موضوع مُهم بعد قليل الرجاء مشاركة القناة وتعميم المعلومة القادمة وشُكراً

أولاً Pretexting Attack – الهجوم اللي يجيك بـ"كذبة محبوكة"

📌 شنو يعني Pretexting؟

الهكر هنا ما يدزلك رابط، ولا فايروس س يجيك بكذبة مدروسة عدل، وبيها سيناريو مُقنع، حتى ياخذ من عندك معلومات "بإيدك"

مثلاً يتصل عليك شخص ويكول

مرحبا اني من شركة فُلانية قسم توزيع الرواتب مثلاً ويكُلك صار خطأ ب حسابك البنكي ونحتاج نحدث رقم الـ IBAN حتى ما تتاخر دفعتك

هواي موظفين راح يصدكون هذا الحجي وينطونة كل التفاصيل بدون الى الانتباه ب رقم المتصل وانت هم لازم تتاكد دائماً الشركة متطلب منك هاي المعلومات او مثلا يجيك يُكلك آني من الـ IT، أكو تحقيق داخلي بسبب محاولة اختراق، نحتاج نسوي تأكيد هويّة، ابعثلي صورة البطاقة مالك أو رقم الموظف

اني هنا مجاي اشجع المُخترقين على انو يتعلمو هيج اساليب ، جاي اوعي الموظفين المتقاعدين الناس اللي بعيدين عن هذا المجال ان يفهمون شنو اللي جاي يصير حالياً جاي نشوف الاف من الناس حساباتهم المصرفية او كي كارد وغيرها جاي تنباك ب اساليب و99% هي بسبب الهندسة الاجتماعية Pretexting Attack – هو احد الاساليب ف لازم توعي صديقك والدك ، اقربائك على هيج نمط من الهجمات وتكون حذر من اي اتصال

نجي الى الامر المهم ليش هذا الهجوم خطير ؟

لان بيه تحضير نفسي يقنعك ان اكو شي رسمي مستعجل ومن داخل النظام ، وهو لا ماكو هيج
يستخدم معلوماتك العامة على تواصل الاجتماعي مثلاً حتى يقنعك اكثر مثلا يعرف اسمك او غيرها وغيرها وبنفس الحالة الضحية هنا تعتقد انو هي جاي " تساعد " مو تنخدع لان مراح يفهمون شنو الجاي يصير بسهولة



CH : @SparkSecurity

#tools
#MLSecOps
#Offensive_security
Security Solutions for AI Systems 
1️⃣ Confidential Computing
1.1 Sentient Enclaves Framework
1.2 SyMPC - SMPC companion library for Syft
1.3 Confidential Computing API
2️⃣ Encryption and Data Protection
2.1 IronCoreLabs Transform encryption lib for Scala
2.2 Diffprivlib - IBM Differential Privacy Library
2.3 TenSEAL - Library for doing homomorphic encryption operations on tensors
2.4 PyDP - Python Differential Privacy Library
3️⃣ Governance
3.1 VerifyWise - Open source AI governance platform
3.2 Cartai - OSS AI supervisor Agent
4️⃣ Model Testing
4.1 Plexiglass - tool to detect/protect LLM vulns
4.2 Giskard-AI - Evaluation/testing for LLM systems
4.3 ModelScan - ML Model Security Scanner
4.4 LlamaFirewall, PurpleLlama - Tools to LLM security
4.5 Garak - LLM vulnerability scanner
4.6 Package for LLM jailbreak evaluation
5️⃣ Prompt Firewall and Redaction
5.1 Guardrails AI - Adding guardrails to LLMs
5.2 Private AI - Detect, anonymize, and replace PII
5.3 Lakera Guard - ChatGPT Data Leak Protection
5.4 Rebuff - LLM Prompt Injection Detector
5.5 Trylon Gateway - Open Source Firewall for LLMs
5.6 LLM Guard, Vigil - Security scanner for LLM prompts
5.7 MCP-Scan - Security scanner tool for MCP servers
5.8 Vibranium Dome - LLM WAF for Agents
6️⃣ AI Quality Controls and Testing
6.1 GenAI Prompt Fuzzer
6.2 FuzzyAI, LLMFuzzer Frameworks
6.3 Test Generation for Prompts
6.4 Promptfoo: LLM Evals & Red Teaming
7️⃣ Training Data Protection
7.1 Trusted-AI - Adversarial Robustness Toolbox
7.2 datasig - Dataset fingerprinting for AIBOM
8️⃣ AI for Offensive Cyber
8.1 Vulnhuntr - AI-Discovered 0-day Tool
8.2 Confident AI - LLM Red Teaming Framework
8.3 Agentic LLM Vulnerability Scanner / AI RedTeam Kit
8.4 llm-attacks - Attacks on Aligned LLMs
8.5 HackGPT - Tool using ChatGPT for hacking
8.6 AI/ML Exploits, CAI CTF Framework


CH : @SparkSecurity

كل هاي الأدوات مفتوحة المصدر وموجودة على GitHub

📍 بعض منها هجومي وبعضها دفاعي الأمن السيبراني بالـAI صار تخصص .. وهاي الأدوات هي مفاتيحك

شارك المنشور ويه أي شخص مهتم بالذكاء الاصطناعي أو الحماية

أدوات تحمي الذكاء الاصطناعي من الاختراق؟
هاي الأدوات صمّمت خصيصاً حتى تحمي الموديلات الذكية من التلاعب، الاختراق، التسريب، وحتى التجسس

اليوم نبدأ بأول مجموعة
Confidential Computing (الحوسبة السرّية)
تفيدك بحماية البيانات الحساسة حتى وهي تشتغل داخل المعالج! يعني محد يكدر يشوف أو يعبث بالمعلومة، حتى لو كان عنده صلاحيات

Sentient Enclaves Framework
يساعدك تبني بيئة مشفّرة تشتغل بيها موديلاتك بأمان
SyMPC
أداة تشفّر عمليات الحساب بين أطراف بدون لا واحد يعرف بيانات الثاني
Confidential Computing API
تربط تطبيقك بسهولة مع بيئات مشفّرة (Intel SGX وغيرهم)
فائدة حقيقية للباحثين ومطوري الذكاء الاصطناعي اللي يشتغلون على بيانات طبية، بنكية، أو أي شي حساس

تابعونا يوميّاً كل يوم نغطي مجموعة جديدة من الأدوات بأمثلة عملية!

CH : @SparkSecurity

منشور جديد على صفحتنا بالانستا ! شاركوها عند اصدقائكم

اضغط هنا لمشاهدة المنشور

CH :@SparkSecurity

Practical Strategies for SIEM Using Splunk’s Enterprise Security for Threat Detection, Forensic Investigation, and Cloud Security

شنو تتعلم من الكتاب

🟢 تحليل التهديدات بذكاء
شلون تبني حالات استخدام (use cases) تكشف التهديدات

🟢 التحقيق الجنائي الرقمي Forensics

شلون ترجع خطوات المهاجم، وتستخرج الأدلة من اللوكات " logs " بأقصر وقت ممكن

🟢 أمان الحوسبة السحابية Cloud Security
شلون تراقب البيئات السحابية (AWS, Azure) من خلال Dashboards مخصصة

‏Correlation Search 🔴

تربط الأحداث ببعض وتبني Alerts تشبه الـ SOC الحقيقي للشركات الكُبرى


CH : @SparkSecurity

🎯 شنو الفكرة من SIEM

أغلب الناس تتصور إنو الـ SIEM (وخصوصاً Splunk ES) هو بس شغلة تعرض الـ logs بشكل حلو! بس بالحقيقة؟ هو عقل استخباراتي أمني مسؤول عن كشف الهجمات وتحليلها قبل لا تصير كوارث


أهم النقاط اللي ينبهنا عليها الفصل الأول من الكتاب

1️⃣ التفكير بطريقة “Use Case-Driven”
لا تجمع كل شي وبس! كل لوك تنسحب لازم تخدم هدف استخباراتي معين

هل أريد أكشف phishing؟ أريد أراقب lateral movement؟ أتحقق من access abuse؟

كل سيناريو يعتبر فد شي قوي جدا داخل Splunk، ومنه تنبني الـ correlation searches

والـ notable events

بناء القواعد الأمنية مو عشوائي
الكتاب ينصح تعتمد على نماذج مثل

MITRE ATT&CK

Cyber Kill Chain

NIST

CH : @SparkSecurity

حتى تطور سيناريوهات كشف واقعية وتقلل الـ false positives

حتى نفهم شنو الـ False positive داخل SIEM لازم نفهم شنو يعني

‏false positive يعني ان النظام يطلق انذار او تنبيه بس بالحقيقة ماكو تهديد حقيقي لان شاف اكو تصرف مشبوه بس هو بالحقيقة تصرف طبيعي ومابيه اي خطر مثلاً

اذا الموظف سجل دخول من موقع جديد اعتبره تهديد وهالشي نشوفة ب الخدمات السحابية مثلا لما تسافر وتريد تسجل دخول راح تشوف النظام يطلب منك التحقق ، بس اللي صار هو واحد من الموظفين سافر لدولة معينة غير عن اللوكيشن اللي النظام متعود عليه والطبيعي بس هو مو مخترق بس SIEM اعتبرة تهديد فهنا صار فولس بوستف وهالشي يعتبر مشكلة تضيّع وقت فريق الـ SOC تسبب ضغط وتشتيت تخليك تضيع التنبيهات الحقيقية (الـ True Positives) بين الزخم شلون ممكن نتجنبها

نضيف context (مثلاً: هل المستخدم يسافر؟ هل الجهاز موثوق؟)

نحسّن القواعد حتى تكون أذكى

نستخدم تقنيات الـ machine learning أو التهديدات المعروفة (Threat Intelligence)


هسه احنا هنا اتطرقنا الى شرح مٌفردة من الموضوع الاساسي ولكن حبيت اوضح الكم النقطة هاي لان الاغلب مايعرفها

CH : @SparkSecurity

شارك القناة في كروباتكم الدراسية للاستفادة

الي يداوم قسم امن سيبراني او اي تخصص تقني اخر

علوم حاسبات
هندسة حاسبات
نظم معلومات وباقي التخصصات الاخرى لان الكل ممكن يستفاد من المعلومات الموجودة بقناتنا وخلي نوصل 10 الاف مشترك :)


CH : @SparkSecurity

🛡 #سـبارك_سايبر | 10 خطوات تبقيك آمن ضد الهجمات! 🟢

أهم 10 ممارسات لازم تسويهن حتى تبقى بعيد وصعب يتم اختراق حساباتك


🔟 حدّث كلشي أول بأول!

أي برنامج، نظام، تطبيق... إذا ما تحدث، فـ أنت تارك ثغرات مفتوحة للحبايب (الهكرز) 😅

9️⃣ لا تنزّل من الروابط العشوائية

سواء تليكرام واتساب، أو إيميل... لا تضغط أي رابط إلا إذا "متأكد مليون بالمية" من مصدره
هواي من الهجمات تبدأ بكلك بسيط ف خليك منتبه دائماً


8️⃣ خلي كل حساب بإيميل مختلف

لو انسرق حساب، ما ينكسر الباقي وياه وخصوصاً الإيميل الرئيسي لا تخليه مرتبط بكلشي


7️⃣ تفعيل الـ 2FA " المصادقة الثانوية

كُل حساب عندك يدعم "التحقق بخطوتين" فعّله فوراً

6️⃣ لا تعيد الباسوردات أبداً

استخدم مدير كلمات مرور (مثل Bitwarden) وخلي لكل حساب كلمة مختلفة وقوية

5️⃣ احذر شبكات Wi-Fi العامة!

كوفيات، مجمعات... هاي شبكات مفتوحة للتنصّت استخدم VPN لو مضطر تتصل منها

4️⃣ راقب صلاحيات التطبيقات

ليش تطبيق الصور يريد صلاحية المايك والموقع ؟ افحص كل صلاحية قبل ما توافق!

3️⃣ إيميلات غريبة؟ تجاهلها!

لا تفتح ملفات مرفقة، ولا تدخل على روابط، ولا تجاوب على أسئلة غريبة من الايميلات

2️⃣ خلي عندك برنامج Anti-Virus قوي ومو مقرصن " لعد شسوينا اذا الانتي فايروس مالتك مهكر 😂

إذا تستخدم Windows Defender فعّله مضبوط، أو استعمل مثل Kaspersky أو Bitdefender


1️⃣ أهم نقطة؟ الوعي!

كل اختراق يبدأ بثغرة بشرية كل ما تتعلم، تقل فرصتك تصير ضحية للاختراقات

الاختراق مو احتمال هو وقت بس إذا ضليت غافل خليك واعي، لا تصير فريسة سهلة

شارك المنشور ويه أصدقائك، وخليهم يعرفون شلون يحمون نفسهم بوسط الهجمات الرقمية اللي تصير


CH : @SparkSecurity

بالزمن اللي البيانات صارت بيه رأس مال الشركات، قاعدة البيانات مو بس مكان تخزين هي قلب النظام إذا القلب انضرب، كل المنظومة تتأثر سمعة
قانون، عمليات، فلوس لهذا أمان قواعد البيانات لازم يكون محسوب، متدرّج ومبني على ممارسات ثابتة مو ردود فعل لحوادث

ليش الموضوع مصيري أصلًا
حساسية المحتوى قواعد البيانات تحتوي بيانات عملاء، سجلات داخلية، وأسرار تجارية
تسريب واحد يسبب خسارة ثقة طويلة حجم وسرعة وتنوع مع الـ Big Data، عندك بيانات هائلة، بجداول وسجلات وملفات وأحداث…
أي خطأ صغير يكبر بسرعة سطح هجوم واسع تطبيقات، خدمات، أدوات ETL، نسخ احتياطية، فرق متعددة… يعني نقاط دخول كثيرة
كلفة الفشل اختراق = إيقاف عمل، غرامات، إجراءات قانونية، تصليح سمعة، وفوكها تكاليف تقنية عالية

أشهر مسارات الاختراق على قواعد البيانات SQL Injection استغلال مدخلات غير مفلترة للاختراق والوصول لبيانات حساسة
او عن طريق الـ Privilege Escalation مثلاً حساب “خدمة” أو موظف بصلاحيات أكبر من حاجته يفتح باب لاختراق واسع

نسخ احتياطية مكشوفة باكابات على مخزن سحابي بدون قيود وصول أو بدون تشفير سوء ضبط الشبكة
فتح بورتات الداتا بيس للإنترنت مباشرة، أو عدم عزل الشبكات الداخلية أسرار مكشوفة كلمات مرور/مفاتيح داخل كود، ملفات .env، أو سجلات Logs
ثغرات غير مُرقّعة إصدارات قديمة من محركات قواعد البيانات أو إضافاتها

CH : @SparkSecurity

شلون نحميها خطوة بخطوة شنو الضوابط التقنية الأساسية
التشفير
أثناء السكون (At Rest) استعمل TDE أو تشفير على مستوى العمود/الصف للحقول الحسّاسة خلي مفاتيح التشفير خارج السيرفر (KMS/HSM)
أثناء النقل (In Transit) كل الاتصالات TLS فقط، واطفّي البروتوكولات الضعيفة فعّل certificate pinning إذا ممكن دارة المفاتيح (Key Management) تدوير دوري للمفاتيح، صلاحيات ضيّقة، وAudit على أي وصول للمفاتيح

إدارة الوصول والهويات Least Privilege كل مستخدم/خدمة ياخذ أقل صلاحية يحتاجها وبس
RBAC دقيق: فرّق بين read-only / write / admin، ولا تجمع هالأدوار بحساب واحد MFA للحسابات الإدارية، تعطيل الحسابات غير المستخدمة، وسياسة Passwords مشددة
بالـ Source Control اشتغل Allowlist على IP/Subnet محدد، واسمح بالوصول من شبكات معروفة بس
وعزل الشبكات والحماية المحيطية شبكات خاصة (Private/VPC) قاعدة البيانات تبقى داخل Private Network ممنوع Public IP مباشر بوابة/Proxy آمنة اكيد خل الوصول يمر عبر WAF أو Database Proxy مع سياسات وفلاتر قوية تقسيم البيئات: Dev / Test / Prod كل واحد بمعزل عن الثاني، وData access يختلف حسب البيئة هنا نقصد بيها المراحل انو مرحلة البرودكشن الانتاج ومرحلة الاختبار ومرحلة التطوير كل مرحلة تختلف بما يعني الفيرجنات من اول فيرجن لحد الفيرجن " النسخة النهائية " للـEND-USER وهنا نوصل لنقطة مهمة تصفير التسريب من المصدر
Data Masking/Tokenization أخفي أو غيّر شكل البيانات الحساسة بالبيئات غير الإنتاجية Data Minimization خزّن أقل شي تحتاجه، وطبق Data Retention Policy واضحة للحذف الآمن اما بالنسبة للـ Security Patches حدّث محرك قاعدة البيانات والإضافات أول بأول
Staging أولاً: جرّب التحديث على Staging قبل ما تروح Prod، وي Rollback Plan جاهز حتى تتجنب الاخطاء وترجع لنفس اللفل اللي جنت بي وترجع تشتغل من جديد وتعدل اخطائك وترجع تسوي برودكشن مرة ثانية



📌 الفكرة الأساسية إحنا هنا نحجي عن إجراءات أمان تستخدمها الشركات الكبيرة لحماية بياناتها مو شرط أنت كشخص تطبقها كلها، لكن مهم تعرف شنو هي وليش تنفع
حتى تفهم شلون الشركات تحمي شغلها البيانات حتى تصير واعي بالمصطلحات اللي تسمعها بعالم الأمن السيبراني حتى تكون جاهز إذا اشتغلت أو تعاملت مع بيئة احترافية



CH : @SparkSecurity

شلون ممكن تتجنب "تشتت المبتدئين" برحلتك السيبرانية؟

هواي نشوف مبتدئين بالأمن السيبراني يركضون بمكانهم، يتنقلون من مجال لمجال بلا هدف، وبالنهاية يوكعون بفخ "التشتت"! 😓 شلون تكدر تطلع من هاي الدوامة؟
مشكلة التشتت مو بس مضيعة للوقت، هي فشل ب بناء الأساس المعرفي القوي لما تبدي تتعلم كل يوم شي جديد يوم برمجة، يوم شبكات، يوم أداة جديدة، يوم كورس مختلف عقلك مراح يكدر يبني ترابط متين بين هاي المعلومات.
راح تصير عندك كمية معلومات سطحية هواي، بس بدون العمق اللي يخليك تفهم ليش تصير المشاكل أو شلون تحلها بجدية هذا التشتت يخليك مثل اللي يجمع أجزاء لغز بدون ما يشوف الصورة الكاملة، وبالنتيجة متكدر توصل لهدف واضح، وتفقد شغفك لأنك متشوف تقدم حقيقي ولا إتقان لأي مجال
نصيحة مني الك أول شي، قبل ما تبدي بأي كورس أو مجال، خصص وقت محدد للبحث العميق عن التخصص اللي يناسبك (هجومي، دفاعي، تحليلي، إدارة مخاطر) بعدين، التزم بخارطة طريق واضحة ومحددة لهذا التخصص اللي اخترته، وركز على "العمق لا السطح" يعني افهم المبدأ الأساسي والفكرة العامة قبل ما تتعلم شلون تستخدم الأداة وإذا حسيت نفسك بديت تتشتت، ارجع لخارطة طريقك وشوف وين وصلت، لا تخلي الخوف من "ضياع الفرص" يخليك تغير مسارك كل شوية التزامك بخطوات محددة راح يبني عندك أساس قوي وتخصص واضح

بعد ما تقرا عن كل تخصص، حاول تشوف فيديوهات أو مقالات عميقة تشرح يوميات الشغل بكل واحد إذا جنت تحب تحل الألغاز وتكشف الأثر، ممكن التحقيق الجنائي يناسبك إذا تحب الهجوم والتحدي، الهجومي إذا تحب تحمي وتبني دفاعات، الدفاعي إدارة المخاطر تناسب اللي يحب يجمع بين التقنية والجانب الإداري/التخطيطي تحديد المسار يخلي تركيزك على خارطة طريق وحدة ويعمق مهاراتك بشكل أسرع

CH : @SparkSecurity

خلل عام في الانترنت عند اطفاء المنظومات تحتاج الاجهزة الى 72 ساعه لأسترجاع النت بصورة طبيعية ف لذلك نلاحظ " Packet loss " في الالعاب مثلاً او ضعف الخدمة او خلل في فتح التطبيقات .


#فترة_وتعدي

CH : @SparkSecurity

مُهم ..

الاكتف دايركتوري بـ اختصار Active Directory (AD) هو نظام من مايكروسوفت لإدارة الشبكات داخل الشركات والمؤسسات

شنو يسوي Active Directory؟

يخزن معلومات المستخدمين والأجهزة في قاعدة بيانات مركزية يتحكم بالصلاحيات منو يكدر يدخل يسهل تسجيل الدخول الموحد المستخدم يدخل مرة وحدة ويقدر يوصل لكل الموارد المسموح بيها " ألة " تطببق سياسات أمنية على كل الأجهزة (مثل منع USB أو فرض تعقيد كلمة المرور) وغيرها

CH : @SparkSecurity

90-95% من الشركات والمؤسسات الموجودة في
الـ real scenario تستخدم الاكتف دايركتوري

الـ Real Scenario يعني الوضع الحقيقي اللي يصير فعليًا داخل الشركات والمؤسسات، مو مجرد تدريب أو محاكاة أو نظريات
يعني لما نحجي عن Active Directory أو شبكات أو VPN أو إدارة صلاحيات، ما نحجي عن مختبر أو كورس نحجي عن كيف تُستخدم فعليًا يوميًا داخل بيئة عمل حقيقية

راح احاول ابسط حتى المفاهيم حتى توصلكم المعلومة بالشكل المطلوب ف لو انت داخل اي مجال ب السايبر سكيورتي اوفنسف او دنفسف ف لازم تعرف شنو الاكتف دايركتوري !!

CH : @SparkSecurity

السيناريو الواقعي شركة بيها 1000 موظف HR
تخيل عدنا شركة بيها 1000 موظف ضمن قسم الموارد البشرية (HR)، وكل واحد يستخدم جهاز خاص، وعنده صلاحيات معينة مثل

الوصول لملفات معينة

استخدام برامج محددة

صلاحيات طباعة أو تعديل أو مشاركة

المشكلة يجي طلب من الإدارة يكول

"نريد نغيّر صلاحيات قسم HR نزيد صلاحيات معينة ونحذف صلاحيات ثانية" هل معقول تدخل على كل جهاز وكل يوزر وتعدل يدويًا؟ مستحيل

فلهذا السبب انوجد الاكتف دايركتوري وهاي فكرتة ومبدأ عملة نكدر نعتبرة ك قاعدة بيانات مُعقدة تحتوي على اوبجكتس ، الاوبجكت مثل المستخدمين البرامج الطابعات واتتربيوت مثل ما نعرف انو الاوبجكت معناه عنصر والاتتربيوت معناه خاصية

Ojbect's + Attributes
ف شنسوي حتى نحل مشكلة الـ1000 موظف راح نستخدم Active Directory + Group Policy

شنو نسوي بالضبط

نخلي كل موظفي HR ضمن Organizational Unit (OU) وحدة

نربط OU بسياسة اسمها Group Policy Object (GPO)

نحدد داخل GPO كل الصلاحيات المطلوبة
(مثلاً منع الوصول لـ USB، السماح ببرنامج معين، إلخ)

أي تعديل نريده؟ نغير GPO مرة وحدة، وكل الـ 1000 جهاز يتحدث تلقائيًا هيج الفكرة راح تكون ف راح تكون ادارة مركزية

من خلال الشرح هذا فهمنا هواي امور وراح اوضحلك بعد كم شغلة

NTDS.DIT: قاعدة البيانات اللي تخزن كل معلومات المستخدمين، الأجهزة، الصلاحيات

Domain Controllers: السيرفرات اللي تدير AD وتنفذ السياسات

Schema: يحدد نوع المعلومات اللي ممكن نخزنها (مثل اسم، صلاحية، قسم)

Replication Service: يضمن إن كل السيرفرات تتحدث بنفس الوقت

Objects & Attributes: كل مستخدم أو جهاز هو "Object"، وكل صلاحية أو معلومة هي "Attribute"

Organizational Units (OU): تقسيم المستخدمين حسب القسم (HR, IT, Finance)

Tree & Forest: هيكل الشبكة، ممكن يكون فيها أكثر من دومين


CH : @SparkSecurity

ف اذا جنتو مُهتمين بهذا النوع من المواضيع اللي على الاكتف دايركتوري نصيحة مني الكم انو تدرسون هذا الكورس

اضغط هنا لمشاهدة الكورس
—
هاي الكُتب ايضاً مُفيدة الك
Exploiting Active Directory With Linux
Security best practices for Active Directory

وبداية جداً ممتازة أي سؤال او استفسار على البوت التالي وبالتوفيق

@Nationofdev_bot

CH : @SparkSecurity