Bugungi Global Nomutanosibliklarning Asosiy Sababi

Iqtisodchi Li Jong-Va fikricha, bugungi global iqtisodiy muammolarning asosiy sababi faqat savdo urushlari yoki tariflar emas, balki AQSh va Xitoy iqtisodiyotidagi ichki nomutanosibliklardir. AQSh uzoq yillardan beri katta qarz va yuqori iste’mol hisobiga iqtisodiy o‘sishni ushlab turmoqda. Natijada mamlakatning joriy hisob defitsiti 2025 yilda YAIMning 3,6 foiziga yetdi. Bu 2008 yilgi moliyaviy inqiroz oldidan kuzatilgan 6 foizlik rekord darajadan past bo‘lsa-da, yana o‘sib bormoqda. Xitoyda esa aksincha holat kuzatilmoqda, ichki iste’mol sust, odamlar ko‘proq jamg‘armoqda va iqtisodiyot eksportga tayanmoqda.

Muallifning aytishicha, bugungi xavf oddiy savdo balansida emas, balki global kapital oqimlarida. AQSh dollarining rezerv valyuta maqomi sabab dunyo investorlari hali ham katta hajmda Amerika aktivlariga pul tikmoqda. Ayniqsa SI va texnologiya kompaniyalari atrofida juda katta kapital yig‘ilgan. Bu esa global moliyaviy tizimni AQSh bozorlariga juda bog‘lab qo‘ymoqda. Muallifning fikricha, agar AQSh fond bozori yoki SI kompaniyalari aksiyalarida keskin pasayish yuz bersa, bu butun dunyo iqtisodiyotiga tez tarqalishi mumkin.

Maqolada “China Shock 2.0” tushunchasi ham ishlatiladi. Oldingi davrdan farqli ravishda, Xitoy endi faqat arzon kiyim yoki oddiy mahsulotlar eksport qilmayapti. Hozir Xitoy elektr avtomobillari, batareyalar, quyosh panellari, yarimo‘tkazgichlar va robototexnika kabi yuqori texnologik sohalarda juda katta ishlab chiqarish quvvatini yaratmoqda. Bu esa AQSh va Yevropada proteksionizm va tarif siyosatini kuchaytirmoqda. Ayniqsa Yevropa Xitoyning elektr avtomobillari va batareya eksportidan xavotirda.

Muallifning eng muhim fikri shuki, tariflar bu muammoni hal qila olmaydi. Chunki muammo savdoning o‘zida emas, iqtisodiy modelning ichki strukturasi va jamg‘arma-investitsiya balansida. AQSh byudjet defitsiti va qarzga tayanishni kamaytirishi kerak, Xitoy esa ichki iste’molni oshirib, odamlar daromadini ko‘paytirishi va iqtisodiyotni eksportga kamroq bog‘lashi kerak.

Shunday qilib, bugungi global nomutanosibliklar geosiyosiy raqobat, texnologik kurash, dollar tizimi va global kapital oqimlari bilan bog‘liq yangi xavfli iqtisodiy muhitni yaratmoqda. Muallifning fikricha, agar AQSh va Xitoy ichki iqtisodiy muammolarini asta-sekin hal qilmasa, bugungi taranglik kelajakda yangi global moliyaviy inqirozga aylanishi mumkin.

Eron BAAni bo‘lajak mojaroda "birlamchi nishon" deb e’lon qildi

Eron harbiy qo‘mondonligining "Xatam al-Anbiya" markaziy shtabi vakili Ibrohim Zolfagariy ijtimoiy tarmoqdagi o‘z sahifasida BAA shundoq ham mintaqadagi arab davlatlari orasida yakkalanib qolganini ta’kidladi.

Uning so‘zlariga ko‘ra, Abu-Dabining Tehronga qarshi so‘nggi harakatlari ushbu mamlakatni har qanday bo‘lajak harbiy mojaroda Eron qurolli kuchlarining "birinchi darajali tezkor nishoni"ga aylantirgan.

Ekspertlar fikricha, ushbu keskin bayonot Yaqin Sharqdagi geosiyosiy vaziyat va xavfsizlik tizimining yanada murakkablashayotganidan dalolat beradi.

Strategic Focus: Middle East and North Africa

Tehrondan kelgan ma’lumotlarga ko‘ra, Oq uy Eron neftiga qo‘yilgan barcha sanksiyalarni bekor qilishga hamda Tehronga o‘z xomashyosini jahon bozorida hech qanday to‘siqlarsiz, erkin sotishga rozilik bildirdi. Agar D.Tramp ma’muriyati yaqin vaqt ichida ushbu xabarlarni qat’iy ravishda inkor eta olmasa, bu holat Vashingtonning Tehron tomonidan qo‘yilgan shartlarni tan olgani va muzokaralar jarayonida AQShning yirik diplomatik mag‘lubiyatga uchraganidan dalolat beradi. Fikrikimizcha, Oq uyning bu majburiy qadami Tehrondan qandaydir javob yon bosishlarini umid qilib tashlangan muvaffaqiyatsiz diplomatik yurish xolos.

Vaziyatning bunday keskin burilishi “Eron muammosi”ni kuch ishlatish yoki harbiy ssenariylar orqali hal qilmoqchi bo‘lgan G‘arb strategiyasining to‘liq inqirozga uchraganini va Tehron o‘z geosiyosiy shartlarini xalqaro maydonda muvaffaqiyatli o‘tkaza olganini ko‘rsatadi.

Shu bilan birga, mazkur yirik geosiyosiy g‘alaba D.Trampning Pekinga tashrifi davomida yuzaga kelgan yangi reallikning bevosita natijasidir. Eron neftidan sanksiyalarning olinishi Tehronning strategik hamkori bo‘lmish Xitoyning iqtisodiy manfaatlariga to‘liq mos keladi, chunki Pekin Eron energiya resurslarining bosh xaridori hisoblanadi. AQShning bu masalada chekinishga majbur bo‘lishi, Pekin va Tehronning hamjihatlikdagi bosimi ostida Vashington o‘z global ta’sirini yo‘qotayotganini anglatadi hamda Yaqin Sharqdagi xavfsizlik arxitekturasi endilikda butunlay Tehron va uning ittifoqchilari foydasiga shakllanayotganini yaqqol isbotlaydi.

Strategic Focus: Central Asia

New York Times nashrining shov-shuvli maqolasi Yaqin Sharqdagi geosiyosiy o‘yinlarning parda orti ssenariylarini ochib berdi. Isroil va AQSh, xususan, D.Tramp hamda B.Netanyaxu ittifoqi Eron teokratik rejimini ag‘darish va hokimiyat tepasiga sobiq prezident Mahmud Ahmadinajodni olib kelish bo‘yicha ko‘p bosqichli, maxfiy reza ustida ishlagani ma’lum bo‘ldi. Bir qarashda bu loyiha mutlaqo mantiqsiz ko‘rinadi, zero Ahmadinajod o‘zining 2005–2013-yillardagi prezidentligi davrida Isroilga nisbatan keskin nafrati, Xolokostni inkor etishi va Eron yadro dasturini keskin tezlashtirgani bilan G‘arb uchun ashaddiy dushman hisoblanardi. Biroq, Tramp ma’muriyati uni xuddi Venesueladagi Nikolas Maduro o‘g‘irlab ketilganidan so‘ng hokimiyat tepasiga keltirilishi rejalashtirilgan Delsi Rodriges ssenariysi kabi, rejim qulaganidan keyingi o‘tish davri yetakchisi sifatida ko‘rgan. Bu G‘arbning "dushmanimning dushmani - mening do‘stim" tamoyiliga asoslangan o‘ta pragmatik va tavakkalchi hisob-kitobidan dalolat beradi.

Vashington va Tel-Avivning Ahmadinajodni shaxsiga "stavka" qilishiga sabab - uning so‘nggi yillarda Eron amaldagi elitasi va Islom inqilobi muhofizlari korpusi (IIMK) bilan munosabatlari tubdan yomonlashganidir. Sobiq prezident rejimni korrupsiyada ochiqchasiga ayblab kelgan bo‘lsa, tizim rahbarlari uning sodiqligini shubha ostiga qo‘ygan edi. Ahmadinajod 2017, 2021 va 2024-yillarda qayta prezidentlikka o‘z nomzodini qo‘yishga urindi, biroq har safar Eron Konstitutsiya qo‘riqchilari kengashi tomonidan bloklandi, uning yordamchilari hibsga olinib, o‘zi esa Tehron sharqidagi uyida amalda nazorat ostida saqlangan. Aynan mana shu ichki ziddiyat va norozilik kayfiyatidan AQSh va Isroil tizimni ichkaridan parchalash uchun foydalanmoqchi bo‘ldi. Xususan, 2019-yilda bergan intervyusida Ahmadinajod Trampni maqtab, AQSh va Eron yaqinlashuvi tarafdori ekanini aytgani ham ushbu maxfiy aloqalarga zamin yaratgan bo‘lishi mumkin.

Biroq, operatsiyaning taktik ijrosi va logistikasi jiddiy inqirozga uchradi. Rejaga ko‘ra, urush paytida Isroil kuchlari Ahmadinajodning uyiga hujum uyushtirgan, ammo bu yerda maqsad sobiq prezidentni yo‘q qilish emas, balki uni qo‘riqlayotgan IIMK xodimlarini zararsizlantirish orqali unga uy qamog‘idan qochish imkonini berish bo‘lgan. Manbalarga ko‘ra, Ahmadinejad bilan ushbu reja bo‘yicha maslahatlashilgan, ammo loyiha kutilmagan sababga ko‘ra barbod bo‘lgan: Tehrondagi Isroil zarbalarining birida Ahmadinajodning o‘zi yaralangach, u ushbu xavfli geosiyosiy o‘yindan qo‘rqib qolgan va hamkorlikdan bosh tortgan. Yakunda Tramp va Netanyaxu urush sur’atlarini noto‘g‘ri baholab, o‘ta qaltis avantyuraga qo‘l urishgani ayon bo‘ldi. Bu muvaffaqiyatsizlik Yaqin Sharqdagi ichki dinamikani tashqaridan sun’iy boshqarish va "gibrid yetakchilar" ssenariysi har doim ham ish beravermasligini isbotladi. Oqibatda, ushbu "ustamonlik bilan tuzilgan" reja ham barbod bo‘lgan o‘nlab boshqa maxfiy operatsiyalar qatoridan joy oldi.


Strategic Focus: Middle East and North Africa

#Россия #Хитой
Россия–Хитой яқинлашуви ортида қандай мотивлар бор?

Путиннинг Хитойга ташрифи фонида Москва ва Пекин ўртасидаги муносабатлар яна бир бор глобал сиёсат диққат марказига чиқмоқда. Рақамлар шуни кўрсатадики, бу шериклик Россия томонидан илгари сурилаётганидек, “кўп қутблилик” ғоясига таянмайди. Аксинча, ҳамкорликда биринчи навбатда аниқ иқтисодий ва энергетик манфаатлар устувор.

Россия учун Хитой Ғарб санкциялари шароитида асосий бозор, молиявий ва технологик “таянч нуқта”га айланмоқда. Европа бозорларидаги чекловлар Россияни Шарққа, айниқса Хитойга янада кўпроқ қаратишга мажбур қилмоқда.

Хитой учун эса Россия – арзон ва барқарор энергия манбаи, шунингдек, Евроосиёда Ғарб таъсирини мувозанатлаштирувчи муҳим сиёсий ҳамкордир.

Бироқ бу муносабатлар тўлиқ тенгликка асосланган деб бўлмайди. Савдо таркибида Россия кўпроқ хомашё етказиб берувчи, Хитой эса юқори қўшилган қийматга эга маҳсулотлар экспортчиси сифатида кўринмоқда. Бу узоқ муддатда Россиянинг Хитойга иқтисодий боғлиқлигини ошириши мумкин.

Шу боис Россия-Хитой яқинлашуви кўпроқ геосиёсий босим ва иқтисодий зарурат натижасидир. Бугунги кунда Москва ва Пекин бир-бирига керак. Аммо келажакда бу шерикликнинг мустаҳкамлиги савдо ҳажмига эмас, кўпроқ ўзаро манфаатлар қанчалик мувозанатли сақланишига боғлиқ бўлади.

@muxtor_nazirov

AQSHning quruqlikdan hujum qilishga asoslari bor

Bugungi murakkab va axborotga toʻla zamonda oʻz yoʻnalishini fundamental darajada biladigan, geosiyosiy va iqtisodiy jarayonlarni yuzaki shov-shuvlardan xoli tarzda, tizimli ekspertiza va xolis mantiq asosida tushuntirib bera oladigan kuchli tahlilchilarni kuzatish - alohida bir kayf. Bunday professionallarning chuqur va teran tahlillari voqealar rivojining asl sabab va oqibatlarini koʻrsatib, strategik tushuncha (insight) beradi hamda mantiqiy fikrlash doirasini kengaytiradi. Murakkab mintaqaviy va global tendensiyalarni aniq faktlar hamda yuqori masʼuliyat bilan yoritib, doimo ishonchli manba boʻlib kelayotgan oʻz ishining ustalariga, xususan, tahlillari har doim oʻzining chuqurligi, xolisligi va yuqori professionalligi bilan ajralib turadigan Muxtor aka Nazirovning kanaliga qoʻshilishni tavsiya qilamiz.

Eron Vetnam, Ukraina esa Shimoliy Koreya

Urushlar qanday tugaydi asarining muallifi Gideon Rous fikricha, urushlarning tafsilotlari turlicha bo‘lsa-da, ularning strategik borishi ko‘pincha takrorlanadi va aynan shu o‘xshashliklar mojarolarning qanday yakunlanishini oldindan taxmin qilish imkonini beradi. Shu jihatdan AQSh-Isroil va Eron o‘rtasidagi mojaro Vetnam urushiga o‘xshaydi. Dastlab tez g‘alabaga umid qilindi, harbiy bosim kuchaytirildi, biroq raqib taslim bo‘lmadi va oxir-oqibat tomonlar muammoning asosiy sabablarini hal qilmagan holda murosali kelishuvga majbur bo‘ladi. Shu sabab Eronning yadroviy dasturi va mamlakatdagi siyosiy tizim taqdiri ham keyinga qoldirilishi mumkin. Ukrainadagi urush esa Koreya urushiga ko‘proq o‘xshaydi. Uzoq davom etgan qonli janglardan so‘ng tomonlar mavjud front chizig‘i bo‘ylab muzlatilgan kelishuvga kelishi va amalda yangi demarkatsiya chizig‘i paydo bo‘lishi ehtimoli yuqori.

Vetnamda ham AQSh dastlab harbiy ustunlik va bosim orqali raqibni yon berishga majbur qilaman deb o‘ylagan edi. Biroq Shimoliy Vetnam taslim bo‘lmadi va uzoq muddatli qarshilik strategiyasini tanladi. Oqibatda AQSh tobora ko‘proq resurs sarfladi, lekin siyosiy maqsadlariga erisha olmadi. Muallifning fikricha, Eron bilan vaziyat ham shunga o‘xshash rivojlanmoqda. AQSh va Isroil Eronning yadroviy va harbiy salohiyatiga katta zarba berdi, ko‘plab harbiy obyektlar va rahbarlar yo‘q qilindi, ammo Tehron siyosiy jihatdan qulamadi va taslim bo‘lmadi. Aksincha, Eron Hormuz bo‘g‘ozi orqali global energetika tizimiga bosim o‘tkaza oldi va mojaroni xalqaro iqtisodiyot uchun muammoga aylantirdi. Shuning uchun ham yakunda urushni to‘xtatadigan, lekin Eronning yadroviy dasturi va siyosiy tizimi masalasini to‘liq hal qilmaydigan murosali kelishuv yuzaga kelishi mumkin.

Shunga o'xshash holat 1950-yillarda Shimoliy Koreya butun yarimorolni egallashni maqsad qilgandi, AQSh va uning ittifoqchilari esa bunga yo‘l qo‘ymaslik uchun urushga kirgan edi. Bir necha yil davom etgan og‘ir janglardan so‘ng hech bir tomon hal qiluvchi ustunlikka erisha olmadi va urush sulh bilan yakunlandi. Natijada front chizig‘i deyarli o‘zgarmagan holda saqlanib qoldi va Koreya yarimoroli amalda ikki qismga bo‘linib ketdi. Muallifning fikricha, Ukrainada ham shunga o‘xshash vaziyat shakllanmoqda. Rossiya dastlab tez g‘alaba kutgan bo‘lsa, Ukraina esa barcha hududlarini qaytarib olishni maqsad qilgan edi. Biroq uzoq davom etgan janglar, yuz minglab qurbonlar va ulkan iqtisodiy xarajatlardan so‘ng tomonlar asta-sekin mavjud front chizig‘i asosida qandaydir kelishuv ehtimoliga yaqinlashmoqda. Muallif nazarida urush tugagan taqdirda ham bu yakuniy siyosiy yechim emas, balki uzoq muddatli sulh yoki “muzlatilgan mojaro” ko‘rinishida bo‘lishi mumkin.

Gideon Rous yana bir muhim qonuniyatga e’tibor qaratadi ya'ni tarixdagi deyarli barcha yirik urushlarda ittifoqchilar o‘rtasida ham kelishmovchiliklar yuzaga keladi. Vetnamda AQSh va Janubiy Vetnam, Koreyada AQSh va Janubiy Koreya, bugun esa AQSh, Yevropa, Ukraina, Isroil va Fors ko‘rfazi davlatlari o‘rtasida urushning maqsadlari va yakuniy natijalari borasida turli qarashlar mavjud. Muallifning fikricha, yirik davlatlar oxir-oqibat o‘z manfaatlaridan kelib chiqib qaror qabul qiladi va kichikroq ittifoqchilar bu qarorlarga moslashishga majbur bo‘ladi.

Shunday qilib, zamonaviy urushlar tobora ko‘proq harbiy emas, siyosiy muammoga aylanmoqda. Texnologik ustunlik, kuchli armiya yoki keng ko‘lamli bombardimonlar avtomatik ravishda siyosiy g‘alaba keltirmayapti. Aksincha, urushlar ko‘pincha tomonlar charchab, resurslari kamayib, siyosiy xarajatlar ortgan paytda qandaydir murosa bilan yakunlanmoqda. Eron va Ukraina misollari yana bir bor shuni ko‘rsatadiki, urushni boshlash nisbatan oson, ammo uni siyosiy jihatdan muvaffaqiyatli yakunlash ancha qiyin. Aynan shu sabab bugungi mojarolarning ehtimoliy natijasi to‘liq g‘alaba emas, balki vaqtinchalik kelishuvlar, muzlatilgan nizolar va kelajakda yana qaytishi mumkin bo‘lgan hal qilinmagan muammalar bo‘lishi mumkin.

Айрим каналларда Мухтор ака ҳақида илиқ фикрлар билдирилаётганини кўриб, ортда қолмасликка ният қилдим – сиёсатшунос Мухтор Назиров “Фикрат”нинг доимий ва муҳим эксперти.

Ўзи умуман кўрсатувларга тайёрланишда қуйидаги каналлар доимий “назоратимизда” 👉 Таҳлил гуруҳи

@gayratkhodjasaydaliev

Moskvadan kelgan ma’lumotlarga koʻra, Kremlda Ostona xalqaro sudi (AIFC) tomonidan 2026-yil 15-mayda qabul qilingan va 21-may kuni rasman eʼlon qilingan shov-shuvli qarorga nisbatan munosabat “oʻta ogʻir” boʻlganini koʻrsatmoqda. Sud Ukrainaning “Naftogaz” kompaniyasiga Shveytsariya arbitrajining 2025-yil iyun oyidagi qarorini tan olgan holda, Rossiyaning “Gazprom” monopoliyasidan 1,37 milliard dollar asosiy qarz va foizlarni (jami 1,4 milliard dollardan ortiq) majburiy tartibda undirishga ruxsat berdi.

Qozogʻiston 2026-yil boshida Shveytsariya Federal oliy sudi “Gazprom”ning apellyatsiyasini rad etganidan keyin bu qadamni ochiqchasiga tashlagan dunyodagi birinchi yurisdiksiya boʻldi va bu bilan Rossiya gaz gigantining respublika hududidagi barcha moliyaviy hamda moddiy aktivlarini jiddiy xavf ostiga qoʻydi.

Rossiya Xavfsizlik kengashida ushbu voqea toʻgʻridan-toʻgʻri xiyonat sifatida baholanmoqda. Moskvadagi manbalar fikricha, prezident Toqayevda ushbu keysni siyosiy yoʻllar bilan bloklash uchun barcha richaglar mavjud edi, biroq u Gʻarb dunyosiga Rossiyadan masofa saqlayotganini namoyish qilish ssenariysini afzal koʻrdi. Qolaversa, “Naftogaz” daʼvosi AIFC sudi tomonidan hali 2026-yil 9-yanvarda koʻrib chiqish uchun qabul qilingani va yakuniy eshitishlarda Rossiya tomoni ishtirok etmagani bu jarayon ortida tizimli tayyorgarlik boʻlganidan dalolat beradi.

Garchi Qozogʻiston Adliya vazirligi vaziyatni yumshatish maqsadida AIFC sudi ingliz huquqi doirasida ishlovchi ekstraterritorial organ ekanini va milliy qonunchilikka tayanmasligini daʼvo qilayotgan boʻlsa-da, Moskva buni shunchaki zaif bahona deb hisoblamoqda, chunki ushbu sud aynan Qozogʻiston poytaxtining markazida faoliyat yuritadi.

Hozirda Rossiya Xavfsizlik kengashi ekspertlari Qozogʻistonga nisbatan qoʻllanilishi mumkin boʻlgan qatʼiy iqtisodiy va logistik “asimmetrik choralar” paketini faol ishlab chiqmoqda. Birinchi navbatda, Ostona oʻz xomashyo eksportining qariyb 80 foizini amalga oshiradigan Kaspiy quvurlari konsortsiumi infratuzilmasi orqali Qozogʻiston neft tranzitini toʻxtatishi mumkin boʻlgan rejadan tashqari texnik va ekologik tekshiruvlarni kuchaytirish koʻrib chiqilmoqda.

Shuningdek, Qozogʻiston ichki bozoriga Rossiyadan yetkazib beriladigan neft mahsulotlari kvotalarini qayta koʻrib chiqish va Qozogʻiston yuklarining uchinchi mamlakatlarga tranziti uchun Rossiya temir yoʻllari tariflarini keskin oshirish rejalashtirilgan.

Strategic Focus: Central Asia

Hurmatli kuzatuvchilar!

So‘ngi kunlarda Telegram-kanallarda, jumladan bizning kanallarimizda ham turli spam-hujumlar va botlar faolligi kuzatilmoqda. Administratorlarimiz muntazam ravishda spam botlarni o‘chirmoqda.

Sizlardan turli provokatsion xabarlar va spam xurujlariga e'tibor bermaslikni, shuningdek, kanalimizni qo‘llab-quvvatlashda davom etishingizni so‘raymiz. Ishonchingiz va qo‘llab-quvvatlovingiz uchun rahmat!

Hurmat bilan,
Strategic Focus jamoasi

Кремлга алоқадор ахборот операциялари ҳақидаги махфий ҳужжатларда Ўзбекистон номи ҳам пайдо бўлди

OCCRP ва Delfi Estonia журналистлари Россия Президенти Администрацияси билан боғлиқ махфий ҳужжатларни фош қилди. Бу ҳужжатларда Ўзбекистон номи ҳам бор.

Ҳужжатларга кўра, АҚШ, Буюк Британия ва Европа Иттифоқи санкцияларига тушган Россиянинг Social Design Agency (СДА) номли PR компанияси турли давлатларда “когнитив зарбалар” деб номланган ахборот ва таъсир операцияларини амалга ошириб келмоқда. Европада бу операцияларнинг кўриниши қўрқинчли экани очиб берилган.

Сизиб чиққан ички тақдимотлардан бирида “СНГ-МЕДИА” деб номланган медиа тармоғи ҳақида сўз боради. Ҳужжат муаллифлари бу лойиҳанинг мақсадини “СССР парчаланганидан кейин узилган алоқаларни тиклаш” деб изоҳлайди. Тармоқ фаолияти Арманистон, Қозоғистон, Ўзбекистон, Тожикистон, Туркманистон, Қирғизистон, Каспий минтақасига қаратилгани қайд этилган.

Эътиборлиси, махфий ҳужжатларда Ўзбекистон ҳам алоҳида йўналиш сифатида тилга олинган. “СНГ-МЕДИА” тармоғи таркибида Ўзбекистонга йўналтирилган “Toshkent Today” нашри фаолият юритиши очиқланган. Ҳужжатларда бу платформа мамлакатдаги воқеаларни ёритувчи медиа ресурс сифатида кўрсатилган. Шу билан бирга, тақдимот муаллифлари бутун тармоқнинг вазифасини постсовет ҳудудидаги аудитория билан ишлаш ва умумий ахборот майдонини сақлаб қолиш билан изоҳлайди.

Нашр фаолияти таҳлил қилинганда, у 2022 йилдан иш бошлагани, 2021 йилда Роскомнадзор томонидан ОАВ сифатида рўйхатдан ўтказилгани ва муассиси “СНГ-МЕДИА” экани аниқланди.

Гап шундаки, минтақада фаолият юритаётган айрим русийзабон медиа лойиҳалар ортида ким тургани ва уларнинг ҳақиқий мақсади ҳар доим ҳам очиқ бўлавермайди. Сизиб чиққан ҳужжатлар эса ахборот майдони геосиёсий таъсир воситасига айланиши мумкинлигини яна бир бор эслатмоқда.

Мақолада Арманистон мисоли ҳам келтирилади. Унга кўра, “СНГ-МЕДИА” таркибидаги erevan.one платформаси Россиядаги арман диаспорасига йўналтирилган бўлиб, унинг вазифаларидан бири — амалдаги ҳукумат ва бош вазир Никол Пашинянга нисбатан салбий муносабат шакллантириш ҳамда Россияга яқин сиёсий кучларни қўллаб-қувватлаш бўлган.

Ўзбекистон бу ҳужжатларда алоҳида операция объекти сифатида тилга олинмаган. Бироқ мамлакат “СНГ-МЕДИА” лойиҳаси йўналтирилган ҳудудлар рўйхатида қайд этилгани эътиборга лойиқ.

@pressuzb