🌍 IT Park Uzbekistan va Startup Genome O‘zbekiston startap ekotizimini global miqyosda rivojlantirish masalalarini muhokama qildi

ICT WEEK Uzbekistan 2026 doirasida Raqamli texnologiyalar vazirining birinchi o‘rinbosari Ayubxon Sultonov boshchiligidagi O‘zbekiston startap ekotizimi vakillari va Startup Genome asoschisi JF Gotiye o‘rtasida uchrashuv bo‘lib o‘tdi.

🧠 Uchrashuv davomida O‘zbekistonning Global Startup Ecosystem Report va boshqa xalqaro startap reytinglaridagi pozitsiyasini mustahkamlash, xorijiy investorlar uchun ekotizim haqidagi ma’lumotlarning ochiqligini oshirish va mamlakatning xalqaro startap maydonidagi tan olinishini kengaytirish imkoniyatlarini muhokama qildi.

📊 Startup Genome San Fransiskoda joylashgan startap ekotizimlarini tadqiq qilish va rivojlantirishga ixtisoslashgan xalqaro tashkilot bo‘lib, 350 dan ortiq ekotizim va 5,5 milliondan ziyod startap haqidagi ma’lumotlarni tahlil qiladi. Tashkilot 65 dan ortiq mamlakatda davlat idoralari va innovatsion institutlarga strategik maslahat xizmatlarini ko‘rsatib keladi. Uning asosiy tadqiqotlaridan biri har yili e’lon qilinadigan Global Startup Ecosystem Report (GSER) hisoblanadi.

IT Park Uzbekistan va Startup Genome o‘rtasidagi hamkorlik O‘zbekiston startap ekotizimini xalqaro metodologiyalar asosida baholash va rivojlantirishga qaratilgan. Startup Genome ma’lumotlariga ko‘ra, mamlakatda erta bosqich moliyalashtirish hajmi 2020-yildagi $0,3 mln dan 2024-yilda $69,5 mln gacha, ya’ni 230 baravardan ortiq oshgan.

🤝 Uchrashuv yakunida tomonlar O‘zbekiston startap ekotizimining kompleks tahlilini davom ettirish, xalqaro benchmarking asosida rivojlanish ko‘rsatkichlarini takomillashtirish hamda Startup Genome’ning global tadqiqot va reyting platformalarida O‘zbekistonning pozitsiyasini kuchaytirish bo‘yicha qo‘shma ishlarni davom ettirishga kelishib oldi.

@startupbaseuz

LinkedIn | Facebook | Instagram | Website

⏰ Eslatma: bugun AI jamoalari va smart kapital bo‘yicha vorkshop!

Bugun, 26-sentabr kuni xalqaro ekspertlar bilan AI jamoalarini shakllantirish, smart kapital va strategik hamkorlik mavzularini muhokama qilamiz.

🎙 Spikerlar:

🔵Xulian Gilliam — Meta’da generativ AI bo‘yicha kreativ direktor
🔵John Paul Isham — Xsolla’da investorlar bilan aloqalar va kapital jalb qilish bo‘yicha vitse-prezident

Shuningdek, Antoni Doe va Jahongir Normatov ishtirokidagi fireside chat’da kompaniya scale-up bosqichiga o‘tganda founderning roli, strategik fikrlash va yangi bozorlarga chiqish masalalari muhokama qilinadi.

📍 School 21, Ziyolilar ko‘chasi 13
🗓 Bugun, 26-sentabr
🕐 11:00

🔗 Ro‘yxatdan o‘tish

🚀 Startapingizni keyingi bosqichga olib chiqish uchun xalqaro ekspertlarning amaliy tajribasidan foydalaning.

@startupbaseuz

LinkedIn | Facebook | Instagram | Website

💸 ICT WEEK Uzbekistan 2026 doirasida startaplarga $1,235 mln investitsiya e’lon qilindi

ICT WEEK Uzbekistan 2026 davomida mahalliy va xalqaro bozorlarga chiqayotgan texnologik startaplarni qo‘llab-quvvatlash uchun jami $1 235 000 investitsiya e’lon qilindi.

🚀 IT Park Ventures:

🔵ORA — $150 000
🔵Layf — $100 000
🔵Bigmart — $100 000
🔵UrbanDrive — $100 000
🔵Q.Watt — summa NDA ostida

🌱 Yoshlar Ventures:

🔵UrbanDrive — $100 000
🔵Fieldy — $40 000
🔵Bonu — $40 000
🔵Mikrogreen — $35 000

💼 Aloqa Ventures:

🔵Bito — $300 000
🔵BlogiX — $120 000
🔵Bigmart — $100 000
🔵Safora — $50 000

📈 E’lon qilingan investitsiyalar startaplarning mahsulotlarini rivojlantirish, jamoalarni kengaytirish va yangi bozorlarga chiqishini qo‘llab-quvvatlashga qaratilgan.

✨ #ICTWEEK2026 | 🧭 Startup Base bilan voqealar markazida bo‘ling.

@startupbaseuz

LinkedIn | Facebook | Instagram | Website

🤝 IT Park Uzbekistan va ASOCIO hamkorlikning keyingi bosqichlarini muhokama qildi

ICT WEEK Uzbekistan 2026 doirasida IT Park Uzbekistan Startap ekotizimini rivojlantirish bo‘yicha direktori Farrux Erkinov va ASOCIO raisi Stan Singh-Jit o‘rtasida uchrashuv bo‘lib o‘tdi.

Uchrashuvning asosiy mavzularidan biri joriy yilning oktabr oyida bo‘lib o‘tadigan ASOCIO Digital & AI Awards 2026 bo‘ldi. ICT WEEK doirasidagi Startup & Venture Summit’da O‘zbekistondan 10 ta loyiha va kompaniya ASOCIO’ning mazkur mukofoti g‘olibi ekani e’lon qilingan edi.

Uchrashuv doirasida ushbu tadbirda mahalliy g‘olib startaplarimizning qatnashish tafsilotlari muhokama qilindi. Shuningdek, Stan Singh-Jit IT Park Uzbekistan’ni ASOCIO a’zoligiga qo‘shilgani bilan yana bir bor tabrikladi.

🌐 Tomonlar O‘zbekiston startap ekotizimini rivojlantirishning ustuvor yo‘nalishlari va IT Park Uzbekistan hamda ASOCIO o‘rtasidagi hamkorlikni kengaytirish imkoniyatlarini muhokama qildi.

Stan Singh-Jit O‘zbekistonda raqamli texnologiyalar rivojiga davlat darajasida katta e’tibor qaratilayotganini alohida ta’kidladi. U hukumat sohani izchil qo‘llab-quvvatlayotganini qayd etdi va texnologik ekotizimni rivojlantirish uchun yaratilayotgan sharoitlarni yuqori baholadi.

🔗 Tomonlar hamkorlikning keyingi bosqichi sifatida O‘zbekistonda hamda Osiyo va Okeaniya mamlakatlarida qo‘shma tadbirlar tashkil etish imkoniyatlarini ko‘rib chiqdi.

ASOCIO (Asian-Oceanian Computing Industry Organization) — Osiyo va Okeaniya bo‘ylab 25 ta assotsiatsiyani birlashtirgan AKT federatsiyasi, uning tarkibiga 29 000 dan ortiq AKT kompaniyasi kiradi. Ushbu tashkilotga a’zo mamlakatlar iqtisodiyoti global YIMning qariyb 45 foizini tashkil etadi.

📈 ICT WEEK davomida ASOCIO raisi O‘zbekiston startap ekotizimi bilan ham yaqindan tanishdi. Jumladan, OX SYSTEM bilan uchrashib, keyingi muzokaralarni davom ettirishga kelishib oldi hamda Ilg‘or texnologiyalar markaziga tashrif buyurdi.

@startupbaseuz

LinkedIn | Facebook | Instagram | Website