Атырауда Яна Легкодимованың өлімі бойынша сот үкімі жарияланды

Судья Зарема Хамидуллина 2025 жылдың 18 қыркүйегінде басталған екі айға жуық сот процесінен кейін үкімді жариялады. Қылмыстық іс 24 томнан тұрған.

Ризуан Хайржанов пен Алтынбек Катимов ерекше қауіпсіздік режиміндегі түзету мекемесінде өмір бойына бас бостандығынан айырылды.

https://t.me/sn_kz

Арман Дүйсеновтің отбасына қатысты істі заңгер Мейірман Шекеев алды

Заңгер Мейірман Шекеев композитор Арман Дүйсеновтің отбасының ісін қолға алды. Ол әлеуметтік желідегі жазбасында іс көлеңкелі екенін және оны кәмелетке толмағандар жөніндегі сот қарауы тиіс екенін атап өтті, себебі отбасының 13 жастағы ұлы бар.

Арман Дүйсеновтің әйелі Айсұлу Айданқызы пәтерден айырылып қалу қаупі бар екенін айтып, сот шешімінің заңсыз екенін және әділ шешім үшін президенттен көмек сұраған. Пәтердің құны – 140 млн теңге, ал марқұм ұлының досы оған 65 млн теңге салғанын айтып, сотқа жүгінген. Сот пәтерді босату туралы шешім шығарған.

«Бұрынғыдай арқа сүйер азаматым жоқ, 13 жастағы ұлым бар, баруға жерім жоқ», - деді Айсұлу Айданқызы

https://t.me/sn_kz

⚡️ Еліміздегі алғашқы АЭС «Балқаш» деп аталады

Атау үшін өткен байқауға 27 мыңнан астам өтінім түсті. Бұған дейін АЭС-ті «Росатом» компаниясы салатыны хабарланған.

https://t.me/sn_kz

БҚО-дағы сұмдық жол апаты: 8 адам қаза тапты

Батыс Қазақстан облысында Чапай – Жаңақала – Сайхин трассасында Toyota Camry мен Volkswagen Sharan бетпе-бет соқтығысып, көліктердің біреуі өртенді.

Салдарынан сегіз адам оқиға орнында қаза тапты, төрт адам ауыр жарақатпен ауруханаға жеткізілді.

Қылмыстық іс қозғалып, полиция мен ТЖД оқиға орнында жұмыс істеуде.

Биыл Қазақстанда 29 мыңнан астам жол апаты тіркелген, олардың ішінде қарсы жолаққа шығу ең көп адам өліміне әкелетін себеп болып отыр.

https://t.me/sn_kz

Еліміздің барлық облысына дабылды ескерту жарияланды

Бүгін елдің батысында жаңбыр мен кар аралас жауын-шашын күтіледі. Қалған өңірлерде ауа райы құрғақ болады.

Республика аумағының басым бөлігінде тұман түседі. Солтүстік, шығыс және оңтүстік-шығыс аймақтарда жел күшейіп, жылдамдығы секундына 23 метрге дейін жетеді.

https://t.me/sn_kz

Тоқаев Түркістан облысындағы өрттен қаза тапқандардың отбасына көңіл айтты

Жетісай ауданындағы жеке үйде болған өрттен 12 адам, оның ішінде 9 бала қаза тапқан.

Президент Үкімет пен облыс әкіміне марқұмдардың жақындарына барлық қажетті көмекті көрсетуді тапсырды. Сонымен бірге қайғылы оқиғаның себептерін анықтау үшін тергеу жүргізуді міндеттеді.

https://t.me/sn_kz

Жетісайдағы өрт: қаза тапқандардың ішінде 1 жасар сәби де бар

Түркістан облысындағы өрттен қаза тапқандардың ең кішісі 2024 жылы туған. Көз жұмған балалар 2009, 2010, 2012, 2015, 2017, 2019 және 2021 жылғы.

Бесеуі бір отбасыдан – үш қыз және екі ұл, екінші отбасыдан 2018 жылғы қыз аман қалды.

Екі ересек адам жансақтау бөлімінде жатыр.

Айта кетейік, оқиғаны тергеу үшін үкіметтік комиссия құрылды.

https://t.me/sn_kz

Жетісайдағы өрттен қаза болғандардың аты-жөні жарияланды:

▪️Шойбеков Дәуренбек Талғатбекович, 15 қазан 1991 ж.т. (үй иесі)
▪️Амантурдиева Динара Қадырбекқызы, 10 қаңтар 1994 ж.т. (әйелі)
▪️Талғатбек Әсия Дәуренбекқызы, 17 желтоқсан 2015 ж.т.
▪️Талғатбек Дана Дәуренбекқызы, 22 шілде 2017 ж.т.
▪️Талғатбек Алихан Дәуренбекұлы, 19 ақпан 2021 ж.т.
▪️Талғатбек Амирхан Дәуренбекұлы, 19 ақпан 2021 ж.т.
▪️Талғатбек Алуа Дәуренбекқызы, 18 наурыз 2019 ж.т.
▪️Умирзақова Маржан Альдьярова, 8 қаңтар 1990 ж.т.
▪️Талғатбек Жансая Олжасбекқызы, 16 қаңтар 2009 ж.т.
▪️Талғатбек Ассабур Олжасбекұлы, 6 желтоқсан 2010 ж.т.
▪️Талғатбек Мұхит Олжасбекұлы, 5 қыркүйек 2012 ж.т.
▪️Талғатбек Раяна Олжасбекқызы, 20 наурыз 2024 ж.т

https://t.me/sn_kz

23 жастағы фельдшер Ұлдана Мырзуан қаза тапты

Астанада көппәтерлі тұрғын үйдің қасбетінде орналасқан сыртқы кірпіш қаптамасы мен кондиционер қондырғысының құлауы салдарынан ауыр жарақат алған 23 жастағы фельдшер Ұлдана Мырзуан ауруханада көз жұмды.

«Астана қаласының Қоғамдық денсаулық сақтау басқармасы хабарлайды: тұрғын үй кешенінің қасбетінде орналасқан сыртқы кірпіш қаптамасы мен кондиционер қондырғысының бір бөлігі құлаған кезде қызметтік міндетін атқарып жүрген фельдшер ауыр жарақат алып, 18 қарашада көз жұмды», – делінген хабарламада.

8 қарашадан бері қыз реанимацияда аса ауыр жағдайда жатқан.

https://t.me/sn_kz

"Қайрат" "Олимпиакос" пен "Брюгге" клубтарымен матчтарды Астанада өткізеді

Футбол клубының хабарлауынша, Алматыдағы қыс, қардың көп түсуі және стадионда шатырдың болмауына байланысты Чемпиондар лигасының топтық кезеңіндегі "Олимпиакос" (9 желтоқсан) және "Брюгге" (20 қаңтар) командаларына қарсы ойындар "Астана Арена" стадионында өтетін болды.

Билеттердің бағасы 15 000–50 000 теңге көлемінде болады. Сатылым 28 қарашада Qairat SuperApp және Freedom SuperApp қосымшаларында басталады.

https://t.me/sn_kz

Бозымбаев тұрғын үйлер, жатақханалар мен хостелдерге жаппай тексеріс жүргізуді тапсырды

Вице-премьер Қанат Бозымбаев Жетісай ауданы, Алғабас ауылындағы жеке үйде болған қайғылы өрттің себептерін анықтау үшін Үкіметтік комиссия отырысын өткізді. Жиында ТЖМ, Еңбек министрлігі, Денсаулық сақтау министрлігі, ІІМ, Энергетика министрлігі, Оқу-ағарту министрлігі, сондай-ақ Түркістан облысының әкімі атқарылып жатқан шаралар жөнінде баяндады.

Кабминнің мәліметінше:
«Өрттен аман қалған үш адам қазір реанимацияда. 1986 жылы туған ер адам өз күшімен үйден шыққан. Оның денесінің 12%-ы күйген, жағдайы ауыр. 1991 жылғы ер адам мен 2018 жылғы бала 30% және 11% күйік алып, аппаратқа қосылған. Шымкенттен санитарлық авиация тобы аттанды», — делінген хабарламада.

Өрттің нақты себебі әзірге анықталмаған. Оқиға орнында ТЖМ-ның жедел тобы жұмыс жүргізіп жатыр.

Қанат Бозымбаев ІІМ-ге тергеуді ерекше бақылауға алуды тапсырды. Ал ТЖМ-ге тұрғын үйлерде, әсіресе әлеуметтік осал топтағы отбасылардың үйлерінде, сондай-ақ жатақханалар мен хостелдерде жаппай тексеріс ұйымдастыруды міндеттеді. Вице-премьер үй шаруашылықтарындағы пеш жабдықтарының күйіне ерекше назар аударуды тапсырды.

https://t.me/sn_kz

Дабылды ескерту: 14 облысты тұман, жел және бұрқасын басады

19 қарашаға синоптиктер еліміздің бірден 14 өңірінде дабылды ескерту жариялады. Түнде және таңертең көптеген облыстарда қалың тұман түседі, кей жерлерде желдің екпіні секундына 20 метрге дейін күшейеді. Солтүстік Қазақстан облысында көктайғақ пен боранды қарлы жел (тұмандаған төменгі бұрқасын) күтіледі.

Бұрқасын мен қолайсыз ауа райы Атырау, Ақмола, Қарағанды, Ақтөбе, Павлодар, Қостанай, Қызылорда, Түркістан, Маңғыстау, Батыс Қазақстан, Алматы, Шығыс Қазақстан және Абай облыстарын қамтиды.

Жетісайдағы өрт бойынша алдын ала қорытынды шықты

Вице-премьер Қанат Бозымбаев Алғабастағы өртке қатысты алдын ала тергеу нәтижесін жариялады. Оның айтуынша, «өрт қауіпсіздігі талаптарын бұзу» бабымен сотқа дейінгі тергеу жүріп жатыр, әзірге қылмыстық құрам анықталмаған.

18 қарашада Түркістан облысындағы өрттен 12 адам, оның ішінде 9 бала көз жұмған. Үш адам жансақтау бөлімінде жатыр.

https://t.me/sn_kz

Қазақстандықтардың шамадан тыс несие алуын азайту үшін қандай шаралар енгізіледі

Қаржы нарығын реттеу және дамыту агенттігі төрайымы Мадина Әбілқасымова түсіндірді.

🔹 Кепілсіз несиелерге талаптар қатаңдатылады
— Пайыздық мөлшерлемелер қайта қаралады, қарыз жүктемесін есептеу тәртібі күшейеді.
— 2026 жылдан бастап жаңа норма енгізіледі: егер қарыз адамның табысына шаққанда тым көп болса, жаңа несие берілмейді.

🔹 Қарыздарды коллекторларға сатуға салынған мораторий 2027 жылға дейін ұзартылды
Бұл шара проблемалық қарыз алушылар санын 54%-ға азайтқан.

🔹 Соттан тыс банкроттық рәсімі жеңілдейді
Банктер өздері осы процедураға сәйкес келетін борышкерлерді анықтап, банкрот рәсімдеуді ұсынатын SMS хабарлама жібереді.

https://t.me/sn_kz

Жалақыны кешіктіретін жұмыс берушілерге өсімпұл енгізу ұсынылды

Бұл ұсынысты Мәжілістің жалпы отырысында депутат Нартай Сарсенғалиев айтты.

Оның пікірінше, инфляция мен күнкөріс тауарларының қымбаттауы жұмысшылардың өмір сүру деңгейін төмендетіп отыр. Жұмысшылар күнделікті азық-түлікті қарызға алуға мәжбүр. Сондықтан депутат жалақыны кешіктірген жұмыс берушілерге базалық мөлшерлеменің 1,25-тен 5-ке дейінгі көлемінде айыппұл салуды ұсынады.

Еңбек және халықты әлеуметтік қорғау бірінші вице-министрі Асқарбек Ертаевтың айтуынша, жалақыны уақтылы төлемейтін жұмыс берушілер қазіргі кезде де Еңбек кодексіне сәйкес әкімшілік жауапкершілікке тартылады.

«Айыппұлдарды көбейту мәселесін біз көтердік, “Атамекен” кәсіпкерлер палатасымен бірлесіп жұмыс істеп жатырмыз. Бұл мәселені “Атамекен” өкілдерімен бірге пысықтап жатырмыз. Олар өсімпұл мөлшерін арттыруға қарсы екенін жеткізді. Себебі барлық жұмыс берушінің ондай мүмкіндігі жоқ – дәл осы уәжді алға тартады. Бірақ біз бұл мәселеге қайта ораламыз», – деді Ертаев.