🗣Маҳалладаги янги ёндашувлар: Давлатобод маҳалласи мисолида

⚫️ Бугун Маҳаллалар уюшмасининг Янгиер шаҳар бўлими раҳбари Илхом Сайфутдинов иштирокида оммавий ахборот воситалари вакиллари, журналист ва блогерлар учун “Маҳалладаги янги ёндашувлар: муаммоларни манзилли ҳал этиш, хизматларни яқинлаштириш ва аҳоли учун яратилаётган имкониятлар” мавзусида пресс-тур ўтказилди.

Пресс-тур давомида Давлатобод маҳалласида аҳоли учун яратилаётган шароитлар, ҳудудни ободонлаштириш, кўп қаватли уй-жойлар инфратузилмасини яхшилаш ҳамда аҳолининг кундалик муаммоларини манзилли ҳал этиш борасида амалга оширилаётган ишлар билан яқиндан танишилди.

Бугунги кунда Давлатобод маҳалласида 4 240 нафар аҳоли, 1 320 та хонадон ва 1 360 та оила истиқомат қилади. Маҳалла ҳудудида жами 46 та кўп қаватли уй мавжуд бўлиб, уларнинг техник ва ташқи ҳолатини яхшилаш, аҳоли учун қулай яшаш муҳитини яратишга алоҳида эътибор қаратилмоқда.

Хусусан, 2026-йил давомида 7 та икки қаватли ҳамда 3 та тўрт қаватли уйда таъмирлаш ишлари амалга оширилди. Шунингдек, яна 1 та тўрт қаватли уйнинг том қисми тўлиқ алмаштирилди. Мазкур ишлар кўп қаватли уйларда яшовчи фуқароларнинг мурожаат ва эҳтиёжларини ўрганиш асосида босқичма-босқич амалга оширилмоқда.

Маҳаллада болалар ва ёшларнинг бўш вақтини мазмунли ташкил этиш, спорт билан шуғулланиши учун шароитларни яхшилашга ҳам эътибор қаратилмоқда. Шу мақсадда 2 та болалар майдончаси таъмирланиб, фойдаланишга топширилди. Шунингдек, 1 та спорт майдончаси янгидан қурилиб, аҳоли ихтиёрига берилди.

Ҳудудни ободонлаштириш ва санитария ҳолатини яхшилаш борасида ҳам тизимли ишлар олиб борилди. Жумладан, 1,2 километр узунликдаги ариқлар ҳамда 0,60 гектар майдон тозаланди. Амалга оширилган ободонлаштириш ишлари давомида ҳудуддан 16 тонна маиший чиқинди олиб чиқилди.

👉Пресс-тур иштирокчиларига маҳаллада амалга оширилаётган ишларнинг асосий мақсади — аҳоли учун қулай ва муносиб яшаш шароитларини яратиш, мавжуд муаммоларни жойида аниқлаш ва уларни манзилли ҳал этишдан иборат экани таъкидланди.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

👥 🛡ЯНГИЕР ШАҲРИДАГИ 6-СОНЛИ МАКТАБДА КИБЕРХАВФСИЗЛИК БЎЙИЧА СУҲБАТ ЎТКАЗИЛДИ

🎤 Бугун Янгиер шаҳридаги 6-сонли умумий ўрта таълим мактабида юқори синф ўқувчилари иштирокида киберхавфсизлик ва интернет тармоғида хавфсизлик қоидаларига бағишланган профилактик суҳбат ўтказилди.
Суҳбат давомида ўқувчиларга замонавий ахборот технологияларидан хавфсиз фойдаланиш, интернетда шахсий маълумотларни ҳимоя қилиш, шубҳали ҳаволалар ва хабарларга ишонмаслик, шунингдек, турли хил интернет фирибгарликлари ва киберҳужумлардан сақланиш бўйича муҳим тавсиялар берилди.

🔐Хусусан, киберфирибгарлар томонидан қўлланиладиган усуллар, сохта аккаунтлар ва хабарлар орқали фуқароларнинг шахсий маълумотлари ҳамда банк карталарига оид маълумотларни қўлга киритишга уринишлар ҳақида тушунчалар берилди.

🔵Тадбирни ОАВ раҳбари ва киберхавфсизлик бўйича мутахассис Амирбек Ғаниев олиб борди. Суҳбат интерактив шаклда ўтказилиб, ўқувчилар ўзларини қизиқтирган саволларга мутахассисдан жавоб олдилар.

✅ Бундай профилактик тадбирлар ёшларнинг рақамли саводхонлигини ошириш, интернет муҳитида юзага келиши мумкин бўлган хавфларни олдиндан англаш ва киберфирибгарлик қурбони бўлиб қолишининг олдини олишда муҳим аҳамият касб этади.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🚨 ЯНГИЕР ШАҲРИДА ТУНГИ ПРОФИЛАКТИК РЕЙД ЎТКАЗИЛДИ

🤫 Янгиер шаҳрида жамоат тартибини сақлаш, ҳуқуқбузарликларнинг олдини олиш ҳамда ёшлар ўртасида профилактик-тушунтириш ишларини кучайтириш мақсадида тунги рейд тадбири ўтказилди.

📍Тадбир давомида шаҳар ҳудудидаги айрим объектлар, хусусан, ёшлар кўп ташриф буюрадиган жойлар ўрганилиб, ёшлар билан профилактик суҳбатлар ўтказилди. Суҳбатлар давомида ҳуқуқбузарликларнинг олдини олиш, қонун талабларига риоя қилиш ва тунги вақтда жамоат тартибини сақлаш масалалари юзасидан тушунтиришлар берилди.

📍Шунингдек, Гулистон давлат университетининг Янгиер филиали ҳудуди ҳамда талабалар ётоқхонасига ташриф буюрилиб, мавжуд ҳолат ўрганилди ва ёшлар билан профилактик мулоқотлар олиб борилди.

⏺Рейд давомида пробация ҳисобида турган шахсларнинг яшаш ва ижтимоий ҳолати ҳам ўрганилиб, улар билан профилактик суҳбатлар ўтказилди.

💬 Тадбирда Янгиер шаҳар ИИБ ходимлари, Давлатобод МФЙ профилактика инспектори лейтенант Ж.Абдувоситов ва ёшлар етакчиси Абдухолиқов Исломбек ҳамда ОАВ раҳбари, киберхавфсизлик бўйича мутахассис Ғаниев Амирбек иштирок этди.

🗣Бундай профилактик тадбирлар шаҳарда тинчлик ва осойишталикни таъминлаш, жамоат хавфсизлигини мустаҳкамлаш ҳамда ёшлар ўртасида ҳуқуқбузарликларнинг олдини олишга қаратилган.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU