O‘zbekiston va AQSh kosmosni tadqiq etish bo‘yicha Artemida bitimlarini imzoladi

Samarqandda O‘zbekiston tashqi ishlar vaziri Baxtiyor Saidov va AQSh Davlat kotibi Marko Rubio ishtirokida Kengaytirilgan strategik sheriklik muloqotining birinchi yig‘ilishi bo‘lib o‘tdi.

Uchrashuvda savdo va investitsiyalarni kengaytirish, energetika, muhim minerallar hamda ilg‘or texnologiyalar sohalaridagi hamkorlikni rivojlantirish masalalari muhokama qilindi.

Muzokaralardan so‘ng Oy, Mars, kometalar va asteroidlardan tinchlik maqsadlarida foydalanish hamda ularni tadqiq etish bo‘yicha hamkorlik tamoyillarini belgilovchi Artemida bitimlari imzolandi.

Mazkur hujjat O‘zbekistonning NASA va boshqa ishtirokchi davlatlar kosmik agentliklari bilan hamkorligini kengaytirish uchun yangi imkoniyatlar yaratadi:

https://www.spot.uz/oz/2026/10/19/strategic-partnership/

Telegram | Instagram | YouTube

📌 Arxitektura sohasida biznes boshlamoqchi bo‘lganlar uchun 3 tavsiya

Arcus akademiyasi asoschisi Madina Qo‘chqorova arxitektura sohasida o‘z biznesini yo‘lga qo‘ymoqchi bo‘lganlar bilan 3 ta muhim tavsiyasini o‘rtoqlashdi.

Unda biznesni to‘g‘ri yo‘lga qo‘yish, boshlang‘ich bosqichda yo‘l qo‘yilishi mumkin bo‘lgan xatolardan qochish va sohada barqaror rivojlanishga erishish bo‘yicha tavsiyalar beriladi. Batafsil:

https://www.spot.uz/oz/2026/10/05/arcus/

Telegram | Instagram | YouTube

Toshkentda dizayn-kodni joriy etish bo‘yicha aholi va biznes fikri o‘rganilmoqda

Toshkent shahar hokimligi poytaxtda dizayn-kodni joriy etish bo‘yicha aholi va tadbirkorlar o‘rtasida so‘rovnoma o‘tkazmoqda.

Bildirilgan takliflar keyingi ishlarda inobatga olinadi. Hokimlik dizayn-kod peshlavha va reklama konstruksiyalarini tartibga solib, shaharda yagona qiyofa yaratishga xizmat qilishini qayd etdi.

Yaqinda qabul qilingan hukumat qarori bilan dizayn-kod 10-dekabrgacha tadbirkorlar va OAV ishtirokida muhokama qilinishi topshirilgan edi:

https://www.spot.uz/oz/2026/10/19/design-code/

Telegram | Instagram | YouTube

O‘zbekistonda qariyb 5 mingta liftning foydalanish muddati o‘tgan — qurilish vaziri

Xavfsiz lift platformasida 7 201 ta binodagi 19 740 ta liftning elektron bazasi shakllantirildi. Foydalanishdagi 18 489 ta liftning elektron bazasi yaratilib, ularga xizmat ko‘rsatuvchi 93 ta tashkilot reyestri tuzildi.

Qurilish vaziri Sherzod Hidoyatov mamlakatdagi eski ko‘p qavatli uylarda jami 4 973 ta lift ekspluatatsiya muddatini o‘tab bo‘lganini ma’lum qildi.

“Ularga qo‘shimcha ravishda texnik xizmat va profilaktik ta’mirlashning o‘z vaqtida amalga oshirilmasligi ham nosozlikka sabab bo‘lgan”, — dedi u.

2021–2026-yillarda budjet mablag‘lari hisobidan 3 274 ta lift yangilanib, 71 tasi ta’mirlandi. 2026–2030-yillarda yana 4 953 tasi ta’mirlanadi:

https://www.spot.uz/oz/2026/10/19/elevator/

Telegram | Instagram | YouTube

VEON Perfectum mobil operatorini $207 mlnga sotib oladi

Xalqaro telekommunikatsiya xoldingi VEON O‘zbekistonda Perfectum brendi ostida faoliyat yurituvchi Rubicon Wireless mobil aloqa operatorining 100% ulushini sotib olish bo‘yicha kelishuvga erishdi.

Bitim qiymati qariyb $207 mlnni tashkil etib, bu summaga Perfectum’ning taxminan $93 mln miqdoridagi moliyaviy qarzi ham kiradi. Kelishuvni oktabr oyi oxirigacha yakunlash rejalashtirilgan.

Xarid yakunlangach, Beeline Uzbekistan’ning radiochastota resurslari taxminan 50% ga oshishi kutilmoqda. Bu tarmoq qamrovini kengaytirish va 5G xizmatlarini rivojlantirishga yordam beradi:

https://www.spot.uz/oz/2026/10/19/veon-perfectum/

Telegram | Instagram | YouTube

METER reklama kreativini efirga chiqishidan oldin tekshiradi

Kreativ tayyor. Lekin u samara berishi kafolatlanmagan. Rolik chiroyli, montaj zo‘r, hammasi joyida. Ammo tomoshabin nimaga e’tibor berishi, mahsulotni payqashi va brendni eslab qolishi aniq emas.

Ba’zan reklama e’tiborni tortadi, lekin asosiy xabar ko‘zdan qochadi.

METER Analyzer buni reklama efirga chiqishidan oldin tekshirishga yordam beradi. U mahsulot va logotip qanchalik ko‘rinishini baholaydi, kreativning zaif tomonlarini aniqlaydi va uni yaxshilash bo‘yicha tavsiyalar beradi.

Batafsil METER maqolasida.

Reklama huquqlari asosida.

Siroj Bekchanov Atomchilar shaharchasini qurish direksiyasi direktori etib tayinlandi

U tayinlovga qadar Xorazm viloyati hokimi o‘rinbosari lavozimida ishlab kelayotgan edi.

Siroj Bekchanov Xorazmda bir qator hokimliklar apparatlarida qurilish, infratuzilma hamda ijtimoiy-iqtisodiy rivojlantirish masalalari bo‘yicha faoliyat yuritgan.

Direksiya Jizzax viloyatining Forish tumanida integratsiyalashgan AES qurilishida mutaxassislar va ularning oila a‘zolari uchun uy-joylar barpo etadi:

https://www.spot.uz/oz/2026/10/19/siroj-bekchanov/

Telegram | Instagram | YouTube

O‘zbekistonda 2,8 mlndan ortiq kishi o‘ziga kredit berishni taqiqladi

1-oktabr holatiga ko‘ra, 2 841 475 nafar fuqaro “Kreditga taqiq” xizmatiga ulangan. Undan foydalanganlar soni o‘tgan yilning mos davriga nisbatan 19 baravarga oshdi.

O‘z-o‘ziga kredit olishni taqiqlaganlarning yarmidan ko‘pini erkaklar tashkil etadi. Ayollar ulushi esa — 42%. Xizmatni ko‘proq 26–35 yoshdagilar faollashtirmoqda:

https://www.spot.uz/oz/2026/10/19/credit-ban/

Telegram | Instagram | YouTube

O‘zbekiston va Tojikiston chegaradan ID-karta orqali o‘tish tartibini joriy etishni tezlashtiradi

Shavkat Mirziyoyev Tojikiston tashqi ishlar vaziri Sirojiddin Muhriddin bilan savdo va yuk tashish hajmini oshirish, energetika, sanoat, qishloq va suv xo‘jaligi sohalaridagi hamkorlikni rivojlantirish masalalarini ko‘rib chiqdi.

Davlat rahbari avval ikki mamlakat o‘rtasidagi chegaralar yopiq bo‘lgani, hozirgi kabi savdo aylanmasi va yaqin munosabatlar bo‘lmaganini eslab, ID-kartalar orqali chegaradan o‘tishni yo‘lga qo‘yish zarurligini ta’kidladi.

“ID-kartalar orqali chegaradan o‘tish tizimini joriy etishni ham tezlashtirishimiz kerak. Chunki yuk tashish hajmi ortib bormoqda va bu masalani hal qilishga real ehtiyoj mavjud”, — dedi prezident:

https://www.spot.uz/oz/2026/10/19/id-card-tajikistan/

Telegram | Instagram | YouTube

AQSH ma’muriyati Jekson-Vanik tuzatishini bekor qilish tarafdori — Marko Rubio

Markaziy Osiyo mamlakatlariga, jumladan, O‘zbekistonga nisbatan qo‘llanadigan Jekson–Vanik tuzatishini bekor qilish tarafdori. Bu haqda AQSH Davlat kotibi Marko Rubio 19-oktabr kuni Samarqandda jurnalistlar bilan muloqotda ma’lum qildi.

“Biz uni bekor qilish tarafdorimiz. Kongressda ham buni qo‘llab-quvvatlaydigan bir nechta kuchli ovozlar bor”, — dedi u.

Rubioning aytishicha, ma’muriyat Kongressdan Sovuq urush davrida joriy etilgan ushbu cheklovni bekor qilishni so‘ragan. Kongressda ham tashabbusni qo‘llab-quvvatlovchilar bor, biroq masala hali hal etilmagan:

https://www.spot.uz/oz/2026/10/19/jackson-vanik/

Telegram | Instagram | YouTube

Raqobat qo‘mitasi VEON’ning Perfectum’ni sotib olishiga bir qator shartlar asosida rozilik berdi

Nazorat organi VEON kompaniyalar guruhiga kiruvchi VEON UZB Holding Ltd’ning Perfectum mobil operatorining 100% aksiyalarini $207 mlnga sotib olish bo‘yicha arizasini ko‘rib chiqib, bir qator shartlar asosida oldindan rozilik berdi.

Unga ko‘ra, Perfectum kamida uch yil alohida faoliyat yuritishi va 5G tarmog‘ini boshqa hududlarga kengaytirishi kerak. Amaldagi abonentlar uchun 5G FWA tariflari 1 yil saqlanishi, internet tezligi esa 300 Mbit/s dan pasaytirilmasligi lozim.

Shuningdek, abonentlarni boshqa operatorga o‘tishdan cheklash, Beeline va VEON xizmatlaridan foydalanishga majburlash mumkin emas. Kompaniya mijozlarning shaxsiy ma’lumotlarini himoya qilishi va raqobat to‘g‘risidagi qonunchilikka rioya etishi kerak:

https://www.spot.uz/oz/2026/10/20/perfectum/

Telegram | Instagram | YouTube

O‘zbekiston kompaniyalari AQSH iqtisodiyotiga sarmoya kiritishni boshlamoqda — Mirziyoyev

Bu haqda prezident Samarqanddagi O‘zbekiston–AQSH biznes va investitsiya kengashi yig‘ilishida ma’lum qildi.

Yig‘ilish uchun tomonlar umumiy qiymati qariyb $12 mlrd bo‘lgan 54 ta kelishuv va istiqbolli tashabbus paketini tayyorladi.

Hamkorlik muhim minerallarni qayta ishlash, energetika, data-markazlar, sun’iy intellekt, raqamli texnologiyalar va kadrlar tayyorlashni qamrab oladi.

O‘zbekiston kompaniyalari To‘g‘ridan-to‘g‘ri investitsiyalar fondi orqali loyihalarda qatnashib, investitsiya xatarlarini bo‘lishishi mumkin.

Mirziyoyev ikki davlat o‘rtasida 2035-yilgacha mo‘ljallangan savdo, investitsiya va texnologik hamkorlik dasturini ishlab chiqishni taklif qildi:

https://www.spot.uz/oz/2026/10/20/usa-uzb-cooperation/

Telegram | Instagram | YouTube

Soliq qo‘mitasi biznesni tezkor audit qilish uchun SI modulini ishga tushirdi

AI Soliq platformasidagi “Ekspress-audit” tadbirkorlarga soliq muammolarini aniqlash va ularni hal qilish bo‘yicha tavsiyalar beradi.

Yangi xizmat yordamida tadbirkorlar soliqlar to‘langanini, qarzdorlik mavjudligini va hisobotlar topshirilganini tekshirishi mumkin.

Tizim batafsil ma’lumotlarni taqdim etadi. Masalan, soliq qarzlari soliqlar turlari bo‘yicha jadval shaklida ko‘rsatiladi.

Bundan tashqari, modul bank hisobvaraqlari bilan bog‘liq boshqa muammolarni bartaraf etish bo‘yicha tavsiyalar beradi:

https://www.spot.uz/oz/2026/10/20/ai-express-audit/

Telegram | Instagram | YouTube

Navoiy va Chirchiq shaharlarida fuqarolar daromad va xarajatlarini deklaratsiya qiladi

2026–2027-yillarda olingan daromadlar bo‘yicha deklaratsiya topshirish tartibi mazkur hududlarda tajriba-sinov tariqasida qo‘llanadi.

Tajriba 18 yoshga to‘lgan, shaharlarda doimiy ro‘yxatda turuvchi jismoniy shaxslar va soliq organlari xodimlarini qamrab oladi.

Deklaratsiyada ish haqi va boshqa daromadlar, mol-mulk, soliqlar, kommunal xizmatlar hamda kreditlar bo‘yicha xarajatlar ko‘rsatiladi.

Deklaratsiya keyingi yilning 1-apreligacha topshiriladi, soliq organi esa kamida bir oy oldin xabarnoma yuboradi.

Hujjatni Soliq qo‘mitasining Elektron soliq xizmatlari portali yoki “Soliq” mobil ilovasi orqali topshirish mumkin:

https://www.spot.uz/oz/2026/10/20/declaration/

Telegram | Instagram | YouTube

O‘zbekistonda bo‘sh ish o‘rinlari soni 9,8% ga qisqardi

2026-yilning ikkinchi choragida O‘zbekistonda biznes e’lon qilgan bo‘sh ish o‘rinlari soni o‘tgan yilning mos davriga nisbatan 9,8% ga kamaydi.

Ishchi kuchiga bo‘lgan talabning qisqarishi asosan chakana savdo, ishlab chiqarish va boshqa yo‘nalishlar hissasiga to‘g‘ri keldi.

Shu bilan birga, ish qidiruvchilar joylashtirgan rezyumelar soni vakansiyalarga qaraganda tezroq o‘sgan. Bu mehnat bozorida ish o‘rinlari uchun raqobat kuchayganini ko‘rsatadi.

Markaziy bank so‘roviga ko‘ra, ish o‘rinlarini ko‘paytirishni kutayotgan tadbirkorlar ulushi martdagi 40% dan iyunda 34% gacha kamaygan. Aksincha, xodimlar sonini qisqartirishni kutayotganlar ulushi 6,6% dan 9,2% gacha oshgan:

https://www.spot.uz/oz/2026/10/19/job-vacancies/

Telegram | Instagram | YouTube