الجامعات الخاصة المصرية المعتمدة في المانيا

دي قايمة بكل الجامعات الخاصة الموجودة في مصر و اللي بتظهر على موقع Anabin و هو الموقع اللي بنشوف فيه ان كانت الجامعة معتمدة مبدئيا في المانيا و بالتالي ممكن الطبيب يعمل المعادلة الألمانية و ياخد بعدها ترخيص مزاولة المهنة (الأبروباتسيون) في المانيا...
عدد الجامعات الأهلية المعتمدة حاليا بحسب موقع Anabin هو 29 جامعة خاصة.. و منهم جامعات مفيش فيها كليات طبية.
و كل الجامعات الاهلية و الخاصة المصرية اللي موجودة على الموقع واخدة تقييم H+/- و لا يوجد اي جامعة خاصة او اهلية لها تقييم H+ لان التقييم ده مش بتاخده غير بس الجامعات الحكومية و كل الجامعات الحكومية في مصر بتاخد نفس التقييم H+ و كلها معتمدة في المانيا...
و بالنسبة لتقييم H+/- فمعناه ان الجامعة معتمدة في المانيا طالما انها معتمدة في مصر من المجلس الأعلى للجامعات ... و الاعتماد ده بيتجدد بشكل دوري للجامعات الخاصة و الأهلية في مصر.
و المفترض ان اي جامعة طالما تقييمها مش بالسالب على موقع Anabin فالخريجين منها ممكن يعملوا معادلة في المانيا طالما انهوا الدراسة بشكل كامل و خلصوا الامتياز و حصلوا على ترخيص مزاولة المهنة و اتسجلوا في نقابة الأطباء...
اما الجامعات الأهلية اللي لسه لم تظهر على الموقع فهي حاليا غير معترف بيها في المانيا و ان كان ربما مع الوقت تعتمد و تظهر على الموقع و خاصة لو كانت الجامعة لسه حديثة و لا يوجد دفعات بالفعل اتخرجت منها فالموضوع ممكن ياخد شوية وقت لحد ما يتم الاعتراف بيها في المانيا...
و بصفة عامة ... كل اجراءات تجهيز الاوراق و ارسالها الى المانيا بتتعمل بعد انهاء الامتياز و الحصول على ترخيص مزاولة المهنة و التسجيل في نقابة الأطباء و ده معناه ان اي حد لسه في الكلية فهو مش هتفرق معاه في اي حاجة ان كانت جامعته اعتمدت او لسه ... و المهم بس انها تكون اعتمدت قبل ما يخلص الامتياز ... عشان لو الطبيب ناوي يسافر المانيا على طول بعد الامتياز... تكون الدنيا واضحة و يكون متاح ليه تقديم ورقه و دخول امتحانات المعادلة في المانيا..
و دي القايمة الكاملة بحسب الموقع...

الجامعات الخاصة المصرية على موقع Anabin من الأقدم إلى الأحدث
الجامعة الأمريكية بالقاهرة (1919)
الأكاديمية العربية للعلوم والتكنولوجيا والنقل البحري (1972)
أكاديمية السادات للعلوم الإدارية (1981)
الأكاديمية العربية للعلوم الإدارية والمصرفية والمالية (1988)
جامعة سنغور بالإسكندرية (1990)
جامعة مصر الدولية (1996)
جامعة مصر للعلوم والتكنولوجيا (1996)
جامعة 6 أكتوبر (1996)
جامعة أكتوبر للعلوم الحديثة والآداب – MSA (1996)
الجامعة العربية المفتوحة – مصر (2002)
الجامعة الألمانية بالقاهرة (2002)
جامعة الأهرام الكندية (2004)
الجامعة الحديثة للتكنولوجيا والمعلومات – MTI (2004)
الجامعة البريطانية في مصر (2005)
جامعة المستقبل في مصر (2006)
الجامعة المصرية الروسية (2006)
جامعة فاروس بالإسكندرية (2006)
جامعة النهضة (2006)
جامعة سيناء (2006)
جامعة الدلتا للعلوم والتكنولوجيا (2007)
جامعة هليوبوليس (2009)
جامعة دراية (2010)
مدينة زويل للعلوم والتكنولوجيا والابتكار (2011)
حرم جامعة برلين التقنية بالجونة (2012)
جامعة بدر بالقاهرة (2013)
الجامعة المصرية الصينية (2013)
جامعة حورس في مصر (2013)
جامعة نيو جيزة (2016)
جامعة إسلسكا مصر (2016)

#################################################
لو عايز تبحث عن جامعتك ... فده اللينك بناع موقع Anabin ...
https://anabin.kmk.org/db/institutionen
و شوف البوست ده لو كنت في جامعة اهلية...

https://t.me/Suffer_ya_doctor/1082


د وسام جمال .

جروبنا لكل مايخص المانيا:
https://t.me/arabian_doctors_in_germany


قناة الداتا:
https://t.me/deutsch20021

فرص شهر أكتوبر جاهزة✅
شهر جديد مليان فرص ولسة مكملين ف سيزون ال scholarships وفي فرص كتيرة international

الشهر دا هتلاقوا فال sheet:
▪️ Research programs
▪️ Internships
▪️ Summer Programs
▪️ Scholarships
▪️ Fellowships
▪️ Conferences

والجديد انكم هتلاقوا فرص لل abstract call سواء لمؤتمرات ف مصر أو برا وان شاء الله هتبقي ثابتة معانا كل شهر💫

🔗دا لينك ال sheet
https://docs.google.com/spreadsheets/d/1MWZbLSnyl62aa6fpP2fej0Gh0UND4QjCJBjISNix8nU/edit?usp=drivesdk

📌وكل الفرص دي هتلاقوها بتنزل بالتفاصيل على تشانيل MedUnlock
https://t.me/MedUnlock

رسمي من الوزارة ، قولولنا بتستفيدوا منه ازاي؟
جروبنا
@arab_med_nexus

اي حد مش بيستخدم Gemini في الدراسة بجد فايته كتير جدا، هيوفر عليك وقت ومجهود وفلوس كتير جدا ،

واصلا اشتراكه رخيص ب 3 الآف جنيه ،
طب اي رأيك بقا ان رئاسة مجلس الوزراء لسه حالا اعلنت انها وفرت اشتراك كامل لمدة سنة مجاااانا للطلبة ،

وزارة الاتصالات وتكنولوجيا المعلومات بالتعاون مع شركة Google العالمية بيقدمولكم فرصة ما تتفوتش ضمن مبادرة "مليون طالب مصري يبدع مع Gemini"! 🔥

دلوقتي تقدر تحصل على اشتراك Google AI Plus مجانًا لمدة سنة كاملة عشان تساعدك في مذاكرتك وأبحاثك حتى سنة 2027! 📚💡

طيب إيه المميزات اللي هتاخدها في اشتراك Google AI Plus المجاني؟
بص ي سيدي :

✨ تطبيق Gemini المطوّر:
فهم ممتاّز للأسئلة المعقدة وميزات ذكاء مخصص.
نموذج Omni: لتوليد مقاطع فيديو سريعة (10 ثواني).
نموذج Nano Banana: لتوليد وصنع الصور بأي حجم وتنسيق تحبه.
✨ أداة Gemini Notebook (NotebookLM سابقًا):
تلخيص المذكرات والكتب الدراسية اللي بتوصل لـ 200 صفحة في ثواني!

إعداد الأبحاث والتحضير للاختبارات بذكاء.
الاستماع لتلخيصات صوتية وتفاعلية للمناهج.
✨ مساحة تخزين سحابية ضخمة:
400 جيجابايت (GB) مساحة سحابية تحفظ عليها كل ملخصاتك والمناهج التعليمية بدون قلق!

🔥 مش بس كده! فيه خصومات ثانية للطلاب:
🎯 خصم بيوصل لـ 75% على خطة Google AI Pro (مناسبة جدًا للمبرمجين والمطورين).

بس دي فككم منها وشوفوا العروض اللي عاملها زميلنا في المسج دي فيما يخص اشتراك البرو

🎯 خصم 70% على باقة بتجمع بين Google AI Pro واشتراك YouTube Premium عشان تتفرج على كل الفيديوهات من غير أي إعلانات!
📌 من الشروط وطريقة التسجيل:
👤 العرض متاح لكل طلاب الجامعات في مصر اللي سنهم أكبر من 18 سنة.
🗓️ آخر موعد للتسجيل: 31 ديسمبر 2026 (والسنة المجانية بتبدأ من يوم ما تسجل!).

تفاصيل التسجيل

👉 http://goo.gle/studentoffer26-eg

ازاي تتخصص في أمريكا من غير ماتبقى نايب هناك؟

🇺🇸

بورد أمريكا "من الباب الخلفي": طريق
الـ
Fellowship المباشر (2025 – 2030)

كلنا عارفين الطريق الأساسي ومدى صعوبته والتنافسية بتعته وكم الضغط والمصاريف الرهيبة
لحد ماتش النيابات،

طيب ليه تعمل كل دا لما ممكن تروح فيلو وتشتغل وتقبض من أول دقيقة؟"

طيب ازاي؟

المعتاد في أمريكا إنك عشان تاخد البورد في تخصص دقيق (Subspecialty)،
لازم تعمل نيابة باطنة عامة (Internal Medicine Residency) مدتها 3 سنين في أمريكا الأول
، ودي منافستها شرسة جداً والـ Match بتاعها بيبقى طاحونة. 

لكن البورد الأمريكي للباطنة (ABIM) أطلق نظاماً تجريبياً اسمه:

Pilot Pathway E:

الشرط الأساسي: لو مخلص 3 سنين نيابة باطنة معتمدة وموثقة خارج أمريكا (في مصر مثلاً).

تقدر تدخل زمالة Fellowship معتمدة (ACGME-accredited) على طول!

و بعد ما تخلص الفيلوشيب، بتمتحن بورد الباطنة العامة الأمريكي (ABIM General Internal Medicine)،

وبعدها بسنة تمتحن بورد التخصص الدقيق، وتبقى استشاري (Attending/Consultant) مرخص بالكامل في أمريكا

من غير ما تعيد نيابة الباطنة إطلاقاً!!!


⚠️ الفرصة دي مؤقتة: النظام ده معتمد كبرنامج تجريبي لمدة 5 سنين (من 2025 لحد 2030)، ومحدش ضامن هيتجدد ولا هيقفل بعدها.


طيب ولان للأسف الحلو مبيكملش ، فاكيد الموضوع دا مش متاح في كل التخصصات ، فتعالوا كدا نشوف:

🧭 التخصصات المطلوبة vs التخصصات "غير المتاحة"

عشان تتقبل في Fellowship من غير نيابة أمريكية كـ IMG، لازم التخصص يكون عنده عجز ونقص دكاترة (Unfilled spots بعد الماتش الرسمي):

🟢 1. تخصصات "الباب المفتوح" (Low Competition / Unfilled Spots)

أمراض الكلى (Nephrology):
مدة الزمالة سنتين. التنافس ضعيف وحوالي 25% لـ 30% من المقاعد بتفضل فاضية بعد الماتش سنوياً.

الأمراض المعدية (Infectious Diseases - ID):
مدة الزمالة سنتين. نفس الوضع؛ عجز مستمر ونسب مقاعد شاغرة عالية.

طب الشيخوخة وأمراض المسنين (Geriatrics):
مدة الزمالة سنة واحدة بس! فرصة سريعة جداً لدخول السيستم الأمريكي.

القسطرة القلبية التداخلية (Interventional Cardiology): بتطلب فيلو سنة إلى سنتين بعد زمالة القلب العامة، وفيه برامج كتير بتسد العجز بخريجين دوليين.

🔴 2. تخصصات "غير متاحة" (High Competition / Nearly Impossible directly)

أمراض الجهاز الهضمي والمناظير

(Gastroenterology - GI)
أمراض القلب العامة (General Cardiology)

أمراض الدم والأورام (Hematology / Oncology)

العناية المركزة وأمراض الرئة
(Pulmonary & Critical Care)

ليه دول مقفولين؟
لأن خريجي كليات الطب الأمريكية والأمريكان نفسهم بيتخانقوا عليهم، وكل الأماكن بتتقفل 100% في الماتش الأساسي؛
ففرصة إن برنامج يقبل خريج من برة من غير نيابة أمريكية تكاد تكون منعدمة…



طيب لو عاجبك الكلام لحد هنا ومعندكش مشكلة فالتخصصات المتاحة تعالى نكمل
:




خطوات الطريق بالترتيب :

أولاً: هتخلص إيه في مصر؟

-تخصلص النيابة بتعتك بشكل اساسي

1. يعني إيه "مخلص نيابة في مصر"؟ وامتحنت إيه؟

الشرط الأساسي في لوائح البورد الأمريكي (ABIM) هو إثبات قضاء 3 سنوات تدريب سريري كاملة وموثقة (3 Years of GME abroad) في تخصص الباطنة العامة: 

المسار في مصر: 
الزمالة المصرية للباطنة العامة (Egyptian Fellowship): لو مخلص الـ 3 سنين الأولى أو حاصل على الشهادة، أو
نيابة جامعة أو مستشفيات تعليمية / صحة: تكون قضيت 3 سنين فعلية كطبيب مقيم باطنة عامة (Resident).

امتحنت إيه في مصر؟
البورد الأمريكي مش بيشترط إنك تكون واخد ماجستير أو دكتوراه معينة، المهم هو شهادة إتمام التدريب (Completion of Training) معتمدة وموثقة من جهة التدريب (الجامعة، وزارة الصحة، أو الزمالة المصرية) تثبت إنك قضيت 3 سنين تدريب منتظم (Inpatient, ICU, Outpatient clinics).


2. يعني إيه تدخل "فيلوشيب" هناك؟

هتقدم إزاي والورق إيه؟ وهتمتحن إيه؟

يلا بينااااا نشوووف

عشان تدخل برنامج فيلوشيب معتمد (ACGME-accredited) وأنت مش مخلص نيابة أمريكية، القانون الأمريكي بيسمح للبرامج بقبولك تحت بند قانوني اسمه "Exceptionally Qualified Candidate": 


يعني كدا
الامتحانات المطلوبة للتقديم (قبل السفر):
1. USMLE Step 1: (ناجح Pass).
2. USMLE Step 2 CK:
(درجة رقمية جيدة، ويفضل فوق 235-240 لزيادة الفرص).
3. OET Medicine:
امتحان اللغة الإنجليزية المطلوب لاستخراج شهادة الـ ECFMG.

4. USMLE Step 3:
(اختياري لكن يُنصح به بقوة) لو امتحنته قبل السفر تقدر تاخد فيزا عمل (H-1B) بدل فيزا التدريب (J-1).


ب. الأوراق المطلوبة (Dossier):

شهادة الـ ECFMG Certificate الرسمية.

شهادة إتمام النيابة وخطاب رسمي من رئيس قسم الباطنة / مدير برنامجك في مصر يوثق 3 سنين كاملة بتواريخها وتفاصيل الروتيشنز.

3 إلى 4 خطابات توصية (Letters of Recommendation - LORs):

لو عندك توصيات من دكاترة أمريكيين أو أبحاث/أوبزيرفرشيب ده بيديك أفضلية كاسحة.

سيرة ذاتية قوية (CV) توضح أبحاثك وشهاداتك الإكلينيكية.

ج. هتقدم إزاي؟

المسار الرسمي
(ERAS / NRMP Match):
التقديم في دورة الفيلوشيب المعتادة في شهر يوليو من كل سنة.

المسار السري
(Post-Match Scramble / Direct Contact):
بعد ما نتيجة الماتش تطلع، برامج الكلى والشيخوخة بتلاقي كراسي فاضية كتير (Unfilled positions). وقتها بتبعت إيميلات مباشرة لمديري البرامج (Program Directors) والمنسقين (Program Coordinators) بملفك الكامل، وكتير منهم بيعمل مقابلات سريعة وبيقبل مباشرة لسد العجز.


3. يعني إيه تخلص البورد؟ هتعمل إيه وتقدم إيه وتمتحن إيه؟

هنا بيت القصيد في نظام ABIM Pilot Pathway E: 

1. أثناء الفيلوشيب:
بتشتغل وتتدرب: سنتين (كلى أو أمراض معدية) أو سنة (شيخوخة)، وبتقبض مرتب سنوي كامل كأي طبيب مقيم/فيلو أمريكي (حوالي 65,000$ إلى 75,000$ سنوياً).

مدير البرنامج بيقيم كفاءتك سنوياً ويسجلها في سيستم البورد اسمه ABIM FasTrack.

2. التقديم على بورد الباطنة العامة
(Pathway E Application): 

عند اقتراب نهاية الفيلوشيب، بتقدم ورقك للـ ABIM: استمارة Pathway E + خطاب تزكية من مدير برنامج الفيلوشيب (Program Director Proposal Letter) + أوراق نيابة مصر + شهادة ECFMG.
بمجرد اعتمادها، بتسجل في امتحان ABIM Internal Medicine Certification Exam. 


3. الامتحان:
بتمتحن امتحان بورد الباطنة العامة الأمريكي (امتحان كمبيوتر مدته يوم واحد في مراكز Pearson VUE).
لما تنجح فيه، بتبقى رسمياً: Board-Certified Internist!

4. بورد التخصص الدقيق (Subspecialty Board):
في السنة التالية لنجاحك في الباطنة العامة، بتدخل امتحان بورد تخصصك (مثلاً ABIM Nephrology Board) وبكده بقى معاك البوردين وبقيت Attending / Consultant معتمد بالكامل في أمريكا.

وبس كدا دا كان كل مايخص الطريق دا في الباطنة مقتبس من استاذنا د محمود خيري

مش عايز خاتمة حزينة ولكنه آه في الباطنة فقط والجراحة مازالت حلم صغب نعقد طريقه واحد وصعب وشائك …
فكل التوفيق للزملاء الاقوياء الساعين فيه 💙


وهنا كل جروباتنا اللي تخص المعادلة الأمريكية واللي لازم تكونوا فيها :

:اكبر جروب للمهتمين بالمعادلة الأمريكية USMLE في الوطن العربي

https://t.me/USMLE_For_Arab


قناة النصايح والڤويسات :

https://t.me/usmlers_club


جروب الفيميلز :

https://t.me/+_FUof95ru7w3OGE0



قناة المحتوى المجاني للمنهج كاملا من د محمد العوضي:

https://t.me/usmle_middle_east




——————————————
جروبات الخصومات:
جروب خصومات كورس د الحسيني:

https://t.me/elhusseiny_usmle2025


جروب خصومات كورس د تاح:

https://t.me/ta7_usmle_discount


جروب خصومات كورسولجي:

https://t.me/coursology_discounts



والبقية فالكومنتات👇

ازاي تتخصص في أمريكا من غير ماتبقى نايب هناك؟
بوست في منتهى الأهمية 2026
🇺🇸

تغمرني البهجةُ برؤيةِ الأحلام وهي تتحقق
🤍، التجربة دي خير دليل على أهمية السعي والاجتهاد..
عشر سنين مرت على بداية رحلة من اجمل رحلات الحلم الأمريكي ، وبالامس كللت بالنجاح لصاحبها .
زميلنا الاكبر د احمد الهواري
اللي ميعرفوش فصديقه د محمد شاهين بيقول :

"د/احمد الهواري احد الطيور المهاجرة والذي يعمل طبيبا بامريكا
واحد الاسماء اللي هنسمع عنها زيارة الخبير الأمريكي د.هواري قريب ✋😁
من سنين فاتت مش فاكر اد ايه
كلمني الهواري ياخد رايي
انه بيذاكر وبيجهز نفسه للسفر واودامه رحلة هتاخد كام سنة
واحمد كان للاسف يعني طبيب متفوق من اوائل دفعته
فكان بيسألني
انا عاوز اسيب نيابة الجامعة واطلع برة في الصحة اهو فرصة اذاكر والاقي وقت علشان اخلص المعادلة

المهم انا كالعبيط
قعدت ازعقله واقله في حد يسيب نيابة الجامعة واوعي دا العلم والتعليم
وانا وجدنا ابائنا علي امة

رد عليا تمام
وبعدها كلمني انه ماراحش جلسة النيابات علشان مايضيعش فرصة علي زميل ليه
وانه واخد قراره

احمد يحقق حلمه ويخلص المعادلة ويسافر امريكا ويتفوق ويمتش هناك
وبقي حاجة ماشاء الله

فانا بقله انا كنت غلط وانت صح
وانا اتعلمت منك درس
ياريتني عرفته من زمان قبل مايضيع عمري
في ماجستير ودكتوراة وزمالة
وحاجات مالهاش لازمة

برافوا ياهواري
مش عيب انك تتعلم من الاصغر منك
وانا اتعلمت منك درس
ومازلنا بنتعلم

الأجيال الجديدةاشطر مننا وعرفوا اللي احنا ماكناش نعرفه بدري
"



دكتور احمد وعدنا انه بإذن الله يكون معانا في ميتينج ويحكي خلاصة الرحلة كلها

فتابعوا التشانيل هنا
@suffer_ya_doctor
وابعتوها لاصحابكم المهتمين
ومتنسوش تدخلوا جروباتنا :

-اكبر جروب في الوطن العربي على التلجرام للمهتمين بالمعادلة الامريكية
@usmle_for_Arab


-قناة النصايح والڤويسات والمصادر المجانية:
@usmlers_club


-جروب للفيميلز فيه الطريق من اول اللي بيحضروا لغاية اميلاتنا اللي متشوا هناك:

https://t.me/+_FUof95ru7w3OGE0



- قناة د محمد العوضي عليها المنهج والنوتس مجانا:

@usmle_middle_east



—————————————-
جروبات خصومات بنوك الأسئلة والكورسات:

-جروب خصم كورس د الحسيني ، وخصومات البنك منفصل:

https://t.me/elhusseiny_usmle2025


جروب خصومات كورس د تاح:

https://t.me/ta7_usmle_discount


جروب خصومات كورسولجي:

https://t.me/coursology_discounts


جروب الريسيرش

@negida_course_discount

والبقية فالكومنتات👇

لان الريسيرش من أهم أعمدة الـ CV لاي حد فينا
ولان معظمنا للأسف الـ CV عندنا فاضي والنبطشيات فارمانا او الامتحانات واخدانا

كان لازم برضو نشوفلكم فرصة تساعدكم ف إزاي تقفلو ملف الـ Research من غير ما تعطلو حياتكم

كلنا عارفين إن في الماتش الأمريكي (USMLE) أو البورد السعودي (SCFHS) وأي زمالة محترمة فى أى دولة، الـ Research مابقاش "إضافة حلوة"، ده بقى فلتر أساسي. والمشكلة دايماً واحدة: إنت بتسف تراب في الامتياز أو النبطشيات، ومستحيل تلاقي وقت تبدأ بحث من الصفر، تتعلم إحصاء، وتقعد شهور تراسل مجلات وترد على Reviewers.

وعشان كدة لو هدفك تنجز وتبني CV قوي بأبحاث منشورة فعلياً في (PubMed / Web of Science / Scopus)،
فأبشر

النهاردة بنعلن عن تعاون مشترك مابيننا وبين :
Elsewedy Evidence Center

واللي هيتضمن ٣ مسارات رئيسية:-

اولا مسار (Guided Co-authorship) مع Elsewedy Evidence Center.

إيه فكرة الـ Guided Co-authorship وليه هو الحل الأنسب لو وقتك مضغوط؟
بدل ما تغرق في التفاصيل لوحدك، إنت بتنضم كباحث مشارك في مشروع بحثي قوي وقائم بالفعل تحت إشراف أكاديمي مباشر من أ.د. سبيلة جمعة موسى العميد السابق لكلية طب الأزهر للبنات سابقًا:
🔹 مهام محددة على قد وقتك: بتاخد تاسكات علمية واضحة وموجهة في تخصصك عشان تستوفي شروط التأليف الدولية (ICMJE) وتكون فاهم ورقتك كويس جداً في أي Interview.
🔹 بيشيلوا عنك الصداع التقني: الفريق عندهم بيتولى الجزء المعقد بالكامل (تصميم المنهجية، التحليل الإحصائي، الصياغة الأكاديمية، ومراسلة المجلات والرد على المحكمين).
🔹 نشر دولي مضمون الموثوقية: الشغل كله بيستهدف مجلات النخبة (Q1 / Q2) المعتمدة رسمياً في المفاضلات عشان ما تضيعش وقتك ولا فلوسك في مجلات تجارية مرفوضة.

وفيه هدية مجانية لكل الدكاترة (وداعاً لرسوم النشر الخزعبلية - 0 APC):
أكبر كابوس بيواجه أي حد شغال على بحث دلوقتي هو مصاريف النشر (APC) اللي بتوصل لآلاف الدولارات. المركز لسه مطلق صفحة مجانية بالكامل على موقعهم بتجمع قائمة المجلات الطبية المجانية (Free 0 APC Journals) المصنفة، تقدر تدخل تفلتر وتختار منها مجلتك من غير ما تدفع مليم في النشر:


🔬 طيب لو إنت عندك وقت وعايز تتعلم الصنعة بإيدك؟
لو مش مستعجل وحابب تتأسس صح من الصفر بعيداً عن الكورسات النظرية اللي بتتنسي، عندهم مسار (Applied Research Pathway)؛ وده بيكون Mentorship تطبيقي خطوة بخطوة بتشتغل فيه بإيدك من أول الفكرة لحد ما تنشر ورقتك بنفسك والمسار حتى بيضم من 3-5 مشروعات بحثية.

وان شاء الله كل التفاصيل هتلاقوها فالجروب هنا:-

https://t.me/elsewedy_research_community

تخصص طب الأطفال (Pediatrics)

​هنتكلم عنه شوية من حيث المميزات
والعيوب وفرص السفر في 2026.

​💚 المميزات (ليه تختار أطفال؟)

​تخصص الـ Pure Smile : بتتعامل مع أكتر فئة بريئة، والطفل لما بيخف بيرجع يلعب في ثواني بفضل الله، وده بيديك طاقة إيجابية ورضا نفسي مش موجود في أي تخصص تاني.

​شغل بدري فالعيادة : من أسرع التخصصات اللي بتعمل فيها "اسم وعيادة خاصةلو بتعرف تكسب الاهل وتفهم الطفل

​الطلب العالمي عالي اكيد: في ، الأطفال من التخصصات الحيوية اللي فيها عجز مستمر في إنجلترا والخليج، وسكك السفر فيه بالزمالة كويسة جداً.

​⚠️ العيوب (الجانب المظلم)

​العيان مبيتكلمش : العيان بتاعك مبيقولش إيه اللي بيوجعه، إنت بتعتمد 100% على الـ Clinical skills والملاحظة، والـ History بتاخده من الأهل (وده فيلم رعب تاني).

​دوشة وقلق الأهل : إنت مش بتعالج الطفل بس، إنت بتعالج "قلق الرعب" عند الأب والأم، ومكالمات بالليل والنهار عشان "الواد سخن نص درجة".

​نباطشيات الـ ER الثقيلة: نباطشيات الأطفال عامة صعبة بصراحة وزمايلنا الل اخدوا نيابة مطحونين حرفيا
في المستشفيات مش بتنيم، طوارئ الأطفال دايماً زحمة ومحتاجة نفس طويل.

​ اللايف ستايل (حياتك هتبقى عاملة إزاي؟)
​ميكس بين المستشفى والعيادة: حياتك متقسمة بين متابعة حالات الحضانات (NICU) والـ Ward في المستشفى الصبح، وعيادتك الخاصة العصر.

​الـ On-calls: النباطشيات بتكون ثقيلة في مرحلة النيابة، بس بتستقر جداً لما بتبقى أخصائي أو استشاري وبتعتمد على عيادتك الخاصة.


بشوف نواب بتتعب جدا فيه بس بيكون ع حسب القبول لانك لو حابه هتستحمل
عامة الاطفال ك شغل اسهل منه ك نيابة يعني هترتاح بعدين

​ التخصص ده مناسب لمين؟

​الدكتور الصبور جداً : اللي باله طويل على زن الأطفال وعياطهم وقلق أهاليهم.
​صاحب الـ Soft Skills العالية: اللي بيعرف يلعّب الطفل ويطمن الأم في نفس الوقت.

​اللي بيحب الـ Mix الكلينيكال: تخصص شامل فيه باطنة، طوارئ، وحضانات.

​✈️ فرص السفر (اديني فالسفر)

​

​[1] الخليج العربي
(السعودية والإمارات وعمان) 🇸🇦 🇦🇪 🇴🇲 — "شغل مريح، وفلوس من أول يوم"
​اللايف ستايل هناك هادي جداً للأطفال، والمرتبات ممتازة وبتخليك تعمل قرشين حلوين.
​ الخطوات: بتمتحن امتحان البرومترك (IFOM/Prometric) وتقدم ورقك على الـ Dataflow وتدور على Job offer.


ولكن وعلشان اكون صريح معاكم الايفوم لوحده مش كفايا لازم تكون مخلص بورد مصري او زمالة بريطانية MRCPCH

​ شهادات الجامعات المصرية معترف بيها عادي جداً، ومطلوب منك خبرة 3 سنين لو عاوز تسافر كأخصائي على طول.

وزي ماقلنا افضل شهادة مصرية هي البورد المصري

الزمالة سابقا

المراحل :

​مرحلة الـ Resident (البداية): بتشتغل كطبيب مقيم لو مسافر من غير زمالة، شفتات مريحة وتدريب paid.

​2️⃣ مرحلة الـ Specialist (الأخصائي): لو معاك الزمالة البريطانية MRCPCH أو البورد العربي، بتنط فوراً لدرجة أخصائي فئة أولى ومرتبك ممكن يقرب لل ال30 ألف (ريال/درهم).

​ وضع العيلة: الفيزا بتدعم العيلة بالكامل، المدارس الدولية هناك قوية جداً، والزوج/الزوجة ليهم حقوق إقامة كاملة.

​بالنسبة للتكاليف : امتحانات البرومترك والـ Dataflow بتتكلف حوالي 300 لـ 400 دولار شاكب راكب.

​⚔️ الخليج هو الاختيار الأفضل لدكاترة الأطفال المصريين لو هدفك الأساسي مادي واللايف ستايل يكون قريب من بلدك.


(بس برضو دا كلام عام ومحتاج تفاصيل اكتر هنحاول نجيبها فيما يخص الخليج)

​[2] إنجلترا 🇬🇧 — "بلد النيابات والـ Training المحترم"

​إنجلترا دايماً عندها عجز في الأطفال، وبترحب بالدكاترة المصريين جداً.

طبعا قبل تطبيق نظام ال priorities العبيط دا ولكن برضو خلينا نشوف ال Pathway

عندك طريقين، إما تمتحن الـ UKMLA الجديد (بديل البلاب)،
أو تدخل من باب الزمالة البريطانية MRCPCH وتلغي الـ UKMLA خالص وتدخل على الـ Specialist Register مباشرة.



​1️⃣ مرحلة الـ FY2 / ST1 (البداية): لو داخل بالـ UKMLA هتبدأ من الصفر كـ Junior Doctor (سد خانة عشان تصرف على نفسك).

​2️⃣ مرحلة الـ ST3+ Registrar (بداية الكارير): لو معاك الـ MRCPCH كاملة، بتدخل هنا فوراً كأخصائي، وبتختصر 4 سنين من عمرك. عنق الزجاجة هنا هو التنافس على الـ Training spots ونظام الـ Priorities الجديد، بس تخصص الأطفال دايماً مطلوب.

​👨‍👩‍👧 وضع العيلة: الزوج/الزوجة ليهم حق العمل الكامل (Full work rights)، والمدارس الحكومية للأطفال مجانية وممتازة.
​💰 التكاليف : توثيق EPIC للامتحانات (125$ فتح ملف + 90$ لكل مستند)، وتكلفة أجزاء الزمالة بتوصل لحوالي 2000 إسترليني للـ 3 أجزاء والعملي.

خلينا نقول ان الزمالة البريطانية MRCPCH هي الافضل يواء جوا او برا
وتاخدها بالتوازي مع نيابتك سواء كنت جامعة او صحة ..

فهنكلمكم الفترة الجاية اكتر عنها وعامة كل تفاصيلها ف جروبنا 👇

https://t.me/mrcpch_study_group

ادخلوه وتابعوا

وكمان البوست الل جاي هنكمل عن فرص الاطفال ف دول تانيه🤍

وعرفونا عايزين تخصصات ايه تاني

هديتين مجانيتين لاخواتنا الامتياز بخصوص امتحان مزاولة المهنة:

🔹 ‎بنك أسئلة شامل متكامل ومجاني تماما
من د ممدوح وonskore:

https://www.topskores.com/exams/emle

🔹بلاي ليست عليها ڤيديوهات لشرح امتحانات المزاولة من د حنين ابراهيم:

https://youtube.com/@haneenibrahimomar3656?si=1By1fiOKYTJCLyKq


اظن كدا مش محتاجين حاجة خالص للامتحان ، وبالتوفيق ان شاء الله
جروبنا للامتياز :

@emtyaz_5_plus_2

البوست ده هيحكي شوية عن تجربتي في التقديم لفيلوشيب مباشرة بدون النيابة ومنافستها الشرسة وفرصها الاقل

السلام عليكم ورحمة الله وبركاته..
تجربتي في الحصول علي فيلوشيب بعد المعادلة من غير نيابة..


انا بكتب عن الموضوع ده عشان التغيير الاخير اللي أصبح فيه إمكانية امتحان بورد الباطنة بعد الفيلوشيب من غير نيابة في أمريكا

الحمد لله ربنا وفقني لفيلوشيب palliative care وبعدها علطول فيلوشيب Geriatric وبعدهاقدمت علي البورد ودخلت الإمتحان في اغسطس والحمد لله ربنا وفقني واكرمني و نجحت

شايف الموضوع مناسب جدا جدا لأي حد خلص نيابة باطنة في بلده.. بس لازم كمان يكون قطع شوط كبير في المعادلة يعني خلص ستيب وان وتو وجاهز لستيب ٣

اللي انصح بعمله انك تقدم على فيلوشيب
Geriatric, nephrology, infectious disease

عشان دول اللي نسب الماتش فيهم اقل وفي فرص اكتر انك تلاقي حاجة

الأفضل يكون معاك ستيب ٣ او حجزت معاد ومستعد للامتحان قبل الفيلوشيب ما تبدأ يعني لو هتعمل مقابلة يكون عندك خطة واضحة لستيب ٣

اعمل ايميل موجه لكل تخصص يكون بيعكس خبراتك فيه وانك اشتغلته في بلدك كتير في النيابة او بعدها وجهز المرفقات اللي هتبعتها

جهز قائمة بكل البرامج ...ايوة كل البرامج وفيها طبعا ايميلات مدير البرنامج والمنسق لازم الاتنين

الفيلوشيب ماتش بتكون في نوفمبر ابدا أبعت ايميلات لكل البرامج في التخصصات التلاتة بعد نتيجة الماتش بأسبوع حتي لو انت عندك قايمة الماتش ونتيجته ابعت لكله اللي عنده أماكن واللي معندوش

الأحسن تعمل ايميل جديد للموضوع ده بس
الاستجابة هتكون واحد من تلاتة ...

اولا:اعتذار لان مفيش مكان.. ترد عليه وتشكره وتقوله انا موجود في اي وقت لو ظهرت فرصة جديدة

ثانيا: طلب مقابلة او استفسار عن شيء وده المطلوب

ثالثا : مفيش رد خالص وده تستني اسبوعين وتبعتله تاني

ايميل قصر مؤدب لطيف للتذكير وممكن تكرره ٣ او ٤ مرات

في القايمة اللي معاك اكتب قدام كل برنامج ايه كان رده من التلاته دول عشان المتابعة
دي كدة الخطوة الأولى وانا هكتفي بهذا القدر الان..

انا فضلت اشاركه دلوقتي عشان اللي يناسبه يلحق يجهز نفسة لان نتيجة ماتش الفيلوشيب يوم ١٨ نوفمبر

انا بعتذر مش هقدر ارد على التعليقات لكن تحت أمركم جميعا في اي سؤال على الخاص

ربنا يوفقكم جميعا

د وائل سعيد

-اكبر جروب للمهتمين بالمعادلة الأمريكية في الوطن العربي على التلجرام:
@usmle_for_Arab


-قناة النصايح والڤويسات والمصادر المجانية:
@usmlers_club


-جروب للفيميلز فيه الطريق من اول اللي بيحضروا لغاية زميلاتنا اللي متشوا هناك:

https://t.me/+_FUof95ru7w3OGE0



- قناة د محمد العوضي عليها المنهج والنوتس مجانا:

@usmle_middle_east

فرص شهر نوڤمبر جاهزة✅
المرادي في اكتر من 80 فرصة تقدروا تقدموا عليها قبل نهاية السنة وان شاء الله هتلاقوا ع الأقل فرصة منهم تناسبكم

الشهر دا ال sheet فيه فرص national و international ل:
▪️ Research programs
▪️ Summer and Winter schools
▪️ Scholarships
▪️ Fellowships
▪️ Abstract Submission
▪️ Hackathons
▪️ Workshops and boot-camp
▪️ Leadership
▪️ Conferences

فلو حد فيكم حاسس انو محتاج يتعلم او يدخل ف فرص جديدة قبل نهاية السنة فشوف ال sheet وحدد ايه م الفرص مناسب ليك والحق قدم قبل الديدلاين🙌

🔗دا لينك ال sheet
https://docs.google.com/spreadsheets/d/1iwUB_mlY_-jebnGlHqQYA6MezOv-a8J5OvupMPUT2BU/edit?usp=drivesdk

📌وكل الفرص دي هتلاقوها بتنزل بالتفاصيل على تشانيل MedUnlock
https://t.me/MedUnlock

للأسف للأسف للأسف رغم غضبي الشديد من سياسة امريكا الخارجية لكن امريكا هي افضل دولة في العالم تعيش فيها

عبد الرحمن السيد لو كان ابوه هاجر الكويت كان زمان مسحوب منه الجنسيه وبقي بدون
لو هاجر البحرين واتكلم في السياسة كان زمانه معتقل
لو راح السعودية كان زمان الكفيل مطلع عينه وبيقولوله يا طعميه

ابوه راح امريكا في كام سنة عمل ثروة و ابنه دخل مجال سياسة وهو مهاجر ومش ابن البلد وبقي سيناتور غصب عن عين أكبر رأس في أمريكا نفسها
قولي كام دولة في العالم ممكن تكسب فيها الفلوس والكرامه وحرية التعبير في نفس الوقت ؟!
Ahmed Dahy

-اكبر جروب للمهتمين بالمعادلة الأمريكية في الوطن العربي 👇
@usmle_for_arab
-قناة النصايح والڤويسات 👇
@usmlers_club
-قناة الشرح المجاني والمحاضرات 👇
@usmle_middle_east

-جروب الفيميلز 👇

https://t.me/+_FUof95ru7w3OGE0