#إنجلش_كيك 🍰😍

📝المقادير:
كوب ونصف دقيق،
3 بيضات،
ملعقة صغيره فانيليا سائلة،
ملعقة بشر قشر برتقال،
نصف كوب زبدة طرية،
نصف كوب سكر،
كوب كبير فواكه مسكرة ( كريز او زبيب او فواكه مشكله ويمكن اضافة قطع صغيرة من التمر )،
ربع كوب حليب سائل،
نصف كوب مكسرات مجروشة اى نوع لوز او فستق حسب الرغبة،
قطع حلوى ملونه،
ملعقة كبيرة بيكنج بودر

🌱الطريقة
تخفق الزبدة مع السكر بالخلاط الكهربائي حتى يصبح الخليط شبه كريمي وهش ، يضاف البيض والفانيليا وبشر البرتقال ويخفق جيدا مع الزبدة والسكر، ينخل الدقيق مع رشة الملح والبيكنج بودر وتأخذ نصف كمية الدقيق المنخول وتخلط مع الفواكه المسكرة والمكسرات ( لاننا اذا اضفناها على خليط الكيك ستسقطع فى قاع القالب ولكن اذا غلفت بالدقيق ستكون منتشرة بالكيك )
ثم تخلط كمية الدقيق المخلوطة بالفواكه بخليط البيض والزبدة ثم يضاف الدقيق المتبقى والحليب بالتدريج حتى الحصول على قوام متماسك للكيك
، يدهن القالب بالزبدة والدقيق ثم يصب به خليط الكيك وتنثر قطع الحلوى الملونه ويوضع بالفرن ( يجب تسخين الفرن ب10 دقائق قبل وضع الكيك ) على 180 درجة لمدة ساعة او حتى تمام النضج..

🍰

#كفته_التونه

المقادير

علبة تونة

2 - 4 حبات بطاطا

2 ملعقة كزبرة مفرومة أو بقدونس مفروم

بصلة متوسطة مفرومة ناعما

1 ملعقة عصير ليمون ( اختياري )

ملح

فلفل احمر ناعم ( اختياري )

كمون

فلفل اسود

- للتغطية :

بيضتان

بقسماط ( كعك مدقوق )

الطريقة

- تسلق البطاطا و تهرس جيدا .

- تصفى التونة من الزيت ثم تهرس ناعما و تضاف للبطاطا مع البقدونس

أو الكزبرة و البصل و عصير الليمون و يتبل المزيج بالتوابل

و تخلط المقادير مع بعضها جيدا .

- تشكل الكفتة بهيئة دوائر ثم تغمس فى البيض المخفوق

ثم فى البقسماط .

- تقلى الكرات بالزيت الحار ثم توضع على ورق ماص و تقدم ساخنة .

حياكم الله في "مطبخ نورة" وجهتكم لكل ما هو لذيذ ومضمون، بمعايير نظيفة وخالية من المخالفات الشرعية.

نقدم لكم:
✔️ وصفات من مطبخي الخاص.
✔️ وصفات منقولة لكم من حسابات أخرى.
✔️ أطباق أعجبتني وحبيت مشاركتكم إياها.

دعمكم بنشر الحساب يعني لنا الكثير، ونتشرف بمتابعتكم لنجعل طاولتكم أروع!

🍎🔥 متسيبيش موسم الرمان يعدّي من غير ما تحفظيه! 😍❤️
تعالي أقولك ٣ طرق لحفظ الرمان طول السنة، وكمان دبس رمان بيتي مركز بطعم يجنن. 👌
━━━━━━━━━━━━━━
🍎🧊 الطريقة الأولى: حفظ الرمان بالشربات في الفريزر
📝 المقادير:
* ٢ كيلو رمان.
* ٢ كوب مية.
* ٦ معالق كبيرة سكر، أو شربات جاهز.
👩‍🍳 الطريقة:
1️⃣ فصصي الرمان ونضفي الحبات كويس من بقايا القشرة البيضاء.
2️⃣ اغلي المية والسكر غلوة بسيطة، وسيبي الشربات يبرد تمامًا، أو استخدمي شربات جاهز.
3️⃣ حطي الرمان في علب الفريزر، وصبي الشربات لحد ما يغطي الحبات.
4️⃣ اقفلي العلب كويس ودخليها الفريزر.
🍹 استخداماته: العصائر، والسموذي، وسلطة الفواكه والحلويات.
━━━━━━━━━━━━━━
🍎🧊 الطريقة التانية: تفريز الرمان من غير إضافات
📝 المقادير:
* ٢ كيلو رمان.
👩‍🍳 الطريقة:
1️⃣ فصصي الرمان ونضفي الحبات كويس، وافرديها على فوطة لحد ما تنشف تمامًا.
2️⃣ وزعي الحبات في صينية عليها ورق زبدة، ودخليها الفريزر من ساعتين لـ٣ ساعات.
3️⃣ بعد ما تتجمد، انقليها لأكياس تفريز محكمة وافرغي الهوا.
🧊 الأفضل استخدامها خلال ٣ شهور للحفاظ على جودتها.
🥗 استخداماته:
سلطة الجرجير، والفتوش، والأرز، والمشويات، والحلويات والعصائر.
━━━━━━━━━━━━━━
🍷🔥 الطريقة التالتة: دبس الرمان البيتي المركز
📝 المقادير:
* ٢ كيلو رمان حب.
👩‍🍳 الطريقة:
1️⃣ اضربي حبات الرمان في الخلاط ضربات خفيفة من غير ما تطحني البذور علشان ما تمررش.
2️⃣ صفي العصير بمصفاة ناعمة، وبعدها عديه على شاش نضيف.
3️⃣ حطي العصير في حلة واسعة على نار متوسطة لحد ما يغلي، وشيلي الرغوة لو ظهرت.
4️⃣ هدي النار وسيبيه يتركز حوالي ساعة أو ساعة ونص، مع التقليب من وقت للتاني.
5️⃣ لما القوام يتقل ويبقى لامع، اختبري نقطة على طبق بارد. لو بقت سميكة وبتتحرك ببطء، ارفعيه من على النار.
6️⃣ سيبيه يهدأ وصبيه في برطمان نضيف وجاف، واحفظيه في التلاجة.
✨ أسرار نجاح دبس الرمان:
❤️ استخدمي رمان ناضج وعصيري.
❤️ النار الهادية تمنع الاحتراق والمرارة.
❤️ ما تسيبيش الدبس يتقل زيادة؛ لأنه بيسمك بعد ما يبرد.
❤️ ممكن تقسمي الكمية وتجمّدي الزيادة.
🥗 استخداماته: تتبيلة المشويات، وسلطة الجرجير، والمحاشي والسلطات والصوصات.
━━━━━━━━━━━━━━
❤️ استغلي موسم الرمان وجهزيه بأكتر من طريقة علشان تلاقيه جاهز عندك طول السنة! 😍

🥒🍅 لو الكوسة عندك دايمًا يا إما بتتهري يا إما طعمها بيطلع عادي… يبقى جربيها بالطريقة دي! 😍🔥
كوسة مسبكة باللحمة، ماسكة نفسها، مش مهريه والصلصة متسبكة لحد ما تتقل وتغلف كل قطعة كوسة… واللحمة طرية وطعمها داخل في الصوص بطريقة تجنن 🤤❤️
والسر كله في تشويحة بسيطة للكوسة في السمنة قبل ما تدخل على التسبيكة 👌✨
اسمعي 👇🥰
━━━━━━━━━━━━━━
🥒🍅 الكوسة المسبكة باللحمة 🥩
📝 المقادير:
🔸 1 كيلو كوسة
🔸 ½ كيلو لحمة مكعبات
🔸 1 بصلة متوسطة مفرومة ناعم
🔸 5 فصوص توم مفروم
🔸 2 كوب عصير طماطم
🔸 1 ملعقة كبيرة صلصة طماطم
🔸 2 ملعقة كبيرة سمنة
🔸 1 فلفل أخضر مفروم
🔸 ملح حسب الرغبة
🔸 ½ ملعقة صغيرة فلفل أسود
🔸 ½ ملعقة صغيرة كمون
🔸 ½ ملعقة صغيرة كزبرة ناشفة
🔸 ½ ملعقة صغيرة بابريكا
🔸 ½ ملعقة صغيرة بهارات لحمة
🔸 ورقة لورا
🔸 2 حبة حبهان
🔸 رشة صغيرة نعناع ناشف
🔸 فلفل حار اختياري 🌶️
🥩 طريقة اللحمة:
سخني معلقة سمنة في الحلة، وانزلي باللحمة وشوحيها على نار عالية لحد ما تاخد لون حلو من كل ناحية.
ضيفي البصل وشوحيه لحد ما يدبل، وبعدها ضيفي جزء من التوم والفلفل الأخضر.
ضيفي ورقة اللورا والحبهان والفلفل الأسود وبهارات اللحمة، وبعدها مياه سخنة تغطي اللحمة.
غطي الحلة وسيبيها على نار هادية لحد ما اللحمة تستوي وتطرى.
🥒 تشويح الكوسة:
قطعي الكوسة حلقات أو قطع متوسطة.
حطي معلقة سمنة في حلة واسعة، ولما تسخن انزلي بالكوسة وشوحيها على نار متوسطة لعالية مع التقليب بهدوء، لحد ما تاخد تشويحة خفيفة من كل ناحية.
ماتستويهاش بالكامل في المرحلة دي؛ إحنا بس عايزينها تتشوح وتمسك نفسها.
طلعيها على جنب.
🍅 التسبيكة:
في نفس الحلة، شوحي البصل في السمنة، وبعد ما يدبل ضيفي باقي التوم والفلفل الأخضر وقلبي ثواني.
ضيفي عصير الطماطم وصلصة الطماطم، وحطي الملح والفلفل والكمون والكزبرة الناشفة والبابريكا وبهارات اللحمة ورشة القرفة لو حابة.
سيبي الصلصة تتسبك على نار متوسطة لحد ما تتقل والزيت يظهر على الوش.
ضيفي الكوسة المشوحة واللحمة المستوية، ومعاهم كمية بسيطة من شوربة اللحمة.
غطي الحلة وسيبيها على نار هادية لحد ما الكوسة تكمل سواها والصوص يتقل ويمسك فيها.
❤️ هنا بقى هتعرفي يعني إيه كوسة مسبكة صح:
الكوسة مستوية وطرية لكن ماسكة نفسها، واللحمة طرية، والصوص تقيل ومتسبك وطعمه غني جدًا 😍🔥
🍚 قدميها مع رز أبيض أو رز بالشعرية… وبالهنا والشفا يا بطتي ❤️

ملحوظة:
ممكن ماتحطيش فلفل اخضر وممكن تستغنى عن التوابل وكفاية ملح وفلفل اسود وشوية نعناع ناشف فقط

الاكل ازواق

ماتنسوش تصلوا على نبينا محمد صلى الله عليه وسلم عشان ناخد حسنات كلنا

أوعي تكوني لسه بتسلقي الممبار وتضيعي طعمه في مية السلق، وتتعبي نفسك كمان في تحميره! 😍🔥 تعالي أقولك على طريقة تسوية الممبار من غير سلق ولا تحمير، وهيطلع معاكي مستوي من جوه، واخد لون دهبي يفتح النفس، وطعمه حكاية من حكايات زمان! 🤤❤️

✨ السر في طريقة التسوية دي إن الممبار بيستوي في عصارته وبيحتفظ بطعمه وتتبيلته، من غير ما يفقد نكهته في مية السلق!

👩‍🍳 الطريقة:
أول حاجة هننضف الممبار كويس جدًا من جوه وبره، ونقلبه ونغسله بعناية، وبعد كده نحشيه بخلطة الرز المتبلة بالبصل والطماطم والخضرة والشبت والبقدونس والكزبرة، مع التوابل اللي بتحبيها، من غير ما نكتر الحشو علشان الرز لما يستوي مايفرقعش الممبار.

هنرص الممبار في صينية، ونضيف شوية من الخلطة المتبقية مع مقدار مناسب من الشوربة أو المية المتبلة كما موضح في الصورة ونغطي الصينية كويس ضروري نغطيها ، وندخلها الفرن لحد ما الممبار يستوي تمامًا.

وبعد ما يستوي، نشيل الغطا ونسيبه ياخد لون دهبي جميل من الوش، من غير ما نحتاج نسلقه الأول أو نقليه في الزيت! 😋🔥

ملحوظة هامة
ممكن نضيف ميه بدل الشربة تغطى الممبار بس لازم يكون باين من الميه المهم الميه تكون فيها نفس التوابل بتاعة الخلطة

💥 والنتيجة؟ ممبار طعمه غني، وريحتُه هتخلي البيت كله يسأل: إيه الأكل الحلو ده؟ 😂❤️

بالف هنا

🍆لو بتحبي البتنجان المشوي والفلفل والدقة اللي ريحتها تفتح النفس، يبقى الوصفة دي هتبقى من أحلى الحاجات اللي تعمليها في مطبخك! 😋👌

طعم مدخن من البتنجان المشوي، وفلفل أحمر حلو، ودقة توم وخل وكزبرة خضرا،
والأحلى إنها تنفع جنب الغدا، مع العيش البلدي، في الفطار والعشا، أو حتى لما تفتحي التلاجة وتبقي عايزة لقمة لذيذة وسريعة! ❤️
اسمعي مني سوزي ❤️
━━━━━━━━━━━━━━

📝 المقادير بالمقادير المضبوطة:

🍆 3 حبات بتنجان رومي متوسطة الحجم
🫑 4 حبات فلفل رومي أحمر
🌶️ قرن فلفل حامي حسب الرغبة
🍅 2 حبة طماطم متوسطة مقطعة مكعبات صغيرة
🧄 4 فصوص توم مفرومين
🌿 نصف كوب كزبرة خضرا مفرومة
🫒 ربع كوب زيت زيتون
🥣 ربع كوب طحينة خام
🍋 عصير ليمونة كبيرة
🥄 2 ملعقة كبيرة خل
🧂 ملح حسب الرغبة
🌿 ملعقة صغيرة كمون
🌿 نصف ملعقة صغيرة كزبرة ناشفة
✨ رشة سكر صغيرة جدًا لإبراز الطعم
🌶️ رشة شطة اختياري

━━━━━━━━━━━━━━

👩‍🍳 الطريقة بالتفصيل وأسرار الطعم الحلو:

🔥 أولًا: شوي البتنجان والفلفل

1️⃣ نغسل البتنجان والفلفل كويس ونجففهم، ونخرم البتنجان بالشوكة في كذا مكان علشان يستوي من جوه ومايفرقعش.

2️⃣ نشوي البتنجان على عين البوتاجاز أو في الفرن لحد ما يطرى تمامًا من جوه، وياخد ريحة الشوي الجميلة.

3️⃣ الفلفل نحطه في طاسة ساخنة ونقلبه على كل الجوانب لحد ما يستوي ويطرى وتظهر عليه علامات الشوي.

4️⃣ نسيب الخضار يهدى شوية، وبعدها نقشر البتنجان والفلفل ونشيل البذور الزايدة لو موجودة، ونصفي أي سوائل زيادة.

🔪 السر المهم جدًا: نفرم البتنجان والفلفل بالسكينة فرم خشن، مش بالكبة! علشان نحتفظ بقطع واضحة وقوام جميل، ومايتحولش الخليط لبابا غنوج ناعم.

━━━━━━━━━━━━━━

🧄 ثانيًا: نعمل الدقة اللي هي سر الوصفة!

5️⃣ في طاسة على نار هادية نحط زيت الزيتون، ولما يسخن نضيف التوم المفروم ونقلبه تقليبتين لحد ما تطلع ريحته من غير ما يتحرق.

6️⃣ نضيف الخل بحذر، ونقلب، وبعدها ننزل بالطماطم المقطعة مكعبات صغيرة، ونسيبها تتشوح دقيقتين أو تلاتة لحد ما تطرى شوية، من غير ما تسيح تمامًا.هن

7️⃣ نضيف الكمون والكزبرة الناشفة والملح ورشة السكر الصغيرة والشطة لو بتحبي الطعم الحامي، ونقلب لحد ما البهارات تطلع ريحتها.

8️⃣ نضيف الكزبرة الخضرا والفلفل الحامي المفروم، ونقلبهم مع الدقة علشان كل النكهات تمتزج مع بعض.

━━━━━━━━━━━━━━

🍆 ثالثًا: تجميعة الطعم اللي ميتنسيش!

9️⃣ ننزل بالبتنجان والفلفل المفرومين على الدقة، ونقلب بهدوء لحد ما كل قطعة تتشرب من الطعم الجميل.

🔟 نطفي النار ونسيب الخليط يهدى شوية، وبعدها نضيف عصير الليمون والطحينة ونقلب كويس جدًا لحد ما الطعم يتجانس.

✨ دوقي واضبطي الملح والليمون والكمون حسب ذوقك، ولو بتحبي الدقة واضحة زودي شوية كزبرة خضرا طازة في الآخر.
━━━━━━━━━━━━━━

🫙 إزاي تحفظيها في التلاجة؟

• سيبيها تبرد، وبعدها حطيها في برطمان أو علبة نظيفة وجافة ومحكمة الغلق.
تستهلكيها خلال 3 أيام لضمان الجودة والسلامة، خصوصًا إنها فيها خضار مطبوخ وطماطم وثوم.

• استخدمي معلقة نظيفة وجافة كل مرة، وماتسيبيش البرطمان بره التلاجة فترات طويلة.

• لو عايزة تعملي كمية أكبر، الأفضل تقسميها في علب صغيرة بدل ما تفضلي تفتحي نفس البرطمان كل يوم.
━━━━━━━━━━━━━━

😍 تخيلي بقى العيش البلدي السخن، وجنبه طبق تبولة البتنجان بالدقة، وريحة التوم والكزبرة وزيت الزيتون
ماتنسوش
صلّوا على النبي
عليه افضل الصلاة والسلام

افضل طريقه الاستيك

تسخني الجريل كويس جدا
وبعدين تنزلي بقطعة اللحمه
علي كل وش تلت دقايق عشان تحفظ العصاره جواها
وبعد تققلب ع الوشين وترشي عليها ملح وفلقل فقط
تنزلي بمكعب زبده ومعلقه زيت
ونص راس توم مقطوعه او كام فص مقشرين
وعود روزماري وتخلي اللحمه تشرب م الزبده كمان دققتين تلاته كده مع التلقيب
وتطفي عليها وتغطيها وتسبيها ترتاح دققتين كده تعرق بس
وبالف هنا😍

ملوخيه ناشفة
بعد قطف الملوخية وغسلها يجب ان تجفف تماماً بقماشة قطن نظيفه ثم وضع كميه مفروده في طبق مفروش فيه منديل مطبخ ورق او ورق ذبدة وتحطى الطبق في المايكرويف لمدة ٣٠ ثانيه ولو لم تنشف خدى ٢٠ ثانيه كمان فى ٢٠ ثانيه إلى أن تنشف تماما وتفركيها بيدك تكون بودر خزنيها في بطرمان في التلاجه او في الفريزر لحين استخدامها وممكن تعملى كده فى النعناع او خضرة المحشي

الفراخ البلدى
بعد ما تسلقيها بتطلع معاكى بأى شكل من دول
هقولك على سر اساسي لازم الطاسه تكون ناشفة جدا وسخنه جداً جداً والسمن على زيت مقدوح لغاية ما يطلع دخان وتحطى القرخه ناشفة من اى شربة وتغطى عليها بعد ما تحطيها هتعمل طشششش غطيها بغطا بسيط وبعدين قلبيها على كل جانب لغاية ما تحمر.
أو
الفراخ البلدي محمره بسمن بلدي

بعد سلق الفراخ تدهن سمن بلدي
ونرش عليها ملح وفلفل
وتدخل علي اعلي حرارة عشان ممكن تنشف لو نار هادية وممكن نفتح فوق وتحت فى الفرن او الشواية
وبالهنا والشفا

🎙التفسير الصوتي للقرآن الكريم لمن لا يجد عنده وقت فالحل موجود اضغط على الرابط وتلذذ بمعاني القرآن الكريم 😍😍👇👇👇
https://t.me/addlist/Jt6qMb9N2NZiOTY0

🤲 دعاء نبوي يحميك من شرّ عملك.. وشرّ ما لم تعمله 👇🏻👇🏻
[https://t.me/rajhihafr/2910]


💡مـسـألـة مــهــمــة جـــدا❗️❗️❗️
https://t.me/addlist/Jt6qMb9N2NZiOTY0