2026/1448 Ҳ. Yil TAQVIMI
(Sherobod tumani vaqti bilan)

Assalomu  alaykum!
Xijriy 1448-yil  Jumadul avval oyining 11-kuni Namoz Vaqtlari

🌅Bomdod     06:00
☀️ Quyosh     06:35
☀️Peshin        13:00
🌇Asr              16:35
🌆Shom          18:05
🌃Xufton        19:35

Saharlik - 05:00
Iftorlik.   - 18:03


https://t.me/sherobod_muslim

ТАЪСИРЛИ ҲИКОЯ

Бадавлат киши кибр ила унга:
- Пойафзалимни тозала, - деб буюрди.
Болакай:
- Ҳоп бўлади, жаноб, - деди.
Киши:
- Тезроқ бўл, тезроқ! - деди жиркиб.
Болакай:
- Қаерга шошаяпсиз, жаноб? - деди.
Киши менсимай:
- Сен бир ҳашоратсан. Ҳашоратлар эса хўжайинларга гапирмайдилар, - деди, афтини бузмай.
Болакай:
- Лекин, мен Аллоҳнинг яратган бандасиман. Гўзал суратда яратилганман, жаноб! - деди, маъюслик билан.
Киши:
- Ярамас бола экансан! - деди, баланд овозда.
Болакай:
- Катта кетманг! Аллоҳ Улуғроқ, жаноб! - деди, хотиржам.
Киши:
- Ҳой бола, ҳозироқ жим бўлмасанг, шапалоқ тушираман! - деди, асаби бузилиб.
Болакай ҳазин овозда:
- Ҳоп бўлади, жаноб! Лекин оддий бир саволим бор эди... - деди, аста.
Киши:
- Тезроқ сўра, шошиб турибман! - деди, қошини чимириб.
Болакай:
- Мен билан тенг болаларингиз йўқми? - деди, секин боқиб.
Киши:
- Сен билан борабар фарзандим бор эди, лекин бир неча йил илгари уни йўқотиб қўйганман... - деди, ўйга толиб.
Болакай:
- Уни яхши кўрармидингиз? - деди.
Киши:
- Қалбимдаги эски яраларимни тирнама... - деди, маҳзун бўлиб.
Болакай иккинчи марта:
- Йўқолган болангизни яхши кўрармидингиз?! - дея сўради.
Киши:
- Сенга нима?! - деди, энсаси қотиб.
Болакай учинчи бор сўради:
- Йўқолган болангизни яхши кўрармидингиз?! - деди.
Киши:
- Қаниди уни учратсам, - деди.
Болакай:
- Мен сизнинг болангизман, - деди.
Киши:
- Болаларим сен каби иркит ҳаёт кечирмайдилар, - деди, истеҳзоли кулиб.
Болакай:
- Аллоҳ номига қасам ичаман! Мен сизнинг болангизман! - деди, ёлвориб.
Киши болакайни оёғи билан итариб юборди:
- Бошқа бу гапинги такрорлама!!! - деди, ўшқириб.
Болакай кўзлари жиққа ёш бўлиб:
- Сиз дадамсиз... ахир, дада -а -ам, - деди.
Киши:
- Бу гапни қаердан олдинг, аҳмоқ бола? - деди, жаҳли чиқиб.
Болакай:
- Бир йил олдин онам вафот этди. Ўлимидан олдин мени мана шу уйнинг олдига олиб келиб, «шу ерда даданг яшайди» деди. Мен ҳар куни тонгда келиб сизни уйдан чиқишингизни кутиб турар, чиқсангиз оёқ кийимингизни тозалаб қўйиб, сизга яхшилик қилмоқчи бўлиш илинжида бўламан, - деди, йиғлаб.
Киши:
- Онанг ким? - деди, ҳайратланиб.
Болакай:
- Менга ҳомиладор бўлганини эшитиб, ярим кечаси кўчага қувганингиз ўша аёл менинг онам эди, бечора онам, жаннатим - онам! - деди, кўзларидан кўзёшларини тинмай оқизиб.
Киши:
- А? - деди, ажабланиб.
Болакай:
- Отажон елкангизда чандиқ, бир из бор, - деди, ишонишига умиб қилиб
Киши:
- Сен... Се-е-ен, - деди - ю, тиз чўкиб қолди.
Болакай:
- Исмим нима биласизми? - деди.
Киши:
- Исминг нима, бо...о...о..лам?! - деди.
Болакай:
- Исмим, сизнинг исмингиз, дада! - деди.
Киши:
- Нима учун, менинг исмим сенга қўйилди? - деди, таъажжубланиб.
Болакай:
- Онам одамлар мени сизнинг исмингиз билан чақиришлари ва кун келиб сизга йўлиқишимни жуда умид қилганди, - деди, бошини эгиб.
Киши:
- Онанг қаерда? - деди, саволга тутиб.
Болакай:
- Онам вафот этган. У менга «отангни қидириб топ, унга яхшилик қил! Хизматини қил, шояд шу сабаб жаннатга кирсанг» деб васият қилган, - деди, илтижо қараш қилиб.

Киши чидаб туролмай ҳаммани олдида йиғлаб юборди. Кўз ёшлари юзини ювди. Болакайни маҳкам қучди ва:
- Болажоним сени қанчалар соғинганимни билсайдинг... - деди.
Болакай:
- Онамни ҳеч ҳам соғиндингизми?! - деди...
Киши жим бўлиб қолди, ҳатто юзи қизариб кетти.
Болакай:
- Нимага жимсиз, дада? Онам менга айтган эдилар, иккинчи хотинингиз онамни талоқ қилишингизни ва шу пайтгача бирон марта кўрмаган фарзандингиздан воз кечишингизни шарт қилган экан, шунинг учун биздан кечдингизми? Онам қанчалар қийналганини билганингизда эди... шунда ҳам мени сизга нисбатан меҳр билан улғайтирди. Сизни ёмонламасди... - деди.
Киши афсус надомат ичра сукут сақларди...


Бир яқинингизни деб, бошқа яқинингиздан асло кечманг! Уларга бир хил муносабатда бўлинг! Бу ишингизда Аллоҳ ёрдам беришини сўранг!
Ўз ҳирсингизни деб, бошқаларнинг умрини, бахтини зое қилишдан қўрқинг!

https://t.me/sherobod_muslim

🌙 ЖУМА — САВОБЛАРГА ШОШИЛАДИГАН КУН!

Бисмиллаҳир роҳманир роҳийм.

Азиз биродарлар! Жума — оддий кун эмас. Бу кунни беҳуда гаплар, ғийбатлар ва дунё ташвишлари билан ўтказиб юборманг!

🌹 САЛОВАТ АЙТИНГ!

Расулуллоҳ ﷺ га саловат айтишни кўпайтиринг. Ҳар бир саловат — Пайғамбаримиз ﷺ га бўлган муҳаббатингизнинг ифодасидир. Бугун тилингиз зикр билан, қалбингиз муҳаббат билан банд бўлсин!

🤲 ЭҲСОН ҚИЛИНГ!

Қўлингиздан келса, муҳтожнинг қорнини тўйдиринг, бир етимнинг бошини силаб қўйинг, бир камбағалнинг кўнглини кўтаринг. Эҳсоннинг катта-кичигига эмас, ихлосига қаранг. Балки сиз арзимас деб билган бир яхшилигингиз Аллоҳ ҳузурида улуғ бўлар!

📖 КАҲФ СУРАСИНИ ЎҚИНГ!

Жума куни Каҳф сурасини тиловат қилишга вақт ажратинг. Қуръон — қалбларга нур, ҳаётга ҳидоят. Дунё ташвишларига вақт топган инсон, ўз охирати учун ҳам вақт топсин!

Азизлар, бир кун келади — бу дунёдаги жума кунларимиз ҳам тугайди. Ўшанда на бойлигимиз, на мансабимиз, на йиғган молимиз бизга фойда беради. Аллоҳнинг раҳматига умид қилиб, ихлос билан қилган амалларимиз эса нажотимизга сабаб бўлиши мумкин.

Бугунги жумангизни саловат билан безанг, эҳсон билан гўзалланг, Қуръон билан нурлантиринг!

Аллоҳ таоло барчамизни жума фазилатларидан баҳраманд бўлган, гуноҳлари мағфират этилган, қалби иймонга тўлган бандаларидан қилсин. Омийн! 🤲


https://t.me/sherobod_muslim

Тафаккур

Имом Шофиъий бир кун эрталаб бомдод намозидан кейин уйга қайтаётганларида, йўлда бир кишини учратдилар.

У киши салом бериб Имом Шофиъийдан ҳол-аҳвол сўраб:
- Қандай тонг оттирдингиз? -деди.
Имом Шофиъий қандай тонг оттирганларини қуйидагича тушунтирдилар:

- Мендан саккиз нарса сўралган ҳолда тонг оттирдим!
Киши ҳайрон бўлиб:
- Ҳазрат, сиздан ким бирор нарса сўраши мумкин?
Сизнинг бировга ишингиз тушмайдику? - деди.

Имом Шофиъий табассум қилиб, сўзларини изоҳладилар:
- Қарагин, мендан кимлар нима сўраябди:
1 - Роббим мендан фарзини сўраябди.
2 - Росулуллоҳ мендан суннатларини сўраябдилар.
3 - Оила, бола-чақам кунлик ризқларини сўраябдилар.
4 - Нафс унга эргашишимни сўраябди.
5 - Шайтон орқасидан боришимни сўраябди.
6 - Кироман котибийн малаклари (Елкадаги фаришталар) яхши нарсаларни ёздиришимни сўраябдилар.
7 - Ўтган кунлар қаришимни сўраябди.
8 - Охирида эса, ўлим фариштаси тайёр туришимни сўраябди.
Шундай қилиб мен мана шу сўровлар билан тонг оттираяпман.
Ҳар куни эрталаб бу саволлар жавобини кутябди.

Имом Шофиъийни эшитган киши ўйланиб туриб, бироздан кейин сўради:
- Эй имом, бу нарсалар фақат сиздан сўраляптими, ёки мендан ҳам сўраляптими?

- Буёғини билмадим, ўзинг ўйлаб кўр! - дедилар.

Киши бошини қуйи солиб, давом этди:
- Ҳар куни эрталаб мендан қанча нарсалар сўралаётган экан, билмас эканман.
Буларнинг жавобини ўйлаб кўриш керак.

Сиз нима деб ўйлайсиз, биздан ҳам бу саккизта нарса сўралаётганмикин?
Эрталаб ҳар куни ишимизга кетаётганимизда мана шу нарсаларни ўйлаб кўрамизми?

https://t.me/sherobod_muslim

2026/1448 Ҳ. Yil TAQVIMI
(Sherobod tumani vaqti bilan)

Assalomu  alaykum!
Xijriy 1448-yil  Jumadul avval oyining 12-kuni Namoz Vaqtlari

🌅Bomdod     06:05
☀️ Quyosh     06:40
☀️Peshin        13:00
🌇Asr              16:30
🌆Shom          18:00
🌃Xufton        19:30

Saharlik - 05:05
Iftorlik.   - 17:57


https://t.me/sherobod_muslim

Дунё ҳаёти бир тушдан иборатдир. Дунёда мол-давлат соҳиби бўлишлик, худди тушида хазина топиб олган киши кабидир. Дунё моли наслдан наслга ўтиб келади, аммо ҳар доим дунёда қолиб кетаверади...


ДУШМАНЛАРНИНГ ЭНГ ЁМОНИ!

Абу Лайс Самарқандий айтадилар: «Билгилки, сенинг тўртта душманинг бўлиб, уларнинг ҳар бири билан курашишга муҳтожсан.

▪️Биринчиси, дунёдир. Зеро, Аллоҳ: “Дунё ҳаёти сизларни алдаб қўймасин”, деган.
▪️ Иккинчиси, нафсинг, у душманларнинг энг ёмонидир. Расулуллоҳ соллаллоҳу алайҳи ва саллам: “Душманларингнинг энг ёмони ўзингнинг нафсингдир”, деганлар.
▪️ Сўнгра жинлардан бўлган шайтондирки, Аллоҳдан унинг ёмонлигидан паноҳ беришини сўра. Зеро, Қуръони каримда: “Албатта, шайтон сизлар учун очиқ-­ойдин душмандир”, дейилган.
▪️ Тўртинчиси, одамлардан бўлган шайтонлардир, улардан эҳтиёт бўл. Чунки у жинлардан бўлган шайтондан ҳам қўрқинчлироқдир. Жинлардан бўлган шайтонлар фақат васваса билан адаштирса, одамлардан бўлган шайтонлар юзма­-юз туриб адаштиради

https://t.me/sherobod_muslim

“Ўйларинг сўзларингга, сўзларинг феълингга, феълинг тақдирингга таъсир этади.
Гўзал ўйлагинки, гўзал яшагин.”
✍️Мавлоно Румий🍃

АССАЛОМУ АЛАЙКУМ,!🕌 ЯКШАНБА ТОНГИ 🌺
ХАЙРЛИ БЎЛСИН!


Ҳар нарса ниятга боғлиқ. Шундай экан, ҳар тонг «бугун албатта яхши бўлади» деб бошланса ИншаАллоҳ шундай бўлади...
🌸
Дам олиш кунингиз ҳайрли ўтсин.!


https://t.me/sherobod_muslim

⚫ ҲАРОМДАН САҚЛАНИНГ — ЧУНКИ АЛЛОҲ СИЗНИ КЎРИБ ТУРИБДИ!

Бисмиллаҳир Роҳманир Роҳийм.

Алҳамдулиллаҳи Роббил оламийн. Барча ҳамду санолар бутун оламларнинг Робби бўлган Аллоҳ таолога хосдир. Пайғамбаримиз Муҳаммад Мустафога, у зотнинг аҳли байтлари ва саҳобаларига салавоту саломлар бўлсин.

Азиз биродарлар!

Инсон бу дунёда кўп нарсани яшириши мумкин. Одамлардан гуноҳини яширади, ёлғонини яширади, ҳаром ишини яширади. Лекин бир ҳақиқатни ҳеч қачон унутманг: Аллоҳдан ҳеч нарсани яшириб бўлмайди!

Одамлар сизни ҳалол инсон деб ўйлаши мумкин. Аммо Аллоҳ қалбингизда нима борлигини ҳам, ёлғиз қолганингизда нима қилаётганингизни ҳам билади.

Аллоҳ таоло Қуръони каримда марҳамат қилади:

«Албатта, Аллоҳ кўзларнинг хиёнатини ва диллар яширадиган нарсаларни билади».
(Ғофир сураси, 19-оят мазмуни.)

Азизлар, ҳаром фақат чўчқа гўшти ёки ароқдан иборат эмас. Ҳаром — бировнинг ҳақини ейиш, рибога аралашиш, алдаш, порахўрлик қилиш, зино, ғийбат, туҳмат, ноҳақ пул топиш ва Аллоҳ қайтарган бошқа ишлардир.

Ҳаромнинг энг хатарли томони — инсон унинг ҳаромлигини била туриб, унга кўникиб қолишидир.

Аввалига виждони қийналади. Кейин ўзини оқлай бошлайди:
«Ҳамма шундай қиляпти».
«Бошқа иложим йўқ».
«Бир мартадан ҳеч нарса бўлмайди».
«Пул топиш осонми?»

Лекин биродарим, одамларнинг кўпчилиги бир ишни қилаётгани уни ҳалол қилиб қўймайди! Ҳаромни оқлаш билан у ҳалолга айланмайди!

Отабек Қаюмов

Давоми бор…..


https://t.me/sherobod_muslim

ҲАРОМДАН ВОЗ КЕЧИШ — ИМОННИНГ ҚУДРАТИДИР!

Ҳаромдан сақланиш фақат ҳаром нарсани кўрмаслик эмас. Бу — имконият бўла туриб, Аллоҳдан қўрқиб ундан воз кечишдир.

Ҳеч ким кўрмаётганда ҳам хиёнат қилмаслик. Пул жуда керак бўлиб турганида ҳам бировнинг ҳақини емаслик. Нафс истаган нарсага эришиш мумкин бўлса-да, Аллоҳнинг чегарасидан ўтмаслик.

Мана шу — тақво!

Юсуф алайҳиссалом гуноҳга чорловчи шароитда ҳам Аллоҳдан паноҳ сўраганлар. Демак, ҳақиқий куч нафс истаган нарсани қилишда эмас, нафсни Аллоҳ рози бўладиган йўлда тия билишдадир.

Азиз биродарим!

Агар ҳаром даромадингиз кўп бўлса, бу Аллоҳ сиздан рози дегани эмас. Агар ҳалол даромадингиз кам бўлса, бу Аллоҳ сизни хор қилди дегани эмас.

Барака кўп пулда эмас, Аллоҳ рози бўладиган пулдадир!

Ҳалол билан топилган озгина ризқ ҳам инсонга хотиржамлик беради. Ҳаром билан топилган кўп бойлик эса инсоннинг қалбини безовта қилиши, масъулиятини оғирлаштириши мумкин.

ЎЛИМ КЕЛИШИДАН ОЛДИН ЎЙЛАБ КЎРИНГ!

Бир кун келади — қўлингиздаги пул қолади, молингиз қолади, лавозимингиз қолади. Сизни қабрга олиб киришмайдиган нарсалар учун охиратингиздан айирилманг!

Қиёмат куни одамлар олдидаги обрў эмас, Аллоҳ олдидаги ҳисоб муҳим бўлади.

Расулуллоҳ ﷺ инсон Қиёмат куни моли ҳақида — уни қаердан топгани ва қаерга сарфлагани ҳақида сўралишини хабар берганлар. (Имом Термизий ривояти мазмуни.)

Шундай экан, ўзимиздан сўрайлик:

— Топаётган пулим ҳалолми?
— Бирор инсоннинг ҳақини емаяпманми?
— Яширин қилган ишларимдан Аллоҳ розими?
— Агар бугун жоним олинса, шу ҳолатимда Аллоҳга рўбарў бўлишга тайёрманми?

Бу саволларни бошқаларга эмас, аввало ўзимизга берайлик!

ХУЛОСА

Азизлар! Ҳаромдан сақланинг. Чунки ҳаромдан воз кечганингизда баъзан дунёвий манфаатдан айрилишингиз мумкин, аммо Аллоҳ розилигини умид қиласиз.

Агар гуноҳга ботган бўлсангиз, умидсиз бўлманг. Чин дилдан тавба қилинг, гуноҳни тарк этинг, қайтмасликка азм қилинг. Агар бировнинг ҳақи зиммангизда бўлса, уни қайтаришга ҳаракат қилинг.

Аллоҳнинг раҳмати кенг. Лекин раҳматдан умид қилиш гуноҳда давом этишга баҳона эмас!

Ҳаромдан сақланинг — ҳатто ҳамма сизга қарши бўлса ҳам. Ҳалолни танланг — ҳатто у қийин бўлса ҳам. Чунки одамларнинг розилигидан ҳам устунроқ нарса бор: Аллоҳнинг розилиги!

🤲 ДУО

Эй меҳрибон ва раҳмли Аллоҳим! Қалбларимизни нифоқдан, амалларимизни риёдан, тилларимизни ёлғондан, кўзларимизни ҳаромдан, қўлларимизни бировнинг ҳақидан, ризқларимизни ҳаромдан сақлагин!

Бизга ҳалол ризқ, пок қалб, тўғри йўл ва мустаҳкам иймон насиб этгин. Нафсимиз бизни алдаганда Сендан қўрқишни, гуноҳга қўл узатганимизда тўхташни, адашганимизда тавба қилишни насиб айлагин.

Эй Роббимиз! Бизга дунёда ҳалол яшашни, ҳалол ризқ билан ҳаёт кечиришни ва Сен рози бўладиган ҳолатда жонимизни олишингни насиб этгин!
Амийн яаа роббал аъламийн

Отабек Қаюмов

https://t.me/sherobod_muslim