Tahlilchi do’stimiz Derya Soysal tomonidan Belgiyaning EUReflect nashri uchun tayyorlangan “Why Visit Ashgabat?” maqolasi bilan tanishib chiqishni tavsiya qilamiz.

Maqolada Turkmanistan madaniyati, tarixi va diqqatga sazovor joylari haqida ma’lumot keltirilgan.

Strategic Focus: Central Asia

O’zbekistonning tranzit diplomatiyasi

Belgiyaning yetakchi EUReflect nashrida Avazadagi sammitga oid maqola chiqdi.

Ekspert aytishicha, avvalgi yondashuvlardan farqli o‘laroq, O‘zbekiston hozirda yangi institutlar, konsepsiyalar va koalitsiyalarni ilgari surish orqali xalqaro muhitni qayta shakllantirishga intilmoqda.

Shuningdek, Prezident Shavkat Mirziyoyevning Avazadagi nutqi O‘zbekiston tashqi siyosatidagi yangi strategik yo‘nalishni yaqqol namoyon etdi. Davlat Rahbari ilgari surgan takliflar quruqlikda joylashgan mamlakatlar uchun puxta ishlab chiqilgan geoiqtisodiy doktrina bo’lib xizmat qiladi, deydi tahlilchi.

Batafsil: https://eureflect.com/lldc3-uzbekistans-transit-diplomacy/

Strategic Focus: Central Asia

Oxirgi vaqtlarda tahlilchilar Trampning Yaqin Sharq bo’yich maxsus vakili S.Uitkofning Moskvaga tashrifini faol muhokama qilmoqda. Xususan, S.Uitkof V.Putin bilan 3 soat davomida yopiq eshiklar ortida muzokaralar olib bordi. Rasmiy izohlarning deyarli yo‘qligi uchrashuvning strategik darajasini yanada ta’kidlab turibdi.

Ko‘rinib turibdiki, AQSh Uitkof orqali Kreml bilan 3 ta masala bo’yicha norasmiy savdolashuv jarayonini boshladi.

Birinchidan, Vashingtonga Rossiyaning Isroil foydasiga pozitsiyasi kerak. Yaqin Sharqda yangi geosiyosiy kurash boshlangan: Isroilga qarshi Turkiya va Buyuk Britaniya faol harakat qilmoqda — har biri o‘z mustaqil o‘yinini o‘ynamoqda. Bu vaziyatda Tramp jamoasi Isroilga qarshi frontning kuchayishiga yo‘l qo‘ymaslikka harakat qilmoqda va Moskvaning hech bo‘lmaganda betaraf, eng yaxshi holatda esa Turkiya va Eronni tiyib turuvchi pozitsiyasiga umid qilmoqda.

Ikkinchi vazifa — Rossiya va Xitoy o‘rtasidagi strategik hamkorlikning kuchayishini oldini olish. Putinning yaqin orada Pekinga tashrif buyurishi arafasida, Tramp shtabi Moskva va Pekinning energetika hamda Hind-Tinch okeani mintaqasida AQSh manfaatlariga zid hamkorlikni kuchaytirishidan jiddiy xavotirda. Uitkof, aslida, Kremlni hech bo‘lmaganda vaqtincha neytrallik saqlashga ko‘ndirishga harakat qilgan.

Nihoyat, uchinchi masala — Tramp jamoasining Ukrainaga doir pozitsiyalardan voz kechishga tayyorligi. Bu taslim bo‘lish emas, balki geosiyosiy savdo: Ukraina Rossiya ta’sir doirasiga o‘tadi, evaziga esa Moskva Isroil yo‘nalishida AQShni qo‘llab-quvvatlaydi va Xitoyga qarshi strategik betaraflikni saqlaydi. Qizig’i shundaki, Yevropa bilan munosabatlari unchalik yaxshi bo‘lmagan Tramp bu harakati bilan Brusselga G‘arb manfaatlarini sotmayotganini, balki ustuvor yo‘nalishlarni o‘zgartirayotganini (ya’ni endi Yaqin Sharq va Xitoy Sharqiy Yevropadan muhimroq) ko’rsatishga harakat qilmoqda.

Bu borada hamma narsa keyingi hafta (aynan shu vaqtda Putin va Tramp uchrashuvi kutilmoqda) aniq bo‘lishi mumkin.

Bu holat Markaziy Osiyoga qanday ta’sir qiladi?

Hozircha bevosita bosim yo‘qdek ko‘rinsa-da, uchrashuvning oqibatlari tezda seziladi. Agar Vashington va Moskva o‘rtasida vaqtinchalik kelishuvga erishilsa, bu Rossiyaning postsovet hududidagi pozitsiyalarini kuchaytiradi — xususan, Markaziy Osiyodagi harakat erkinligini kengaytiradi. Shu bilan birga, Isroil va Xitoy muammolari bilan band AQSh uchun mintaqa vaqtincha ikkinchi planga tushadi.

Aynan hozir, “katta o‘yinchilar” o‘zaro savdolashayotgan paytda, “o‘rta” va “kichik” davlatlar global tizimdagi o‘rnini qayta ko‘rib chiqishlari mumkin. Shu sababdan Markaziy Osiyo davlatlari ushbu vaziyatdan yaxshigina foydalanib qolishi kerak.

Strategic Focus: Central Asia

Diplomatik manbalarga ko‘ra, Putin va Tramp o‘rtasidagi uchrashuv 15-avgust kuni bo‘lib o‘tishi rejalashtirilmoqda. Ayni paytda Moskva va Vashington vakillari bu masalada norasmiy kanallar orqali faol muzokaralar olib bormoqda.

Vashingtondagi manbalar ta’kidlashicha, uchrashuv joyi sifatida BAA ko‘rib chiqilmoqda. Gap ikki yetakchi o‘rtasidagi yopiq formatdagi sammit haqida ketmoqda. Uchrashuvga na Zelenskiy, na Yevropa yetakchilarini taklif etish ko‘zda tutilmagan.

@erontahlili

@otabek_akromov tomonidan @stratfocusca uchun maxsus

Nega yirik davlatlarning “tinchlik vositachiligi” ko’pincha foydadan ko’ra ko’proq zarar keltiradi?

Armaniston va Ozarbayjon ortasidagi tinchlik kelishuvini muhokama qilish va “mustahkamlash” maqsadida bugun Vashingtonda uchrashuv boʻlib oʻtadi. Bir qarashda bu Kavkazda tinchlik o‘rnatish uchun ijobiy qadamdek tuyulishi mumkin. Ammo tarixdan bilamizki, katta davlatlar kichik davlatlar ortasidagi tinchlik kelishuvlariga aralashganda natija ko’p hollarda ijobiy yakunlanmagan. Aksincha, Yerevan va Boku o'rtasidagi haqiqiy taraqqiyot va nisbatan barqarorlik tashqi kuchlar aralashganida emas, balki ikki davlat o'z muammolarini o’zlari hal qilishga kirishganda vujudga kelgan.

Tog’li Qorabog’ tinchlik jarayoni uzoq vaqtdan beri xorijiy vositachilik tarixiga ega bo’lib, son-sanoqsiz uchinchi tomonlar aralashuvini boshdan kechirgan. Biroq, muvaffaqiyatga faqatgina Armaniston va Ozarbayjon o’zaro kelishmovchiliklarni vositachilarsiz toʻg’ridan-to’g’ri hal qilishga qaror qilganlarida erishildi. Sababi oddiy: har bir davlat o’z manfaatlarini ko’zlaydi va bu manfaatlar kamdan-kam hollarda nizolashayotgan tomonlarning manfaatlariga to’liq mos keladi.

Vashingtondagi bugungi muzokaralar ham shu xavfni ko’rsatadi. Xabarlarga koʻra, imzolanadigan hujjatlarning maxsus qismida Armaniston Qoʻshma Shtatlarga Trampning xalqaro tinchlik va farovonlik yoʻli (TRIPP) deb nomlangan tranzit koridorida uzoq muddatga eksklyuziv rivojlanish huquqini berishni rejalashtirmoqda. Bu xayrixohlik tashabbusidek tuyulishi mumkin, ammo keling, real bo’laylik: yangilangan G'arb ishtiroki kamdan-kam hollarda “sovg’a” bo’ladi. Ko’pincha bu bir buyuk davlatning ta’sirini (Moskva) boshqasi (Vashington) bilan almashtirishga urinishdir. Bu esa, o’z o’rnida, erishilayotgan barqaror tinchlikga putur yetkazishi degani, chunki bu AQSHga eksklyusiv tranzit huquqini beradi. Bu esa oʻz navbatida, Rossiyaning jig’iga tegish bilan barobardir.

Kavkaz Markaziy Osiyodan qimmatli saboq olishi mumkin edi. Oxirgi yillarda Markaziy Osiyo davlatlari yirik davlatlarning “yordam”isiz to‘g‘ridan-to‘g‘ri mintaqaviy muloqotlar orqali yirik chegara va suv mojarolarni hal qilishga muvaffaq bo‘ldi. Ushbu yondashuv samaraliroq va uzoq muddatli barqarorlik uchun ancha yaxshi ekanligini isbotladi.

Tinchlik uning oqibatlari bilan yashaydiganlarga tegishli bo’lganda yaxshi ishlaydi. Buyuk davlatlar bu jarayonga qanchalik ko’p aralashsa, tinchlik mintaqa xalqiga emas, balki ularga tegishli bo’ladi!

Strategic Focus: Central Asia

V.Putin va D.Tramp o‘rtasida bo‘lib o‘tishi kutilayotgan tarixiy uchrashuv arafasida Markaziy Osiyo davlatlari xalqaro maydonda yangi bosqichga chiqib, kelajakdagi strategik barqarorlik tizimining ajralmas qismiga aylanmoqda.

O‘zbekiston va Qozog‘iston mintaqaning tan olingan yetakchilari sifatida bugun vazmin, ko‘p vektorli va faol diplomatiya olib borib, Global Janub, Yevroosiyo va jahonning yetakchi kuch markazlari manfaatlarini uyg‘unlashtirish qobiliyatini namoyon etmoqda. Putinning Mirziyoyev va Toqayev bilan olib borgan faol maslahatlashuvlari hamda ularni bo‘lajak AQSh–Rossiya sammiti kontekstida asosiy strategik hamkorlar sifatida ilgari surishi, Markaziy Osiyo nafaqat mintaqaviy, balki global siyosiy maydondagi o‘z ta’sir doirasini kengaytirayotganini yaqqol tasdiqlaydi.

Qozog‘iston Rossiya, Xitoy, G‘arb davlatlari va xalqaro tashkilotlar ishonchini qozongan yirik muzokara maydoni sifatidagi o‘rnini mustahkamlab kelmoqda. O‘zbekiston esa ochiq va konstruktiv tashqi siyosat yuritib, AQSh va Yevropa Ittifoqidan tortib, Yaqin Sharq hamda Osiyo davlatlarigacha keng hamkorlik tarmog‘ini rivojlantirmoqda. Birgalikda ular turli siyosiy va iqtisodiy bloklar o‘rtasida bog‘lovchi bo‘g‘in bo‘lib xizmat qiladigan strategik barqarorlik kamarini shakllantirmoqda.

Moskva uchun Markaziy Osiyo yetakchilariga tayanish siyosati — bu diplomatik ufqlarni kengaytirish, ShHT, YOII va MDH doirasida o‘z pozitsiyalarini mustahkamlash, shuningdek, o‘zgarayotgan jahon tartibida manfaatlar muvozanatini ta’minlay oladigan barqaror strategik tayanch yaratish demakdir.

Shunday qilib, Rossiya–AQSh sammitiga tayyorgarlik fonida Markaziy Osiyo davlatlari nafaqat mintaqaviy yetakchilikni, balki kelajakdagi jahon tartibotini shakllantirishdagi ortib borayotgan rolini ham namoyon etib, butun Yevroosiyo miqyosida barqarorlik arxitektorlari sifatida maydonga chiqmoqda.

Strategic Focus: Central Asia

Markaziy Osiyo global savdolarda asosiy o‘yinchiga aylanyaptimi?

Moskvadagi manbalarga ko‘ra, Vashington bilan ehtimoliy “katta kelishuv”ga tayyorgarlik doirasida Kreml O‘zbekiston va Qozog‘iston uchun imtiyozlar va preferensiyalar paketini ishlab chiqmoqda. Ushbu paket Rossiyaga qo‘shimcha to‘siqlarsiz tovar yetkazib berish kvotalarini kengaytirish, energetika va logistika sohalaridagi qo‘shma infratuzilma loyihalariga o’zbek va qozoq kompaniyalarining kirishini ta’minlash, Rossiya hududi orqali tranzit uchun imtiyozli tariflarni uzaytirish, shuningdek, Qozog‘iston va O‘zbekiston kapitali ishtirokidagi yirik investitsiya loyihalarini tezkor kelishish singari muhim masalalarni o’z ichiga oladi.

Insayderlarning ta’kidlashicha, Moskva Toshkent va Ostonadan nafaqat rasmiy uchrashuvlarda yonini olishni, balki BMT, ShHT kabi yirik xalqaro maydonlarda ham ochiqchasiga bo‘lmasa-da, sezilarli darajada diplomatik qo‘llab-quvvatlashini kutmoqda. Bu borada Markaziy Osiyo pozitsiyasi yagona va mustaqil ovoz sifatida yangrashiga alohida e’tibor qaratilmoqda: dunyoga mintaqa endi global siyosat chekkasi emas, balki uning faol ishtirokchisi ekanini ko‘rsatish kerak.

Manbalarning aytishicha, Putin Mirziyoyev va Toqaev bilan yopiq muzokaralarda Toshkent va Ostonaning xalqaro nufuzini oshirishga tayyor ekanini bildirgan. Ular Global Janub va G‘arb o‘rtasida “ko‘prik” bo‘lib xizmat qilishiga yordam beradigan tashabbuslarni ham ilgari surishi mumkinligini aytgan.

Shuningdek, Putin mintaqa rahbarlariga bo’lajak sammitda Ukraina mavzusi kun tartibining faqat bir qismini egallashini ma’lum qilgan. Bu borada BRICS dollarga muqobil yaratmasligi, shuningdek, yangi raketa bitimlarini imzolash va Moskva hamda Vashington o‘rtasida keskinlikni kamaytirish bo‘yicha o‘zaro choralarni ishlab chiqish haqidagi kelishuvlar muhokama qilinishi qayd etilgan.

Xulosa qilib aytganda, rus yetakchisining takliflari va Markaziy Osiyo rahbarlari bilan erishilgan kelishuvlarning natijalari yil oxirigacha namoyon bo‘lishi kutilmoqda. Tahlilchilar Markaziy Osiyo global ta’sir doiralarini qayta taqsimlash jarayonida asosiy foyda ko‘ruvchilar qatoridan o‘rin olishi mumkinligini taxmin qilishmoqda.

G’arbiy alyans

D.Tramp va V.Putin uchrashuvi Alyaskada 15 avgust kuni bo’lib o’tadi.

Avvalroq, mazkur sammit BAA, Vengriya, Turkiya yoki Rimda o’tkazilishi taxmin qilingandi.

G’arbiy alyans

Dunyo bipolar tizimga qaytadimi?

So‘nggi kunlarda geosiyosiy maydonda yangi bloklarning shakllanishidan darak berayotgan 3 ta voqea ro’y berdi.

Birinchi, V.Putinning telefon diplomatiyasi. Rasmiy bayonotlarga ko’ra, Rossiya prezidenti Belarus, Qozog‘iston, O‘zbekiston, Xitoy va Hindiston rahbarlari bilan muloqot qilib, “tinchlik yo‘lidagi diplomatik harakatlar” haqida gapirdi va shu bilan birga ikki tomonlama hamkorlikni mustahkamlashni muhokama qildi.

Ikkinchi, Londondagi yopiq uchrashuv. Aytishlaricha, AQSH vitse-prezidenti Vens va Yevropa Ittifoqi mamlakatlarining xavfsizlik vakillari Buyuk Britaniya poytaxtida yig‘ildilar. Ekspertlar ta’kidlashicha, yig‘in G‘arbning yagona strategik javobini shakllantirishga qaratilgan.

Uchinchi, V.Zelenskiyning favqulodda diplomatik faolligi. Kecha Ukraina yetakchisi atigi bir yarim soat ichida Buyuk Britaniya, Estoniya, Ispaniya, Daniya, Finlyandiya va Fransiya yetakchilari bilan telefon orqali maslahatlashdi. Muzokaralar davomida Atlantika blokining pozitsiyalarni yakuniy kelishishga xizmat qildi.

Yuqoridagilardan kelib chiqsak, ikki yirik markaz shakllanayotganini ko‘rishimiz mumkin: Atlantika bloki — AQSH, Buyuk Britaniya, Yevropa Ittifoqining asosiy davlatlari va ularning Sharqiy Yevropadagi ittifoqchilari. Yevroosiyo bloki (+ Global Janub) — Rossiya, Xitoy, Hindiston, Markaziy Osiyo (O’zbekiston va Qozog’iston) va ayrim Afrika mamlakatlari.

Shu bilan birga, Alyaskadagi bo’lajak uchrashuvda D.Tramp V.Putinga yashirin signalni yetkazmoqchi: AQSH yaqinlashayotgan katta to‘qnashuvdan oldin Atlantika blokidan chiqishga tayyor. Aynan shu sabab, 15-avgust uchrashuvi Atlantika blokining ichki parchalanishidagi burilish nuqtasiga aylanishi mumkin.

G’arbiy alyans

Prezident I.Aliyev va Bosh vazir N.Pashinyan o‘rtasida AQShdagi uchrashuvda imzolangan tinchlik kelishuvi Janubiy Kavkazning strategik arxitekturasini o‘zgartirishi mumkin. Kelishuvning asosiy elementi Armaniston hududi orqali o‘tuvchi tranzit yo‘lagi bo‘lib, u Ozarbayjonni Naxichevan Avtonom Respublikasi bilan bog‘laydi. Aytish kerakki, Boku yillar davomida bu loyihaga intilgan, biroq, u Armaniston va Eron tomonidan rad etilgan.

Ayni vaqtda, Eron pozitsiyasi o‘zgarishini kuzatishimiz mumkin. Prezident M.Pezeshkiyon mintaqa davlatlarining hududiy yaxlitligi ta’minlansa, loyihani qo‘llab-quvvatlashga tayyor ekanini bildirdi, biroq amerikalik va arman kompaniyalarining ishtirokidan xavotirini ham yashirmadi. Prezidentning yumshoq reaksiyasi mamlakat ichida tanqidga uchradi. Xususan, Tasnim News nashri prezidentni zaiflikda aybladi, Oliy rahbar maslahatchisi esa buni “chegaralarni o‘zgartirishga qaratilgan fitna” deb atadi.

Shuningdek, Eron kuchishlatar tuzilmalari keskin reaksiya bildirdi. Ular Boku va Yerevanning loyihasida AQSh, Buyuk Britaniya va NATOning ishtirokini strategik xato deb atab, Eron, Rossiya, Hindiston va Xitoy mintaqadagi o’zlarining manfaatlarini mutlaq himoya qilishini ta’kidladi. Eronliklar yo’lak tashabbusini kengroq geosiyosiy o‘yinning bir qismi sifatida ko‘radi.

Strategik nuqtai nazardan, Vashington mintaqadagi asosiy vositachi sifatida o‘z rolini mustahkamlab, Rossiya vositachiligidagi muzokaralar formatini siqib chiqarmoqda. Tehron esa yangi realikka moslashish yoki yo‘lakni amalga oshirishga qarshi chora ko‘rish (hatto bevosita aralashish) o‘rtasida tanlov qilishga majbur bo‘lmoqda.

Yaqin oylar ichida loyiha atrofida axborot qarama-qarshiligi kuchayishi va AQSh ishtirokidan norozi davlatlar tomonidan muqobil transport yo‘llarining shakllanishi kutiladi. Ushbu yo‘lakning amalga oshirilishi nafaqat arman-ozarbayjon tinchligi, balki butun Janubiy Kavkaz xavfsizlik tizimi uchun sinov bo‘ladi.

Strategic Focus: Central Asia

Hurmatli Suhrob aka Bo‘ronov!

Sizni tug‘ilgan kuningiz bilan chin qalbimizdan muborakbod etamiz! Sizning siyosatshunos olim sifatidagi keng bilimlaringiz, teran tahlil yuritish qobiliyatingiz va mamlakatimiz siyosiy tafakkurini rivojlantirishga qo‘shayotgan hissangiz biz uchun juda qadrli.

SFCA jamoasi Sizning ilmiy izlanishlaringiz va strategik qarashlaringizni hurmat qiladi. Sizning faoliyatingiz nafaqat ilm-fan rivojiga, balki mintaqaviy barqarorlik va taraqqiyot masalalarida yangi g‘oyalar shakllanishiga xizmat qilmoqda.

Sizga mustahkam sog‘liq, ijodiy ilhom, kuch-quvvat, yangi yutuqlar hamda baxtli onlar tilaymiz.

Hurmat bilan,
Strategic Focus: Central Asia jamoasi

Қуролли можароларда иштирок этиш – жиноий жавобгарликка олиб келади

Миграция агентлиги хориждаги Ўзбекистон фуқароларига мурожаат қилиб, қуролли можароларда иштирок этиш жиноий жавобгарликка олиб келишини эслатди. Айтилишича, қатор давлатларда меҳнат мигрантларини қуролли ҳаракатларда иштирок этишга ёллаш ҳолатлари кўпаймоқда.

Агентлик қуйидагилар қатъий равишда тақиқланишини эслатиб ўтди:

➖ қуролли можаро ва жанговар ҳаракатлар олиб борилаётган ҳудудларга яқинлашиш;
➖ ҳарбий операцияларда иштирок этиш;
➖ хорижий давлатларнинг қуролли кучлари, хавфсизлик хизматлари, ҳарбий адлияси ёки бошқа куч тузилмалари сафига қўшилиш;
➖ шубҳали шахслар, гуруҳлар ёки ташкилотлар томонидан амалга оширилаётган ёллаш ёки жалб қилиш (вербовка) таклифларига розилик бериш.

Шубҳали таклиф ёки вазиятлар юзага келганда, дарҳол Ўзбекистоннинг дипломатик ваколатхоналари ва консуллик муассасалари ёки Миграция агентликнинг ваколатхоналарига мурожаат қилиш сўралмоқда.

Жиноят кодексининг 154¹-моддасига мувофиқ, хорижий давлатларда ёлланма асосда ҳарбий хизмат ўташ 3 йилдан 5 йилгача озодликдан маҳрум этиш билан жазоланади.

Telegram | YouTube

Rossiya va AQSh prezidentlarining Alyaskadagi (15 avgust) muzokaralari “5 - 5” formatida o‘tkazilishi ma’lum bo’ldi. Quyida delegatsiyalar tarkibini keltiramiz:

Rossiya tomonidan muzokaralarda prezident V.Putin, tashqi ishlar vaziri S.Lavrov, Prezidentning tashqi siyosat bo‘yicha maslahatchisi Y.Ushakov, mudofaa vaziri A.Belousov, moliya vaziri A.Siluanov va AQSh bilan muzokaralar guruhi rahbari K.Dmitriev ishtirok etadi.

AQSh tomonidan esa uchrashuvda prezident D.Tramp, vitse-prezident J.D.Vens, davlat kotibi M.Rubio, maxsus vakil S.Uitkoff va moliya vaziri S.Bessent qatnashadilar.

Delegatsiyalar tarkibidan kelib chiqsak, Alyaskadagi uchrashuvda quyidagi masalalar muhokama qilinishi kutilmoqda: a) xavfsizlik masalalari – Ukraina bo‘yicha vaziyat, strategik qurol nazorati va boshqalar; b) iqtisodiy aloqalar – sanksiyalar, investitsiyalar, savdo cheklovlarini yumshatish va moliyaviy bozorlar bilan bog‘liq masalalar; c) geosiyosiy vaziyat – Yevropa xavfsizligi, xalqaro inqiroz o‘choqlari va mintaqaviy mojarolar bo‘yicha pozitsiyalarni muvofiqlashtirish; d) ikki tomonlama munosabatlar – diplomatik aloqalarni mustahkamlash va siyosiy dialog mexanizmlarini rivojlantirish.

Strategic Focus: Central Asia

O‘zbekistonning Falastin fuqarolariga doimiy g‘amxo‘rlik va ijtimoiy ko‘mak ko‘rsatish haqidagi qarori insonparvarlik siyosatining yaqqol namunasidir. Prezident farmoni nafaqat uy-joy ijara xarajatlarini qoplash, balki nafaqalar, bir martalik to‘lovlar va zarur vositalar bilan ta’minlash kabi choralarni ham o‘z ichiga olgani mamlakatning inson huquqlarini e’zozlashga va xalqaro birdamlikka sodiqligini ko‘rsatadi. Hech shubhasiz, mazkur farmon urush va qiyinchiliklardan aziyat chekkan falastinliklarga yangi hayot boshlashga imkon beradi.

Biroq, shu bilan birga, masalaning boshqa tomoni ham bor. O‘zbekistonda o‘z fuqarolari orasida ham uy-joy, ish o‘rinlari va ijtimoiy yordamga ehtiyoji yuqori bo‘lgan qatlamlar mavjud. Davlat resurslarining taqsimoti masalasida, bunday keng ko‘lamli ko‘makning mahalliy aholi manfaatlariga qanday ta’sir qilishi bo‘yicha ochiq muloqot va aniq hisob-kitob zarur. Bu, bir tomondan, adolat tamoyilini mustahkamlasa, ikkinchi tomondan, davlatning ijtimoiy siyosatiga nisbatan ishonchni oshiradi.

Xulosa qilib aytganda, farmon xalqaro maydonda O‘zbekiston imidjini mustahkamlovchi jasoratli qadam. Ammo uni ichki siyosiy va iqtisodiy realiyalar bilan uyg‘unlashtirish, fuqarolarimiz manfaatlarini ham birinchi o‘rinda tutish muhim.

Strategic Focus: Central Asia

Sergey Lavrov Ankorijga “SSSR” yozuvi tushirilgan sviterda keldi

Rossiya tashqi ishlar vaziri S.Lavrov oq sviter va faqat qisman yozuvni yopgan qora jiletda avtomobildan tushdi. Lavrov Rossiyaning aniq pozitsiyasi borligini va uchrashuv borasida xavotiri yo‘qligini ta’kidladi.

Putin va Trampning Alyaskadagi uchrashuvi qanday o‘tadi:

Sammit bugun mahalliy vaqt bilan soat 11:00 da (Toshkent vaqti bilan 20:00) boshlanadi.

Vladimir Putin hozircha Magadanda bo‘lib, boshlanishidan sal oldin yetib keladi.

Uchrashuv boshida Putin va Tramp yakkama - yakka suhbatlashib, jurnalistlarga “bir necha so‘z” aytadilar.

Shundan so‘ng delegatsiyalar ishtirokidagi muzokaralar ishchi nonushta paytida davom etadi. Har bir delegatsiyada mamlakat rahbarlaridan tashqari yana besh kishidan bo‘ladi.

Muzokaralar yakunida Putin va Tramp qo‘shma matbuot anjumani o‘tkazadilar.

Dastlabki hisob-kitoblarga ko‘ra, Alyaskadagi sammit butun tun davom etadi.

G’arbiy alyans

O‘n ikki kunlik urushdan so‘ng Eron va Isroil o‘rtasida o‘t ochishni to‘xtatishdan beri qariyb 50 kun o‘tdi, biroq mintaqa hanuz taranglik holatidan chiqmagan. Foreign Policy nashri yozishicha, Isroil o‘zining barcha strategik maqsadlariga erisha olmagani bois yangi yangi urushni boshlashi mumkin.

Ekspertlarga ko‘ra, Isroilning asosiy vazifalari quyidagilardan iborat edi: 1) AQShni Eronga qarshi bevosita harbiy to‘qnashuvga tortish, 2) islomiy tuzumni ag‘darish va 3) Eronni Suriya yoki Livanga o‘xshash davlatga aylantirish (ya’ni, AQSh yordamisiz muntazam zarbalarga uchraydigan hudud holatiga keltirish). Tahlilchilar aytishicha, yuqoridagi maqsadlarning faqat birinchisigina (AQShni mojaroga jalb qilish) amalga oshdi. Aynan shu sabab, yil oxirigacha Isroil tomonidan yangi harbiy harakatlarning boshlanish ehtimoli oshdi.

Foreign Policy qayd etishicha, keyingi urush ancha qonli bo‘lishi mumkin, va agar AQSh prezidenti Donald Tramp faol tarzda jalb qilinsa, hattoki keng ko‘lamli AQSh–Eron to‘qnashuvi xavfi mavjud.

Bundan tashqari, Isroil Mudofaa vazirligi bosh shtabi boshlig‘i E.Zamir va mudofaa vaziri I.Kats jangovar harakatlarni qayta boshlash ssenariylarini ko‘rib chiqishgan. O‘z navbatida, Eron o‘z mudofaa salohiyatini tiklash va oshirishni davom ettirmoqda, bu esa uzoq muddatli qarama-qarshilikka tayyorlikdan dalolat beradi.

Shu bilan birga, agar bugun Alyaskadagi sammit chog‘ida Donald Tramp Kremlga norasmiy kelishuv (Ukrainani Eronga almashtirish) taklifini bildirsa, katta ehtimol bilan Rossiya o‘zining ittifoqchisi Eronni faol qo‘llab-quvvatlashdan voz kechishi mumkin. Bunday ssenariy kuchlar muvozanatini keskin o‘zgartirishi va yangi mojaroning boshlanishini tezlashtirishi mumkin.

@erontahlili