Ақтауда тұрғын үйде газ жарылды: ішінде балалар болған

Ақтауда көпқабатты үйде газ жарылысы болды. Оқиға кезінде пәтер ішінде балалар болғаны хабарланды. Қазіргі уақытта олардың жағдайы анықталып жатыр.

Куәгерлердің айтуынша, жарылыстан кейін үйден түтін шыққан. Оқиға орнына құтқарушылар мен дәрігерлер дереу жеткен.

Мамандар жарылыстың алдын ала себебін газ құрылғыларын дұрыс пайдаланбаумен байланыстырады. Оқиғаның нақты себебін арнайы комиссия анықтайды.

Төтенше жағдай қызметі тұрғындарды газ иісін сезген сәтте терезені ашып, электр құрылғыларын қоспау және дереу мамандарға хабарлауға шақырады.

https://t.me/sn_kz

Қазақстан мен Финляндия президенттерінің келіссөзі екі ел делегацияларының қатысуымен одан әрі жалғасты

Кездесу барысында Финляндия Президенті Александр Стубб былай деді:

«Мен Қазақстанға алғаш келген сәтімді ұмытқан емеспін. Сол кезде сіздердің қонақжайлықтарыңыз ерекше әсер қалдырған еді. Астанаға алғаш рет келгенімде, менің үздік велошабандоздарыңызбен бірге жаттығуға мүмкіндігім болды. Сол сәтте маған Александр Винокуровтың қолы қойылған “Астана” велокомандасының жейдесін сыйға тартқан еді. Бұл мен үшін өте қымбат сыйлық, сол жейде әлі күнге дейін үйімнің төрінде сақтаулы тұр», – деді Финляндия Президенті Александр Стубб.

https://t.me/sn_kz

Естімеген елде көп: Түркістанда полиция көлігімен ағаш тасылды - қызметтік көлік пе, жеке пайда ма?

Әлеуметтік желіде Түркістан облысында полицейдің қызметтік көлікпен ағаш тасып жүргені түсірілген видео тарады. Кадрда көлік нөмірі анық көрінеді.

Желі қолданушыларының бірі мұны қызмет бабын асыра пайдалану десе, енді бірі қызметтік тапсырма болуы мүмкін деп қорғады.

Облыстық полиция департаменті әзірге түсініктеме бермеді. Мамандардың айтуынша, мұндай әрекеттер полицияның беделіне нұқсан келтіруі мүмкін.

https://t.me/sn_kz

Қазақстанның 15 облысында дауылды ескерту жарияланды

«Қазгидромет» мәліметінше, 29 қазанда еліміздің 15 өңірінде күрделі ауа райы күтіледі — тұман, найзағай және секундына 20 метрге дейін жететін екпінді жел соғады.

Түркістан, Қызылорда және Ақтөбе облыстарында төтенше өрт қаупі сақталады.

Бірқатар өңірлерде нөсер жаңбыр мен найзағай болжанса, батыс пен солтүстікте — қою тұман күтіледі.

https://t.me/sn_kz

Жыл басынан бері 11 мыңнан астам адам қандас мәртебесін алды

Олардың 45,7%-ы – Өзбекстаннан, 42,1%-ы – Қытайдан, 4,5%-ы – Түрікменстаннан, 2,6%-ы – Ресейден, 2,6%-ы – Моңғолиядан, ал 2,5%-ы – басқа елдерден келген, деп хабарлады Еңбек және халықты әлеуметтік қорғау министрлігінің баспасөз қызметі.

🔹 Еңбекке қабілетті жандар – 58,4%
🔹 Кәмелетке толмағандар – 32,8%
🔹 Зейнеткерлер – 8,8%

Жыл ішінде 916 қандас мемлекеттік қолдау алды, олардың 277-сі тұрақты жұмысқа орналасты.

1991 жылдан бері елге 1 млн 159,1 мың этникалық қазақ қоныс аударған.

https://t.me/sn_kz

Шымкент–Түркістан трассасында фура өртенді

Бүгін таңертең Шымкент–Түркістан тасжолында жүк көлігі отқа оранды. Куәгерлердің айтуынша, фурадан түтін шығып, бірнеше минут ішінде жалын кабина мен тіркемені шарпыған.

Оқиға орнына өрт сөндірушілер мен полиция қызметкерлері жетіп, өртті 40 минутта сөндірді. Жүргізуші дер кезінде шығып, жеңіл жарақат алған.

Алдын ала болжам бойынша, өрт көліктің электр жүйесіндегі ақаудан шыққан. Жол бір сағатқа жабылып, кейін қозғалыс қалпына келтірілді.

ТЖД жүргізушілерге көлік техникалық жағдайын тексеріп, қауіпсіздік ережелерін сақтауды ескертеді.

https://t.me/sn_kz

Бірқатар банк ипотека беруді қайта бастады

Қазір Halyk Bank, Банк ЦентрКредит, Altyn Bank және Freedom Bank қайтадан ипотека рәсімдеуді қолға алды.
• Halyk Bank – бастапқы және екінші нарыққа өтінім қабылдайды, мөлшерлеме 20–22,5%.
• Банк ЦентрКредит – өткен аптадан бері ипотека береді, мөлшерлеме 20–25%.
• Freedom Bank – жүйесін жаңартып жатыр, әзірге тек «7-20-25» және BI Group-пен серіктестік ипотека жұмыс істейді.
• Altyn Bank – тек бастапқы нарыққа арналған серіктестік бағдарламаларды ұсынады.

Нұрбанк пен Forte Bank әзірге ипотека беруді жандандырмаған.

Бұрынғыдай төмен пайызды классикалық ипотекалар азайған. Олардың орнына девелоперлермен серіктестік және қосымша кепілмен берілетін жаңа өнімдер пайда болуда.

https://t.me/sn_kz

Астанадағы «600 мың теңгелік торт» ісі бойынша сот үкімі шықты

Кондитер блогер Аселина Батырды торттың ақысын толық төлемегені және өзін қорлағаны үшін сотқа берген еді.

Сот шешімімен блогер кондитерге 200 мың теңге қарызын төлеуге міндеттелді.
Ар-намысына нұқсан келтіргені үшін талап етілген 3 млн теңге орнына 100 мың теңге өтемақы тағайындалды.
Сонымен қатар блогер әлеуметтік желілерде ресми түрде кешірім жариялауға тиіс.

Судьяның айтуынша, тапсырыс бағасы алдын ала нақты келісілмеген, ал кондитер ұсынған чектер мен құжаттар толық деректерді қамтымағандықтан, олардың барлығы дәлел ретінде қабылданбады.

https://t.me/sn_kz

Астанада LRT бағыты Қосшы қаласына дейін ұзартылмақ

Астанадағы LRT бағытын Қосшы қаласына дейін ұзарту жоспарлануда.

Қала әкімі Жеңіс Қасымбектің айтуынша, жаңа желінің бір бөлігі жер үстімен өтеді және құрылысы келесі жылдың басында басталуы мүмкін.

https://t.me/sn_kz

30 қазанда Қазақстанның 14 облысында дауылды ескерту жарияланды

«Қазгидромет» 30 қазан күні еліміздің көп бөлігінде қолайсыз ауа райы болатынын хабарлады.
• Маңғыстау облысында жел 15–20 м/с-қа дейін күшейеді, өрт қаупі жоғары.
• Атырау облысында түнде солтүстікте қатты жаңбыр жауады, кей жерлерде тұман, желдің екпіні 20 м/с-қа дейін.
• Жамбыл облысында түнде және таңертең тұман, кей жерлерде жел 15–20 м/с. Өрт қаупі жоғары.
• Ақтөбе, Ұлытау, Қызылорда облыстарында жоғары және төтенше өрт қаупі сақталады.
• Солтүстік Қазақстан мен Батыс Қазақстан облыстарында тұман, кей жерлерде қатты жаңбыр және желдің күшеюі күтіледі.
• Қарағанды мен Абай облыстарында тұман, кей өңірлерде өрт қаупі жоғары.
• Түркістан және Жетісу облыстарында түнде және таңертең тұман, таулы аймақтарда желдің екпіні 15–20 м/с.
• Қостанай мен Ақмола облыстарында жел 15–20 м/с, өрт қаупі жоғары деңгейде.

https://t.me/sn_kz

Пусандағы тарихи кездесу: Трамп пен Си екі ел қатынастарын талқылады

Оңтүстік Кореяның Пусан қаласында АҚШ-тың президенті Дональд Трамп пен Қытай төрағасы Си Цзиньпин кездесті. Келіссөздер екі ел арасындағы қатынастарды жандандыруға бағытталған. Кездесу Кимхэ әскери әуебазасында Астана уақытымен 07:00-де өтті.

Трамп Сиді «ұлы елдің ұлы көшбасшысы» деп атап, екі ел арасында ұзақмерзімді достық орнайтынына сенім білдірді. Си Цзиньпин де жылы жауап қайтарып, Трамппен тұрақты байланыс орнағанын айтты.

Айта кетерлігі, дәл осы уақытта Трамп ядролық қаруды шұғыл сынақтан өткізуге бұйрық берген.

https://t.me/sn_kz

Алматы әкімінің бұрынғы орынбасары Ержан Бабақұмаровты өлтіріп кетті

Алдын ала мәліметке сәйкес, таныстар арасында болған жанжал төбелеске ұласқан. 56 жастағы Бабақұмаров жарақаттан қайтыс болды.

Күдікті ұсталып, қылмыстық іс қозғалды.

Бабақұмаров 2019–2022 жылдары Алматы әкімінің орынбасары, кейін Орталық коммуникациялар қызметін басқарған.

https://t.me/sn_kz

Ересектер мен балалар танысатын чат: прокуратура Telegram-каналды бұғаттауды талап етті

Бас прокуратура Telegram-дегі «Дайвинчик знакомства» каналын Қазақстан аумағында бұғаттауды сұрап, сотқа жүгінді. Тексеру барысында чатта жас шектеуі болмағаны анықталды, яғни ондағы әңгімелерге балалар мен ересектер еркін қатыса алған. Бұл — кәмелетке толмағандардың қауіпсіздігіне тікелей қатер, деп атап өтті ведомство.

Прокурорлар сондай-ақ жақында тіркелген жағдайды мысал етті: танысу сервисі арқылы кәмелетке толмаған қыз бір ер адаммен сөйлесіп, оның тарапынан құқыққа қарсы әрекетке ұшыраған. Қылмыстық іс сотқа жолданды. Ата-аналарға балалардың интернеттегі белсенділігін бақылап, онлайн қауіптер туралы ескертіп отыру ұсынылды.

https://t.me/sn_kz

🇰🇿🥊 Жәнібек Әлімханұлы АҚШ-та үш белбеу үшін айқасқа шығады

Қазақ чемпионы 6 желтоқсанда кубалық Эрисланди Ларамен жекпе-жек өткізеді. Тартысты кездесу АҚШ-тың Техас штатындағы Сан-Антонио қаласында, Frost Bank Center аренасында өтеді. Бұл айқаста WBA, IBF және WBO нұсқалары бойынша чемпиондық белбеулер сарапқа салынып, біріктірілмек.

Егер Әлімханұлы жеңіске жетсе, үш титулды бірден біріктірген алғашқы қазақстандық боксшы атанады. Айта кетейік, Жәнібек соңғы жекпе-жегінде француз Анауэль Нгамиссенгені бесінші раундта нокаутқа түсіріп, өз атағын сақтап қалған еді.

https://t.me/sn_kz

Ақжарқын Тұрлыбайды елге қайтару мәселесі қарастырылуда

Бас прокурордың орынбасары Ғалымжан Қойгелдиев Қытайда жазасын өтеп жатқан Ақжарқын Тұрлыбайды елге қайтару үшін бар күш салынып жатқанын мәлімдеді.

2015 жылы Қытай соты оны есірткі контрабандасы үшін өмір бойына бас бостандығынан айырған болатын. Ақжарқын 2014 жылы 4,5 келі есірткімен ұсталған.

https://t.me/sn_kz

31 қазанға арналған ауа райы болжамы

Синоптиктер ел аумағында тұман, қатты жел, үсік және жауын-шашын болатынын хабарлады.

Жетісу, Жамбыл және Түркістан облыстарында желдің екпіні 28 м/с дейін жетеді, кей жерлерде жаңбыр қарға ұласуы мүмкін.

Орталық және батыс өңірлерде өрт қаупі жоғары деңгейде сақталады, ал Қызылорда облысында шаңды дауыл күтіледі.

https://t.me/sn_kz

Түркістан облысында газ жарылып, тұрғын үй қирады

Түркістан облысы Отырар ауданының Шәуілдір ауылында газ жарылысы болып, көпқабатты үй қирады.

Бір тұрғын зардап шекті. Пәтерлердің көбі қалпына келтіруге жарамсыз. Алдын ала мәліметке сай, жарылыс рұқсатсыз газ құрылғысын қосудан болған.

«QazaqGaz Aimaq» филиалы үйге газ беруді уақытша тоқтатып, ақауларды тексеріп жатыр. Мамандар рұқсатсыз қосылудың ауыр салдарын ескертті.

https://t.me/sn_kz