O‘zbekistonning Tinchlik kengashiga ta’sischi davlat sifatida qo‘shilishiga Strategic Focus ekspertlari munosabati:
 
M.Imomov: D.Tramp tomonidan yo‘llangan taklif va O‘zbekistonning ijobiy javobi Toshkent va Vashington o‘rtasidagi siyosiy ishonch yangi bosqichga chiqqanining yaqqol belgisidir. So‘nggi yillarda AQSh O‘zbekistonni Markaziy Osiyodagi eng barqaror va mas’uliyatli hamkor sifatida ko‘ra boshlagani sir emas. Tinchlik kengashiga ta’sischi sifatida taklif etilishi aynan shu ishonchning institutsional ifodasidir.
 
Biroq bu jarayonni faqat ikki tomonlama munosabatlar doirasida emas, balki kengroq geosiyosiy raqobat kontekstida ko‘rish lozim. Bugungi kunda Markaziy Osiyo Rossiya va Xitoy manfaatlari kesishgan strategik hudud bo‘lib qolmoqda. Moskva mintaqani an’anaviy ta’sir zonasi sifatida saqlab qolishga intilayotgan bir paytda, Pekin iqtisodiy va infratuzilmaviy bog‘liqlik orqali uzoq muddatli qaramlik modelini shakllantirmoqda. Shu sharoitda O‘zbekiston uchun muqobil geosiyosiy tayanchlarning mavjudligi muhim ahamiyat kasb etadi.
 
Tinchlik kengashiga qo‘shilish Toshkentga aynan shunday imkoniyatni beradi: u bir tomonlama bloklarga qo‘shilmasdan, lekin AQSh boshchiligidagi global siyosiy jarayonlarda faol ishtirok etish orqali strategik muvozanatni mustahkamlaydi. Bu Rossiya yoki Xitoyga qarshi ochiq konfrontatsiya emas, balki O‘zbekiston tashqi siyosatining asosiy tamoyili – ko‘pvektorlikni real mazmun bilan to‘ldirishdir.
 
A.Fayzullozoda: Tinchlik kengashi doirasidagi faoliyat faqat tashqi siyosiy bayonotlar bilan cheklanmaydi. Bu O‘zbekiston diplomatiyasi uchun yuqori darajadagi muzokaralar, murakkab inqirozlarni boshqarish va xalqaro konsensus ishlab chiqish bo‘yicha noyob tajriba maktabi bo‘lishi mumkin.
 
Amaliy jihatdan bu tashabbus orqali o‘zbekistonlik diplomatlar global darajadagi ekspertlar, maxsus vakillar va vositachilar bilan ishlash imkoniga ega bo‘ladi. Natijada mamlakat institutsional bilim va inson kapitalini oshiradi, bu esa kelajakda boshqa mintaqaviy va global masalalarda ham Toshkentning muzokaraviy salohiyatini kuchaytiradi.
 
A.Qodirov: Tinchlik kengashi faqat siyosiy platforma emas, balki vaqt o‘tishi bilan xalqaro gumanitar, tiklanish va barqarorlik jamg‘armalarini muvofiqlashtiruvchi markazga aylanishi mumkin. Ta’sischi maqomdagi davlatlar bunday mexanizmlarda odatda kun tartibini belgilash va resurslarni taqsimlashda ustuvor ovozga ega bo‘ladi.
Bu O‘zbekiston uchun to‘g‘ridan-to‘g‘ri ko‘rinmasa-da, strategik jihatdan muhim va uzoq muddatli foyda keltiradi: xalqaro moliyaviy institutlar va donorlar bilan aloqalar chuqurlashadi, mamlakatning “mas’uliyatli global hamkor” imiji mustahkamlanadi. Natijada Toshkent nafaqat siyosiy, balki iqtisodiy va gumanitar diplomatiyada ham qo‘shimcha imkoniyatlar qo‘lga kiritadi.
 
Strategic Focus: Central Asia

O‘zbekistonning Tinchlik kengashiga ta’sischi davlat sifatida qo‘shilishiga Strategic Focus ekspertlari munosabati - 2 qism:

Z.Muhammadiyeva: Tinchlik kengashiga ta’sischi sifatida qo‘shilish O‘zbekistonga eng muhim afzallikni beradi: global qarorlar shakllanadigan stol atrofida bevosita ishtirok etish. Bugungi xalqaro tizimda ko‘plab davlatlar jarayonlarga keyinroq moslashishga majbur bo‘ladi, O‘zbekiston esa bu tashabbus orqali qarorlar shakllanish bosqichidayoq o‘z pozitsiyasini ilgari surish imkoniga ega bo‘ladi.
 
Bu, ayniqsa, Yaqin Sharq masalasida muhim: mintaqadagi beqarorlik migratsiya oqimlari, energetika bozorlari va global xavfsizlik orqali bilvosita Markaziy Osiyoga ham ta’sir ko‘rsatadi. Kengashdagi ishtirok Toshkentga ushbu jarayonlarni erta bosqichda tushunish va ularga moslashish imkonini beradi.

S.Pinxasova: Tinchlik kengashiga a’zolik masalasi faqat siyosiy niyatlar bilan emas, balki real iqtisodiy yuk nuqtai nazaridan ham baholanishi lozim. Agar ushbu tuzilmaga a’zolik badali 1 milliard AQSh dollari atrofida bo‘lishi inobatga olinsa, keskin va ochiq savol qo‘yilishi kerak: bu mablag‘ evaziga qanday aniq siyosiy yoki gumanitar natija olinadi? Aks holda, gap tinchlikni ta’minlashdan ko‘ra, qimmat, ammo samarasiz xalqaro mexanizmni moliyalashtirish haqida ketayotgandek taassurot uyg‘otadi.
 
Bugungi kunda G‘azodagi inqirozning ildizlari chuqur harbiy-siyosiy qarama-qarshiliklar, veto huquqlariga ega kuch markazlari va mintaqaviy ittifoqlar bilan bog‘liq. Shunday sharoitda ijro mexanizmlari zaif bo‘lgan yangi xalqaro kengash real ta’sir o‘tkaza olmasligi ehtimoli yuqori. Natijada, katta moliyaviy mablag‘lar tinchlikni emas, balki institutsional byurokratiyani moliyalashtirishga xizmat qilib qolishi mumkin.
 
K.Ametov: Yana bir ehtimoliy xavf – Tinchlik kengashining siyosiy ramziyatchilik darajasida qolib ketishidir. Xalqaro tajriba shuni ko‘rsatadiki, yangi tuzilmalar ko‘pincha kuchli ijro mexanizmlariga ega bo‘lmasa, deklarativ bayonotlar va diplomatik uchrashuvlar bilan cheklanadi. Bunday holatda kengash real mojarolarni hal etuvchi institut emas, balki siyosiy imijni mustahkamlash vositasiga aylanadi.
 
Agar jarayon aynan shu yo‘sinda davom etsa, O‘zbekiston kabi mas’uliyatli va ehtiyotkor tashqi siyosat yuritayotgan davlat uchun jiddiy reputatsion xavf paydo bo‘ladi: ya’ni mamlakat nomi real natija bermagan, samarasiz tashabbus bilan bog‘lanib qolishi mumkin. Shuning uchun Toshkent uchun bu ishtirok shunchaki siyosiy ramz yoki diplomatik ishoradan iborat bo‘lmasligi, balki aniq, o‘lchanadigan va amaliy natija beradigan mexanizmlar bilan mustahkamlanishi hal qiluvchi ahamiyatga ega.

Strategic Focus: Central Asia

Шунақа жонга тегди МО давлатларининг суверенитетига Валуев, Соловьёв ва Дугинлар томонидан отилган гапларнинг бизнинг медиада муҳокамаси. Бўлди қилингларе, как буд-то бу муҳокамалар бирор нимани ҳал қилади...

Hafta kitobi - Mahmudjon Qozoqboyevning O‘zbekxon asari (tarixiy roman). O‘qigan bo‘lsangiz izohlarda fikrlaringizni kutamiz. Asarning davomi shu yil chiqishi kutilmoqda.

Kitobni Chorsu kitob rastalaridan topish mumkin!

Strategic Focus: Central Asia

Miyangizni foydali oziqlantiring (Feed Your Mind Better)

Ingliz tilida: “You are what you eat” degan gap bor. Siz nima yesangiz, o‘shani o‘zisiz.

Internetda ham xuddi shu. Siz nima iste’mol qilsangiz, shuning o‘zisiz.

Har kuni miyamizni postlar, videolar, fikrlar, shov-shuvlar, soxta dolzarblik va shunchaki shovqin bilan to‘ldiramiz. Keyin esa nega diqqatimiz tarqoq, boshimiz charchagan yoki rivojlanmayotgandek his qilamiz.

Bugun axborot cheksiz. Diqqat esa cheklangan.

Informatsiya toshqinida qolgan davrdamiz.

Siz foydalanadigan har bir platforma bu sizning tanlagan diyetangiz. Postlar esa ovqat menyusi. Obunalaringiz miyangizga kirayotgan “ovqatlar”.

O‘zingizga oddiy qoida qilib oling.

Agar biror odam, kanal yoki akkaunt (aslida yaxshi kontent qoʻyadigan odam boʻlsa ham) oxirgi 1 yoki 2 oy ichida hayotingizga real foyda bermagan bo‘lsa, obunadan chiqing (xususan shu kanaldan ham). O‘chiring. Kuzatishni to‘xtating. Hech qanday izohsiz. Tamom.

O‘zingizdan rostakamiga so‘rang. Bu menga nimadir o‘rgatdimi? Fikrlashimni yaxshiladimi? Harakat qilishimga, o‘sishimga yoki yaxshiroq bo‘lishimga yordam berdimi?

Filtrlab bo‘lib ham yana qarang. Faqat o‘zingiz uchun foydali akkauntlar qolsin. Vaqtingizni hurmat qiladigan, amaliy bilim beradigan, shunchaki shov-shuv emas, ko‘nikma beradiganlar.

Yuzlab postlarni baribir oʻqib chiqishga imkon va vaqt boʻlmaydi. Shunchaki overload (ogʻir yuk) boʻlib, hammasini birgalikda oʻqimay qoʻyasiz.

Miya ham tana kabi ishlaydi. “Garbage in, garbage out.” Musor kirsa, musor chiqadi.

Axborot sog‘lig‘ingizga katta ta’sir etadi.

Keraksiz odamlarni kuzatmang. Kuzatadigan odamlaringiz esa sizga rostdan foyda bersin.

Ko‘proq UNSUBSCRIBE qiling!

Oxford, UK
26 Jan 2026
Telegram | YouTube | Telegram AI

O‘zbekiston Respublikasi tashqi ishlar vaziri o‘rinbosari Olimjon Abdullayev Rossiya Federatsiyasining O‘zbekiston Respublikasidagi Favqulodda va Muxtor Elchisi Aleksey Yerxov bilan uchrashuv o‘tkazdi.

Uchrashuv davomida tomonlar Rossiya Federatsiyasi hududida mehnat faoliyatini amalga oshirayotgan O‘zbekiston Respublikasi fuqarolarining huquqlari va qonuniy manfaatlarini himoya qilishga doir dolzarb masalalarni batafsil muhokama qildi.

Muhokamalarda O‘zbekiston tomonidan Rossiya Federatsiyasining hududlarida faoliyat yuritayotgan O‘zbekiston Respublikasi bosh konsullari ishtirok etdi. Bu esa joylardagi amaliy ish tajribasini inobatga olgan holda ko‘tarilgan masalalarni aniq va atroflicha ko‘rib chiqish imkonini berdi. Rossiya tomonidan esa diplomatik vakolatxonaning konsullik bo‘limi rahbariyati, migratsiya masalalari bo‘yicha mas’ul xodimlar hamda huquqni muhofaza qiluvchi organlar vakillari qatnashdi.

O‘zbekiston tomoni migratsiya tekshiruvlari va reyd tadbirlari o‘tkazilayotgan jarayonda O‘zbekiston Respublikasi fuqarolarining – ham qonunga rioya qilayotgan, ham migratsiya qonunini buzgan fuqarolarning – huquqlari va insoniy qadr-qimmatini kamsitishning har qanday shakliga yo‘l qo‘yilmasligi prinsipial ahamiyatga ega ekanini alohida ta’kidladi.

Uchrashuv tomonlarning migratsiya jarayonlarini tartibga solish, shuningdek Rossiya Federatsiyasida O‘zbekiston Respublikasi fuqarolarining qonuniy mehnat faoliyati uchun qulay shart-sharoitlar yaratishga qaratilgan pragmatik va o‘zaro hurmatga asoslangan muloqotni rivojlantirishga intilishini tasdiqladi.

Shuningdek, tomonlar amaliy hamkorlikni doimiy ravishda takomillashtirish va hamkorlikni mustahkamlash maqsadida muntazam konsullik maslahatlashuvlari hamda ikki tomonlama uchrashuvlar o‘tkazish zarurligini ta’kidladi.

@TIVmatbuot

Акмал Шукуров ишида адолатсиз қарор чиқарган судьяларга нисбатан эҳтиёт чораси қўллаб қамоққа олинишди. Агар судья адолатсиз ҳукм чиқарди деб ҳисобланса, одатда, юқори турувчи инстанцияга мурожаат қилинади ва адолат тикланарди. 4 нафар судьялар масаласида адвокат Муҳсинжон Мадаминов билан суҳбатлашдик.

Бугун соат 20:20 да ушбу подкастнинг тўлиғини Ютуб каналимизда томоша қилинг.

Каналга уланиш👇

Telegram | YouTube

Propagandist Sergey Mixeev tomonidan aytilgan gaplar Rossiya ichki auditoriyasi uchun mo‘ljallangan siyosiy tomoshaning bir qismi, xolos. Iqtisodiy qiyinchiliklar, urushdan charchash va ichki muammolar kuchaygan sharoitda, ayrim siyosiy doiralar jamiyatdagi bosimni yengillashtirish maqsadida keskin ritorikadan foydalanishmoqda. Aynan shuning uchun bu kabi tahdidli bayonotlarni siyosiy pozitsiya emas, balki ichki bosimni yashirish va ommani vaqtincha tinchlantirishga qaratilgan psixologik kompensatsiya vositasi sifatida baholash kerak.

Fikrimizcha, bunday bayonotlarga TIV tomonidan ochiqcha va rasmiy javob berilishi maqsadga muvofiqmas. Chunki propagandaga munosabat bildirish uni real siyosiy jarayonlar darajasiga ko‘taradi va unga mavjud bo‘lmagan siyosiy vaznni sun’iy ravishda beradi. Bu esa aynan shu turdagi ritorikaning maqsadiga xizmat qiladi.

Toshkentning hozirgi pozitsiyasi (ya’ni bunday chiqishlarni e’tiborsiz qoldirish) puxta o‘ylangan, ongli va strategik tanlovdir. Buni zaiflik sifatida qabul qilish kerak emas! Bu yondashuv imperiyaviy mantiqni tan olmaslikni, uni legitimlashtirmaslikni anglatadi. Davlat tashqi siyosatini tok-shoular va propagandistik bayonotlar emas, balki real manfaatlar va uzoq muddatli strategiya belgilashi kerak.

Amaliy jihatdan eng to‘g‘ri yo‘l - shovqinli ritorikaga javob berish emas, balki o‘z siyosiy yo‘lini izchil davom ettirishdir. Aynan shunday yondashuv suveren davlat pozitsiyasini mustahkamlaydi va uni begona diskurslarga bog‘lab qo‘ymaslikka xizmat qiladi.

Strategic Focus: Central Asia