👨‍👦‍👦 ҲОКИМЛИК СТОЛИГА ЎТИРГАН ЁШ: “МEНИНГ ҲАМ ОРЗУЙИМ ҲОКИМ БЎЛИШ”

🟢 Бугун “Пайшанба — Ёшлар куни” доирасида Сардоба туманида ёшлар учун “Очиқ эшиклар куни” ташкил этилди.
Тадбир давомида ёшлар Сардоба тумани ҳокимлигига ташриф буюриб, ҳокимлик тизимида олиб борилаётган ишлар, давлат бошқаруви жараёнлари ҳамда ходимларнинг кундалик фаолияти билан яқиндан танишдилар.

Шунингдек, ёшлар учун туман ҳокими Зиядулла Каримов билан хизмат хонасида самимий ва очиқ мулоқот ташкил этилди. Суҳбат давомида ёшларни қизиқтирган саволлар, уларнинг таклиф ва ташаббуслари, келгусидаги мақсадлари ҳақида фикр алмашилди.
Мулоқотнинг энг эсда қоларли лаҳзаларидан бири эса келажакда ҳоким бўлишни ният қилган ёшларимиздан бирига туман ҳокимининг иш столига ўтириб, ҳокимлик фаолиятини ўзига хос тарзда ҳис этиш имконияти берилгани бўлди.

Бундай очиқ мулоқот ва амалий ташрифлар ёшларнинг давлат бошқаруви тизимига бўлган қизиқишини ошириш, уларнинг лидерлик ва ташаббускорлик фазилатларини ривожлантиришга хизмат қилади.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

👨‍👦‍👦 Ёшлар — юрт келажаги!

🟢 Сирдарё вилояти Фавқулодда вазиятлар бошқармаси бошлиғи, полковник Садиров Хуршид Эргашевичнинг Оқолтин тумани Ихтисослаштирилган мактаби ўқувчи-ёшлари билан учрашуви бўлиб ўтди.

Учрашув давомида ёшлар билан очиқ мулоқот ўтказилиб, уларни ватанпарварлик, фуқаролик масъулияти ва юрт тинчлигига дахлдорлик руҳида тарбиялаш, шунингдек, фавқулодда вазиятларнинг олдини олиш ва хавфсизлик қоидаларига риоя қилиш масалаларига алоҳида эътибор қаратилди.

Суҳбат жараёнида ёшлар ўзларини қизиқтирган саволларга мутасаддилардан жавоблар олиб, келгусида Фавқулодда вазиятлар тизимида хизмат қилиш имкониятлари ҳақида ҳам маълумотларга эга бўлдилар

РАСМИЙ САҲИФАЛАРИМИЗ
Telegram | Facebook | Instagram |
Web | X | RU

🛡ЯНГИЕР ШАҲРИДАГИ МАКТАБЛАРДА КИБEРХАВФСИЗЛИК БЎЙИЧА ТАРҒИБОТ-ТУШУНТИРИШ ТАДБИРЛАРИ ЎТКАЗИЛДИ

🗣Янгиер шаҳридаги 8-, 3- ва 10-сонли умумий ўрта таълим мактабларида ўқувчилар ўртасида киберхавфсизлик, рақамли технологиялардан тўғри фойдаланиш ҳамда интернет ва ижтимоий тармоқлардан фойдаланиш маданиятига бағишланган тарғибот-тушунтириш тадбирлари ўтказилди.

🟢Тадбирлар давомида ўқувчиларга замонавий ахборот технологияларидан оқилона ва хавфсиз фойдаланиш, смартфон ҳамда бошқа гаджетлардан тўғри фойдаланиш, шунингдек, сунъий интеллект имкониятларидан масъулият билан фойдаланиш масалалари юзасидан тушунчалар берилди.

🟢Шунингдек, интернет тармоғида шахсий маълумотларни ҳимоя қилиш, турли киберхавфлардан эҳтиёт бўлиш, шубҳали ҳаволалар ва хабарларга ишонмаслик, ижтимоий тармоқларда мулоқот қилишда одоб-ахлоқ ва муомала маданиятига риоя этиш бўйича тавсиялар берилди.

🟢Тадбирлар давомида ўқувчилар билан очиқ мулоқот ташкил этилиб, уларнинг киберхавфсизлик ва рақамли технологиялардан фойдаланиш борасидаги саволларига мутахассислар томонидан жавоблар берилди.

⚪️Мазкур тарғибот-тушунтириш тадбирлари Янгиер шаҳар ИИБ ЖХХ ҲПБ ВE ва ЁБИГ инспектор-психологи, катта лейтенант Эсанов Ойбек Улуғбек ўғли ҳамда ОАВ раҳбари, киберхавфсизлик бўйича мутахассис Ғаниев Амирбек иштирокида ўтказилди.

✔️Тадбирларнинг асосий мақсади — ёшлар ўртасида киберхавфсизлик бўйича билим ва кўникмаларни ошириш, интернетдан хавфсиз фойдаланиш маданиятини шакллантириш ҳамда рақамли муҳитда масъулиятли хулқ-атворни тарғиб қилишдан иборат.

РАСМИЙ САҲИФАЛАРИМИЗ
Telegram | Facebook | Instagram |
Web | X | RU