18 yoshli qizlarga qalbdan nasihat: #youasked

1. Jamiyat standardlari emas, islomiy qadriyat bilan ulg'ay. Bilib-bilmay, feminist g'oyalarga uchma. Mo'minning karami taqvosi bilan - karyerasi, layklari, gullari, mashinasi bilan emas.

2. Qalbingni va fe'lingni go'zallashtir. Shu qalbing seni boshqalardan ajratib turadi. Qalbingga avvallo Allohning muhabbatini joyla.

3. Ibodatlaringni muhofaza qil. Namoz, Qur'on, zikr va nafllar - qo'rg'oning bo'lsin.

4. Jismingni ko'z-ko'z qilma. "Olmos"deksan. O'zingni asra. Libosing taqvo va hayo bo'lsin. (Iloji boricha) hatto rasmingni begona ko'zlardan asra.

5. Yolg'iz qolishdan, qadriyatsizlar tomonidan ajratib qo'yilishdan qo'rqma. Bu vaqtni o'z foydangga, rivojlanishingga ishlat.

6. Xarakter/fe'l-atvoringni bahona qilma. Introvert bo'lsang, qobig'ingdan chiqishni, ekstravert bo'lsang, nozik va sezgir bo'lishni o'rgan. Hech kim seni "boringcha qabul qilish"ga majbur emas.

7. Ota-onang, yaqinlaring bilan chiroyli munosabat qil. Ularga yaqin bo'l. Sinovlarga iymon bilan sabr qil.

8. Judda sodda (naive) bo'lma. Kim yaxshi, shirin gapirsa, ishonib ketaverma. Yolg'on mehr-e'tiborga aldanma. Uzoq muddatda dunyo va oxirating uchun foydalisigacha sabr qil.

9. Onasan. Bo'lajak farzandlaring uchun o'zingni tarbiya qil. Shunga mos solih ota tanla.

10. O'zingni birovga taqqoslama. Hammasi o'z yo'l-yo'rig'ida, nasib qilganida, Alloh bitgan vaqtda yetib keladi.

11. Jismoniy, aqliy va ruhiy sog'liging haqida qayg'ur.

12. Istixorani lozim tut. Har bir ishni Allohga havola qil.

13. Beruvchi bo'l, Alloh uchun qil - xotirjam bo'lasan. Ayollar tabiatiga xos illatlarga qarshi kurash.

14. Qanday yashasang, yasha.
Kim bilan do'st bo'lsang, bo'l.
Turmushing qancha ideal bo'lsa, bo'lsin.
Lekin agar qalbda Allohni ustun qo'yolmasang, hech qaysi biri tatimaydi. "Ayollik baxti"ngdan avval "bandalik baxti"ngni top.

Aslida, aytar nasihatlar ko'p. Amaliga tavfiq bersin.

© ULUL ALBAB yozdi

Ayol-qizlar uchun sahifam. Hozir u yerda chellenj qilyapmiz.

https://t.me/+VyDOfPttkrkyMzZi

Turli xil nuqta, vergul, ayolligiga shubha soluvchi va feyk akkauntlar qabul qilinmaydi.

Yaqinda Oʻzbekistondan oʻzimga kerakli kitoblarni opkeltirishni rejalayapman.

Shularga qoʻshib siz yana qaysi kitoblarni tavsiya qilgan boʻlardingiz? Qanday yaxshi kitoblar chiqdi. Oʻzi umuman qaysi kitoblarni tavsiya qilasiz?

Ishdan chiqib, uyga qaytyapman. Hali ham uyga yetmadim. Odatda “xalqlar doʻstligi” metrosida tushib, “Choshtepa”gacha metroda tezda kelib, uyogʻi taksida ketardim.

Bugun esa kecha uxlamaganim uchun “Olmazor” metrogacha 118 da uxlab kelishni tanladim. Chunki avtobusda yoʻl sal uzayar, uyga yetvolguncha ozroq mizgʻib olaman dedim.

Sobir Rahimov’ga aytganimday uxlab keldim. Qornim juda ham och edi. Avtobusdan tushib yoʻl-yoʻlakay 3 dona gumma olib, sumkamga solib oldim qulay vaqtda yeb olaman deb.

Yangiyoʻlgacha Sobir Rahimovdan taksi, marshrut hatto avtobus ham bor. Men marshrutni tanladim. Marshrutda odam toʻla, faqat bir kishilik joy qolgan. Boʻsh oʻrindiqda yonida juda ham semiz ayol oʻtirgani sababli kichik bolakay ham sigʻmaydi. Sigʻarman deb oʻtirib koʻrdim, sigʻdim, ammo judayam noqulay edi. Yonimda va roʻparamda esa oʻgʻil bolalar.

Oʻtirganimni koʻrib eshikni yopishdi. Amallab ketadi-da deyishdi. Yoʻq, tushib qolaman, sigʻmadim dedim. Tabiiyki, hamma menga tannozga qaraganday qaradi. Ammo, ularning qarashi bilan meni nima ishim bor, axir men noqulaylik his qildim.

Tushib qoldim va navbatdagi marshrutni kuta boshladim. Tezda keldi, oʻzim sevganday bir kishilik, deraza oldidan joy oldim. Kun qorongʻulashgani hisobiga uyalmay 3 ta gummamni ham yeb oldim. Deraza ortida turib tafakkur qildim. Inson qachon tafakkur qiladi oʻzini qulay, xotirjam va xavfsiz his qilganda.

Bugun koʻpchilik oʻzini bu hayotda noqulay, bexalovat his qiladi. Tabiiy bunday hislar ichida yashash inson uchun ogʻir. Albatta, Alloh insonni mashaqqatda yaratdi. Ammo ana shu mashaqqatni yengish yoʻllarini topishni ham insonga bildirdi. Shunday ekan tanlov doim oʻz qoʻlimizda ekanligini unutmaylik. Hayotdagi oʻrnimizni, yoʻnalishimizni oʻzimizga tanlaymiz. Qadar esa gʻayratga oshiqdir. Harakatimizga koʻra siylanamiz.

Bu hayot haqiqati oddiy narsalarda mujassam boʻladi.

2024-yilning, 21-avgusti

Agar siz kimnidir yaxshi koʻrsangiz, uning qalbida kitobga muhabbat uygʻoting. Bu uning uchun qilgan eng yaxshi yaxshiligingiz boʻladi.

Bunda hayotimdan misol bor. Singlimni bir necha yillardan beri kitob oʻqishga targʻib qilib kelaman. Birga yashagan vaqtlarimiz oʻzim kitob berardim shuni oʻqib chiq deya. Keyin kitob nima haqida ekan aytib ber yoki yozib ber derdim. Shu bilan oz boʻlsada kitob olamiga opkirdim.

Oʻtgan yil esa blog ochishga targʻib qildim. Oddiy boʻlsa ham yuritaver, tajriba boʻladi deb uqtirdim. Ochdi, yuritdi, yozdi, hozir ham yurityapti. Eng quvonarlisi bilasizmi nima? Hozir 3-4 ta nashriyot bilan hamkorligi bor. Oʻzi kitob oʻqish bilan birga boshqalarni ham kitob oʻqishga qiziqtiryapti. Hozirgi internet rivojlangan, odamlar kitobdan uzoqlashgan zamonda bu judayam katta narsa. Judayam katta yaxshilik. Uni bu ishini oxirigacha qoʻllab-quvvatlayman. Bardavom boʻlsin.

Kitobli muhit xohlayotgan boʻlsangiz, yosh singlimning kanaliga marhamat. https://t.me/naza_gapiradi

19 yoshligimda men abituriyent edim. Uvillab oʻqishga tayyorlanib yurardim. U boʻlsa bu yoshda universitetda 3-kursda oʻqiyapti. Bugalteriya, AI sohalarida oʻqib chiqdi. Oʻzi ishlab pul topyapti. Mashaalloh. Allohumma baarik.

Xullas, ancha qiziq va faol hayoti bor.

https://t.me/naza_gapiradi