«Қатты өкінемін»: Қазақтарды «мамбетке» теңеген блогер үкім алдында жылап жіберді

Қарағандыда 22 жастағы блогер Алика Мұхамадиеваға әлеуметтік және ұлттық араздықты қоздырды деген айыппен өтіп жатқан сот процесі мәресіне жетті.

Іс судья Арғын Құтышевтың төрағалығымен қысқартылған тәртіпте қаралды.

Айыпталушы соңғы сөзінде кінәсін толық мойындап, халықтан кешірім сұрады:

«Өте қатты ұялып тұрмын. Барлығынан кешірім сұраймын. Қатты өкінемін. Кішкентай қызым бар, соны ескерсеңіздер екен», – деді Мұхамадиева.

Үкім бүгін, сағат 17:00-де жарияланады.

https://t.me/sn_kz

Сот Алика Мұхамадиеваны ұлтаралық араздықты қоздырды деген айып бойынша кінәлі деп танып, 3,5 жылға бас бостандығынан айырды.

Алайда оның екі жасар баласы болғандықтан, заңға сәйкес жазаны өтеу мерзімі кейінге қалдырылды.

Мұхамадиева Threads-тегі жазбасында қазақ ұлтына қатысты қорлайтын пікір айтқаннан кейін көпшіліктің наразылығын тудырған болатын.

https://t.me/sn_kz

❄️ Бүгін елордада -10°C дейін суытады: еліміздің 11 облысында дабылды ескерту жарияланды

Күндіз елордада ауа температурасы -8…-10°C дейін төмендеп, желдің екпіні 20 м/с дейін күтіледі.

Сейсенбі күні елдің батыс өңірлерінен басқа аймақтардың барлығында жаңбыр мен қар жауады деп болжануда.

«Қазгидромет» дерегінше, түнде солтүстікте, ал күндіз еліміздің орталық бөлігінде қатты қар күтіледі. Оңтүстікте және оңтүстік-шығыстың таулы аймақтарында қатты жауын-шашын (жаңбыр, қар) болады.

Республика бойынша желдің күшеюі, тұман және көктайғақ күтіледі. Қазақстанның 11 облысында дабылды ескерту жарияланды.

https://t.me/sn_kz

Көкпардағы оқыс жағдай: көлік жылқыларды қағып кетті

Әлеуметтік желілерде көкпар кезінде автокөлік жылқыларды қағып өткен сәттің видеосы тарады.

Оқиға 1 қараша күні Қызылорда облысында болған. Полицияның мәліметінше, бұл дерек бойынша «Бұзақылық» бабымен қылмыстық іс қозғалып, көлік жүргізушісі ұсталды.

Сонымен қатар, көкпар жарысын алдын ала хабарламай ұйымдастырғаны үшін ұйымдастырушы әкімшілік жауапкершілікке тартылған.

https://t.me/sn_kz

Бензин бағасы тағы қымбаттай ма?

Ауыл шаруашылығы министрі Айдарбек Сапаров фермерлерге арналған жанармай бағасы нарықтағыдан 20 пайызға арзан болатынын айтты.

Алайда бұл жеңілдік тек ауыл шаруашылығына тиесілі – ал қарапайым жүргізушілер үшін баға өзгеріссіз қалады немесе қайта өсіп кетуі мүмкін деген қауіп бар. Министрдің айтуынша, мемлекет жыл сайын шамамен 800 мың тонна арзандатылған жанармай бөледі: оның жартысы егіс науқанына, қалғаны – егін жинауға арналған. Бірақ мұндай қолдау ауылдағы шаруаларға ғана әсер етіп, қала тұрғындары мен жеке көлік иелерінің қалтасын жеңілдетпейтіні анық. Сондықтан қоғамда «жанармай неге бәріне бірдей арзандамаған?» деген сұрақ жиі талқылануда.

https://t.me/sn_kz

Қытай шекарасында апталап тұрып қалатын қазақстандық вагондар көбейді

Қытай шекарасында қазақстандық вагондар апталап тұрып қалды деген шағымдар көбейді. Ауыл шаруашылығы министрлігі мұндай жағдайдың себебін түсіндірді. Ведомствоның айтуынша, транзит аймағынан алдымен шетелдік жүктер өткізіледі – бұл қалыпты тәжірибе.

Министрлік қазақстандық тарап барлық құжаттарды уақытында тапсырғанын мәлімдеді. Қазір мәселе Қытай Республикасының тиісті министрлігімен бірлесіп талқыланып жатыр. Екі елдің құзырлы органдары жақын күндері кездесіп, түйткілді толық шешуге уағдаласқан.

Ал сарапшылардың пікірінше, Қытай тарапы фитосанитариялық тексерісті күшейткен соң, осындай кідірістер жиілеген.

https://t.me/sn_kz

📉 Доллар бағамы 523 теңгеге дейін төмендеді

KASE саудасы бойынша ең төменгі баға — 520,8 теңге, ең жоғары — 525,7 теңге болды. Орташа бағам — 522,7 теңге.

https://t.me/sn_kz

5 қараша күні елімізде ауа райы қандай болады

«Қазгидромет» хабарлауынша, әр аймақта қатты жауын-шашын, тұман, боран және көктайғақ күтіледі.

Алматы және Жамбыл облыстарында – қар, кей жерлерде қатты қар, сондай-ақ тұман мен көктайғақ болжануда.

Қостанай, Ақмола және солтүстік өңірлерде – төменгі боран мен желдің екпіні 23 м/с-қа дейін жетуі мүмкін.

Қызылорда және Түркістан облыстарында – тұман мен көктайғақ күтіледі.
Маңғыстау облысында күндіз шаңды дауыл болуы ықтимал.

https://t.me/sn_kz

«Ұмай» ипотекасына өтінір қабылдау қашан басталады?

Отбасы банкінің хабарлауынша, «Ұмай» әйелдер ипотекасының шарттары келісу сатысында, сондықтан өтініш қабылдау мерзімі әлі анықталған жоқ.

Бағдарлама Азия даму банкімен бірлесіп жүзеге асырылады және әйелдерге жеңілдетілген ипотека беруді көздейді.

Болжамды шарттар:
• бастапқы жарна – 20%;
• несие – 30 млн теңгеге дейін;
• мөлшерлеме – 15,4%-дан 3,6%-ға дейін;
• мерзімі – 25 жылға дейін.

Жобаға 90 млрд теңге бөліну жоспарланған.

📱 Оқушылар сабақта телефон қолдағаны үшін ата-аналарға айыппұл салынбақ

Мектепте оқушылардың сабақ кезінде телефон пайдалануына тыйым салынбақ. Жаңа талапқа сәйкес, егер оқушы сабақ үстінде ұялы телефон қолданса, оның жауапкершілігі ата-анасына жүктеледі. Бірінші рет ереже бұзылған жағдайда – тек ескерту беріледі, ал қайталанса – 5 АЕК (шамамен 19,5 мың теңге) көлемінде айыппұл салынады. Бұл айыппұлды мектеп әкімшілігінің шақыруымен келген полиция қызметкері рәсімдей алады.

Жаңа тәртіпті көптеген ата-аналар қолдап отыр. Сарапшылардың пікірінше, телефоннан алаңдамайтын оқушылардың сабаққа зейіні артып, үлгерімі мен сыныптағы тәртіп жақсарады.

🤔💭Бұған не дейсіз?

https://t.me/sn_kz

Мемлекеттен миллиардтап несие алып, әлі қайтармаған банктер көп

Қаржы нарығын реттеу және дамыту агенттігінің төрағасы Мадина Әбілқасымова елдегі кейбір банктер мемлекеттен алынған миллиардтаған қаражатты әлі күнге дейін толық қайтармағанын мәлімдеді.

Оның айтуынша, бұл мәселе қаржы жүйесінің ашықтығына және жауапкершілік деңгейіне тікелей әсер етеді.

Әбілқасымова агенттік аталған банктердің міндеттемелерін орындауын қатаң бақылауда ұстайтынын атап өтті.

https://t.me/sn_kz

Қазақстанда ұлттық символдар бекітілді

Қасым-Жомарт Тоқаев Қазақстан Республикасының ішкі саясатының негізгі қағидаттары, құндылықтары мен бағыттары туралы Жарлыққа қол қойды. Құжатта елдің бірегейлігін айқындайтын және айдентикада, түрлі іс-шараларда әрі Қазақстанның брендтік бейнесінде қолданылатын ұлттық символдар топтамасы көрсетілген.

Енді ұлттық символдар ретінде мыналар бекітілді:
🔹 Ұран — «Алға, Қазақстан!»
🔹 Түстер — аспан түстес көгілдір және алтын түстес
🔹 Кітап — Абайдың «Қара сөздері»
🔹 Бірлік нышаны — шаңырақ
🔹 Музыкалық аспап — домбыра
🔹 Өсімдік — қызғалдақ
🔹 Отандық өнім белгісі — «Қазақстанда жасалған» / «Made in Kazakhstan»
🔹 Хэштегтер — #Qazaqstan және #Kazakhstan

Бұл бастаманың мақсаты — ұлттық бірегейлікті нығайту, мәдени құндылықтарды дәріптеу және Қазақстанның әлемдік деңгейде танымал бейнесін қалыптастыру.

https://t.me/sn_kz

❄️ 🌧️ Бейсенбі күні еліміздің бірнеше өңірінде күн суытып, кей жерлерде қар мен қар аралас жаңбыр жауады

• Астана: қар аралас жаңбыр, жел 15–20 м/с, түнде -4…-6°C, күндіз 0…+2°C.
• Алматы: жауын-шашынсыз, үсік, түнде -3…-5°C, күндіз 0…+2°C.
• Шымкент: жауын-шашынсыз, жел 15–20 м/с, түнде +1…+2°C, күндіз +5…+7°C.
• Ақтау, Атырау, Орал: жауын-шашынсыз, күн жылы, күндіз +7…+13°C.
• Ақтөбе, Қызылорда, Тараз, Қонаев, Талдықорған: жауын-шашынсыз, күндіз +1…+5°C.
• Қарағанды, Көкшетау, Павлодар, Петропавл: қар немесе қар аралас жаңбыр, күн суық, түнде -6…-8°C, күндіз -3…+1°C.
• Жезқазған, Семей, Өскемен: жауын-шашынсыз, түнде -4…-6°C, күндіз 0…+2°C.
• Түркістан: жауын-шашынсыз, жел 15–20 м/с, түнде 0°C шамасында, күндіз +6…+8°C.

Елдің солтүстігінде қысқы ауа райы орныға бастайды, ал оңтүстікте күн жылы әрі құрғақ болады.

https://t.me/sn_kz