«ស្នាមញញឹមខ្មែរ ស្នាមញញឹមហ្វ្រង់កូហ្វូនី» 🇰🇭✨📷

ផ្ដិតយករូបភាពនៃ «ស្នាមញញឹមដែលធ្លាប់ស្គាល់» នៅក្នុងរាជធានីភ្នំពេញដែលជាទីក្រុងពោរពេញដោយសម្បត្តិវប្បធម៌ដ៏សម្បូរបែប និងវិសេសវិសាល ដែលផ្សារភ្ជាប់មនុស្សគ្រប់រូបជាមួយនឹងភាពរស់រវើក និងបដិសណ្ឋារកិច្ចយ៉ាងកក់ក្តៅ។ កិច្ចប្រជុំកំពូលហ្វ្រង់កូហ្វូនីលើកទី ២០ នឹងប្រព្រឹត្តទៅនៅក្នុងព្រះរាជាណាចក្រកម្ពុជា នៅរាជធានីភ្នំពេញ ចាប់ពីថ្ងៃទី ១៤, ១៥ និង ១៦ ខែវិច្ឆិកា ឆ្នាំ ២០២៦។

ផលិតដោយ ក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) និង BlackBox Entertainment

ស្នាមញញឹមកម្ពុជា
ពីបេះដូងនៃប្រជាជនកម្ពុជា ស្នាមញញឹមនីមួយៗគឺជាការស្វាគមន៍ដ៏កក់ក្តៅបំផុត។
រាជធានីភ្នំពេញ ទីក្រុងនៃវប្បធម៌ មិត្តភាព និងការជួបជុំគ្នា ត្រៀមបើកទ្វារស្វាគមន៍ពិភពហ្វ្រង់កូហ្វូនី។ រាជរដ្ឋាភិបាល និងប្រជាជនកម្ពុជា បានត្រៀមលក្ខណៈរួចរាល់ ដើម្បីធានាការទទួលបដិសណ្ឋារកិច្ចប្រកបដោយកិត្តិយស សុវត្ថិភាព និងភាពកក់ក្តៅ។ ទោះបីយើងមានវប្បធម៌ និងប្រវត្តិសាស្ត្រខុសគ្នា ក៏យើងរួបរួមគ្នាដោយតម្លៃនៃសន្តិភាព ការសន្ទនា និងសាមគ្គីភាព។
កម្ពុជាត្រៀមរួចរាល់។ ភ្នំពេញត្រៀមរួចរាល់។ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ សូមស្វាគមន៍មកកាន់ព្រះរាជាណាចក្រកម្ពុជា! ជាមួយស្នាមញញឹមដ៏កក់ក្តៅ និងបេះដូងបើកចំហរបស់ប្រជាជនកម្ពុជា សូមស្វាគមន៍មហាគ្រួសារហ្វ្រង់កូហ្វូនី!
កម្ពុជាស្វាគមន៍លោកអ្នកដោយស្នាមញញឹម!