SFI KERALA
✔
2.48K subscribers
1.93K photos
150 videos
9 files
94 links
Official channel of the SFI Kerala state committee
Download Telegram
ജൂലൈ 13
സ: പ്രദീപ്‌ കുമാർ
രക്തസാക്ഷി ദിനം

കോഴിക്കോട് ജില്ലയിലെ ചേളന്നൂർ ഹൈസ്‌കൂൾ എസ്. എഫ്. ഐ യൂണിറ്റ് പ്രസിഡന്റും കക്കോടി ഏരിയ കമ്മിറ്റി അംഗവുമായിരുന്നു സ:പ്രദീപ് കുമാർ. വിദ്യാർത്ഥികളുടെ യാത്രാപ്രശ്‌നം ഏറ്റവും വലിയ പ്രശ‌നമായി നിൽക്കുന്ന ഈ മേഖലയിൽ വിദ്യാർത്ഥികളെ കയറ്റാതെ ബസ്സുകൾ പോകുന്നത് പതിവ് രീതിയായിരുന്നു.

1981 ജൂലൈ 13 ന് ഗ്രൗണ്ടിൽ കളിച്ചുകൊണ്ടിരിക്കയായിരുന്ന സഃ പ്രദീപിനോട് ബസ്സുകൾ വിദ്യാർത്ഥികളെ കയറ്റുന്നില്ലെന്ന പരാതിയുമായി വിദ്യാർത്ഥികൾ വന്നു. അവരോടൊപ്പം റോഡിലിറങ്ങി ബസ്സുകൾ തടഞ്ഞു നിർത്തി വിദ്യാർത്ഥികളെ കയറ്റുന്നതിനിടെ ക്രൂരനായ ഒരു ബസ് ഡ്രൈവർ ബസ് മുന്നോട്ടെടുത്ത് സഖാവ് പ്രദീപിനെയുൾപ്പെടെ തട്ടിവീഴ്ത്തി നിർത്താതെ ഓടിച്ചുപോയി. കോഴിക്കോട് മെഡിക്കൽ കോളേജിൽ അടിയന്തര ശസ്ത്രക്രിയക്ക് വിധേയമാക്കിയെങ്കിലും സഖാവിൻ്റെ ജീവൻ രക്ഷിക്കാൻ കഴിഞ്ഞില്ല.
ഒക്ടോബർ 23
സ: സജീവൻ
രക്തസാക്ഷി ദിനം

മടപ്പള്ളി ഗവണ്മെന്റ്റ് കോളേജിലെ ഒന്നാം വർഷ ബി.കോം വിദ്യാർത്ഥിയും എസ്. എഫ്. ഐ സജീവ പ്രവർത്തകനും ഡി.വൈ.എഫ്.ഐ യൂണിറ്റ് പ്രസിഡൻറുമായിരുന്നു സഖാവ്. ക്യാമ്പസ്സിനകത്തും പുറത്തും നെറികേടുകളെ ചോദ്യം ചെയ്യുന്നതിൽ മുന്നിൽ നിന്ന സഖാവാണ് സജീവൻ. നാദാപുരം മേഖലയിൽ മുസ്ലിം ലീഗ് പ്രമാണിമാരുടെ അഴിഞ്ഞാട്ടങ്ങൾക്കെതിരെ ശബ്ദമുയർത്താൻ സഖാവിന് തെല്ലും മടിയുണ്ടായിരുന്നില്ല. 1988 ഒക്ടോബർ 23 ന് സുഹൃത്തായ മാറ്റിൽ അച്യുതൻ്റെ വീട്ടിൽ പോയി തിരിച്ചു വരുകയായിരുന്നു, പെട്ടെന്ന് ഇടവഴിയിൽ വിസിൽ മുഴങ്ങി. നാലുപാടു നിന്നും ലീഗിൻ്റെ ഗുണ്ടകൾ ആയുധങ്ങളുമായി സഖാവിനെ ആക്രമിച്ചു. നട്ടെല്ലിന് മാരകമായി കുത്തേറ്റ സഖാവ് സ്വന്തം വീടിന് തൊട്ടടുത്തായി പിടഞ്ഞു മരിച്ചു.