#matbuot_anjumani

Soliq qo‘mitasi rahbariyati va mutaxassislari ishtirokida "AI Soliq: sun’iy intellekt asosida soliq xizmatlarining yangi imkoniyatlari" mavzusida matbuot anjumani boshlandi.

👉Jonli efir
____
#пресс_конференция

Началась пресс-конференция при участии руководства и специалистов Налогового комитета на тему "AI Soliq: Новые возможности налоговых услуг на основе искусственного интеллекта".

👉Прямой эфир

Тelegram |Facebook |Youtube| Instagram |X| Threads

#raqamlashtirish #soliq_tekshiruvi

2026-yilning yanvar-sentabr oylarida “Soliq” mobil ilovasining “Soliq hamkor” tizimi orqali Buxoro viloyatidan soliq huquqbuzarliklari haqida 3 226 ta murojaat kelib tushgan.

👉Batafsil

Тelegram | Facebook|Instagram|Youtube

#QQS

Eksport bo‘yicha valyuta tushumlari haqidagi ma’lumotlar QQS hisobotida avtomatik shakllantiriladi

Eksport qilingan tovarlar bo‘yicha kelib tushgan valyuta tushumlariga oid ma’lumotlarni QQS hisobotida shakllantirish jarayoni to‘liq avtomatlashtirildi.

Endilikda QQS hisobotining 3-ilovasidagi 060 va 070-satrlar hamda 6-ilovasidagi 01042-satr bojxona organlari taqdim etadigan ma’lumotlar asosida avtomatik ravishda to‘ldiriladi.

Buning uchun soliq to‘lovchilarga 10006_47-sonli yangi QQS hisobot paketi taqdim etildi.

Eksport qiluvchi tadbirkorlik subyektlari eksport operatsiyalari, ularga tegishli bojxona yuk deklaratsiyalari va valyuta tushumlari haqidagi ma’lumotlarni my.soliq.uz sayti orqali ko‘rishlari mumkin.

Buning uchun:
- «Xizmatlar» boʻlimidan «Yuridik shaxslar uchun bojxona yuk deklaratsiyalari» xizmatiga,
- soʻng «Eksport operatsiyalari» boʻlimiga oʻtib,
- «Eksport operatsiyalari va toʻlovlar haqida umumiy maʼlumot» xizmatini tanlash lozim.

Valyuta tushumlari haqidagi ma’lumotlar to‘liq aks etmagan yoki axborot tizimlarida texnik uzilishlar kuzatilgan hollarda, IDR ma’lumotlaridan foydalanib, «Ma’lumotlarni yangilash» tugmasi orqali ularni yangilash mumkin. Mazkur jarayon Bojxona qo‘mitasining axborot tizimlari bilan o‘zaro integratsiya asosida avtomatik amalga oshiriladi.

Soliq qo‘mitasi eksport faoliyatini amalga oshiruvchi tadbirkorlik subyektlariga QQS hisobotini taqdim etishdan oldin ushbu xizmat orqali valyuta tushumlariga oid ma’lumotlarni tekshirib olishni tavsiya etadi.

Shuningdek, avtomatik shakllantirilgan ma’lumotlarga tuzatish kiritilmagan hollarda foydalanish uchun amaldagi proaktiv hisobot shakli saqlab qolinadi.

Тelegram |Facebook |Youtube| Instagram |X|Threads

BUXORODA TADBIRKOR SO‘RAGAN 5 SAVOLGA – 5 JAVOB
 
1-savol: 2026-yilda qaysi to‘lovlar ijtimoiy soliqdan ozod qilingan?

Javob: Ijtimoiy soliq bazasi Soliq kodeksining 371-moddasida nazarda tutilgan mehnatga haq to‘lash tarzidagi xarajatlardan iborat. Biroq ish haqi tarzidagi barcha daromadlar ham ijtimoiy soliq solish ob’yekti hisoblanmaydi. Ular bo‘yicha soliq majburiyati qonunchilikda belgilangan tartib va istisnolardan kelib chiqib aniqlanadi.

 
2-savol: Elektron hisobvaraq-fakturada xato ketsa, nima qilish kerak?

Javob: Hisobvaraq-fakturaga Soliq kodeksining 88-moddasida belgilangan da’vo muddati doirasida, qonunchilikda nazarda tutilgan tartibda o‘zgartirish kiritilishi mumkin.

 
3- savol: Soliqqa oid savollarimizga to‘g‘ridan-to‘g‘ri qayerdan javob olishimiz mumkin?

Javob: AI Assistent — AI Soliq platformasidagi Sizning  intellektual yordamchingiz .
U jismoniy va yuridik shaxslarga soliq masalalarini tez va oson tushunish, tushunarli izohlar hamda amaliy tavsiyalar olishda yordam beradi.

 
4-savol: Soliq qarzim bor-yo‘qligini qayerdan bilishim mumkin?

Javob: Soliq qarzdorligingizni onlayn tarzda ikki usulda tekshirishingiz mumkin:
1.       Soliq to‘lovchining shaxsiy kabineti: my.soliq.uz  orqali kirib, hisoblangan soliqlar va mavjud qarzdorlikni tekshiring.
2.       my.gov.uz portali  xizmati orqali so‘rov yuboring. Xizmat bepul, avtomatik tarzda ko‘rsatiladi va hujjat talab etilmaydi.

 
5-savol: Korxona QQS to‘lovchisi sifatida fevral oyida maxsus ro‘yxatdan o‘tgan. Yanvar oyida xarid qilingan avtosamosval bo‘yicha QQSni hisobga olish qonuniymi?

Javob: Soliq to‘lovchi bo‘lmagan shaxs soliq to‘lovchi sifatida ushbu Kodeksning 237-moddasiga muvofiq maxsus ro‘yxatga olish hisobiga qo‘yilganda, shuningdek soliq to‘lashdan ozod etish bekor qilingan taqdirda, soliq to‘lovchi maxsus ro‘yxatga olish hisobiga qo‘yish (ozod qilishni bekor qilish) sanasida o‘z balansida mavjud bo‘lgan tovar-moddiy zaxiralar qoldiqlarining va uzoq muddatli aktivlarning balans qiymatida hisobga olingan soliq summasini, ushbu moddaning birinchi qismida belgilangan shartlarga rioya etilgan taqdirda, hisobga olish huquqiga ega.

Тelegram | Facebook|Instagram|Youtube

📸 KUN FOTOSI

Mutolaaga chorlovchi maskan — Soliq qo‘mitasi xollida tashkil etilgan kitob javoni xodimlar uchun bilim va ilhom manbai.

Har bir o‘qilgan sahifa — kengroq dunyoqarash sari bir qadam.

Тelegram |Facebook |Youtube| Instagram |X|Threads

#matbuot_anjumani

AI Soliq: sun’iy intellekt asosida soliq xizmatlarining yangi imkoniyatlari

Sun'iy intellektga asoslangan platforma imkoniyatlari kengaytirilib, soliq to‘lovchilar uchun 3 ta yangi xizmatlar joriy etildi:

– “Ekspress audit”,
– “AI Muloqot”,
– “AI Assistent”.

Тelegram|Facebook|Youtube|Instagram|X|Threads

#mobil_ilova #soliq_qarzi

Soliqlar to'langan va buni qanday tasdiqlashni bilmayapsizmi?

📥"Soliq" mobil ilovasi orqali soliq qarzi mavjud emasligi to‘g‘risidagi ma’lumotnomani yuklab oling.

📲 "Soliq" mobil ilovasi orqali soliqlarni to‘lash

Тelegram |Facebook |Youtube| Instagram |X| Threads

#мобильное_приложение #задолженность

Налоги уплачены и не знаете, как это подтвердить?

📥 Скачайте справку об отсутствии налоговой задолженности или квитанцию об оплате в мобильном приложении "Soliq"

📲 Оплата налогов в приложении "Soliq"

Тelegram |Facebook |Youtube| Instagram |X| Threads

#sunʻiy_intellekt

AI Soliq – tadbirkorning raqamli ko‘makchisi

Soliq sohasiga sun’iy intellektni joriy etish nafaqat jarayonlarni avtomatlashtirish, balki soliq ma’lumotlaridan foydalanish imkoniyatlarini kengaytirish va ularni tushunarli qilishga ham xizmat qiladi.

Tadbirkorlar uchun bu dolzarb savollarga tezroq javob topish, ehtimoliy soliq xavflarini aniqlash va yanada asosli qarorlar qabul qilish imkoniyatidir.

AI Soliq – biznes uchun vaqtni tejaydigan, soliq masalalarini tushunishga yordam beradigan va soliq organlari bilan o‘zaro hamkorlikni soddalashtiradigan amaliy raqamli yordamchi.

🚀«Ekspress audit»
🚀«AI Muloqot»
🚀«AI Assistent»

Тelegram |Facebook |YouTube| Instagram |X|Threads

#qonunchilikdagi_yangiliklar

Suv omborlari hududidagi turistik biznes uchun yer va mol-mulk solig‘i stavkalari ikki baravarga kamaytiriladi

O'zbekiston Respublikasi Prezidentining "Suv omborlari va ularga tutash hududlardan foydalanishni tartibga solish hamda xavfsizlikni ta'minlash chora-tadbirlari to'g'risida"gi Qarori qabul qilindi.
👉PQ-387-son, 27.10.2026-y.

Unga ko'ra, 2029-yil 1-oktabrga qadar suv omborlari va ularga tutash hududlarda turizm xizmatlarini tashkil etgan tadbirkorlik subyektlariga yuridik shaxslar uchun yer solig‘i va mol-mulk solig‘i stavkalari belgilangan stavkalarning 50 foizi miqdorida qo‘llaniladi.

Bunda mazkur moliyaviy qo‘llab-quvvatlash chorasi ushbu qaror doirasida suv omborlari va ularga tutash hududlardan elektron onlayn auksion savdolari orqali yer uchastkalari ajratilgan tadbirkorlik subyektlariga nisbatan qo‘llaniladi.
____________
#новое_в_законодательстве

Для туристического бизнеса у водохранилищ ставки налогов на имущество и землю снижаются вдвое

Принято Постановление Президента "О мерах по упорядочению использования территорий водохранилищ и прилегающих к ним зон, а также обеспечению безопасности на них".
👉№ПП-387 от 27.10.2026 г.

Согласно документу до 1 октября 2029 года для предпринимателей, организовавших туристские услуги на территориях водохранилищ и прилегающих к ним зон, применяются ставки земельного налога и налога на имущество юрлиц в размере 50% установленных ставок.

При этом указанная мера финансовой поддержки применяется к субъектам предпринимательства, которым земельные участки выделены на территориях водохранилищ и прилегающих к ним зон посредством электронных онлайн-аукционных торгов.

Тelegram|Facebook|Youtube|Instagram|X|Threads

#hamkorlik

Oʻzbekiston xalqaro soliq solish sohasida IHTT bilan hamkorlikni mustahkamlamoqda

Oʻzbekiston Respublikasi Soliq qoʻmitasi raisi Farrux Pulatov boshchiligidagi mamlakatimiz delegatsiyasi 2026-yil 28–30-oktabr kunlari Parij shahrida boʻlib oʻtayotgan IHTT/G20ning BEPS boʻyicha Inklyuziv hamkorlik doirasi 18-plenar yigʻilishida ishtirok etmoqda.

Yigʻilish kun tartibidan soliq bazasining sun'iy ravishda kamaytirilishi va foydaning boshqa yurisdiksiyalarga koʻchirilishiga qarshi kurashish, global miqyosda minimal soliqni joriy etish, soliqqa oid axborotlarni xalqaro darajada almashish tizimini takomillashtirish, shuningdek, raqamli iqtisodiyotni soliqqa tortish va soliq maʼmuriyatchiligida sunʼiy intellektdan foydalanishning yangi yondashuvlari kabi dolzarb masalalar oʻrin olgan.

Oʻzbekistonning mazkur tashabbusda ishtiroki mamlakatimiz xalqaro soliq hamkorligini rivojlantirish, shaffoflikni oshirish, xalqaro standartlar va ilgʻor amaliyotlarni izchil joriy etishga ustuvor ahamiyat qaratayotganini koʻrsatadi. IHTT bilan hamkorlik jahon tajribasini oʻrganish, milliy qonunchilikni takomillashtirish va soliq organlarining kasbiy salohiyatini mustahkamlash imkonini beradi.

Soʻnggi yillarda Oʻzbekiston xalqaro soliq institutlari bilan hamkorlikni izchil kengaytirib kelmoqda. Mamlakatimiz 2023-yilda BEPS boʻyicha Inklyuziv hamkorlik doirasiga qoʻshildi va uning minimal standartlarini joriy etish, transfert narxini belgilash qoidalari hamda soliq nizolarini hal etish mexanizmlarini takomillashtirish boʻyicha ish olib bormoqda. 2026-yil iyul oyida Oʻzbekiston soliqqa oid masalalar boʻyicha oʻzaro maʼmuriy yordam koʻrsatish toʻgʻrisidagi Koʻp tomonlama konvensiyani ham imzoladi. Mazkur hujjat soliq sohasida xalqaro axborot almashinuvi va hamkorlikni kengaytirishga qaratilgan.

Kelgusida xalqaro standartlarga yanada yaqinlashish milliy soliq bazasini himoya qilish, soliq toʻlashdan boʻyin tovlash mexanizmlariga qarshi kurashish samaradorligini oshirish, biznes uchun teng sharoitlar yaratish va xalqaro investorlar ishonchini mustahkamlashga xizmat qiladi. Shuningdek, bu Oʻzbekistonning xalqaro soliq masalalari boʻyicha kun tartibini shakllantirishda faolroq ishtirok etishi va global qarorlarni ishlab chiqishda milliy manfaatlarni hisobga olish imkoniyatlarini kengaytiradi.

BEPS boʻyicha yigʻilishda ishtirok etish Oʻzbekistonning xalqaro soliq hamkorligi tizimiga integratsiyalashuvini yanada chuqurlashtirish va milliy soliq maʼmuriyatchiligini jahonning ilgʻor tajribalari asosida takomillashtirish yoʻlidagi muhim bosqich hisoblanadi.

Тelegram|Facebook|Youtube|Instagram|X|Threads

📸 KUN FOTOSI

Yosh kadrlar — soliq tizimiga yangicha qarash va tashabbus olib kirayotgan avlod. Ularning bilimga intilishi, mas’uliyati va shijoati bugungi ishlar sifatida, ertangi natijalarda namoyon bo‘ladi.

Тelegram |Facebook |Youtube| Instagram |X|Threads

«Men to‘lagan soliq — mening kelajagim!»

Bugun to‘lagan har bir solig‘imiz — ertangi obod hayot, sifatli ta’lim, zamonaviy tibbiyot va ravnaq topgan yurtimizga qo‘shilgan hissadir.

Soliq to‘lash — bu nafaqat burch, balki kelajagimizga bo‘lgan sarmoyadir!

Тelegram | Facebook|Instagram|Youtube

#raqamlashtirish
#QQS

2026-yil 1-oktabr holatiga Buxoroda maxsus ro‘yxatdan o‘tgan QQS toʻlovchilar soni 17 137 tani tashkil etdi. Bu 2025-yilning mos davriga nisbatan 👉10,0% ko‘p.

Тelegram | Facebook|Instagram|Youtube

#eʻlon

Hurmatli soliq to‘lovchilar!

Telefon aloqa tizimidagi texnik nosozliklar sababli bugun – 29-oktabr kuni Soliq qo‘mitasi Call-markazi faoliyatida vaqtinchalik uzilishlar kuzatilmoqda.

Ayni paytda “O‘zbektelekom” AK mutaxassislari bilan hamkorlikda nosozliklarni bartaraf etish ishlari olib borilmoqda.
_________
#объявление

Уважаемые налогоплательщики!

В связи с техническими неполадками в системе телефонии сегодня – 29 октября в работе операторов Call-центра Налогового комитета наблюдаются временные сбои.

В настоящее время совместно со специалистами АК «Узбектелеком» ведутся работы по устранению неполадок.

Тelegram |Facebook |YouTube| Instagram |X|Threads

#bilasizmi

“Eng yaxşi soliq tölovchi mahalla” nominatsiyasi

2026-yil 1-yanvardan “Eng yaxşi soliq tölovchi mahalla” nominatsiyasi joriy etildi. Bunda ğoliblarni aniqlaş böyicha mezonlar quyidagilar:

✅har 1 000 nafar aholiga töğri keladigan kichik biznes subyektlari soni;
✅har 1 000 nafar aholiga töğri keladigan kichik biznes subyektlari tomonidan tölangan soliqlar miqdori;
✅har 1 000 nafar aholiga töğri keladigan jismoniy şaxslardan olinadigan daromad soliği tölovchilar soni;
✅har 1 000 nafar aholiga töğri keladigan özini özi band qilgan fuqarolar soni va ular tomonidan tölangan soliqlar miqdori;
✅mahalla fuqarolari tomonidan mol-mulk va yer soliqlarining tölanganlik darajasi.

✅“Eng yaxşi soliq tölovchi mahalla” nominatsiyasi ğoliblari uchun quyidagi rağbatlantiriş choralari joriy etiladi:

✅taşabbusli byudjet doirasida ketma-ket 2 marotaba ğolib deb topilgan mahallalar uchun navbatdagi 2 ta mavsum doirasida loyiha kiritiş imkoniyatini cheklaş qoidasi qöllanmaydi;

✅loyihalarni şeriklik asosida moliyalaştirişda uşbu mahallalar aholisi tomonidan loyiha qiymatining 25 foizi moliyalaştirilgan taqdirda, loyiha ğolib deb topiladi hamda qolgan 75 foizi Davlat byudjetidan moliyalaştiriladi;

✅belgilangan mezonlar asosida har yili birinchi 100 talikka kirgan eng yaxşi soliq tölovchi mahallalarning har biriga Davlat byudjetidan 2 mlrd söm miqdorida mablağ tegişlicha Mahallaning ijtimoiy-iqtisodiy muammolarini hal etiş jamğarmasiga ajratiladi.

Asos: PQ–364-son, 28.11.2025-yil.

Тelegram | Facebook|Instagram|Youtube

#hamkorlik

Oʻzbekiston delegatsiyasi IHTT shtab-kvartirasida BEPS kotibiyati rahbariyati bilan muzokaralar oʻtkazdi

2026-yil 28-oktabr kuni Oʻzbekiston Respublikasi Soliq qoʻmitasi raisi Farrux Pulatov boshchiligidagi delegatsiya Parij shahrida IHTT/G20ning BEPS boʻyicha Inklyuziv hamkorlik dasturining 18-yalpi yigʻilishi doirasida IHTT Soliq siyosati va maʼmuriyatchiligi markazi direktorining oʻrinbosari Ben Dikinson rahbarligidagi BEPS kotibiyati jamoasi bilan uchrashdi.

Uchrashuvda xalqaro soliq standartlarini joriy etish mamlakatimizda amalga oshirilayotgan keng koʻlamli iqtisodiy islohotlar doirasidagi strategik ustuvor yoʻnalish ekani taʼkidlandi. Bu soliqqa oid huquqiy aniqlikni va investorlar ishonchini oshirish, milliy soliq bazasini himoya qilishni kuchaytirish hamda ichki resurslarni safarbar etishga xizmat qiladi.

Kotibiyat vakillari Soliq qoʻmitasi tomonidan amalga oshirilayotgan ishlarni yuqori baholadi. Xususan, transfert narxini belgilash toʻgʻrisidagi qonunchilikni modernizatsiya qilish, tegishli tekshiruvlarni oʻtkazishga toʻsqinlik qiluvchi omillarni bartaraf etish, MAAC konvensiyasini imzolash, shuningdek, Oʻzbekistonning Inklyuziv hamkorlik doirasining barcha yalpi yigʻilishlarida faol ishtirok etishi alohida eʼtirof etildi. IHTT baholashiga koʻra, Oʻzbekiston xalqaro soliq solish sohasida Markaziy Osiyo mamlakatlari orasida tobora mustahkam va yetakchi mavqega ega boʻlib bormoqda.

Tomonlar IHTTning texnik koʻmagi asosida Oʻzbekistonning BEPS boʻyicha Koʻp tomonlama konvensiyaga (MLI) qoʻshilishi borasida hamkorlikda ish olib borishga kelishib oldilar. Shuningdek, BEPS kotibiyati vakillari Markaziy Osiyoda muhim strategik minerallarni qazib olish faoliyatini boshqarishning xalqaro standartlari hamda soliqqa oid ishlarni koʻrib chiqishda sudyalarning malakasini oshirish boʻyicha treninglar oʻtkazish rejalari haqida maʼlumot berdilar.

Uchrashuvda "Chegara bilmas soliq inspektorlari" (Tax Inspectors Without Borders — TIWB) dasturi doirasida texnik koʻmakni qayta yoʻlga qoʻyish hamda IHTT bilan hamkorlikda Oʻzbekistonda mintaqaviy tadbirlar oʻtkazish imkoniyatlari ham alohida muhokama qilindi.

Oʻzbekiston tomoni xalqaro standartlarni joriy etish boʻyicha toʻplangan tajribani Markaziy Osiyo mamlakatlari bilan oʻrtoqlashishga va IHTT bilan hamkorlikni yanada mustahkamlashga tayyorligini tasdiqladi.

Тelegram |Facebook |Youtube| Instagram |X| Threads