетілдіру, азаматтық қоғаммен өзара байланыс және бірлескен сараптамалық жобаларды іске асыру мәселелері бойынша пікір алмасты.

🚀@senate_kz

Сенаттың Конституциялық заңнама, сот жүйесі және құқық қорғау органдары комитетінің кеңейтілген отырысында нотариаттық қызмет пен заң көмегіне қатысты заң қаралды.

Құжат нотариат саласындағы мемлекеттік бақылауды күшейтуге, қызмет көрсету сапасын арттыруға және азаматтардың құқықтарын қорғау тетіктерін жетілдіруге бағытталған.

Заңда нотариаттық цифрлық архив құру, атқарушылық жазбаларды автоматты бөлу жүйесін енгізу, нотариустардың жауапкершілігін күшейту және мемлекет кепілдік берген заң көмегінің аясын кеңейту көзделген. Сондай-ақ азаматтардың Конституциялық Сотқа жүгіну кезіндегі құқықтық қорғалуын күшейтуге арналған нормалар енгізіледі.

🚀@senate_kz

Астанада Сенат Төрағасы Мәулен Әшімбаевтың «Реформалар мәні. Қазақстанның болашақ тарихының жеті тарауы» атты кітабы мен «Талдау мектебінің» бесінші легі әзірлеген «SMART GOVERNANCE: тиімді басқаруға қажетті деректер, аналитика және жасанды интеллект» тақырыбы бойынша талдау баяндамалары жинағының тұсаукесері өтті.

🙂Іс-шара барысында Мәулен Әшімбаев Мемлекет басшысы Қасым-Жомарт Тоқаевтың бастамасымен жүзеге асып жатқан реформалардың мәні мен маңызына тоқталып, деректерге негізделген басқару мен бүгінгі қоғамдағы сапалы талдау жасаудың рөлін атап өтті.

Жаңа кітапта еліміздегі жаңғыру үдерістерінің негізгі бағыттары қамтылса, талдамалық жинақта урбанистика, экология, білім, энергетика, әлеуметтік саясат және мемлекеттік басқару салалары бойынша зерттеулер топтастырылған.

🚀@senate_kz