Көкшетау әкімдігі жаңа жылға жұлдыз шақыруға миллиондарды қайдан алған?

Көкшетауда жаңа жыл алдындағы басты жаңалық жұртты екіге жарды.
Қала басшылығы 31 желтоқсанда өтетін мерекеге танымал әншіні шақырғанын ресми растады.

Бұл ақпаратты жиында қаланың жауапты басшысының бірі жариялап, «қала тұрғындарына сый» болатынын айтты.

Алайда әлеуметтік желі қолданушылары мұндай «сыйдың» құнын сұрап, ашық пікір білдіре бастады.
Көпшілік жаңа жылдық бағдарламаға емес, қаланың өзекті мәселелеріне қаржы бөлінуі қажет екенін алға тартуда.

Әсіресе, биылғы қымбатшылық кезінде шоуға ақша шашу орынсыз деген пікір күшейді.
«Әкімдік бұл шараға қаржыны қайдан алды, халықтың ақшасы ма?» деген сауал қоғамның басты тақырыбына айналды.
Желі жұрты мұндай шешім көпшіліктің қатысуынсыз қабылданғанын айтып, ашық есепті талап етті.


Тұрғындар тіпті жергілікті өнерпаздарды қолдап, олардың тегін немесе әлдеқайда арзан концерт бере алатынын жазып жатыр.
Ал әкімдік әзірге тек концерт өтетінін ғана хабарлап, шығын көлемі туралы нақты мәлімет бермей отыр.

https://t.me/sn_kz

Жауын-шашын, тұман және желдің күшеюі: сейсенбіге арналған ауа райы болжамы

Бүгін Қазақстанның солтүстігінде, оңтүстік-шығысында, шығысында және орталық өңірлерінде жаңбыр мен қар түріндегі жауын-шашын болады, деп хабарлайды «Қазгидромет» болжамы.

Сондай-ақ солтүстік пен шығыста төменгі боран соғып, көктайғақ күтіледі.

Республиканың қалған аумағында жауын-шашынсыз ауа райы болжанады.

Ел бойынша тұман түседі, ал солтүстік, оңтүстік және шығыс өңірлерде жел күшейеді. Дабылды ескерту 14 өңірді қамтыды.

https://t.me/sn_kz

Алматы облысында жол апатынан 6 адам қаза тапты

Қайғылы оқиға Алматы–Бішкек тас жолының 65-шақырымында болды. Полиция дерегіне сәйкес, 23 жастағы «Audi» жүргізушісі рөлге ие бола алмай «Toyota»-мен соқтығысқан.

Апат салдарынан екі жүргізуші мен үш жолаушы оқиға орнында көз жұмды. Тағы бір жолаушы ауруханада қайтыс болды. Бес адам ем қабылдап жатыр. Тергеу жүргізілуде.

https://t.me/sn_kz

Әйгілі “Айка тізімінің” ұйымдастырушысы бостандыққа шықты

Оның жазасының екі жылы кейінге қалдырылып, осы уақыт аралығында ол пробациялық бақылауда болады. Екі жыл өткен соң Айка жазасының қалған бөлігін өтеу үшін қайтадан түрмеге оралуы тиіс.

Айка Мырзахметова бұған дейін 6 жыл 6 айға сотталған. Тергеу деректеріне сәйкес, ол 2020–2023 жылдары сыбайласымен бірге қыздарды клиенттермен таныстырып, оларды интимдік қызмет көрсетуге тартқан.

https://t.me/sn_kz

Басына бөтелке сындырған әскерилердің көрсетілімі қайғылы жағдайға әкелді

Сарбаздардың туыстары қатысқан шара барысында тәжірибелі әскери қызметкерлер түрлі көрсетілімдер ұйымдастырған. Солардың бірі кезінде 24 жастағы Жақсылық Молдақұл басына бөтелкені соғып сындырмақ болған. Бұған дейін бұл трюкті бірнеше рет сәтті орындаған ол күтпеген жерден ауыр жарақат алды.

Оқиғадан кейін Жақсылық дереу ауруханаға жеткізіліп, бір көзіне ота жасалды. Әскери қызметкер алты жыл бойы қызметте, оның бес жылы – келісімшарт негізінде.

Қазіргі таңда оқиғаның нақты қалай болғанын анықтау мақсатында қызметтік тексеріс жүріп жатыр.

https://t.me/sn_kz

Тоқаев Головкинмен кездесіп, оны «Барыс» I дәрежелі орденімен марапаттады

Қасым-Жомарт Тоқаев Геннадий Головкинді World Boxing халықаралық федерациясының президенті қызметіне тағайындалуымен құттықтады. Ол бұл шешімді Головкиннің кәсіби шеберлігін, беделін және әлемдік боксты дамытуға қосқан үлесін халықаралық деңгейде мойындау деп атады.

Президенттің айтуынша, Головкин қазақ боксы мектебін лайықты деңгейде танытып, миллиондаған жасқа шабыт берді және Қазақстанның спорттық держава ретіндегі беделін нығайтты. Сондай-ақ оның Ұлттық Олимпиада комитетін басқару кезеңіндегі еңбегі жоғары бағаланды.

https://t.me/sn_kz

Бүгінгі күннің басты жаңалықтары

🔹Президент Геннадий Головкинді І дәрежелі «Барыс» орденімен марапаттады (ВИДЕО)

🔹Қасым-Жомарт Тоқаев Түрікменстан президентін «Алтын Қыран» орденімен марапаттады

🔹Алматы - Бішкек тасжолында 6 адам қаза тапты (ВИДЕО)

🔹Ақтауда танымал видеограф кәмелетке толмаған ұл баланы зорлады деген күдікпен ұсталды

🔹«Асланбектің қарғысына қалып қайтемін»: Данияр Елеусінов Париж Олимпиадасына неге бармағанын айтты

🔹Астанада бір күн бұрын жоғалып кеткен оқушының мәйіті табылды

🔹«Бейнекамераға қарап қойып, пышақтағы қанды сүрткен»: Ақтөбеде сұмдық сот болды


https://t.me/sn_kz

26 қарашаға арналған ауа райы болжамы

«Қазгидромет» мәліметінше, елдің солтүстігі мен шығысы қайтадан атмосфералық фронттардың ықпалына түседі. Бұл аймақтарда жаңбыр жауып, арты қарға ұласуы, жаяу бұрқасын, көктайғақ болуы мүмкін.

Қалған өңірлерде антициклонның әсері байқалады. Жауын-шашын болжанбайды, алайда кей жерлерде тұман түсуі ықтимал. Сонымен қатар солтүстік, шығыс және оңтүстік-шығыс аймақтарда жел күшейеді.

https://t.me/sn_kz

Жетісу облысында жер сілкінісі болды

26 қараша 2025 жылы Астана уақытымен 7:15-те ҚР ТЖМ-ге қарасты “Сейсмологиялық зерттеулер мен ақпараттың ұлттық ғылыми орталығы” ЖШС сейсмикалық станциялар желісі жер сілкінісін тіркеді.

Жерасты дүмпулері Қазақстан аумағында, Алматыдан 160 км солтүстік-шығыс бағытта орналасқан.

Жер сілкінісінің сезілуі – 2 балл. Зардап шеккендер мен бұзылған нысандар туралы ақпарат түскен жоқ.

Ақтөбе облысында жүк көлігінен заңсыз мигранттар анықталды

Оларды Ұлттық қауіпсіздік комитетінің шекара жасағы “Жайсан” өткізу пунктінде анықтады.

Мигранттар құрылыс материалдары тиелген жүктің арасынa жасырынған.

Қазіргі уақытта тергеу басталды.

https://t.me/sn_kz

Бейнеуде 17 жастағы бала рөлге отырып, полиция көлігін соғып кетті

Маңғыстау облысы Бейнеу ауданында 17 жастағы жасөспірім басқарған Toyota полиция көлігімен соқтығысты.

Оқиға бейнекамераға түсіп, әлеуметтік желіде қызу талқылануда. Зардап шеккендер жоқ.

Баласының көлік басқаруына жол бергені үшін ата-анасы әкімшілік жауапкершілікке тартылды.

https://t.me/sn_kz

7 жылға дейін бас бостандығынан айыру: Қазақстанда дәрігерлерге жасалған шабуылдар үшін жазаны күшейтпек

Қазақстанда медицина қызметкерлері мен жедел жәрдем жүргізушілеріне жасалған шабуыл үшін қатаң санкциялар енгізу ұсынылып отыр. Ұсынысқа сәйкес, айыппұл мөлшері 2 миллион теңгеге дейін, ал бас бостандығынан айыру мерзімі 3 жылдан 7 жылға дейін болуы мүмкін.

Мәжіліс депутаты Асхат Аймағамбетовтың айтуынша, бір дәрігерге жасалған шабуыл ондаған орындалмаған шақыртуға және жүздеген науқастың уақытылы көмек ала алмауына әкеледі.

“Бір бұзақының кесірінен бір бригада мен бір машина істен шығады, жедел көмектің келу уақыты ұлғаяды. Ал инфаркт, инсульт жағдайында әр минут маңызды. Бұл – адамның өмірі мен өліміне қатысты мәселе”, — деді Аймағамбетов.

Ол сондай-ақ соңғы 5 жылда медицина қызметкерлеріне жасалған 280 шабуыл тіркелгенін, бірақ нақты саны бұдан да көп болуы мүмкін екенін айтты — көп жағдайда дәрігерлер полицияға жүгінбейді.

https://t.me/sn_kz

Мемлекет басшысы ҰҚШҰ Ұжымдық қауіпсіздік кеңесінің отырысына қатысу үшін Бішкекке жұмыс сапарымен барды

🇰🇿🇰🇬Қасым-Жомарт Тоқаевты Манас әуежайында Қырғызстан Министрлер кабинетінің төрағасы әрі Президент Әкімшілігінің басшысы Адылбек Қасымалиев қарсы алды.

https://t.me/sn_kz

«Қайрат» тартысты матчта сырт алаңда «Копенгагеннен» жеңілді

«Копенгагенмен» өткен Чемпиондар лигасы матчында «Қайрат» 3:2 есебімен жеңілді. Дания клубы үш гол айырмасымен алға шыққанымен, алматылықтар ойын соңында есепті қысқартты.

81-минутта 17 жастағы Дастан Сәтпаев гол соғып, Чемпиондар лигасының негізгі кезеңінде гол соққан ең жас қазақстандық атанды. 90-минутта Ольжас Байбек нәтижені түйіндеді — оған голдық пас Георги Зария жасады.

«Қайрат» негізгі кезеңде төртінші рет жеңіліп, бір ұпаймен 35-орында тұр. Келесі ойын 9 желтоқсанда «Астана Аренада» «Олимпиакосқа» қарсы өтед

27 қарашаға арналған Қазақстандағы ауа райының жалпы болжамы

Қазақстанның бірқатар облыстарында бүгін ауа райы күрделене түседі. Абай, Шығыс Қазақстан, Павлодар, Солтүстік Қазақстан облыстарында жаңбыр, қар, көктайғақ, төменгі метель күтіледі. Кей жерлерде туман түседі. Желдің екпіні 15–25 м/с-қа дейін жетеді.

Ақмола, Атырау, Жетісу, Батыс Қазақстан, Қарағанды, Қостанай, Қызылорда, Маңғыстау, Түркістан және Ұлытау облыстарында туман күтіледі.

Алматы қаласында – ауыспалы бұлтты, жауын-шашынсыз, күн жылы: түнде 0–2°, күндіз 12–14° жылы.
Шымкентте де жауын-шашынсыз, күн ашық: түнде –1…+1°, күндіз 16–18° жылы.
Астанада – ауыспалы бұлтты, аздаған жаңбыр мен қар. Түнде және күндіз температура шамамен 0°.

Дастан Сәтпаев – қазақ футболын Еуропа тарихына енгізген жас жұлдыз

“Қайраттың” жас таланты Дастан Сәтпаев “Копенгаген” қақпасына гол соғып, футбол тарихында маңызды белеске жетті.

Осы нәтижеден кейін ол Чемпиондар лигасында мерген атанған алғашқы қазақ қана емес, сонымен қатар турнир тарихындағы ең жас үш гол соққан ойыншының қатарына кірді.

Чемпиондар лигасындағы ең жас гол соққан футболшылар:
1. Ансу Фати — 17 жас 40 күн (Интер 1:2 Барселона, 10.12.2019)
2. Ламин Ямаль — 17 жас 68 күн (Монако 2:1 Барселона, 19.09.2024)
3. Дастан Сәтпаев — 17 жас 106 күн (Копенгаген 3:2 Қайрат, 26.11.2025)
4. Виктор Дадасон — 17 жас 113 күн (Копенгаген 2:4 Дортмунд, 21.10.2025)
5. Джордж Иленикена — 17 жас 119 күн (Антверпен 3:2 Барселона, 13.12.2023)
6. Антонио Нуса — 17 жас 149 күн (Порту 0:4 Брюгге, 13.09.2022)

https://t.me/sn_kz

Ұшақтағы тосын жағдай: министр жолаушыға дәрігерлік көмек көрсетті

Астана – Алматы бағытындағы әуе рейсінде жолаушының денсаулығы нашарлап қалған сәтте оған көмек көрсеткен адамның Денсаулық сақтау министрі Ақмарал Әлназарова екені белгілі болды.

Оқиғаға куә болған жолаушы әлеуметтік желіде жазғандай, бұл жағдай таңертең, ұшақ ұшуға дайындалып жатқан кезде болған. Бір қыз өзін нашар сезініп, дәрігер шақыра бастаған. Сол кезде бір әйел оның қан қысымын өлшеп, қажетті дәрілер мен су, шай беріп, жағдайының қалыпқа келгенін тексерген. Нәтижесінде жолаушыға әрі қарай ұшуға рұқсат берілген.

Әлеуметтік желі қолданушысы сол көмек көрсеткен адамның Денсаулық сақтау министрі Ақмарал Әлназарова екенін кейіннен білген.

https://t.me/sn_kz