O‘zbekistonda pensiya tayinlash xizmatlari ixchamlashtiriladi

2027-yildan Pensiya jamg‘armasining tuman va shahar bo‘limlari faoliyatini raqamlashtirish orqali ixcham boshqaruv tizimi joriy etiladi.

Oktabr-dekabr oylarida Andijon, Samarqand, Xorazm va Sirdaryo viloyatlarining ayrim hududlarida yangi tizim sinovdan o‘tkaziladi.

Unda pensiya tayinlash, qayta hisoblash va to‘lovlarni amalga oshirish vazifalari Pensiya jamg‘armasining hududiy boshqarmalariga beriladi.

Tajriba natijalariga ko‘ra, tizimni kelasi yildan butun mamlakat bo‘ylab joriy etish rejalashtirilgan.

Shuningdek, xorijda yashayotgan pensionerlar pensiya olish huquqini MyID orqali tasdiqlashi mumkin bo‘ladi:

https://www.spot.uz/oz/2026/10/20/pension-assignment/

Telegram | Instagram | YouTube

Germaniya 13 yoshgacha bo‘lganlarga ijtimoiy tarmoqlarni cheklamoqchi

Taklifga ko‘ra, 13 yoshga to‘lmagan bolalarning TikTok, Instagram va Snapchat kabi platformalardan foydalanishi cheklanishi mumkin.

Qayd etilishicha, mamlakatda faqat bolalar uchun maxsus ishlab chiqilgan platformalarga ruxsat beriladi.

13−18 yoshdagi o‘smirlar uchun esa yoshga mos bosqichma-bosqich cheklovlar joriy etish ko‘zda tutilgan.

Shuningdek, 2027-yildan foydalanuvchilarning yoshini raqamli identifikatsiya tizimi orqali tekshirish rejalashtirilgan:

https://www.spot.uz/oz/2026/10/20/germany-social-media-ban/

Telegram | Instagram | YouTube

“Bu yerga tez-tez kelib turasiz”: Marko Rubio amerikaliklarga O‘zbekistondan uy sotib olishni maslahat berdi

AQSH davlat kotibi Amerika tomoni O‘zbekiston va Markaziy Osiyo bilan hamkorlikni mustahkamlash niyatida ekanini bildirdi.

Uning aytishicha, Samarqanddagi uchrashuvda 200 dan ortiq amerikalik biznes yetakchisining qatnashishi ikki tomonlama aloqalarni rivojlantirishda muhim qadamdir.

Rubio investorlarning O‘zbekistonga qiziqishini mamlakatning geografik joylashuvi, resurslari va texnologik-infratuzilmaviy salohiyati bilan izohladi.

Shuningdek, u amerikalik investorlarga O‘zbekistondan ko‘chmas mulk sotib olishni ham tavsiya qildi.

“Bu yerdan kvartira yoki kichikroq uy sotib olish ham kerak bo‘lar, chunki endi O‘zbekistonga tez-tez kelishingizga to‘g‘ri keladi. Biz ham sizlarning tez-tez kelishingizga umid qilamiz”, — dedi Rubio amerikalik tadbirkorlarga murojaat qilib:

https://www.spot.uz/oz/2026/10/20/marco-rubio/

Telegram | Instagram | YouTube

O‘zbekistonda yagona raqamli ta’lim ekotizimi yaratiladi

Shavkat Mirziyoyev 2030-yilgacha raqamli ta’limni rivojlantirish orqali IT sohasida yana 500 mingta ish o‘rni yaratish vazifasini qo‘ydi.

Rejaga ko‘ra, 2030-yilgacha 5,5 mln nafar yosh o‘qitiladi. Har yili 1 mln nafar yosh robototexnika, sun’iy intellekt, dasturlash va kompyuter o‘yinlarini yaratish kabi yo‘nalishlarda bilim oladi.

Shuningdek, raqamli ta’lim uchun ajratiladigan grantlarni 2026-yil oxirigacha $60 mln ga, 2030-yilga borib esa yiliga $100 mln ga yetkazish rejalashtirilmoqda:

https://www.spot.uz/oz/2026/10/20/education-ecosystem/

Telegram | Instagram | YouTube

7500 dan ortiq tadbirkor InfinBANK terminallari orqali bir daqiqada daromad olmoqda

POS-terminallardan pul mablag‘lari hisob raqamiga kecha-yu kunduz va qo‘shimcha so‘rovlarsiz kelib tushadi. Bu kassa uzilishlarining oldini olishga va tushumni tezroq muomalaga kiritishga yordam beradi (reklama).

https://www.spot.uz/oz/2026/10/21/infinbank/

Pensiya tayinlashda ish stajini hisoblash va ustamalarni qo‘shish tartibi soddalashtirildi

Unga ko‘ra, 2005–2016-yillardagi ish stajini tasdiqlash uchun ayrim hollarda arxiv ma’lumotnomasi talab etilmaydi.

Endi 18 yoshgacha nogironligi bo‘lgan bolaga qarash davrini ish stajiga qo‘shishda elektron tibbiy xulosa yetarli bo‘ladi. Pensiya ustamalari eng yuqori miqdorda proaktiv hisoblanadi,

Shuningdek, pensiyani boshqa manzilga ko‘chirish uchun istalgan Davlat xizmatlari markazi yoki Yagona portal orqali murojaat qilish mumkin:

https://www.spot.uz/oz/2026/10/20/pension/

Telegram | Instagram | YouTube

AQSH O‘zbekistonga kichik modulli yadro reaktorlarini taklif qildi — Marko Rubio

Amerika–O‘zbekiston biznes va investitsiya kengashi yig‘ilishida AQSH davlat kotibi energetika sohasidagi hamkorlik rejalari haqida ma’lum qildi.

AQSH kompaniyalari kichik modulli yadro reaktorlarini joriy etish, elektr tarmoqlari va gaz quvurlarini yangilashni rejalashtirmoqda.

Hamkorlikning asosiy yo‘nalishlariga muhim minerallar, aviatsiya, kvant va raqamli texnologiyalar hamda qishloq xo‘jaligi ham kiritildi.

Bundan tashqari, O‘zbekistonning AKFA Group kompaniyasi Kentukki shtatida korxona tashkil etish uchun $80 mln investitsiya kiritmoqda:

https://www.spot.uz/oz/2026/10/21/usa-rubio/

Telegram | Instagram | YouTube

“Bizga loyiha yoki muammongiz bilan keling”: Mirziyoyeva — AQSH kompaniyalariga

Saida Mirziyoyeva Amerika — O‘zbekiston ishbilarmonlik va investitsiya kengashi yig‘ilishida ikki mamlakat o‘rtasidagi hamkorlikni rivojlantirish uchun aniq loyihalar kerakligini ta’kidladi.

Prezident Administratsiyasi rahbarining qayd etishicha, biznes vakillari uchun aniq qoidalar va muammolarga tezkor javob berish tizimi zarur.

Shu maqsadda kengashdagi har bir kompaniyaga murojaat qilishi mumkin bo‘lgan mas’ul shaxs biriktiriladi, ko‘tarilgan muammolar esa kengash hamraislariga shaxsan yetkaziladi.

“Bizga aniq loyiha bilan keling yoki muammo bilan murojaat qiling — ikkisini ham qabul qilishga tayyormiz. O‘zbekistonni tanlaganingiz uchun rahmat!”, — dedi u:

https://www.spot.uz/oz/2026/10/21/cooperation-usa/

Telegram | Instagram | YouTube

2030-yildan tibbiyot va farmatsevtika xodimlari davlat ro‘yxatidan o‘tishi shart bo‘ladi

2027-yil 1-iyuldan xodimlar mutaxassisligi bo‘yicha ixtiyoriy tartibda davlat ro‘yxatidan o‘tkaziladi.

Tibbiy va farmatsevtika faoliyati bilan faqat davlat ro‘yxatidan o‘tgan mutaxassislar 5 yil davomida shug‘ullanishi mumkin.

Kamida 20 yillik ish staji va ilmiy darajaga ega xodimlar maxsus imtihonsiz ro‘yxatdan o‘tkaziladi.

Arizalarni Davlat xizmatlari markazlari, Yagona portal yoki Tibbiy malaka platformasi orqali yuborish mumkin:

https://www.spot.uz/oz/2026/10/21/med-and-pharma/

Telegram | Instagram | YouTube

O‘zbekistonda davlat tili talablariga rioya qilmagan 4 496 ta reklama va tashqi yozuv aniqlandi

Joriy yil boshidan buyon reklama va tashqi yozuvlarning davlat tili talablariga mosligi bo‘yicha 16 mingdan ortiq tekshiruv o‘tkazildi.

Natijada qariyb 4,5 mingta holatda kamchilik aniqlandi. Ayrim peshlavha va e’lonlar boshqa tillarda yozilgani, boshqalarida esa imloviy xatolar va so‘zlarning ma’nosi buzilgani qayd etildi.

Raqobat qo‘mitasi kamchiliklarni bartaraf etish choralarini ko‘rib, tadbirkorlarni reklama joylashtirish qoidalariga amal qilishga chaqirdi:

https://www.spot.uz/oz/2026/10/21/signs-language/

Telegram | Instagram | YouTube

Qarshida Nasaf brendi ostida traktor va qishloq xo‘jaligi texnikalari ishlab chiqaruvchi zavod ochildi

Shavkat Mirziyoyev Qarshidagi FM World korxonasi faoliyati bilan tanishdi. Xitoyning Jiangsu World Group korporatsiyasiga qarashli, $20 mlnlik korxonada 200 ta ish o‘rni yaratilgan.

Bu yerda Nasaf brendi ostida traktorlar, paxta terish mashinalari va boshqa qishloq xo‘jaligi texnikalari yig‘iladi.

Mahalliylashtirish darajasi 30% bo‘lib, 138 turdagi butlovchi qismlar ishlab chiqarilmoqda. Mahalliy korxonalar bilan kooperatsiyani kuchaytirish orqali uni oshirish ko‘zda tutilgan.

Shuningdek, yillik eksportni $50 mln ga yetkazish va mahsulotlarning 30% ini qo‘shni davlatlarga eksport qilish rejalashtirgan:

https://www.spot.uz/oz/2026/10/21/nasaf/

Telegram | Instagram | YouTube

Startaplar AgroVentures’dan 500 ming dollargacha sarmoya jalb qilishi mumkin

“Agrobank” va AgroVentures korporativ akseleratoriga arizalar qabuli davom etmoqda. Bepul dasturga 20 tagacha startap saralab olinib, ular bank va uning biznes mijozlari bilan pilot loyihalarni amalga oshiradi. Arizalar 9-noyabrgacha qabul qilinadi (reklama).

https://www.spot.uz/oz/2026/10/21/agrobank/

Prezident Qashqadaryoda $6 mlrd lik investitsiya loyihalarini ishga tushirdi

Tadbirda 7 ming ish o‘rni yaratadigan 28 ta sanoat korxonasini o‘z ichiga olgan 69 ta obyekt ishga tushirildi. Yana 92 ta obyekt qurilishi boshlandi.

Viloyatda Italiyaning Cotonella kompaniyasiga tegishli, yiliga 8,5 mln dona mahsulot ishlab chiqarish quvvatiga ega trikotaj fabrikasi ish boshladi.

Uchta tumanda qurilayotgan yana 14 ta to‘qimachilik fabrikasi 18 ming kishini ish bilan ta’minlash imkonini beradi.

AQSH bilan hamkorlikdagi Wosune Food Ingredients zavodi 100 ming tonna meva-sabzavotni qayta ishlab, $40 mln lik mahsulot eksport qiladi.

Shahrisabz yaqinida Rossiya investorlar bilan ishtirokida $300 mln lik tog‘-chang‘i kurorti, mehmonxona va dor yo‘li quriladi.

Bundan tashqari, Kitob tumanida esa Kitob tumanida Ozarbayjon bilan hamkorlikda oltin qazib olish loyihasi boshlanmoqda:

https://www.spot.uz/oz/2026/10/21/qashqadaryo-launch/

Telegram | Instagram | YouTube

Qashqadaryolik tadbirkor Mirziyoyevga o‘zi ishlab chiqargan kiyimni sovg‘a qildi

Shavkat Mirziyoyev Qashqadaryo erkin iqtisodiy zonasidagi Sulton Tex Group to‘qimachilik fabrikasi bilan tanishdi.

$54 mlnlik loyiha doirasida yiliga 20 ming tonna mato ishlab chiqarish va bo‘yash quvvatlari ishga tushirilib, 840 ta ish o‘rni yaratildi.

Fabrikada ishlatilgan suvning 95% dan ortig‘ini qayta ishlatish tizimi joriy etilgan. Bu yiliga 1,1 mln kub metr suvni tejash imkonini beradi.

Korxona direktori Nurbek Ergashev prezidentga fabrikada ishlab chiqarilgan kiyimni sovg‘a qildi. Mirziyoyev kiyimni “Made in Qashqadaryo” deb atadi:

https://www.spot.uz/oz/2026/10/21/sulton-tex/

Telegram | Instagram | YouTube

14 kun ichida 6,7 mln namoyish: “Miratorg” Uzum’dagi reklama yordamida sotuvlarni qanday qilib 73% ga oshirdi?

Kompaniya vakillari Uzum Ads reklama formatlari brend tanilishini oshirish va sotuvlarni ko‘paytirishga qanday yordam bergani haqida so‘zlab berishdi (reklama).

https://www.spot.uz/oz/2026/10/21/uzum/

Toshkent va Andijon o‘rtasida ikkinchi tezyurar poyezd qatnovi yo‘lga qo‘yildi

21-oktabrdan harakatlana boshlangan CRRC Dalian tezyurar elektropoyezdi 415 nafar yo‘lovchiga mo‘ljallangan.

Toshkentdan 18:40 da, Andijondan esa 07:20 da jo‘naydi. 26-oktabrdan boshlab har dushanba kuni kunduzgi qatnov bekor qilinadi.

Shuningdek, boshqa ayrim poyezdlarning harakat jadvali ham o‘zgaradi:

https://www.spot.uz/oz/2026/10/21/andijan-train/

Telegram | Instagram | YouTube