" مافي حاجة عظيمة قدر مشاعرك وحواسك تشدك إتجاه شخص رغم قلة الكلام ، قلة اللقاء ولو انعدم ، دنيا ودّت ناس وجابت وانت ثابت من البداية .."♥️

#الاء

🔴 أشهد أن لا إله إلا الله و أشهد أن محمد رسول الله

🔴 أستغفر الله الذي لا إله إلا هو الحي القيوم و أتوب إليه

🔴 سبحان الله و بحمده سبحان الله العظيم

🔴 لا حول ولا قوة إلا بالله العلي العظيم

🔴 اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد

🔴 سبحان الله وبحمده عدد خلقه ورضا نفسه وزنة عرشه ومداد كلماته

🔴 سبحان الله والحمــد لله ولا إله إلا الله والله أكبر

🔴 لا إله إلا الله الواحد الأحد الفرد الصمد الذي لم يلد ولم يولد ولم يكن له كفواً احد

🔴 لا إله إلا الله وحده لا شريك له له الملك وله الحمد وهو على كل شئ قدير

🔴 لا إله إلا أنت سبحانك إني كنت من الظالمين

🔴 اللهم يامقلب القلوب ثبت قلبى على دينك

🔴 اللهم أنك عفو كريم تحب العفو فأعفو عنا .. اللهم أتنا فى الدنيا حسنة وفى الاخرة حسنه وقنا عذاب النار ..

🔴 اللهم أسترنا فوق الارض وتحت الارض ويوم العرض عليك ..

والحمدلله رب العالمين والصلاة والسلام على أشرف المرسلين سيدنا محمد وعلى اله وصحبه أجمعين ..

هذا المساء...

_ لشخصي المفضل.. ❤️.

" ي وعدي بيك..
كل النجيمات شارقة ليك..

قلبي العِرف بيك الهوى..
سلمتوا ليك.."❤️🌍.
مناسك حسين

#الاء

صباح الخير

إذا فُتِح لك باب لقراءة سورة البقرة

فقد أُجِبت ونُصِرت ودُبَّر الأمر لك!❤️

#الاء

قبل أيام كان على مزاجي اني اعمل بيتزا بدل ما اطبخ
وكل اللي ضاقو البيتزا حقتي، عارفين اني بعملا حلوة وعجينتها قُطنية تبارك الله
المهم، جبت كل المكونات المحتاجة ليها وبديت اعمل فيها بكل مزاج الكوكب
فتحت الفرن دخلتها وبقيت واقفة 10 دقايق منتظراها تجهز، أول ما طلعت الصينية من الفرن
اتفاجأت إنو البيتزا لاصقة تمامًا مع الصينية وخلاص باظت وما فيها شي يتّاكل!
سلمتا أمري لله واشتريت اندومي اليوم داك اكلتو وخلاص!!

اخدت يومين على بال اتناسى القصة وجيت تاني بحماس الكوكب برضو عشان اعمل صينية جديدة "أيوا ما بتوب"😂

زبطت العجينة وفردتها في الصينية ودخلتها المرة دي على نار هادية وبقيت منتظرة
كل شوية اعاين ليها ما راضية تستوي
لغاية ما العجينة اتلبّكت وبقت لِكّة وحِرقت ومسكت من تحت وبقت من فوق عجينة نيّة

حزنتا وقعدت في نص السرير أفكر أنا اليومين ديل مالي يا ربي مافي شي داير يزبط معاي

قيس وات؟؟
اتذكرت إنو قبلها بي أيام كان في تريند على فيسبوك هنا وماف زول ما جاب سيرتو
وأنا عملتا زيي زي الناس مشيت خُضت فيهو واتونست مع كم زول كده في سيرة الموضوع ونمّيت واغتبتا في ناس أساسًا ما بعرفهم غير من قصة الفيسبوك المنتشرة!!

هل ده السبب اللي خلا الأكل يبوظ مني وارميهو زي ما هو؟؟

أيوا🤷🏾‍♀️💔
أبوي الله يديهو العافية كان كلما يجي المطبخ يلقى باقي اكل بايظ يلمّنا كلنا ويقول لينا
"إن العبدَ ليُذنب الذنب الواحد، فيُحرَمُ بهِ رزقًا كان قد هُيئَ لهُ"

يعني تخيل
رزقك قدام عينك
ربنا سخرو ليك
وفر ليك قروش جبت بيها المواد
وعافية وقفت سوّيت بيها الأكل
ووقت فاضي قدرت تقيف بيهو
وكل أسبابك لي إنك تاكل رزقك ده=مهيأة قدامك
فجأة الأكل يتكشح/يبوظ منك/يتحرق
والسبب؟؟
ذنب واحد انتا عملتو!

كم مرة أذنبنا في حق ربنا، وخُضنا في أعراض الناس؟
ونجي نستغرب ليه حياتنا معكّسة، ليه أمورنا جايطة، ليه الدنيا عندنا ما راضية تزبط!
السبب ببساطة
بما كسبت أيدينا والله
بسبب ذنوبنا دي
وبي سبب ترندات فارغة قعدنا نباري فيها هنا وهناك
وعشان الناس قررت تنشر قصتها في فيسبوك
نحنا قررنا إنو لينا الحق نتكلم فيها ونفتي من راسنا!

الخُلاصة
لو الزول استغفر من ذنوبو، ومسك عليهو لسانو
حياتو بتمشي دغري
وما بتجيهو عوجة تب

ربنا يغفر لينا ذنوبنا
ويطهّر ألسنتنا من الخوض في أعراض الناس❤️‍🩹
صفيَّة مُصطفى

#الاء

كعب الزول التشيل همو
ووقت همك ولا يهمه 😔..
#مودة

ان الله وملائكته يصلون على النبي يا أيها الذين آمنوا صلوا عليه وسلموا تسليما

هذا المساء..❤️.

_ ما تنسى و انت متشحتف .. على زول ..على وظيفة .. على عربية سمحة .. على أي حاجة

انها مستمدة رهابتها منك ..الحاجة العاجباك دي رهيبة عشان "عاجباك" ❤️📌.

غير كدة مجرد حاجة عادية في الملكوت الواسع دة..!

ممكن عادي تديها ضهرك و تفوت.. بكرة مع الأيام حتعرف..

_ كانت عظيمة عشان انت حبيتها .. انما في الأصل .. مجرد حاجة عادية !❤️.
سلمى المصباح

#الاء

لا تَجعل الدُّنيا أكبرَ هُمومك، ولا تُبالِغ في الحِرص عليها، ولا تَخَف منها، ولا تَقلق من النَّقص الموجود في حياتك.. الدُّنيا دارُ ابتلاء، وهي دارٌ قصيرةٌ مُتقلِّبة، ولا يُمكن أن تَكتمل لك من جميع الجِهات؛ فتَقبَّل هذه الحقيقة، وعِش حياتك بهُدوءٍ وطُمأنينة 🩷|•

#إسراء

سَيدُ الإسْتِغفَار..

"اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي؛ فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إِلَّا أَنْتَ"

لا إلهَ إلَّا اللهُ وحدَه لا شريكَ له ، له المُلْكُ ، وله الحمْدُ ، وهو على كلِّ شيءٍ قديرٌ .💗

#الاء

بعيش أيامي على مهلي، وبختار راحتي، ومؤمنة إنو الحاجات السمحة بتجي في وقتها المناسب. 💗

#الاء

يادنيا ماتدينا شي
لو كنتي تاني حتقلعي 😔
ماتشيلي احساس الامل
وقليبنا بالخوف تزرعي 💔
#مودة

🔴 أشهد أن لا إله إلا الله و أشهد أن محمد رسول الله

🔴 أستغفر الله الذي لا إله إلا هو الحي القيوم و أتوب إليه

🔴 سبحان الله و بحمده سبحان الله العظيم

🔴 لا حول ولا قوة إلا بالله العلي العظيم

🔴 اللهم صل على محمد وعلى ال محمد كما صليت على ابراهيم وعلى ال ابراهيم انك حميد مجيد

🔴 سبحان الله وبحمده عدد خلقه ورضا نفسه وزنة عرشه ومداد كلماته

🔴 سبحان الله والحمــد لله ولا إله إلا الله والله أكبر

🔴 لا إله إلا الله الواحد الأحد الفرد الصمد الذي لم يلد ولم يولد ولم يكن له كفواً احد

🔴 لا إله إلا الله وحده لا شريك له له الملك وله الحمد وهو على كل شئ قدير

🔴 لا إله إلا أنت سبحانك إني كنت من الظالمين

🔴 اللهم يامقلب القلوب ثبت قلبى على دينك

🔴 اللهم أنك عفو كريم تحب العفو فأعفو عنا .. اللهم أتنا فى الدنيا حسنة وفى الاخرة حسنه وقنا عذاب النار ..

🔴 اللهم أسترنا فوق الارض وتحت الارض ويوم العرض عليك ..

والحمدلله رب العالمين والصلاة والسلام على أشرف المرسلين سيدنا محمد وعلى اله وصحبه أجمعين ..

«‏من تمامِ المروءةِ أن تكون قادرًا على الإحراج، ثم تتعفَّف عنه؛ وأن تستطيعَ كشفَ عيب أخيك، ثم تختار أن تستره؛ وأن تملكَ كلمةً لو أطلقتها لأوجعت، فتحبسها حياءً ورحمةً، وأن تعرفَ مواضعَ زلاته فتتجاوزَ عنها.

‏وأن تلتقطَ الإشارةَ، فتقطعَ طريق الحرجِ عن أخيك بحديثٍ لطيفٍ، أو انتقالٍ ذكيٍّ لشأنٍ آخر دون أن تحاصره في زاويةٍ ضيِّقةٍ، وأن تفطنَ أن نفس من أمامك رقيقة الغشاءِ، مرهفةُ الشعورِ، سريعةُ الانكسارِ، فتسترَ موقفه وتكفَّ كلمةً لو قيلت لكسرته، ولو كُفَّت عنه لأنقذت قلبه».
ــــــــ سمر إسماعيل




#إسراء

يوميات علوب

( كلاسيكو الأرض )

زمان كان معانا واحد في حلتنا كضاب
كدا ومستهبل شديد لكن بي استهبالو دا الناس بتفاعلو معاهو وعامل جو ….وهو ذاتو ما زول مؤذي بعِز روحو بس ..
وكضبتو ( لازمة ) ما ( متعدية ) كلها عنو هو بس …!! ما قلل من حدة الخسائر

إسمو ( التجاني )

أها ( التجاني ) دا لاقاني مره كدا في الفسّحة القدام بيتنا دي .. بعد التحايا والسلامات …!!
قلت ليهو أها كيف يا ( تجاني ) الأخبار شنو
قال لي تعبان شديد والله ياعلوب …!!

قلنا لي خير إن شاء الله في شنو ..!؟؟

قال لي جوني عقدين عمل واحد في ( الدوحة ) قطر والتاني في ( الخُبر ) السعودية
وماعارف أسوي شنو ..!!

أبو الزفت ..( اتنين مرة واحده )

أنا طبعاً كتمت الضحكة داير أتشرق
تسمع ( عقدين ) تقول اخصائي المناظير
وهو أخصائي ( مواسير )
لكن برضو أبديت تجاوب …

ياخ مجرد إنو تعيش مثل هذه الأجواء فالأمر يستدعي …
والسودان وقتها أمورو جايطة …وشغل مافي ….وحر …

( ماكنا عارفين القيامة جايه )

المهم أنا ذاتي دخلت الأجواء …
قلت لي شوف يالتجاني إنت تختار الحتة البتتناسب مع قدراتك …!!

تاني كتمتها 😂
لأنو ( الحته ) الوحيدة البتتناسب مع قدرات ( التجاني ) دا ياها ( المسطبة ) القدام دكان ( يس ) دي
بجي بلقانا بنضرب لينا في ( فتة ) متكلين في صناديق البيبسي ديك

و ( البيبسي ) في السودان شراب وقعاد )
وهذه لم يفعلها الأمريكان

فيتسلل كما النسيم يحكي لينا نكته
كدا نقول ليهو أتفضل …!!
طوالي بتفضل
وهو ذاتو فنان بختار المناسبة وبفصِل عليها النكته ….!!
يعني يقول ليك بمناسبة ( الفتة ) دي وبحكي نكتتو …!!
وبتكون عندها علاقة بالموضوع
المهم دي طريقتو …!!
( راجل مرتب ويمتلك أدواتو )
و لديه مقدره فائقة على الإستدعاء

غايتو ( التجاني ) دا لو وظّف قدراتو دي
بي شكل تاني كان عمل ( نقله )

المهم بكون ( الشير ) بتاعو ياها النكته
دي …
ياكل ويقُش خشمو ويتخارج

دا ياهو ( التجاني )

نرجع ل ( الخُبر ) …

قال لي والله يا علوب أنا ذاتي قلت كدا
لكن ( الدوحة ) قروشا اكتر …
هيااااا اخوانا 😳

( الله يستر معناها الزول دا مفلس اليومين
ديل )

قلت لي خلاص غربه لي غربه أقع القروش

قال لي لكن المشكله السعوديه دي حبايبنا كتار …😳😳

هنا ما قدرت …!!
فكيت الضحكة طوالي 😂

قلت لي إنت يالتجاني ماشي عقد عمل ولا عقد قران …

المهم قال لي لكن بيني وبينك بالله هو في أحلى من السودان دا ..!!
قول مشيت واغتربت وضيعت سنين هناك مش بكون ضيعتا أحلى سنين عمري ..المفروض اقضيها في بلدي …😳

( أنا ما قلت ليكم الزول دا خبير )

أها شوفو ( الزول ) دا هسا مشى ( الدوحة ) و ( الخُبر ) وجا راجع السودان في تلاته دقايق…

أنا كمان عشان ما يجدد عقدو دا
قلت لي اي والله مافي أحلى من البلد دي
قلت أقفل الموضوع دا ..

بتصدقو قال لي ينصر دينك يا ( علوب )
أنا ذاتي قلت كدا ..😳

وطوالي عمّر سلاحو وأطلق رصاصة الرحمة
قال لي بلقي عندك خمسة الف لي بكره 😎

( والله حسيت بيها ) ..

قلت لي ياخ إنت هسا يا ( التجاني ) بدل اللفة والتأشيرات دي ماتقول لي كدا من قبيل وتريحني وتريّح روحك

( قال لي داير أفتح شهيتك )…

( ماعرفت اقول شنو والله ) …

أديتو الخمسة الف أعمل شنو
وداني تلاته دول …

الحمد لله التجاني صرف اول راتب كمغترب …..اقصد ( مُكتضِب )

المهم دا ( التجاني )
كدي إنتو بقيتو زينا واتعرفتو على الشخصية وعن قرب …

أها مره كدا قاعدين مع الشباب قام
( منتصر ) صاحبنا دا قال لينا والله اليومين ديل أنا عندي مشكله كبيرة ما عارف احلها كيف …!؟؟

قلنا لي خير يازول في شنو ..!!؟؟

قال عندو ود خالتو كدا عايز يتقدم ليهو لي بت لكن أهلها صعبين شوية هو ولد وحيد أخواتو بنات وأبو متوفي
عندو عمو واااحد لكن رمتالي كدا بِسكر من العصُر ومستحيل يسوقو معاهم ….!!

قال لينا نحن طبعاً ماشين معاهو
لكن دايرين لينا زول ( حناك ) كدا ومقنع
يمشي معانا ..يفتح الدرِب بس

( ود الحاجة ) قاعد مطرّف كدا قال لي
والله ديل إلا تسوق ليهم ( التجاني ) 👌

قالت بي هظار كدا …وبضحك ضحكتو
العجيبة ديك 🤣

لكن الجماعة أخدو ليهم ( صنة ) كدا
كأنو الفكره قد راقت لهم …💥

( إبراهيم )قال والله فكرة مالو …
على الأقل يعمل ليهو حاجه كويسه في حياتو ..

يازول ( الفكره ) زي لقت قبول عام كدا
( منتصر )ًذاتو عبر عن إرتياحو لانو بعرف
قدرات التجاني المهولة

أها( التجاني ) أصبح المرشح الاول لتولي
المنصب ..
قلنا ليهو نحن ما دايرنو يكضب عايزنو بس
يُحدث إختراق ويدي أهل العروس ديل
إحساس بالأمان ..

قالو لكن نقول ليهم جاي بي صفتو
شنو ….!!؟؟
( جعفر ) المجرم قال ليهم
( كضاب العريس )
فقعناها ليك ضحكة بأعلى صوت ..😂😂😂