AQSHning Ozarbayjonni G‘azodagi tinchlik kuchlariga qo‘shilish uchun taklif qilishi tasodif emas. Bu qaror ortida Boku so‘nggi yillarda shakllantirgan doimiy harbiy tajriba, real jangovar amaliyot va institutsional intizom yotibdi.

Ozarbayjon armiyasi bugun faqat qog‘ozdagi doktrina bilan emas, balki amaliy maydon tajribasi bilan ishlaydigan kam sonli mintaqaviy kuchlardan biri hisoblanadi. Qorabog‘dagi harbiy kampaniyalar davomida Boku zamonaviy urush elementlarini - dronlar, yuqori aniqlikdagi zarbalar, tezkor boshqaruv va koordinatsiyani muvaffaqiyatli uyg‘unlashtirdi. Eng muhimi, bu tajriba milliy xavfsizlik doirasidan chiqib, xalqaro operatsiyalarda qo‘llash mumkin bo‘lgan modelga aylandi.

Muhim jihat shundaki, Ozarbayjon doimiy ravishda xalqaro tinchlik missiyalarida ishtirok etib kelmoqda. NATO bilan hamkorlik, qo‘shma mashg‘ulotlar, logistika va kontingent boshqaruvi bo‘yicha to‘plangan tajriba Boku uchun G‘azo kabi murakkab, siyosiy va xavfsizlik jihatdan sezgir hududlarda ishlash imkonini beradi. Bu nazariy tayyorgarlik emas, balki sinovdan o‘tgan harbiy professionalizm.

AQSH uchun Ozarbayjonning jozibadorligi yana bir omil bilan bog‘liq: Boku ideologik emas, pragmatik xavfsizlik yondashuviga ega. U turli geosiyosiy markazlar bilan ishlay oladi, mintaqaviy muvozanatni tushunadi va tinchlik kuchlari doirasida haddan tashqari siyosiylashmagan, intizomli rolni bajarishga qodir.

Shu bois, agar Ozarbayjon ushbu taklifni qabul qilsa, u G‘azoda “nominal ishtirokchi” emas, balki real xavfsizlik ishlab chiqaruvchi, maydonni tushunadigan va qaror qabul qila oladigan aktor sifatida namoyon bo‘ladi. Bugungi xalqaro muhitda aynan shunday davlatlar qadrlanmoqda: tajribaga ega, moslashuvchan va ishonchli.

Strategic Focus: Central Asia

Eron valyuta inqirozi: iqtisodiy muammo siyosiy inqirozga aylanmoqda

Eronda valyuta inqirozi eng beqaror bosqichga kirdi: Tehron bozorida 1 AQSh dollari 1,34 mln rialdan oshdi. Oddiy devalvatsiya sifatida boshlangan jarayon endi hokimiyat ichidagi ochiq to‘qnashuvga aylandi.

Sud hokimiyati rahbari G‘ulom Husayn Mohseni Eron Markaziy bankini bozorni nazorat qila olmaslikda va inflyatsiyaning kuchayishiga yo‘l qo‘yganlikda aybladi. Mizan nashri (adliya tizimiga qarashli) ma’lumotiga ko‘ra, iqtisodiy sabotajda gumon qilinayotgan 250 dan ortiq shaxs 6 000 dan ziyod bank hisob raqamidan pullarni yuvish va kapitalni chetga chiqarish uchun foydalangan. Bu holatlar moliyaviy regulyatorlar e’tiboridan chetda qolgan. Natijada valyuta tushumlari mamlakatga qaytmagan. Sud bozorni barqarorlashtirish vazifasini Davlat inspeksiyasiga topshirdi.

Bosim parlamentdan ham kuchaymoqda. Spiker Muhammad Boqir G‘olibof hukumat rialning qulashi va narxlar o‘sishini to‘xtatmasa, vazirlarga impichment qo‘llash mumkinligini aytdi. Konservatorlar aybni islohotchilarga yuklamoqda, islohotchilar esa muammolarni marhum prezident Ibrohim Raisiy davridan qolgan meros deya baholamoqda.

Raqamlar inqiroz chuqurligini ko‘rsatadi: 1) neftdan tashqari daromadlar $32 mlrddan $27 mlrdga tushdi; 2) neft va gaz kondensati eksportidan tushgan $24 mlrdning faqat $15 mlrdi mamlakatga qaytdi; 3) Isroil bilan 12 kunlik urushdan keyin Markaziy bankdan olingan qo‘shimcha mablag‘lar inflyatsiyani yanada tezlashtirdi.

Oddiy odamlar uchun oqibatlar og‘ir. Yillik inflyatsiya 50 foizga yaqinlashgani sharoitida narxlar dinamikasi kunlik rejimga o‘tib, eng avvalo oziq-ovqat, uy-joy va kommunal xizmatlar segmentida keskinlashmoqda. Real daromadlar inflyatsiya sur’atidan sezilarli darajada ortda qolmoqda: rasmiy o‘rtacha ish haqi 130 mln rialdan (100 dollardan kam) oshmaydi, holbuki 1 gramm oltin 140 mln rial atrofida baholanmoqda. Bu holat ish haqi endi nafaqat jamg‘arma shakllantirish, balki mavjud kapitalni saqlab qolish funksiyasini ham bajara olmayotganini ko‘rsatadi. Natijada odamlar dollar, oltin va kriptovalyutaga qochmoqda, kambag‘allik, norasmiy mehnat, mayda jinoyatchilik va migratsiya kuchaymoqda.

Iqtisodchilar muammo ildizi chuqur ekanini aytmoqda: AQSh va BMT sanksiyalari, doimiy budjet taqchilligi va pul bosish, korrupsiya, chalkash valyuta siyosati, Markaziy bank mustaqilligining zaifligi va biznes ishonchining yo‘qligi. Aybdor izlash esa tizimli islohotlar zaruratini yashirmoqda.

Xulosa qilib aytganda, rial inqirozi endi faqat iqtisodiy emas, bu davlat institutlariga ishonch inqirozi. Inflyatsiya va turmush darajasining pasayishi Eron uchun har doim ijtimoiy norozilik xavfini oshirgan. Bugungi holat Islom Respublikasi iqtisodiy va siyosiy modelining chegaralarini tobora ochiq ko‘rsatmoqda.

Strategic Focus: Middle East and North Africa

Yopiq raqobat ochiq maydonga chiqyaptimi?

So‘nggi paytlarda Saudiya Arabistoni va Birlashgan Arab Amirliklari o‘rtasidagi yashirin raqobat tobora yaqqol tus olmoqda. Rasmiy ittifoq ortida esa qarama-qarshi strategiyalar shakllanmoqda. Bugun bu ziddiyatning markazida Yaman turibdi.

Batafsil: https://t.me/stratfocusmena/2132

Koalitsiya ichidagi bo‘linish: Yamanda “do‘stlar urushi” boshlanyaptimi?

STCning Saudiya Arabistoni Hadramavtdagi pozitsiyalariga havo zarbalari bergani haqidagi yangi ayblovlari vaziyat ochiq keskinlashuv bosqichiga o‘tayotganini ko‘rsatdi. Agar ma’lumotlar tasdiqlansa, bu Ar-Riyodning ilgari husiylarga qarshi kurashda ittifoqchi hisoblangan kuchga bergan ilk zarbalari bo‘ladi.

Qo‘shimcha xavotirli signal sifatida Saudiya Arabistoni go‘yoki Yaman havo hududini BAA aviatsiyasi uchun yopgani va har qanday amirlik samolyoti yoki vertolyotini urib tushirish bilan tahdid qilgani haqidagi xabarlar paydo bo‘ldi. Hatto ogohlantirish shaklida bo‘lsa ham, bu alyans ichidagi koordinatsiya jiddiy izdan chiqqanini, Yaman esa qattiq kuch orqali savdolashuv maydoniga aylanib borayotganini anglatadi.

STC nimaga intilmoqda?

Bugun STC strategiyasi aniq. Kengash Janubiy Yaman de-fakto mustaqilligini mustahkamlash, mamlakat kelajagi bo‘yicha ehtimoliy muzokaralargacha o‘zining iqtisodiy va harbiy tayanchini yaratishni ko‘zlamoqda. Hadramavt (Yaman neft zaxiralarining qariyb 80% joylashgan hudud) va qirg‘oqbo‘yi ustidan nazorat - STCni fraksiya sifatida emas, balki mustaqil siyosiy-harbiy subyekt sifatida tan oldirishga qaratilgan urinishdir.

Mintaqaviy reaksiya

Arab monarxiyalari tashqi tomondan keskin bayonot bermayapti, lekin ularning pozitsiyasi vaziyat uchun muhim. Ummon deeskalatsiyaga chaqirmoqda va yana vositachi bo‘lishga tayyorligini bildiryapti. Maskat uchun chegaralar yaqinida portlashga yo‘l qo‘ymaslik nihoyatda muhim. Qatar va Bahrayn ham Ar-Riyod, ham Abu-Dabi sa’y-harakatlarini qo‘llab-quvvatlab, Ko‘rfaz mamlakatlari o‘rtasidagi rasmiy birlikni saqlashga urinmoqda. BAA pozitsiyasi esa muvozanatli qolmoqda. Abu-Dabi Saudiya Arabistoni bilan ochiq qarama-qarshilikka bormayapti, biroq STCdan ham uzoqlashmay, amalda unga avtonomiyani kengaytirish yo‘lini davom ettirish imkonini bermoqda.

Geosiyosiy oqibatlar

Bo‘layotgan voqealar asosiy xulosani tasdiqlaydi: Yaman mojarosi endi faqat husiylarga qarshi urush emas, balki tobora anti-husiy koalitsiyaning o‘z ichidagi inqirozga aylanmoqda. STCning taktik yutuqlari va bilvosita BAA omili Ar-Riyod pozitsiyalarini strategik jihatdan zaiflashtirmoqda, husiylar bilan muzokaralarni murakkablashtiradi va mamlakatning amalda parchalanib ketish xavfini kuchaytiradi.

Strategic Focus: Central Asia

Oxirgi voqealar Sharqiy O‘rta yer dengizi va Yaqin Sharqdagi kuchlar muvozanati asta-sekin, ammo izchil qayta shakllanayotganini ko‘rsatmoqda. Rasmiy darajada strategik hamkorlik va diplomatik muloqot saqlanib qolayotgan bo‘lsa-da, amalda mintaqaviy yetakchilar o‘rtasida ta’sir zonalari uchun raqobat tobora keskinlashmoqda. G‘azo masalasi esa ushbu raqobatning yangi va eng sezgir frontiga aylanmoqda.

B.Netanyahuning Gretsiya va Kipr yetakchilari bilan 22-dekabrdagi uchrashuvda Turkiyaning G‘azodagi tinchlikparvar kuchlar va qayta tiklash jarayonida ishtirok etishiga ochiq qarshi chiqishi tasodifiy bayonot emas. Bu signal bir vaqtning o‘zida bir nechta auditoriyaga: Anqara, Vashington va mintaqadagi potentsial ittifoqchilarga yo‘naltirilgan. B.Netanyahu shu orqali G‘azoda Turkiya harbiy-siyosiy mavjudligini qabul qilmasligini va bu masalani strategik qizil chiziq sifatida ko‘rayotganini namoyish etdi.

Isroil nuqtayi nazaridan asosiy xavf - Turkiyaning nafaqat G‘azoda, balki Suriyada ham mustahkamlanib borayotgani bilan bog‘liq. Anqaraning radar tizimlarini Suriya hududiga joylashtirish rejalari Isroilning eng muhim strategik ustunliklaridan biri - havo makonida erkin harakatlanish imkoniyatini cheklashi mumkin. Shu bois B.Netanyahu Gretsiya va Kipr bilan uch tomonlama formatni faollashtirib, Sharqiy O‘rta yer dengizida Turkiya ta’sirini muvozanatlashtirishga qaratilgan strategik qarshi konfiguratsiyani shakllantirmoqda.

Isroil, Gretsiya va Kipr hamkorligi endi faqat diplomatiya bilan cheklanmayapti - tomonlar qo‘shma tezkor harbiy mexanizmlar masalasini ham ko‘rib chiqmoqda. Bu Anqaraning mintaqaviy ambitsiyalariga qarshi institutsional muvozanat shakllanayotganini ko‘rsatadi. Biroq Isroil diplomatik manbalari ham bu formatni Turkiya bilan raqobatda “keskin burilish nuqtasi” sifatida emas, balki qo‘shimcha bosim instrumenti sifatida ko‘rmoqda.

Asosiy muammo shundaki, Vashingtonda shamol boshqa tomonga esmoqda. D.Tramp Turkiya yetakchisi R.Erdog’an bilan shaxsiy yaqin munosabatlarini yashirmaydi va aynan Turkiyani G‘azodagi xalqaro barqarorlashtirish kuchlarining kalit ishtirokchisi sifatida ko‘rmoqda. AQSh ma’muriyati nuqtayi nazaridan Anqaraning jalb etilishi boshqa musulmon davlatlarning ehtiyotkorligini yengishga xizmat qiladi va D.Tramp uchun muhim bo‘lgan “global tinchlikparvar” imidjini mustahkamlaydi.

Paradoks shundaki, Isroilning Turkiyani chetlatishga qaratilgan qat’iy pozitsiyasi uni Vashington bilan murakkab savdolashuv holatiga olib kirmoqda. Trampning siyosiy uslubi (sabrsizlik va tez natija talab qilish) Netanyahuning an’anaviy cho‘zma muzokara va shartlar qo‘yish taktikasini samarasiz qilishi mumkin. Agar Oq uy Turkiya masalasida qat’iy turib olsa, Isroil rahbari murosa evaziga Eron raketa salohiyatiga qarshi qat’iyroq choralar bo‘yicha kelishuv izlashga majbur bo‘lishi ehtimoldan xoli emas.

Ma’lumot uchun: B.Netanyahuning Vashingtonga tashrifi 29-dekabrga rejalashtirilgan.

Shu bois hozirgi vaziyat ochiq to‘qnashuvga emas, balki boshqariladigan raqobat modeliga mos keladi. Isroil Turkiyaning G‘azodagi rolini maksimal darajada cheklashga intilmoqda, Tramp esa Anqarani mintaqaviy integratsiyaning ajralmas qismi sifatida ilgari surmoqda. Ayni vaqtda G‘azo Isroil - Turkiya - AQSh uchburchagidagi yirik geosiyosiy savdolarning markaziy maydoniga aylanib bormoqda.

Strategic Focus: Middle East and North Africa

Nursulton Nazarboyevning Moskvaga tashrifi: asosiy maqsad nimada?

Qozog‘istonning birinchi prezidenti Nursulton Nazarboyev 27-dekabrdan 28-dekabrga o‘tar kechasi Moskvada Rossiya prezidenti Vladimir Putin bilan uchrashdi. Uchrashuv tafsilotlari e’lon qilinmagan.

Kuzatuvchilarning fikricha, tashrifning asl sababi - Qozog‘istondagi ichki siyosat va 2029-yilgi prezidentlik saylovlari.

Hozir N.Nazarboyev atrofida saylovlar bo‘yicha 2 ta variant muhokama qilinmoqda. Har ikkala holatda ham Moskvaning aralashmasligi va betaraf bo‘lishi juda muhim hisoblanadi.

Birinchi ssenariy - Nazarboyevning qizi Dariga Nazarboyevani prezidentlikka nomzod sifatida ilgari surish. Bu variantni Qozog‘istondagi ayrim siyosiy va biznes doiralari qo‘llab-quvvatlashi mumkin.

Ikkinchi ssenariy esa noodatiyroq: N.Nazarboyevning o‘zi yana siyosatga qaytishi. Bu g‘oya 2018-yilda 92 yoshida hokimiyatga qaytgan Mahathir Mohamad misoliga o‘xshatilmoqda.

Xulosa qilib aytganda, Nazarboyevning Moskvaga borishidan asosiy maqsad — kelajakdagi saylovlar oldidan Rossiya bilan pozitsiyalarni kelishib olish, hech bo‘lmaganda Kremlning betarafligini ta’minlashdir. Bu tashrif tashqi siyosatdan ko‘ra ko‘proq Qozog‘iston kelajagi bilan bog‘liq ichki hisob-kitoblar bilan bog‘liq.

Strategic Focus: Central Asia

Men uchun “Teach for Uzbekistan” loyihasiga oid hikoyalar juda qadrli.

Bu — inson kapitali rivojiga qaratilgan, iste’dodli yoshlar uchun imkoniyat yaratuvchi va bolalarning ustozlariga bo‘lgan samimiy muhabbatini aks ettiruvchi loyiha.

—

Мне особенно дороги истории из «Teach for Uzbekistan».

Это проект про развитие человеческого капитала, про трамплин для талантливой молодёжи и про неподдельную любовь детей к своим учителям.

Oliy darajadagi tashriflar

2025-yil davomida Oʻzbekiston Prezidenti tomonidan xorijiy davlatlarga 28 ta tashrifi amalga oshirildi. Shuningdek, Oʻzbekistonga oliy darajada 23 ta tashrif qabul qilindi. Mazkur tashriflar doirasida 7 ta davlat, 17 ta rasmiy, 27 ta amaliy tashriflar tashkil etildi. Natijada siyosiy muloqotlar mazmunan chuqurlashib, uzoq muddatli hamkorlik uchun kelishuvlar va amaliy mexanizmlar shakllantirildi.

Shu bilan birga, 20 ga yaqin xalqaro tadbirlarda Davlatimiz Rahbarining ishtiroki O‘zbekistonning xalqaro maydondagi faol pozitsiyasi hamda mintaqaviy va global o‘rnini sezilarli darajada oshirdi.

O‘zbekiston mezbonligida o‘tkazilgan 10 ta nufuzli xalqaro tadbir dunyo hamjamiyatining mamlakatimizga bo‘lgan yuqori darajadagi ishonchini ifodaladi.

Mamlakatimiz tomonidan mintaqaviy hamkorlik va barqaror taraqqiyotga qaratilgan 100 ga yaqin muhim tashabbuslar ilgari surildi.

Facebook | YouTube | Instagram | Twitter

Rasmiy delegatsiyalarning tashriflari

2025-yilda mamlakatimizga 600 dan ortiq yuqori darajadagi tashriflar hamda O‘zbekiston delegatsiyalarining xorijiy davlatlarga 700 ga yaqin yuqori darajadagi tashriflari yurtimizning faol diplomatiyasining yaqqol tasdig‘idir.

O‘zbekiston Tashqi ishlar vazirligi rahbariyati tomonidan chet davlatlarga 50 dan ziyod tashriflar amalga oshirildi. Umumiy hisobda xorijlik hamkorlar bilan 2,000 ga yaqin yuqori darajadagi uchrashuvlar va muzokaralar o‘tkazildi.

Bundan tashqari, xorijiy davlatlar tashqi ishlar vazirlari tomonidan O‘zbekistonga amalga oshirilgan 16 ta tashrif mamlakatimizning xalqaro maydondagi nufuzi ortib borayotganidan dalolat beradi.

Shuningdek, chet elda O‘zbekiston Tashqi ishlar vazirligi rahbari ishtirok etgan 29 ta ko‘p tomonlama tadbir orqali mamlakatimizning xalqaro tuzilmalar doirasidagi tashabbuslari va ustuvor yondashuvlari izchil ilgari surildi.

Facebook | YouTube | Instagram | Twitter

Hurmatli kuzatuvchilar!

2025-yil Yangi O‘zbekiston tashqi siyosati tarixida misli ko‘rilmagan faollik, aniq natijalar va global ishonch bilan muhrlangan yil bo‘ldi.

Yil davomida:
✈️ Prezidentimiz tomonidan 28 ta xorijiy tashrif;
🤝 O‘zbekistonda 23 ta oliy darajadagi tashrif;
🌍 20 ga yaqin xalqaro sammit va forumlarda faol ishtirok;
🏛 O‘zbekistonda 10 ta nufuzli xalqaro tadbir.

Diplomatiyamiz geografiyasi va mazmuni kengaydi, strategik sherikliklar mustahkamlandi, yangi kelishuvlar va real mexanizmlar ishga tushdi.

Iqtisodiy diplomatiya yangi bosqichga ko‘tarildi:
— 80+ biznes-forumlar O‘zbekistonda;
— 200 ga yaqin biznes-forumlar xorijda;
— 25 ta “Investorlar kuni”;
— 2000+ xorijiy kompaniyalar bilan bevosita muloqot.

Konsullik faoliyati — inson manfaatlari markazida:
🛂 162 mingdan ortiq fuqaroga konsullik xizmatlari ko‘rsatildi;
🏠 250 nafar yurtdoshimiz Vatanga qaytarildi;
👥 4 mingdan ziyod fuqaroga moddiy yordam ko‘rsatildi,
👤 2000 nafar fuqaroning ozod etilishiga erishildi.

2025-yilda:
📝 310 ta xalqaro shartnoma va hujjat imzolandi;
🌐 9 ta yangi davlat bilan diplomatik aloqalar o‘rnatildi.

Axborot maydonida ham O‘zbekiston ovozi baland yangradi:
— 22 mingdan ortiq rasmiy materiallar;
— 6000+ maqola xorijiy OAVlarda;
— 3400+ xorijiy OAV vakillari akkreditatsiyadan o‘tkazildi.

Xulosa qilib aytganda, 2025-yil ochiq, pragmatik va natijador diplomatiya yili bo‘ldi. Har bir muzokara, har bir kelishuv va har bir himoyalangan fuqaro manfaatlari Yangi O‘zbekistonning mustahkam xalqaro mavqeini yanada kuchaytirdi.

Yangi yil arafasida barchangizni kirib kelayotgan 2026-yil bilan muborakbod etamiz!

Yangi yil tinchlik, barqarorlik va yangi yutuqlar olib kelsin!

@TIVmatbuot

Markaziy Osiyo O‘zbekiston tashqi siyosatining ustuvor yo‘nalishi

S.Zokirova: Shavkat Mirziyoyev Parlamentga Murojaatnomasida yana bir bor aniq va ravshan pozitsiyani tasdiqladi: Markaziy Osiyo O‘zbekiston tashqi siyosatining markaziy ustuvorligi bo‘lib qolmoqda. Bu bayonot deklarativ shior emas, balki mintaqani yagona iqtisodiy, transport va xavfsizlik makoniga aylantirishga qaratilgan izchil strategiyaning mantiqiy davomidir. Savdo-iqtisodiy aloqalar, logistika, energetika, suv resurslari va xavfsizlik sohalarida hamkorlikni chuqurlashtirish Toshkent strategik zarurat hisoblanadi. Qisqa qilib aytganda, O‘zbekiston Markaziy Osiyoni tinchlik, barqarorlik va uzoq muddatli taraqqiyot hududi sifatida shakllantirishga intilmoqda.

Strategic Focus: Central Asia

Mintaqaviy integratsiyasiz Afg‘onistonda barqarorlik bo‘lmaydi

A.Qodirov: Murojaatnomada alohida urg‘u berilgan yo‘nalishlardan biri - Afg‘onistonni mintaqaviy iqtisodiy jarayonlarga keng jalb etish masalasidir. Bu yondashuv xavfsizlikni rivojlanish orqali ta’minlash mumkinligi haqidagi pragmatik qarashni aks ettiradi. Toshkent uchun Afg‘oniston transport, savdo va energetika loyihalari orqali bog‘lanadigan strategik imkoniyatlar makoni hisoblanadi. Mintaqaviy integratsiyasiz Afg‘onistonda barqarorlik bo‘lmaydi - Shavkat Mirziyoyev yuritayotgan siyosat aynan shu realistik mantiqqa asoslangan.

Strategic Focus: Central Asia

Rossiya mintaqaning iqtisodiy, migratsion va xavfsizlik muvozanatida muhim o‘rin tutadi

B.Salimov: Prezident asosiy xorijiy sheriklar qatorida Rossiyani birinchi bo‘lib tilga oldi - bu tasodifiy emas. Toshkent bugungi murakkab geosiyosiy sharoitda tashqi siyosiy qarorlarni hissiyotga emas, balki real kuchlar nisbati va mavjud o‘zaro bog‘liqliklarni hisobga olgan holda qabul qilmoqda. Rossiya mintaqaning iqtisodiy, migratsion va xavfsizlik arxitekturasida muhim omil bo‘lib qolmoqda. O‘zbekiston bu omilni inkor etmaydi, aksincha, pragmatik va boshqariladigan hamkorlik doirasida hisobga oladi. Hech shubhasiz, bunday yondashuv tashqi siyosatda mas’uliyat va yetuklik belgisi hisoblanadi.

Strategic Focus: Central Asia

O‘zbekiston kim bilan qanday darajada ishlayotganini yashirmaydi

K.Akopyan: Murojaatnomada sheriklarning aniq tartibda tilga olinishi (Rossiya, Xitoy, AQSh, Turkiya va boshqalar) Toshkent tashqi siyosatining asosiy tamoyilini ko‘rsatadi: ochiqlik va aniqlik. O‘zbekiston kim bilan qanday darajada ishlayotganini yashirmaydi, ustuvorliklarni diplomatik tuman ortiga ham bekitmaydi. Bu yondashuv tashqi siyosatni aniq vaziyatlarga tayangan holda olib borishga yordam beradi va Toshkentni ishonchli hamkor sifatida ko‘rsatadi.

Strategic Focus: Central Asia

Oʻzbekiston Respublikasi Prezidenti Shavkat Mirziyoyev Qozogʻiston Respublikasi birinchi Prezidenti Nursulton Nazarboyev bilan telefon orqali muloqot qildi.
—
Президент Республики Узбекистан Шавкат Мирзиёев провел телефонный разговор с первым Президентом Республики Казахстан Нурсултаном Назарбаевым.

#Mirziyoyev #muloqot #Qozogiston #hamkorlik

Prezident.uz|Facebook|Instagram|YouTube|X

Mazkur telefon muloqotini ommaga chiqarish masalasida ehtiyotkorlik zarur. Gap protokol yoki shaxsiy hurmat doirasidagi oddiy tabrikda emas, balki mintaqaviy siyosiy kontekstda qanday signal yuborilayotganida.

Birinchidan, bugungi Qozog‘istonda Nursulton Nazarboyev siyosiy jihatdan “toxic person” sifatida qabul qilinmoqda. Amaldagi prezident Qosim-Jo‘mart Toqayev o‘z legitimligini aynan Nazarboyev davridan masofalanish orqali mustahkamlab kelmoqda. Shu nuqtai nazardan, uchinchi davlat rahbarlarining Nazarboyev bilan aloqalarini ochiq yoritish rasmiy Ostona tomonidan ijobiy qabul qilinmasligi ehtimoli yuqori.

Ikkinchidan, Rossiyaning Nazarboyev bilan doimiy aloqada bo‘lishi mantiqan tushunarli: bu Toqayevga nisbatan siyosiy bosim va psixologik signal vositasi sifatida ishlatiladi. Ammo O‘zbekiston uchun bunday o‘yinlar begona. Toshkentning manfaatlari Qozog‘istonning hozirgi institutsional hokimiyati bilan barqaror va pragmatik aloqalarni saqlashdan iborat.

Uchinchidan, rasmiy Toshkent yuritayotgan mintaqaviy siyosat shaxslar atrofidagi tarixiy ramzlarga emas, balki amaldagi davlatlararo muvozanat va ishonchga tayangan. Shu sababli, Qozog‘iston ichki siyosiy muhitida bahsli va ziddiyatli qabul qilinadigan figuraga oid muloqotlarni ommaga chiqarish strategik foyda bermaydi.

Asosiy savol shunda: bunday yoritishdan kim yutadi va qanday maqsad ko‘zlanmoqda? Agar real siyosiy yoki iqtisodiy natija bo‘lmasa, aksincha, noaniq talqinlar va keraksiz shubhalar paydo bo‘lishi mumkin. Shu bois, ekspert nuqtai nazaridan, bunday muloqotlarni ommaga olib chiqishni cheklash va ortiqcha aksent bermaslik maqsadga muvofiq.

Strategic Focus: Central Asia