Uchlik

Barcha turdagi panoh so‘rash doim 3 bosqichda kechadi:

1. Ilm bosqichi – panoh so‘rovchining o‘zini, xatarni va panohgohni yaxshilab tanishi.
2. Hol bosqichi – ilmdan keyin qalbda panohgohga nisbatan muhabbat va xokisorlikning paydo bo‘lishi.
3. Amal bosqichi – qalbdagi holat tufayli jismning harakatga kelishi.

Masalan, ummondagi kimsa qirg‘oqqa yetib borguncha qayig‘idan ayrilmaydi. Chunki u o‘zining holatini ham, dengizning tabiatini ham, qayiqning vazifasini ham biladi.

- U o‘zining nahanglarga to‘la, sovuq ummondan uzoq masofani suzib o‘ta olmasligini; dengiz issiq tanani muzlatib, baquvvat jismni holdan toydirib cho‘ktirib yuborishini; qayiqning esa ummon qaysarliklariga mo‘ljallangan qurol ekanini biladi. Bu «ilm» bosqichi.

- Mana shularni bilgani uchun ham qayiqdan ayrilishni istamaydi. Qayiq o‘sha damda uning baxti, quvonchiga aylanadi. Bu «hol» bosqichi.

- Dengizga tushib ketmaslik uchun qayiqqa mahkam o‘rnashib oladi, qirg‘oqqa yetib olish uchun undan unumli foydalanadi. Bu «amal» bosqichidir.

Mana shu panohning uch bosqichiga zarbulmasaldir.

Shaytondan Alloh ila panoh so‘rashimiz ham shu bosqichlardan o‘tadi:

Ilm: Biz o‘zimizning ojiz, Iblisning xatarli, Allohning esa panoh ekanini bilamiz.

Hol: Keyin Iblisdan nafratlanamiz va barcha narsaga Qodir, tengsiz kuch-quvvat egasini sevamiz. Qalbimizda Unga nisbatan xokisorlik vujudga keladi.

Amal: So‘nggida qalbdagi xohishni til nutq qiladi: «Ey har nega qodir Zot, menga panoh ber!».

Shu gapni aytayotganda to‘xtab, biroz o‘ylang: «Men o‘zi kimdan kim tomon qochyapman? Ojizligimni his qilmay panoh so‘rashim mantiqdanmi? Shaytonning kimligini bilmay undan qochishim-chi?! Allohni tanimay qanday Undan ko‘mak so‘rashim mumkin?! Tanimaganidan panoh so‘rash aqlli odamlarga yarashmaydi axir».

Shunda anglaysiz: uch bosqich ichida eng muhimi «ilm» bosqichi ekanini. Usiz na hol, na amal topiladi, u bilan na hol, na amal yo‘qoladi.

Demak, «isti’oza» kuchini ko‘rish uchun eng avval qilinadigan ish «o‘z»ni, «xatar»ni va «panohgoh»ni tanimoqdir.

Bitmagan kitob: «Panoh»

@Shamsuddin_Sadruddin

Allohga hamd, Rasuliga salovatdan so‘ng:

Haqiqat - jismdangina iborat bo‘ladigan darajada jo‘n emas.

Haqiqat - ko‘z bilan ko‘rsa bo‘ladigan darajada oddiy emas.

Haqiqat - bir ongga sig‘adigan darajada mitti ham, bir qalbga sig‘maydigan darajada bepoyon ham emas.

Haqiqat - izlasangiz o‘zini sizga sezdiradigan, biroq aslo tutilmaydigan qochoq.

Haqiqat - yolg‘onning ayni teskarisi. Ammo haqiqatgacha mingta yolg‘onni «haqiqat» sanaysiz.

Haqiqatning «mana, yetib keldim», deyiladigan marra chizig‘i yo‘q...

Temir - Yerda mavjud Yerga yot jism. Haqiqat ham temirga o‘xshaydi. U dunyomizda bor, ammo unga oid emas.

Haqiqat izlaganlarga tun xayrli o‘tsin! ;)

@Shamsuddin_Sadruddin

#Silo

Insonni xavfsiz saqlash uchun undan haqiqatni yashirish mumkinmi?

Agar haqiqat odamlarni halokatga olib kelishi mumkin bo‘lsa, uni bilishga haqqimiz bormi?

Siz ko‘rayotgan narsa haqiqatmi yoki sizga ko‘rsatilayotgani?

Bir kun kelib, insoniyat tashqi dunyodan butunlay uzilib qolsa, nima bo‘ladi?

Apple TV tarafidan ishlangan ilmiy-fantastik distopik serial - «Silo» aynan mana shu savollar atrofida aqlingizni band qiladi.

Tasavvur qiling: Yer yuzi yashash uchun yaroqsiz. Tashqarida havo zaharli. Osmonni ko‘rishning iloji yo‘q. Daraxtlar yo‘q, qushlar yo‘q, tabiat yo‘q. Shuning uchun minglab insonlar yer ostiga - ulkan, yuzlab qavatli, o‘n minglab odam yashay oladigan bunkerlarga - Siloga joylashtirilgan.

Ularga bitta qoida aytiladi: «Tashqariga chiqish mumkin emas!». Chiqmoqchi bo‘lgan odam esa Silo jamiyatidan «tozalanishi» kerak.

Ammo eng qizig‘i boshqa narsada: Bu odamlar tashqi dunyo qanday bo‘lganini bilishmaydi. Ularning tarixining katta qismi o‘chirilgan. Nima sababdan Silo qurilgani, undan oldin nima bo‘lgani, nega tashqariga chiqish ta’qiqlangani - bularning barchasi sir.

Serial sizni o‘ylashga majbur qiladi:
- Sizga butun hayotingiz davomida aytilgan haqiqat aslida yolg‘on ekanini bilsangiz nima qilasiz?
- Agar siz yashayotgan dunyo haqida bilganlaringizning barchasi kimdir tomonidan ataylab tanlab berilgan bo‘lsa-chi?
- Siz haqiqatni izlay boshlaganingizda sizga qarshi oddiy bir odam emas, butun bir tizim tursa-chi?

Xullas, hozircha 3 fasldan iborat «Silo» seriali hokimiyat, nazorat, tarix, xotira, erkinlik va haqiqat tushunchalari haqida so‘z yuritadi. Rosa o‘ylantiruvchi film bo‘libdi.

@Shamsuddin_Sadruddin

«Silo» distopik filmlar ichida birinchi o‘rinlarda turibdi. Distopik film bu – hamma narsa joyidadek ko‘rinadigan, ammo aslida yashash qo‘rqinchli bo‘lgan jamiyat haqidagi film.

Bilmay seni «vatan» debman, ona! Vatanlar istilo qilinib, tortib olinishini unutibman-ku...
(Mahmud Darvesh, falastinlik yozuvchi)

@Shamsuddin_Sadruddin

Qachondir: «Bizni faqat o‘lim ayiradi», degan edik. O‘lim ham kela qolmadi... Ayrildik!
(Mahmud Darvesh)

@Shamsuddin_Sadruddin

«Tarix birinchi marta fojia sifatida, ikkinchi marta esa kulgi sifatida takrorlanadi».
(Karl Marks)

@Shamsuddin_Sadruddin

«Oldin hech bo‘lmagandek... bir qushning o‘limidek... tashlandiq cherkov, o‘tkinchi muhabbat, qor ostida qolib ketgan guldek... unutilib ketasan!»
(Mahmud Darvesh)

@Shamsuddin_Sadruddin

Shu oktabr oyida jami 24 ta qo‘rqinchli (horror+thriller) filmlar premyerasi bo‘lar ekan!

Ular orasida eng yuqori baho olishi kutilayotgani - «Other Mommy».

Kino olami bizni qo‘rqitishga urinmoqda chog‘i... )

Shuncha kun yashabmanmi-yey... ))