ព្រះធម្មវនវាសី ចន្ទមុនី ព្រះបាឡាត់គណខេត្តកំពង់ឆ្នាំងស្តីទី ព្រះសង្ឃាធិបតីវត្តចន្ទប្បជោត្តនារាម ហៅវត្តតាសុត និងព្រះមន្ត្រីសង្ឃ និមន្តចែកអាហារថ្ងៃត្រង់ ថ្ងៃទី១០ ខែសីហា ឆ្នាំ២០២៦ ដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ ទូទាំងខេត្តកំពង់ឆ្នាំង សរុបចំនួន ៥ ០៥៣នាក់ និងអ្នកពាក់ព័ន្ធមួយចំនួនទៀត។

សូមគោរពថ្លែងអំណរព្រះគុណព្រះធម្មវនវាសី និងព្រះមន្ត្រីសង្ឃគ្រប់ព្រះអង្គ🙏🙏🙏

ចុះពិនិត្យការងាររៀបចំម៉ាស៊ីនភ្លើងបន្ថែម នៅមណ្ឌលប្រឡងវិទ្យាល័យហ៊ុនសែន រលាប្អៀរ ត្រៀមបង្ការករណីដាច់ចរន្តអគ្គីសនីជាយថាហេតុ។

មណ្ឌលប្រឡងទាំងអស់ក្នុងខេត្ត បានបំពាក់ម៉ាស៊ីនភ្លើងចល័តបន្ថែមពីលើចរន្តអគ្គីសនីដែលមានស្រាប់។

ខ្ញុំបាទ និងឯកឧត្ដម ស៊ីវ រុន ប្រធានក្រុមប្រឹក្សាខេត្ត បានចូលរួមជាមួយឯកឧត្ដមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង និងក្រុមការងារ និងដោយមានការនិមន្តពីព្រះធម្មវនវាសី ចន្ទមុនី ព្រះបាឡាត់គណខេត្តកំពង់ឆ្នាំងស្តីទី ព្រះសង្ឃាធិបតីវត្តចន្ទប្បជោត្តនារាម ហៅវត្តតាសុត បានចែកអាហារថ្ងៃត្រង់ ថ្ងៃទី១១ ខែសីហា ឆ្នាំ២០២៦ ជូនបេក្ខជន និងក្រុមការងារពាក់ព័ន្ធ នៅមណ្ឌលប្រឡងសាលាបឋមសិក្សាគំរូក្រុង ក្រុងកំពង់ឆ្នាំង។

សូមថ្លែងអំណរព្រះគុណព្រះតេជគណគ្រប់ព្រះអង្គ និងសូមថ្លែងអំណរគុណថ្នាក់ដឹកនាំ និងក្រុមការងារក្រសួងអប់រំ យុវជន និងកីឡា អង្គភាពប្រឆាំងអំពើពុករលួយ គណៈមេប្រយោគទូទាំងប្រទេស គណៈអប្បមាទ ក្រុមប្រឹក្សា គណៈអភិបាលខេត្ត ប្រធានមន្ទីរ អង្គភាព ក្រុមប្រឹក្សា គណៈអភិបាលក្រុង ស្រុក ប្រធានមណ្ឌល អនុរក្ស មន្ត្រីអប់រំ មន្ត្រីសុខាភិបាល មន្រ្តីរាជការ អាជ្ញាធរមូលដ្ឋាន កងកម្លាំងគ្រប់ប្រភេទ ប្រជាការពារ សហភាពសហព័ន្ធយុវជនកម្ពុជា អ្នកសង្កេតការណ៍ស្ម័គ្រចិត្ត សប្បុរសជន និងអ្នកពាក់ព័ន្ធនានា ដែលបានចូលរួមសហការយ៉ាងសកម្ម និងអស់ពីកម្លាំងកាយចិត្ត ក្នុងការសម្របសម្រួលដំណើរការនៃការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៦ ក្នុងខេត្តកំពង់ឆ្នាំង ធានាបាននូវការប្រឡងប្រកបដោយភាពរលូន គោរពតាមគោលការណ៍ បទបញ្ញត្តិ មានភាពយុត្តិធម៌ តម្លាភាព និងលទ្ធផលល្អប្រសើរ។