📝Marathi English shorthand dictation 📝

उच्चश्रेणी, निम्नश्रेणी लघुलेखक व लघुलेखक-टंकलेखक भरती २०२६ – माझ्या अनुभवातून काही महत्त्वाच्या गोष्टी आणि अभ्यासाचे नियोजन

नमस्कार मित्रांनो,

स्पर्धा परीक्षेच्या प्रवासात योग्य अभ्यासाची रणनीती जितकी महत्त्वाची असते, तितकाच या प्रवासातून गेलेल्या व्यक्तीचा प्रत्यक्ष अनुभवही उपयोगी ठरतो.

२०२२ च्या भरती प्रक्रियेपासून ते जाहिरात प्रसिद्ध होण्यासाठी केलेले प्रयत्न, निवडीची संधी थोडक्यात हुकणे आणि त्यानंतर प्रतीक्षा यादीतून (Waiting List) निवड होणे, असा जवळपास चार वर्षांचा संपूर्ण प्रवास मी स्वतः अनुभवला आहे. त्यामुळे आगामी भरतीच्या पार्श्वभूमीवर माझ्या या अनुभवाचा तुम्हाला थोडाफार उपयोग व्हावा, या प्रामाणिक हेतूने काही गोष्टी तुमच्यासोबत शेअर करत आहे.

आगामी उच्चश्रेणी लघुलेखक (मराठी व इंग्रजी – गट ब), निम्नश्रेणी लघुलेखक (मराठी व इंग्रजी – गट ब) आणि लघुलेखक-टंकलेखक (मराठी व इंग्रजी – गट क) या पदांच्या भरतीसाठी खालील मुद्द्यांचा विचार नक्की करा.

१. परीक्षेचे स्वरूप आणि संभाव्य बदल

मागील भरती प्रक्रियेचा अनुभव आणि उपलब्ध माहितीनुसार, यावेळी काही महत्त्वाच्या बाबी लक्षात घेणे आवश्यक आहे.

- चाळणी परीक्षा ऑफलाइन: चाळणी परीक्षा ऑफलाइन पद्धतीने होण्याची शक्यता आहे.
- स्किल टेस्ट ऑनलाइन: लघुलेखन व टंकलेखनाची कौशल्य चाचणी ऑनलाइन स्वरूपात असू शकते.
- मुलाखत नाही: या भरती प्रक्रियेत मुलाखतीचा टप्पा नसण्याची शक्यता आहे.
- अंतिम गुणवत्ता यादी: अंतिम निवड ही प्रामुख्याने लघुलेखन व टंकलेखन कौशल्य चाचणीतील गुणांवर आधारित असू शकते.
- चाळणी परीक्षा: १०० गुणांची बहुपर्यायी परीक्षा अपेक्षित आहे. मागील भरतीप्रमाणे १:५ या प्रमाणात उमेदवारांची निवड होऊ शकते किंवा ४५ पेक्षा अधिक गुण मिळवणाऱ्या सर्व उमेदवारांना स्किल टेस्टची संधी मिळू शकते.

वरील बाबी संभाव्य स्वरूपाच्या आहेत. अंतिम नियम व परीक्षेचे स्वरूप अधिकृत जाहिरातीनुसारच निश्चित होईल.

२. स्किल टेस्ट – निवडीतील सर्वात महत्त्वाचा टप्पा

मित्रांनो, माझ्या मते या भरतीमध्ये सर्वाधिक लक्ष देण्याची गरज स्किल टेस्टकडे आहे. चाळणी परीक्षा ही पुढील टप्प्यासाठी पात्र ठरवणारी असते; मात्र अंतिम निवडीमध्ये स्किल टेस्ट महत्त्वाची भूमिका बजावू शकते.

- सध्या तुमचा ६० WPM चा स्पीड जरी चांगला असला, तरी त्यावर समाधान मानू नका.
- आतापासूनच डिक्टेशनचा नियमित सराव सुरू ठेवा.
- शक्यतो चांगल्या मार्गदर्शनाखाली डिक्टेशनचा क्लास लावा.
- ज्या क्लासमध्ये सॉफ्टवेअरद्वारे पॅसेज चेकिंग आणि चुका तपासण्याची सुविधा आहे, अशा क्लासला प्राधान्य द्या.
- दररोज ठरावीक वेळ डिक्टेशनसाठी द्या. स्पीडसोबतच अचूकतेकडे (Accuracy) लक्ष द्या.

मागील भरतीच्या वेळी आमच्याकडून डिक्टेशनच्या सरावात काही प्रमाणात कमतरता राहिली होती. तीच चूक तुम्ही करू नका, एवढेच सांगावेसे वाटते.

एक गोष्ट लक्षात ठेवा, आजपासून जाहिरात येणे, चाळणी परीक्षा होणे आणि त्यानंतर स्किल टेस्ट होणे या संपूर्ण प्रक्रियेला बराच कालावधी लागू शकतो. त्यामुळे तयारीसाठी मिळणाऱ्या या वेळेचा योग्य उपयोग करा.

३. विषयनिहाय अभ्यासक्रम आणि पुस्तकांची निवड

अ) मराठी व्याकरण

प्रामुख्याने सर्वसामान्य शब्दसंग्रह, वाक्यरचना, व्याकरण, म्हणी-वाक्प्रचार आणि उताऱ्यावरील प्रश्न या घटकांवर लक्ष द्या.

माझ्या मते,

- ज्ञानेश्वर आघाव सर किंवा सोलाटे सर यांची एक चांगली बॅच लावून व्याकरणाच्या संकल्पना स्पष्ट करून घ्या.
- मोरा वालंबे यांचे पुस्तक मुख्य अभ्यासासाठी वापरा.
- लोकसेवा प्रकाशनाचे मागील वर्षांचे प्रश्न (PYQ) आणि शब्दसंग्रहाचा सराव करा.
- शब्दसंग्रहासाठी बाळासाहेब शिंदे सरांचे पुस्तकही उपयुक्त आहे.

ज्यांचा शिंदे सरांच्या पुस्तकातील शब्दसंग्रह चांगला तयार आहे, त्यांनी मोरा वालंबे यांच्या पुस्तकावर अधिक भर द्यावा.

ब) गणित व बुद्धिमत्ता चाचणी

या विषयांमध्ये वेन आकृत्या, कूट प्रश्न, विधान व कारणे, काम-काळ-वेग, दिशा, नातेसंबंध, सांख्यिकीय प्रश्न, तक्त्यांवरील प्रश्न आणि तर्कसंगत प्रश्न यांचा सराव करा.

माझ्या मते,

- सचिन ढवळे सरांची बॅच लावून संकल्पना समजून घ्या.
- त्यांची दोन्ही पुस्तके व्यवस्थित पूर्ण सोडवून काढा.
- त्यानंतर बुद्धिमत्तेसाठी अभिनव प्रकाशनाचे पुस्तक सोडवा.
- इतर उपलब्ध पुस्तकांमधूनही जास्तीत जास्त प्रश्नांचा सराव करा.

सध्या आपल्या हातात तयारीसाठी वेळ आहे. त्यामुळे केवळ पुस्तके जमा करण्यापेक्षा घेतलेले पुस्तक पूर्ण समजून घेऊन त्याचा सराव करणे जास्त महत्त्वाचे आहे.

४. वेळेचे नियोजन आणि अभ्यासाची दिशा

माझ्या अंदाजानुसार भरतीची जाहिरात जानेवारी-फेब्रुवारीदरम्यान येण्याची शक्यता आहे. अर्थात, अधिकृत वेळापत्रक जाहीर झाल्यानंतरच याबाबत स्पष्टता येईल.

तोपर्यंत जाहिरातीची वाट पाहत बसू नका.

❤37

1.42K views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 13:50

- स्वतःची चाचणी घ्या आणि आपले कमकुवत विषय ओळखा.
- ज्या घटकांमध्ये चुका होतात, त्यावर जास्त लक्ष केंद्रित करा.
- दर आठवड्याला एक तरी सराव परीक्षा द्या.
- अभ्यासासोबत डिक्टेशनचा सरावही सुरू ठेवा.
- इतरांच्या अभ्यासाशी तुलना करण्यापेक्षा स्वतःच्या प्रगतीकडे लक्ष द्या.

एखादा विषय चांगला येतो म्हणून अतिआत्मविश्वास बाळगू नका आणि एखादा विषय जमत नाही म्हणून निराशही होऊ नका. सातत्य ठेवा.

५. शेवटी एक मनापासून सांगावेसे वाटते...

मित्रांनो, स्पर्धा परीक्षेचा प्रवास हा संयम, सातत्य आणि मेहनतीचा असतो. या प्रवासात कधी यश जवळ येऊनही हुकते, कधी प्रतीक्षा करावी लागते, तर कधी अपेक्षेपेक्षा वेगळा निकाल लागतो. पण म्हणून प्रयत्न थांबवायचे नसतात.

मी स्वतः या प्रक्रियेतून गेलो आहे. त्यामुळे एकच सांगू इच्छितो, अभ्यास करताना कोणतीही कमतरता ठेवू नका. परीक्षा दिल्यानंतर बाहेर पडताना "थोडा अधिक अभ्यास केला असता तर..." किंवा "डिक्टेशनचा सराव आणखी केला असता तर..." अशी खंत मनात राहायला नको.

ही तुमच्या आयुष्यातील शेवटची परीक्षा नाही, त्यामुळे अनावश्यक ताण घेऊ नका. पण ही संधी मिळाल्यावर तिचे सोने करण्यासाठी मात्र पूर्ण ताकदीने प्रयत्न करा.

माझा अनुभव तुम्हाला उपयोगी पडावा, एवढाच या लिखाणामागचा हेतू आहे. मी सांगितलेली पुस्तके किंवा क्लास हाच एकमेव पर्याय आहे असे नाही. प्रत्येकाची अभ्यासाची पद्धत वेगळी असते. तुम्हाला जे योग्य वाटेल ते निवडा; मात्र सराव आणि सातत्य यात कोणतीही तडजोड करू नका.

तुमच्या सर्वांच्या मेहनतीला यश मिळो आणि लवकरच आपल्यापैकी अनेक जण शासकीय सेवेत रुजू झाल्याची आनंदाची बातमी ऐकायला मिळो, हीच मनापासून इच्छा!

खूप खूप शुभेच्छा!

#forwarded

गणेश बोंगाणे सर
-(उच्च श्रेणी लघुलेखक, कृषी विभाग)

❤58

1.51K views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 13:50

📝Marathi English shorthand dictation 📝

ऑक्टोबर 2026 संगणक लघुलेखन रिपीटर परीक्षेचा निकाल जाहीर करण्यात आलेला आहे.

सदर निकाल सर्व संस्थाचालकांना त्यांच्या लॉगिन मध्ये पहावयास मिळेल.

🔥2

1.08K views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 15:49

📝Marathi English shorthand dictation 📝

अजून लघुलेखन ची लिंक ओपन झालेली नाही...जेव्हा होईल तेव्हा ग्रुप वर टाकली जाईल...

सध्या टायपिंग रिपीटर ची लिंक ओपन झालेली आहे...

❤8

986 views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 16:04

📝Marathi English shorthand dictation 📝

GCC-TBC कॉम्प्युटर 30 रिपीटर टॅपिंग टायपिंग रिझल्ट पाहण्यासाठी खालील लिंक वर क्लिक करा..

https://mscepune.in/gcc/oct2026/RESULT/RESULT30.aspx

945 views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 16:07

📝Marathi English shorthand dictation 📝

GCC-TBC कॉम्प्युटर 40 रिपीटर टॅपिंग टायपिंग रिझल्ट पाहण्यासाठी खालील लिंक वर क्लिक करा..

https://mscepune.in/gcc/oct2026/RESULT/RESULT40.aspx

914 views⏤͟͟͞🦋⃝⃪☙꯭❀͢𝐀𝐑꯭𝐓꯭𝐈𝐒𝐓꯭🤍᪳𝆺꯭𝅥⎯꯭̽⎯꯭˚, 16:09

About

Blog

Apps

Platform