دجاج مبرد مغسول نظيف حطو فتحات بالدجاج عشان تدخل التتبيلة👍🏻
علبة زبادي
بهارات كاري ملعقة صغيرة ملون احمر ربع ملعقة صغيرة بهارات المسالا ملعقة صغيرة بصل مقلي لين يصير لونه بني غامق تقريباً حبة كبيرة بصلة ثوم فصين
مكعب ماجي وشوي زيت زيتون ونخطلهم بالخلاط ونضيفها ع الدجاج نحطها بصينة وبالقلاية الهوائية او فرن لين تستوي
بقدر نحط بهارات صحيحة ونحمسها بزيت زيتون وبصلة نحمسهم ونضيف الرز المنقوع عشر دقايق مغسول ونخليه يطبخ لين يستوي الرز نحط نص البصل المقلي ونحط الدجاج ونبخرهم وتغطيهم ربع ساعة عشان ياخذ طعن التبخير ونزينه وعوافي
صوص المسالا بقدر صغير اضفت قطعه زبدة وثوم ومعجون طماطم ملعقة وبهارات كاري شوي وحليب شوي سايل وخليته يطبخ لين صار ثقيل بس
مافيني اكتب باللغة العربية الفصحى 😂

لغمن
المقادير لحم او دجاج مقطع قطع صغار نقطع ملفوف وخضار مشكلة حسب الرغبة انا حطيت جزر فاصوليا خضرا بطاطس بازلا بصل
فلفل حار مو ضررري بس يعطي طعم لذيذ
بقدر شوي زيت نحمس البصل بعده الدجاج واحمسهم بعدها الطماطم لين تذوب بالحمس بعده جميع الخضار ونقلبهم مع بعض مدة خمس دقايق بعدها ثلاث ملاعق معجون طماطم وملعقة صويا حلوة اختياري ومكعبين ماجي واربع اكواب موية وبهارات اضفت كمون مطحون وكيجن وفلفل اسود رشة وخليتهم يطبخون لين استوت الخضار طفيت عنها
بقدر ع جنب نسلق اسبكتي بعدها بصحن حطي الاسبكتي واضيفي الخضار عليها وشوي خل وفلفل مطبوخ يجنن عوافي

برياني دجاج بطريقتي من ضمن المنيو 👍🏻

قناتي الثانية 🫶🏻

طريقة البروستد
دجاج بجلد مبرد مقطع ارباع ومنظف
اختصر الطريقة لكم
بقدر حليب سايل مع بصلة ورق غار حبات هيل اعواد قرفة كمون وفلفل اسود وقطعة زبدة ينطبخ مدة25دقيقة
التغميس كوب طحين مع موية وبهارات اختيارك نغمس الدجاج فيها بعدها بدقيق عليه بهارات نغطي الدجاج بالدقيق ونقليه لين يبدا يتحمر بس والله
الثومية كوب موية وثلاث ملاعق نشا بودرة نحركها ع نار هادية لين تثقل بعدها نخليها تبرد نحمس 7حبات روس ثوم بزيت زيتون لين يصير لونها ذهبي نطفي عنها نسلق حبة بطاطس وسط ملعقتين زبادي ملح وعصرة ليمونة وفلفل اسود رشة ونخلطهم مع بعض حطو زيت زيتون حق تحميس الثوم عشان يعطي طعم حلو واخلطوهم وبعدها بالثلاجة لين وقت التقديم 🤍

الحمدُ لله الذي لا يُضيع لنا
‏بحُسنِ نوايانا عملًا واحدًا.♥️"

طريقة روبيان بالكريمة
روبيان طازج منظف اضفت ملعقة كركم وكمون وببريكا وكزبرة مطحونة ورشة فلفل اسود وعصرة ليمونة كبيرة غطيته وتركتة تقريباً نص ساعة بالثلاجة
بمقلاة زبدة ونحمس الروبيان بس ثلاث دقايق تقريباً نشيله ع جنب بنفس المقلاة اضفت اربع فصوص ثوم مهروس وفلفل رومي وفلفل حار حسب الرغب نحمس بس يصير الثوم لونه ذهبي نظيف كريمة طبخ حسب الكمية عندكم انا حطيت كوبين كبار كريمة واضفت كزبرة فرمتها ناعم وشبث وملح وشوي بهارات الروبيان وبس اخليهم كذا تقريباً خمس دقايق يطبخ وطفيت عنه زينو صحنكم بالكزبرة والرز استخدمت رز مصري فقط وعوافي عليكم🤍