Бір түрік профессорының бала тәрбиесіне қатысты айтқан керемет сөзі ойымда қалды:

“Oyun onu hayata hazırlıyor.”

“Ойын оны өмірге дайындап жатыр.”

Яғни, баланың ойынға қанып өсуі маңызды дейді. Сол арқылы жетіледі, үлкен өмірге дайындалады.

Бір әке ретінде бұл сөздің ақиқатын көріп-білудемін.

#ой_түймекке

Кофеханада ішіп-жеп болған соң, артынан жинап, тазалап кететін адамдар болады ғой, солар, міне, мәдениетті жандар. Әр кофеханада қоқыс стейшні тұрады (ортасында домалақ тесігі бар).

Елдегі азаматтық деген осындай майда нәрселерден де көрініс табады. Өркениетті, парасатты, мәдениетті қоғам болуға ұмтылуымыз маңызды деп білем.

Қазақстанда кофе мәдениеті соңғы 7-8 жылдықта кең етек жайды. Кофе ішуді үйрендік, енді артымызды тазалап үйренсек.

#ой_түймекке

Студенттік шақты өздігімнен ғана дұрыс пайдаланбадым. Әуелі, Алланың тауфиғы, ризығы, кеңдігі. Мектеп бітіруге таяған шақтан Алладан көп сұрадым, дұға еттім, тіледім.
⠀
Сонда бүй дейтінмін:
⠀
"Я, Алла Тағала! Студенттік шағымда жанымда тек жақсы адамдар болса екен. Дұрыс орта нәсіп етіп, көптеген белестерді бағындыруды жазшы! Артылған үміттерді ақтауымды нәсіп ет!"
⠀
Адам нені шын жүректен қалайды, Алла Тағала пендесіне соны береді.
⠀
Студенттіктің алғашқы жылдарынан бастап үлкен-үлкен тұлғалардың, ұстаздардың батасын алуды, кішкентай қалта дәптеріме тілек жазғызып алуды әдетке айналдырдым.
⠀
Ертең келешекте өзім де үлкен тұлға боламын деп ниет еткем. Қазір сол кездегі тілектер әлі күнге дейін менде сақталған. Жеке мұрағатым десем де болады. Қандай да бір тұлға тілек жазып беріп жатқанда, шын жүректен тілеген болса, ол да қабыл болады ғой.
⠀
Қазір енді, міне, өзіміздің авторлық "Студентке кеңес" кітабымызды еліміздің студенттеріне ұсынудамыз.
⠀
Негізі кітапқа жауапты адамдар бар, каспи-дүкен арқылы сатылуда. Қолыма аз мөлшерде данасы түскен екен, соларды авторлық тілекпен ұсынсам деп едім.
⠀
Алғысы келген жандар, төмендегі номер бойынша көмекшіме жазса, сізді тіркеп алатын болады. Құны: 4590тг. Почта арқылы саламыз, жеткізу құнына бөлек төлемейсіз, тек почтаға жеткенде, бөлімшеден кітабыңызды алып кетсеңіз болғаны.
⠀
Ал, үлгеріңіздер, tamam mı?

Менеджер

Өткен апта қорытындысы бойынша 272 бет кітап оқыппын.

Мына жазбада жазғанымдай, оған дейінгі аптада 359 бет оқып едім, алдыңғы апта аздап көрсеткіш төмен болған екен.

Алайда ішкі сезім бойынша бәрі жақсы. Тән мен жан ләззаттанды, руханият серпілді, тірі екенімді сездім, Алланың ұлылығын одан сайын таныдым, оқу нығметін берген Раббыма шүкір еттім.

Сандар маңызды емес қой, керегі сапа. Бірақ бет тіркеу, оқыған кітаптарыңды жазып жүру ерекше шабыт береді. Осы апта көрсеткішімді өсірем деп ниет қойдым, ал.

Баршаға сәтті апта болсын! 😮‍💨📚🤝

#ой_түймекке

Оқылған кітаптардың бет санын қалай тіркеймін?

Әдеттегі тәсіл — қалта дәптеріме жазып жүрем.

Алайда алдыңғы апта бір бауырымның ұсынысымен оқып жүрген бір кітабымды Paraqta bot-қа енгізіп қойдым.

Өте ыңғайлы екен, маған ұнады. Ол жерде кітап атауын енгізесің, күн сайын қанша бет оқыдың, соны ғана жазып отырасың. Ал бот өзі бәрін есептеп, статистика береді. Кітаптың қанша пайызы оқылды, қанша қалды, апталық-айлық көрсеткішің ж/е т.б.

#ой_түймекке #рекомендасьон

Қандай да бір адамға қатысты жақсы ойға қарағанда жаман ой тезірек келеді, иә?!

Өмірдің күресі де сода ғой.

#ой_түймекке

Жақсы қызметте істейтін бір ағам “Студентке кеңес” кітабын оқып шығыпты. Кеше кездескем, содан кітаптағы сөйлемдер, құрылымдары сауатты шығыпты деп жатыр.

Кітаппен редактор жұмыс жасады. Президент жанындағы мемлекеттік басқару академиясының профессоры редакциялады.

Елге белгілі журналист ағам — Рахат Жақсыбай мырза корректурасын жасады. Жалпы есепте кітапты 6 мәрте бастан-аяқ оқып шықты.

Алғашқы кітабым — TilBil Polyglot-ты екінші басылымға дайындап бастадым. Айтарлықтай қателерді көріп жатырмын. Алла жазса, ол да жақсы сапада ұсынылады.

#ой_түймекке #кітап_жазу

Бірақ ұмытпау керек нәрсе бар. Құран ғана мінсіз. Ішінде бір күмән, бір қате жоқ жалғыз кітап.

Қалған адам баласы жазған кітаптың бәрінде дерлік қате болады, табылады, шығады. Бүгін болмаса ертең.

#ой_түймекке #кітап_жазу

Сен аңсап жүрген жетістік – сен жасаудан қашып жүрген амалға жасырынған.

©️Фәнуун.

Еңбек еткен, ақша тапқан жақсы нәрсе ғой. Адал ақша табуға ұмтылып жүрген, отбасы, бала-шағасын адал асырауды мақсат еткен әрбір адамға Алла разы болсын, жолын жеңіл етсін.

#ой_түймекке

Күніңді қандай ниетпен, қандай көңіл-күймен бастайсың, жалғасы солай өрбиді.

“Өмір — керемет” деп қойыңыз да, баса берсеңізші.

Кейде осындай қарапайым сөздердің өзі жетпей жатады адамға.

#ой_түймекке

Түркістандық оқырмандар ❕

📌 13.12.25 (сенбі) күні сағат 14:00-де оқырмандармен кездесу.

📍 Алатау кампус, Қарадауов 7

Кіру тегін!

Уақыт жағы тығыз, себебі кешке Шымкентте кездесу бар. Сондықтан уақытылы келіңіздер, біраз пайда алып, пайда беріп, Құдай берген мүмкіндіктерді пайдаланайық.

Шымкенттік оқырмандар, аздаған өзгеріс ❕

📌13.12.25 (сенбі), сағат 17:30-да

📍Абай кітапханасы, Б. Момышұлы 20

Ашық есік, кіру тегін!

Сапар тек 1 күндік, сол себепті барынша пайдалы болуымызды жазсын. Сіздер де шынайы пайда аламыз деген ниетте келсеңіздер. Әр кездесулердің арасында үздіксіз дамып, білімімді жаңартып отыруға тырысам. Сондықтан айтарым бар деп сенемін. Білімге аш жандарды күтеміз!

Алдыңғы апта бойынша кітап оқу көрсеткішім:

Жалпы есепте 71 бет кітап оқыдым. Әр күнге шаққанда 10 беттен. Алайда мүлдем оқылмаған күндер бар. Апта соңы сапарда болдым.

Әр апта көрсеткішті көтерем деп, түсіп бара жатқаны ше?! 😂

Алайда адалдықты, тұрақтылықты бұзбаймын деп шештім. Аптасына 1-ақ бет оқысам да жазам.

Кітап көп оқымады деп, білімнен мақрұм қалды деп ойламаңыздар.

Сапар кезінде көбірек лекция, подкаст тыңдаймын. Ұзақ, жүйелі контент тұтыну мүмкіндігі.

Алдыңғы апта бойы 357мин. (= 6сағ.) лекция, семинар, подкаст тыңдадым. Көпшілігі ұшақта, көлікте болған кезде тыңдалды.

Білім алуға әрдайым мүмкіндігіміз бар. Жыл, ай, апта, күн, сағат, минут текке кетпестен, өз пайдамызға жарата білуіміз маңызды.

Кітап оқуға мүмкіндік болмай қалды ма, онда тыңда. YouTube-та арнайы тізімдерің болсын. Соларды тыңдап шыққан соң шағын талдау ойыңды жазып отыр.

Миды дәйім азықтандырудың жолы көп.

#ой_түймекке

Тәуелсіздік күні құтты болсын! 🇰🇿

"Маңдай терімді телегей қылып төгермін,
Бостандық таңы болмауы үшін бозамық", - деп Жадырасын Дәулет есімді ақын бауырымның жазғаны бар еді.

Ертеден осы ұранмен жетілдік, өстік, есейдік. Алайда өскен сайын оған амал ету формасы түрлене береді екен. Бұрында рухты сөз айтып, мінберден сөйлеу деп білген нәрселердің қазір ақиқатын басқаша түсінетін болдық.

Ағартушылық ізін жалғасақ деген мақсат-мұрат бар. Құдай осы жолдың есігін ашты. Бүкіл құралдар сол бағытты нұсқауда.

Өзімізді іздейміз ғой. Міне, сол іздеулер бір құндылықтардың үстіне құралса игі.

Мерекет құтты болсын! Алла Тағала елімізге жар болсын! 🇰🇿

#ой_түймекке

Қара бауыр қасқалдақ, қайда ұштың пыр-пырлап,
Сазың қалды сәбидің еңбегіндей былқылдап,
Қара бауыр қасқалдақ кері қайт,
Сиреп қалған тоғайға қамықпа деп көңіл айт.

Ұя қалса иесіз, айдын үшін сол қайғы…
Қаңғып келген шүрегей көлге пана болмайды!

Бұл өлеңнің әнін Ілесбек Аманов Желтоқсан оқиғасынан 1 жыл өткен соң жазған.

“Жұлдыз журналына ақын Есенғали Раушановтың 5-6 өлеңі жарияланған екен. Арасында “Қара бауыр қасқалдақ” деген өлеңі маған қатты әсер етті. Астарын ұққандай болдым. Бірден ән шығардым.”

Ақын астарлы түрде Қонаевты қасқалдаққа, Колбинді шүрегейге теңеген.

Қазақта қасқалдақ - адалдықтың нышаны. Қақаған қыста да айдынын тастап кетпейтін, жеріне адал құс.

Қолы жетпеген бағалы дүниенің өзін қазақ “қасқалдақтың қанындай” деп әспеттеген.

Шүрегей де үйрек тұқымдас құс, алайда қасқалдақтай бағалы емес.

Қаңғып келген шүрегей көлге пана болмайды деп жазады өлеңде.

Бұл өлең үшін де ақын талай тергеліп, қыспаққа алынған екен.

Осындай құрбандықпен келген Тәуелсіздіктің қадірін айта беруден, жеткізуден шаршамауымыз қажет-ақ. ❤️🇰🇿

Құран аяты бар ғой:

“Намазым, құлшылығым, тіршілігім және өлімім бүкіл әлемнің Раббысы — Алла үшін”.

Намаз, құлшылық, умра, қажылық — блог үшін боп кетпесе екен. Шыны керек, қасиетті нәрсенің қасиеті қалмай баратыр адамдардың көзінше…

“Ойбай, ниетін білмейсің ғой, одан да қабыл болсын десейші…”

Қабыл болсын, әумин! Ниеттімін. Алла үшін дегенін ұмытпасақ болғаны. Сол ғана ғой.

#ой_түймекке

Тіл курстарына сатылым ресми жабылды. Алдыңғы сабақтар енді қайта сатылымда болмайды.

Ізденуді, білім алуды тоқтатпау қажет екенін жеткізгім келеді.

Иә, курс көп, ақпарат толқыны сұмдық, соның ішінде тұншықпай, батып кетпей, сапалысын ұстай білу керек.

Сапа — тек видеоның, жарықтың сапасы емес. Контент сапасы — негізгі оның мазмұны маңызды.

#ой_түймекке

Өткенде Түркістан және Шымкентте студенттермен кездестім. Білімге құштар, жанып тұран жалынды жастар көп.

Сондай кездесулерде тыңдарманның өзі ұялып отырады басында. Кімде қандай сұрақ бар дейсің, ешкім қол көтермейді. Өзге біреудің бірінші бастағанын тосады.

Сосын кездесу аяқталуға таяғанда сұрақтар көбейе түседі.

Тілек жазып, қол қойып отырасың, параллельді түрде келіп сұрақтар қоя бастайды. Ал ол уақытта мен де кетуге асығамын, келесі жоспарларға кірісуім керек болады.

Өзім студент болған кезде де байқағам. Мейлінше, кездесудің басында көзге түсіп, сұрақ қойып үлгерген жақсы. Соңына қарай сауал берушілер көбейеді, спикердің де уақыты тақалған соң, қысқаша жауап беруге икемделеді.

#ой_түймекке #студентке_кеңес

Шымкент пен Түркістанға ұшып бара жатсам бір оқырман жазыпты:

"Осылай Алматыны аттап кете бересіз бе?" деп... 😅

Тағы басқа бауырымыз "Өскеменге қашан?" деген.

Түркістан ұйымдастырып, қаламақысын төлеп, жолақысын беріп, студенттерін жинап қойды. Жұмыс күніне еш кедергі келтірмеді, тек демалысты пайдаланып барып-келдік.

Ұйымдастырса, шақырса, біздің құндылыққа сай келсе, уақыт үйлессе, барамыз.

Ал жалпы өзіміз де Қазақстан университеттерін аралағымыз келеді. Жыл соңы уақыт тапшы болуда.

Осы арнадағы оқырмандарымыз, оның ішінде студенттер төмендегі батырманы басып, қай қалада оқитынын таңдап кетсе деп едік. Сол арқылы белгілі бір дәрежеде статистика жасап алсақ, алдағы сапарларды жоспарлауға көмек болады. Қай қалада университет бар, соларды жазуға тырыстық. Егер де қалып кетсе, ең астында өзіңіз қолмен жаза аласыз.