للكاتـب / مصطفى ماكس•)18(جرتْ في السلالم و هي بتحاول ما تركز قداما عشان ما تشوف ليها عفريت ولا حاجه توقف قلبا نهائياً ..و من وراها كانت الأستاذه جاريه بالساطور .. لحدي ما مريم بقت في الطابق التاني ؛ وقفت في الضلام ده و هي بتتلفت حولها و تنادي :و- وعد.فجأه حست بي يد بتمسكهاقامت قالت :وعدحنمشي وين يا وعد ؟؟.البت ساقتا و كانت واداها لي نهاية الممر ، بس الكارثه إنو وعد طلعت من واحده من الفصول و هي حالتا بالبلا ، قالت بي خوف :مريم.الله ؟؟ طيب دي منو الماسكاني من يدي دي ؟؟..البت فتحت الباب بتاع الفصل و من خلال الشباك و ضوء القمر المخيف ؛ قدرت مريم تشوف بي وضووح إنها بت غريبه تماماً .. شعرها نازل لحدي أكتافا و عيونا بياااض بس ؛ و مع ده كانت بتبسم، أما مريم فهي ما إتحملت المنظر و بقت تصرخ ..حررت يدها من البت و قامت تجري لي صحبتا وعد الكانت بتصرخ زيها~مسكو بعض و إتلصقو بي بعض ؛ أي واحده كانت بتحاول تتدارى بي صحبتا ، قالت مريم :أ- أرح ننزل تحت ، المكان ده مسكون.وعد : بس .. الأستاذه ؟؟.مريم : م- ما حتشوفنا ، نحاول نتدسى منها.إتلفتت علي وراها ، و ما لقت أيّ أثر لي البت ، قامت مسكت وعد من يدها و قالت ليها :يلا ننزل.إستسلمت وعد و مشت معاها ؛ بس لما وصلو قريب السلم ، شافو الأستاذه طالعه و هي بتتسند بالساطور ..

للكاتـب / مصطفى ماكس•)19(قمّة الرعبتلقائياً أول ما شافو المنظر ده ؛ رجعو تاني لي الطابق المهجور و خشو في الفصل الكانو قاعدين فيه الصباح ، وعد قفلت عليهم الباب و أنفاسها قايمه ، و مريم بقت تقول :نحنا حنمووت ، خلاص حنموت.وعد : أكتمي حسك و تعالي نتدسى بي ورا الكنب و الكرور ديلك.و مسكت صحبتَا بي يدها المُتلجه عشان يمشو لي آخر الفصل ؛ و يقعدو ورا جبل معمول من الكراسي الحديده المُردمه فوق بعض ..الجو كان صانّي و مافي غير صوت أنفاسهم المُرعوبه و الإضاءه بس الزرقاء بتاعة ضو القمر الجاي من الشباك ..بعد شويه الأجواء بدت تتوتر أكتر ؛ صوت الكدايس بدا يجي ، و في بت بتصرخ بي أعلى حسها في واحده من الفصول المهجوره دي ، و الأخطر من كده إنو الباب بتاع الفصل بدا يفتح برااحه برااحه مع صرير مُرعب ..البتين إتلصقو بي بعض و دموعم نازله ؛ فجأه سمعو صوت الأستاذه بتقول ليهم بي سعاده :شايفااااكم، الليله حتمووتو ، الليله حكتلكم.هنا الأدرينالين زاد ، و الأستاذه بقت تخبط بالفاس في السبوره .. و مع كل خبطه كانت دقاتْ القلوب بتزيد ..

للكاتـب / مصطفى ماكس•)20(و بعد دقايق إختفى أي شيقالت وعد :يلا .. ننزل تحت.مريم : لأ أنا خايفه، أفرضي المره دي شافتنا.وعد : هي حتشوفنا لو بقينا قاعدين هنا ، أما لو نزلنا تحت و جرينا ممكن عادي نهرب منها.مريم : ما أظن إننا حنطلع من هنا تاني ؛ المدرسه دي كلها مسكونهقبلشويه كنتا جمب الحمامات و شفت لي كلب أسود كبير ، و .. و البت المسكتني قبل شويه دي .. شبح.وعد : بس يا مريم عليك الله , ما توقفي لي قلبي ، ده كلو ما بجي جمب الأستاذه الحايمه بالفاس دي ، شفتيها كتلت سوما كيف.مريم : أنا خلاص ما قادره ، حاسه إني إتشلّيت ؛ و ندمانه بالجد إني ما رجعت البيت من بدري.وعد : مريم .. لو إنتي عايزه تموتي هنا أنا لأ !! ، خلينا نطلع براحه و حنقدر نزوغ.وقفو البتين بي صعوبه و مشو لصق بعض عشان يطلعو من الفصل ؛ بعدمآ إتأكدو إنو مافي أيّ أثر لي الأستاذه ..بس فجأه من خلال الشباك ؛ قدرت مريم تلمح البت بتاعة قبل شويه ، كانت واقفه بتعاين ليهم من الشباك , و الإضاءه الخفيفه بتاعة القمر خلّت منظرا يرعب أكتر ..قامت مريم بقت تضرب صحبتا وعد و تحاول تلفتا ، لحدي ما قالت ليها بي عصبيه :في شنو ؟؟.و من غير رد ، أشرتْ مريم بي يدها ناحية الشباك و لقو البت لسه واقفه ..وعد : أعوذ بالله من الشيطان الرجيم.مريم : حنعمل شنو ؟!!.و من بعيد سمعو صوت الأستاذه بتقول :شايفاااكم.طوالي وعد سحبت صحبتا و هي بتقول :ما محتاجه تفكير ؛ حننزل تحت.و بي خطوات سريعه طلعو من الفصل ، عشان ينزلو بالسلالم لي تحت ..

الحلقة 29 وقبل الاخيرةمنباب الريحعندما طرحت بت المنى السؤال ردت ناهد بكل ثبات عندو شغل ياحبوبة..لكن بجي الليله ان شا الله .. صلاح ياحبوبة اتخرج من كلية الهندسة..والحمد لله لقا ليهو شغل في اليومين الفاتو ديل في شركة استشارية خاصه . .واليومين ساكي الاجراءات الاولية في الاستيعاب والخدمه والحاجات دي ..لكن الليلة وعدني يكون معانا ..عواطف نادت ناهد .. قالت ليها صحيح صلاح جاي ؟ قالت ليها نعم جاي ..قالت ليها وجاي يرجعك ؟ قالت ليها ايوه جاي يرجعني ..قالت ليها والله انا الزول ده كنت ظالماهو بالجد ..انا قلت الزول ده يكون ندمان على زواجك .. ومادام طلقك تاني بقول الله فكاني منها ومستحيل يرجع ليك .. لكنمادام ح يرجع ليك بعد الطلاق معناها الزول ده الحكاية الزمان ديك ما مؤثرة فيهو اي حاجة وما حيتذكرها ليكطول عمره .. قالت ليها يا امي انا بحاول افهم فيك طيلة الفترة الفاتت بس انتي ما عايزة تفهمي لي.. وشايفاني اناوابوي بنتكلم ساي انا قلت ليك صلاح انسان تاني بختلف عن بقية الرجال البتعرفيهم انتي.. ده زول من طينة كدانقية .. وعارفة صلاح لو كان ندم علي وحس انو ماعاوزني مابجامل اي زول كان حيطلقني براهو.. انتي من اصراروكان المفروض تفهمي الحاصل ..المهم هسي انا ح أوفي ليك شرطك وارجع ليهو انا خايفاك تشوفيني رجعت لي صلاح تقومي تمشي من ناس جدو تاني.ترجعي لي جماعتك ديكوترجعي لي حياتنا السابقة .. قالت ليها ياناهد انا حياتي السابقة مامشرفة ابدا" ويادوب حسيت بالفرق حتىشريحتي القديمة كسرتها واشتريت شريحة جديده عشان مافيهم زول يعرف دربي بي وين لاسيدة ولاغيرها .. بعدينناس جدك ديل ناس من نوع تاني ..الناس ديل ماقايلاهم كدا .. ديل ناس العيشة معاهم تتمنى.. انا مستحيل امشياخلي حبوبتك الكبيرة دي تعبانة براها.. ده بيت نسابتي واهل راجلي وده واجبي وتاني ماماشة كان رجعتي ليراجلك كان خليتيهو ..ناهد قالت ليها ماما انتي متأكدة من الكلام البتقولي فيهو ده ؟قالت ليها كدي ياناهد زحي لي شوية انا عندي شاي فوق النار والضيوف راجني امشي البسي وانتظري راجلك..فيالوقت ده مكي واخوه عوض مشو يسجلو الاولاد في المدرسة وناس المدرسة طلبو تحويل .. ونااس مكي ضربو ليصلاح قالو ليهو اغشى معاك المدرسة الفلانية جيب التحويل والقصص المعروفة دي ..المهم صلاح بشر امه انه خلاص ماشي يجيب .. ناهد ..وصلاح جاء البيت الكبير وجاب معاهو التحويلات بتاعة المدارس ..وخلاص الجماعة بقو من المواطنين الاصليين لمنطقة )......( ..صلاح لمن وصل الجماعة استقبلوهو استقبال ماطبيعي وطبعا" دي المرة التالتة يجي وبعرف الناس كلهم وصاحبوعمك العمدة ودايما" بناديهو يا نسيبي المبروك .. قال ليهو ياصلاح يانسيبي المبروك غايتو اوفيت بي وعدك انت اوليوم جيتنا هنا قلت انا لازم اجمعكم بي مكي واولاده واخليكم ترضو وتعفومنه .. انا الوكت داك قلت الولد دهبحلم ساي لكن والله تراك طلعت قدر كلمتك .. صلاح قال ليهو ده بفضل الله ونيتك الطيبة يا جدي ودعواتك كانتمعاي ..وهسي انا طالب منك دعوات .. انا ماشي افحص لي زوجتي .. ومحتاج لدعواتك شديدة لحفيدك ..قاليهو ان شاء يكون خير ياولدي.. انت اكيد ربنا ح يقيف معاك في كل صغيرة وكبيرة ..المهم بعد اتغدو وشربو الشاي واتونسو .. ناهد جاهزة وصلاح طلع معاها..وطول الشارع وهم بحكوا في المسرحية وبضحكوا .. قالت ليهو ماتتخيلسيدة وهاني وكت جو امي كانت حالتهاكيف .. هههه ابوي لمن بحكي لي بضحك لمن يعشرق ..قال ليها والله نحن زاتو لو ماكنا مضطرين ما كنا عملنا معاها كدا لكن في النهاية انا لاقي ليها العذر ..ااي زول عندوبت عسل وجوهرة زيك كدا . لازم يشوف ليها راجل منغنغ وغنيان وحالتو متيسرة زي هاني.. لكن انا اتلايقتوابيت افكك لاني مابقدر اعيش من دونك لحظة ..قالت ليهو منغنغ شنو يا ولد انت .. انا شباشب صلاح مابرضى ابدلهم بواحد زي هاني ..انا هاني بعرفو شديد يا صلاح هو زول ممتاز من ناحية فهمو وشغلو ومعايشو لكن من ناحية ادب واحترام زيرو ..ياخي قالو قال لي امي كلام شين شديد ..صلاح قال ليها ياريت لو كنت حاضرو كان وريتو النجم .. هو ماعايز عرسيقول ماعايز قلة الادب اصلا مافي ليهاداعي ..ناهد قالت ليهو ياصلاح انت زول غريب بعد العملتو فيك امي وانت من الصباح تدافع عنها ..قال ليها امك دي ياناهد كفاية انها جابت لي اعز حاجة في حياتي عشان كدا اي شي عملتو معاي مغفور وانا عافي ليها..اها مشو للدكتور لقو سيدة معاها بنتها )لواحظ( عند الدكتور ..)طارق اللبيب(

ترقبو اخر حلقه من باب الريح🌚غدا

واطن بلجيكي دأب طوال 20عاماً على عبور الحدود نحو ألمانيا بشكل يومي على دراجته الهوائية حاملا على ظهره حقيبة مملوءة بالتراب ، وكان رجال الحدود الألمان على يقين انه "يهرب" شيئاً ما ولكنهم في كل مرة
لا يجدون معه غير التراب )!!!
(.السر الحقيقي لم يكشف إلا بعد وفاة السيد ديستان حين وجدت في مذكراته الجملة التالية: "حتى زوجتي لم تعلم انني بنيت ثروتي على
.لمعرفه الباقي
https://t.me/joinchat/AAAAAEQXYwCVjrkj4QNucQ

الحقلة 30والاخــــيرة..منباب الريح ..اول من سيدة شافتهم صرت وشها وقبلت غادي..ناهد قالت لصلاح ياصلاح .. دي سيدة ام هاني صلاح قال ليها تعالينسلم عليها ..جو عليها ازيك ياخالتي سيدة كيف حالك وكيف هاني ولو احظ ..ردت عليها عادي .. قالت ليها ده منو يا ناهد ؟ناهد قالت ليها ده راجلي ..سيده سلمت عليهو ومشى قعد بعيد وناهد قعدت جنبها ..سيدة قالت ليها موش انتو اتطلقتو ياناهد ؟ قالت ليها ابدا" القالك منو؟قالت ليها قالت لي امك .. قالت ليها امي في الاسابيع الفاتت دي كانت نفسياتها تعبانةومرات عندها كلام كدا ماياهو لكن هسي الحمد لله بقت كويسة ..بس انتي كان تسأليني .. انتي ما ملاحظة انك لمن جيتي البيت انا كنت مافي ..انا كنت في بيت راجلي ..وهسي الحمد لله ظهر لي حمل .. وجايه اتابع الفحص الدوري ..قالت ليها .. والله مبروك ونحن جيناكم انا وهاني وهاني كان زعلاااااان .. ؟؟قالت ليها زعلان من شنو؟ قالت ليها عشان امك غشته .. قالت ليهو بطلق ليك ناهد راجلها مريض وراثيا" قالت ليهامعقولة بس معقول امي تقول كدا .. راجلي سليم الحمد لله واسرته كلها زي الفل .. وبعدين انتي كيف ترضي تبنيبيت ولدك على انقاض بيوت الناس.. ؟؟ قالت ليها خلاص ياناهد اصلا كانت غلطة .. ونحن سكتنا عليها وقطعناها فيمصارينا ..سلمي على امك .. قالت ليها انا امي تاني مابلم فيها قريب..وحتي تلفونها غيرته والرقم الجديد ماعارفاهو والله ياخالتو ..ودعتك الله.. ومشت على صلاح..)ودي صفحة انطوت الى الابد( ..صلاح منتظر.. وسبحان الله ولاسأل ناهد قال ليها المراة قالت ليك شنو ؟ ومن عادة صلاح انو مابسأل من حاجةمابتخصه الا صاحب الشأن يكلمه براهو ..وانتظروا لغاية مادورهم جاء وحكوا للدكتور الحاصل .. الدكتور عمل فحصه واكد وجود الحمل طلب فحوصات منصلاح وصلاح عمل الفحوصات ..وجابها ليهو الدكتور قال ليهو يازول انت القال ليكم عندكم مرض وراثي منو؟قال ليهو ده كلام معروف ومن زمان حتى ابوي اتوفى مريض وعندي اخواتياتنين عياناتالدكتور قال ليهو انا شاكي في الموضوع ده لكن بطلب منك تشيل التقارير بتاعة الوالد عليه رحمة الله وتوديها لدكتورفلان ..المهم لمن جا صلاح راجع كلم امه بالكلام ده .. قالت ليهو سوق معاك واحدة من اخواتك ديل كان تلقا ليها علاج ..ناهد قالت ليها يا ماما هم كويسين هسي ..قالت ليها خليهو يتأكد يا ناهد .. المهم ساق اخته الوسطى معاهو ومشى للدكتور الحولوهو ليهو لانه اختصاصيامراض نفسية وعصبية ..الدكتور قال ))مافي مرض وراثي(( .. بدليل انو المرض العند ابوك بختلف عن المرض العند اختك !!!!واختك دي عندها اكتئاب عادي وخوف والظاهر المخوفها هو مسألة المرضالوراثي ..ومرضها بسيط وبتعالج ..أما تقارير ابوك بتقول عنده ضربه قديمة في الراس عملت خلل في وظايف المخ الاساسيةوسببت نوبات تخيلات ووسوسة قهرية .. سبحان الله العظيم ..بالمناسبة ياجماعة .ناهد كانت قدم خير وبركة على هذا البيت بكل المقاييس مع انها نشأت في ذلك البيت المنحــلولكنها كانت صالحة .. قريبة من ربها بعيدة الشيطان .. اينما وضعت رجلها صحبتها البركة .. ومابال الذين يحتجونبحديث )خضراء الدمن( فان الحديث غير صحيح البته واليكم الدليل ..فإن هذا الحديث .. أخرجه الدارقطني في الأفراد ولفظه: إياكم وخضراء الدمن، قالوا: وما خضراء الدمن؟ يا رسولالله، قال: المرأة الحسناء في المنبت السوء.قال صاحب كشف الخفاء والالباس لما اشتهر من الاحاديث بين الناس العلامة العجلوني : رواه الدارقطنيوالرامهرمزي والعسكري في الأمثال وابن عدي. وقال صاحب خلاصة البدر المنير: هذا الحديث رواه الواقدي منرواية أبي سعيد الخدري وهو ضعيف جدا ولايجوز الاحتجاج به . والعجلوني هو إسماعيل بن محمد بن عبد الهاديبن عبد الغني الجراحي العجلوني الدمشقي الشافعي، أبو الفداء، مؤرخ، محدث، مفسر، نحوي، ولد بعجلون سنة)1087هـ(، ونشأ بدمشق وتوفي بها في المحرم سنة )1162هـ(.ولك ايضاً ان النبي صلى الله عليه وسلم تزوج صفية بنت حيي بن اخطب وهو يهودي معروف فهي أمنا العظيمةوعاشت في منبت اليهود هل هنالك اسوء من منبت اليهود ولكن .. كل نفس بماكسبت رهينة ..والان تبين هذا الامر في قصتنا هذه ..وبي سبب كشف حمل ناهد تبين ان الاسرة اصلا لاتعاني من مرض وراثي..ولافي اي تقرير من طبيب بؤكد الكلام ده .. بس عمهم كان عيان بسببما ..واخوه اللهو ابوصلاح عيان بسبب ضربة .. واخته الكبيرة عندها مشاكل نفسية بسبب خطيبها الاول .. والوسطىكانت خايفة من مصيرها في هذه الاسرة ..بس الناس لما شافو المرض في الاسره كتير قالو وراثي ..)غايتو الناس دي عندها جنس هجايم( .. والفحوصات عنصلاح وعن طفله سليمة مية في المية ..ياخي صلاح ده كان داير يطير من الفرح .. لمن بكى من الفرحة ..ووصلو البشارات لكل الاهل والاقارب والفرحة عمت كل البقاع .. اي زول يكلموه يفرح لمن يدمع.. اما )عواطفالحنينة(.. الله يديها العافية .. اكتر زول فرح ..قرب يجيها سكري من صدمة الفرحة بي انو اسرة صلاح سليمة ولمن صلاح جاه

م في البيت الكبير عطوفة تسلمعليهو وتبوس فوق راسو ويديهو وتبكي .. بقت تريدو ريده ماطبيعيه وهو بس شغال ليها ..)مختار الله في حكمو .. (نتمنى التوفيق للجميع وان يعيشوا في امن وسلامولكم خالص التحايا العطرة ..اخوكم .. طارق اللبيب ..

للكاتـب / مصطفى ماكس•)21(و في الطريق لي السلم كانو شايفين نيران بتولع و تطفي ، و خيالات سودا بتتحرك ، و البت الغريبه بتخش من الحيطه بتاعة الفصل و تختفي..مريم : أنا شفت شيطااانشفت شيطان.بعد وصلو تحت ، قالت وعد :حنطلع بالسور..مريم : خايفه الأستاذه تجي.وعد : لو بطلتي كلام و إستعجلتي أصلاً ما حتجي.بدت وعد تطلع بالسور ، و كانت بتواجه صعوبه ، لغاية ما سمعت مريم بتصرخ و هي بتقول :مس فوزيه جااات.وعد إتجمدت في مكانا لي ثواني و قررت تكمل طريقا لي فوق ، عشان تتلّب من السور .. أما مريم فهي جرت لي جوه بي هستريا ، حتى إنها ما إنتبهت لي الحاجه الخلَّتا تتعتّر و تجي واقعه في الأرض .. و بعدإلتفتت عليها لقتْ جثة أسماء ..رآسا كان مشقوق من الجبهه و الدم مالي المكان و حتى إنو أخفى ملامح وشها ، طوالي مريم بقت تصرخ و هي خلاص عايزه تموت من الخوف ..أما الأستاذه فهي إختارت إنها تحصل وعد و تمسكا من رجليناو فعلاًده الحصل .. بس وعد بقت تدافع عن نفسها و تحاول ترفس بي رجلينا .. و مع عصبيتا دي عاينت لي الطابق التاني من شباك الفصل المهجور ، و هناك لقت البت واقفه تعاين ليها ..و في غمضة عين رفعت الأستاذه الساطور و خبطتو بي أقوى ما عندها في رجل وعد اللي أطلقت صرخه بتسمِّع القاره كلّهاو جات واقعه في الأرض مغمى عليها من الألم ، و الأستاذه ما وقفت لحدي هنا ، بدت تضرب بالساطور و الدم يتطاير لي وشها ..

تابعو معنا روايه للشيخ
طارق اللبيب باسم ضياع الدر.
كل يوم ابتداء من اليوم
وروايه لسحر سمير باسم الضحيه
٨١٥🔞 ابتداء من الغد ع القناه

@taarig

بوست خاص للبنات للدفاع عن النفس من الاعتداء او الاختطاف
شيروا البوست
بعد السلام....
حا اوريك تدافعي عن نفسك بي طرق بسيطة
في البداية حا نصنع سوا رذاذ الفلفل الحار ، ده مفروض يكون طبيعي في شنطتك في الجيب القريب او المفتوح في حقيبة اليد، او في جيبك لو كنت ولد برضو ما معروفة ظروف المباغتة، قبل ما نبدا ح اديك تعليمات :
- ما تقيفي في محطة مواصلات ما فيها ناس بقدر الامكان ( ده ما معناه ما تقيفي براك)
- ابتعدي عن الشوارع الميتة و خليك في المسارات الرئيسة
- عربات النقل الصغيرة (الهايسات) المافيها كمساري ما تركبي فيها، و المافيها ركاب برضو، ولو شكيتي فكي الشكة و اركبي حافلة كبيرة
- ما تخلي زول ما معروف بالنسبة ليك يشتت انتباهك بالونسة، و ياريت الناس تختصر الكلام و الظرافة الزايدة مع الناس المجهولين تحديداً الناس الممكن تسألك في الشارع اسئلة ساذجة و ما مفهومة
-ابعدو من العربات المظللة.
-ناس الملح اليومين ديل باصات الولاية لازماكم
- من حق اي جهة حكومية تبرز هويتا، يعني لو جاك واحد بتاع امن قال ليك اركب قول ليو وين يا مان اديني بطاقتك، و بعد ما يوريك ليها اتاكد منها ، لأنو ده حقك ...

المهم نجي للفلفل، طبها معظم البنات بضربو منكير، و معظمهم كمان بعرف الاسيتون و البمسحو بيو المنكير، انت ي عزيزي الأخ لو ما بتعرف الأسيتون اسأل اقرب بت بتوريك
المهم جيبي ليك عبوات اسيتون في حدود ال300 جرام كده و ده شغلكم طبعا لو ما عرفتي حجم العبوة بكون مكتوب فيها
و جيبي قزازة رش من فتايل التركيب ديل و شطة خدرا و فلفلية و فلفل اسود و كللللهم بكميات مناسبة على حسب كمية الشر الجواك+ كيس نايلون.. معاي ؟ دي مكونات بسيطة في متناول يدنا

طريقة العمل :
اقسمي الاسيتون ده علي كبايتين
الكباية الاولى اخلطي الشطة و الفلفلية مع الاسيتون الموجود فيها
الكباية التانية اخلطي الفلفل لاسود مع الاسيتون الموجود فيها
غطي كل من الكبايتين بي كيس نايلون و اربطيه بي لستك و اتركيهم لمدة 24 ساعة ( ده لو مافي برطمانيات عشان ما تتحججي)
بعد يتمو 24 ساعة شيلي اكياس النايلون و خليهم مكشوفين مسافة كم ساعة كده لحد ما ريحة الاسيتون تروح تماماً، بعديها صفيهم بي مصفى بتاع شاي و ختي فيو منديل قبل التصفية عشان الرواسب ما تشبك في البخاخ
بعد تصفيهم ، اخلطي الكبايتين مع بعض ( خليط الشطة و الفلفلية+ الفلفل)
اضيفي قدر نص الكمية او أقل ماء فاتر + لون حسب الذوق. انا بفضل لون احمر عشان يتخلع زيادة لأنو اللون الاحمر دموي كده و رهيب، و ما تنسي الحرب النفسية ( الليلة وشك بتحرق دي موية نار .... الليلة السم ده حا يشلك ) و كده يعني، ما هو في النهاية انسان و الشريحة ممكن تركب فيو عادي
عبي المحلول في البخاخ و عينك ما تشوف الا الشطة بالعمى المؤقت، شيليها معاك في الجيب المفتوح في الشنطة للضمان .
لو ما لقيت اسيتون استبدليو بي كحول ايثانول و ده البستخدموه ناس عطور التركيب .

لو حصل ليك اي اعتداء حاولي ما تفقدي المنطق و خلي راسك حضران الوقت داك و بكل بساطة مدي يدك للشنطة و شيلي العبوة و غمضي، و رشي في الوش حا يفكك و يقعد يصرخ و يتحكحك، شوفي البعدو طوالي و قولي ليو الموت جاك الليلة !

لو ركبتي مواصلات عامة خليك جمب الباب، لي برة يعني
لو كنتي شغالة لوقت متأخر شيلي معاك مطوة صغيرة ، ما تخافي من استخداما لانو الوقت داك ممكن تاكلي الزول عدييييل، المطوة الصغيرة و انتي طالعة من مكان شغلك لو حسيتي بالشوارع فاضية شيليها من الشنطة و ختيها في داخل الشراب للضمان ، او في الجزمة بالجمبة كده ما هو ما ممكن تكوني ما مسلحة في اوقات متأخرة من الليل !

غالبا لو في زول عايز يختطفك حا يمسكك من ورا، تقومي تعملي حركة بحركتين: اثناء ما ماسكك كده اول حاجة تعمليها تعفصي كرعينو ( كده مسيطرة) و اول ما لميتي في كرعينو و عفصتيهم و طلعتي فيهم بي وزنك، تقومي تديو روسية بالعكس في وشو يعني تضربيو بي راسك لي ورا في وشو، المان ده لو كان قدر بيج شوو ح يقع ( دي امور فيزيا ما عندك فيها شغلة 😂) و مهما كنتي قليلة حجم و هو كتير، حا يقع... بعديها فكي البيرق و ورينا جمال جريتك، ما تخافي لو كنتي سمينة برضو حا تبقي نعامة من ماف.
لو الاعتداء داخل عربية خليك مركزة مع افعالهم اكتر من الانفعال بتاعك، يعني حركات فكوني و زحو مني دي خليها بالجمبة، و ركزي معاهم بعملو في شنو ، ممكن يكونو شايلين تخدير معاهم عادي، خليك هادية و ريلاكس لحد ما تجي اللحظة المناسبة للتصرف الشايفاه مناسب

حل تاني، الصاعق الكهربائي و ده حل ظريف شديد، امشي جمب برج البركة و اسألي الفراشين هناك بوروك، خفيف بي حجم الموبايل و بتشال في الشنط و معاه شاحن .

حاجة مهمة كمان، قبل ما تركبي عربية ما، اتأكدي من اللوحة بتاعت العربية انها موجودة ، و من الأفضل انك ما تركبي هايس من الأساس، عيبي لي باص الوالي ده مالو ؟ الشماعة مالا ؟ في افضل بلاد العالم البنات بركبو شماعة فبطلي طلس البرستيج ده ما مكانو..
لو كن

تي بتركبي ركشات من الافضل يكون عندك زبونك الخاص، او زول معرفة يعني.
لو كنتي من الناس البحبو يمشو كداري، ركزي معاي هنا، امشي دائماً و أبداً شمال أي شارع في البلد دي.. ييعني امشي عكس الشارع، يعني امشي و العربات تكون جاية عليك، مش ماشية معاك..... و كل فترة اديها طلة كده لي ورا كشفي الشارع حاصل فيو شنو.
( البسي شنطتك خلف خلاف كده يعني 🚫 و لو شنو ما كان ما يقلعوها منك ابدا)

الاهم من ده كلو ، خليك واعية و اتغلبي على الخوف ، و اعلمي تماماً انو ما من حق اي زول يعتدي عليك فما تتمسكني و تسلمي نفسك بالساهل، و خليك مؤمنة انك بتقدري تدافعي عن نفسك بأبسط طرق.البوست ده ما للتخويف ولا شي، بس للتوعية و اتأكد انو احتمال انو ما يخطفوك اكبر كتير من احتمال انك تتخطف فخليك جامد كده.

عزيزي الولد، الكلام ده برضو بتضمنك و عليك تاخده بالاعتبار..
لو مشيت بالقلتو ليك ده لو خطفوك بنجاح تعال قول زر كضاب 🐸🌚

الليلة الجمعة بطلي طلس الضيوف و الواتس و الفراغ ده و قومي اعملي سلاحك الفتاك بلاش جوطة معاك و اعملي لأخواتك معاك

شير للبوست..

انــتــظــرونــي فــي الــحــلــقــاتــ😉

ر و الدم يتطاير لي وشها ..#شبح_الثانويهللكاتـب / مصطفى ماكس•)22( ) الأخيره (مريم و هي شايفه المنظر ده كانت في وضع نهائياً ما بتتحسد عليه، حاولت تزحف بي يدينها ناحية الفصل حقهم ، لأنو رجلينها ما كانو شايلنها من الخوف و الرجفه .. سمعت صوت الأستاذه بتقول :أقيفيما تتحركي.مريم إتلفتت بي خوف و هي بتقول :م- مس فوزيهعليك الله ما تكتليني.بس الأستاذه بقت تقرب ناحيتها بالفاس الملانه دم ، لغاية ما وصلت ليها أخيراً و رفعت الفاس لي فوق في اللحظه اللي صرخت فيها مريم بي فزعكل المنظر ده كانت شايفاهم ليلى من الشباك و هي مصدومه و دموعها ماليه وشها ~بقت تزحف هي التانيه لي آخر الفصل و بعد داك تتلصق بالحيطه و هي بترجف ..طول الليل كانت شايفه الأستاذه قاعده في نص الساحه وسط الجثث و هي بتعاين لي السماو تقول كلمات ما مفهومه ؛ ده غير الصريخ المستمر الكان جاي من الطابق التاني و ما معروف سببو شنو ، و الأفظع من كده هي البت الغريبه البتجي نازله من السقف ...في الصباح كان فجر الخلاص بالنسبه ليهافي ناس قدرو يلمحو كمية الدم و الجثث التلاته المرميه في ساحة المدرسه بي وحشيّه ، طوّالي إتصلو بالشرطه و بعد جات و معاها إتلمّو الخلق و أهل البنات في المدرسه ، خشو إتنين من الشرطه عشان يشوفو الفصول و هناك لقو ليلى مُتلصقه بالحيطه و هي بترجف و شكلها في عالم تاني خالص ...بعد أكتر من 6 شهور متواصله من العلاج النفسي و العلاج بالقرآن قدرتْ ليلى إنها ترجع لي وعيها تاني ؛ و حكت بالمخطط بتاعـم الـإتحول لي كارثه فظيعه ما كانت في الحسبان .. و بالنسبه لي سهله فمافي زول ) لحدي الآن ( عارف هي مشت وين ولا إختفت وين ، و أهلها ما زالو بفتشو عليها لغاية اللحظه ~أما الأستاذه فـ تم القبض عليها و حكمو عليها بالمؤبد بعدما عرفو إنها مريضه نفسيه و كانت بتجي المدرسه يومي بعد المغرب عشان تمارس السحر ~و بالرجوع لي التحقيق إتضح إنو قبل 10 سنوات كان في طالبه إسمهارحيق بتجي المدرسه آخر اليوم بعد الساعه 4 عشان تآخد دروس خصوصيه مع واحد من الأساتذه الرجال ؛ و في يوم الحادثه حاول يعتدي عليها بعد صراع طويل إنتهى بي موتا علي يدينو في الطابق التاني و هي مُتأثره بالخنق .. و ما إكتشفو الجثّه إلا بعد تلاته أيام من الحادثه و إختفاء الأستاذ ~و من اللحظه ديك ::الناس البجو مارين جمب المدرسه دي بليل قالو بسمعو صوت صرخاتمتواصله جايه من الفصول ، بس ما كان في زول مُقتنع إنو المدرسه دي مسكونه إلا بعد الحادثه البشعه الحصلت لي أربعه بنات و هن صحبات ليلى .. و بعدها بقى مافي زول برضى يسجّل بناتو في المدرسه دي لغاااية ما إتحوّلت في الآخر لي مكان مهجورمليان بالجن و الشياطين.. و بـي كده إنتهت قضيَّة بنات الثانويه بي تاريخ فبراير 2006م..

بــكدا خــلــصــنــا مــن الــروايتــينــ😁حــانــزل روايه صــياع الــدر لــطــارق وبــكره حــنــبــدا بــروايه جــديده

رواية ضياع الدر .ــــــــــــــالحلقة الاولى ..بقلم طارق اللبيب ..القصة التي احزنت كاتبها قبل قرائها .. واعتصرت دموع القلب من بين جوانحه .. حضروا المناديل .. يقول عنها كاتبها طارق اللبيب .. ماأشد المرارة عندما تضيع الاشياء الغالية ..وخصوصا" اذا كان هذا الضياع .. يتعلق بأرواح نقيه ونفوس طيبة .. هو ما سأحكيه لكم في قصة )ضياع الدر( ..القصة دي زمنها في النصف الاول من التمانينات .. يعني في الفترة من سنة 80 الى 86 تقريبا ..في قرية لاعلاقة لها بالمدينة .. شلة بتاعة اصحاب . قاعدين بتونسو.. هم شباب عندهم قوز رملة ..كل يوم بجو بعد صلاة العشاء ..يقعدو ويتونسوا ..ويحكوا قصص ونكات وغلوتيات .. في ضو القمر ,, كهربا زاتو مافيماعندهم غيبة ولانميمة.. ولاعندهم شمارات ولابجيبو خبر زول .. مازي مجالس اليومين دي ..مجالس الشلل النتنة .. المليانة بالقيل والقال والاشتغال باعراض الناس . واكل لحومهم ...بس جماعتنا العايزين نحكي عنهم ديل اكتر حاجة ممكن يعملوها ..بقعدو بكاوو في بعض ويضحكو ويقرقو .. لغاية عشرة حداشر كدا كلو زول بمشي لي اهلو.. وهم اصحاب واصحاب شديد كمان ..صاحبنا القاعد معاهم ده اسمو الجيلي . زول يستحق الخوة لانه اخو اخوان بالجد .. وعندو مواقف رجولية .. وواحد تاني اسمو قسم . وعكروش ومين ومين بنعرفهم لي قدام . المهم الملاحظ كم يوم فوق الونسة الجيلي ده سااااكت مابتكلم .. مع انو كان زول وناس وضحوك .. هسي كم يوم سارح. وبالو برة الونسة ..وساكت ساااي ..الجماعة بتونسو ..قام قسم قال للجيلي .. الجيلي لو سمحت دايرك دقيقة .. قام مشى معاهو لي قدام قريب اخر الحلة .. الجيلي قال لي قسم .. انت ماشي وين يازول ؟.. قال ليهو بس خلاص وصلنا .. نقعد فوق الترس ده ..الجيلي قال ليهو ان شاء الله خير .؟ مالك انت هسي سوقتني من نص الناس ..وقطعت علي الونسة .. انت ماشايف عبدو بحكي ..ونحن منسجمين معاهو ؟ موضوعك شنو؟ انا عارفك هسع يكون كلام.المكحله مايملاها..قال ليهو يا الجيلي انا ماداير اقول كلام .. انا عايز اسألك..انت ليك يومين ..ما مع الناس .سارح بعيد ..وبالك برة خالص ..عليك الله احكي لي في شنو ؟..نحن مش اصحاب لو عندك مشكلة افديك بي دمي ..الجيلي قال ليهو والله يا قسم انت مابتقصر .. لكن الموضوع الهامني انت مابتقدر عليهو .. وانا زاتي والله من التفكير والعجز مخي داير يطرشق ..قال ليهو ياخي احكي لي احتمال اقدر اساعدك .. محتاج لقروش ؟ انت عيان ؟ في شنو؟ بالضبط كدا .. قال ليهو ابدا الحمد لله من ناحية قروش مستورة تب ..ومن ناحية مرض انا في كامل الصحة والعافية الحمد لله وباس يدو بطن وضهر ..))ملحوظة صغيرة الجيلي 26 سنة وقسم 27 سنة واقرب اصدقاء لبعض في الشلة ..الاتنين شغالين في الزراعة .. وخلو الدراسة من الابتدائية الجيلي اهله فقراء وماعندهم اراضي وبشتغل بي ضراعه رزق اليوم باليوم هو واخوه الاكبر ..وابوهوراجل كبير .. لكن قسم عندهم اراضي..وناس حالتهم المادية فوق الوسط .. ((لمان قسم اصر اصرار شديد على الجيلي يحكي ليهو .. قال ليهو خلاص بحكي ليك بس توعدني انك ماتجيب سيرة.. لانو كان جبت سيرة بتسوي لي مشكلة كبيرة ..قال ليهو أفو يا الجيلي انت مابتعرفني ؟؟.. انا اخوك آمزاهر.. )مزاهر دي اخت قسم( قال ليهو الحقيقة انا قلبي مشغول شديد بي بدريه بت أحمد .. طبعا الزوله دي صاحبة صفيه اختي وبتجيها طوالي في البيت واللهالعظيم ياقسم حامياني النوم ..قسم قال ليهو انت مجنون؟ انت ماعارف احمد ده منو؟ احمد زول من اعيان البلد وقروشو النار ماتاكلها .. وعضو في مجلس الشعب . )ملحوظة مجلس الشعب كان في زمن نميري بمثابة المجلس الوطني والجمعية التاسيسية وغيرها ( قال ليهو الناس ديل مابشبهوك يا الجيلي ولاهم مستواك .ديل ناس فوق فوق وانت زول فقران وقحطان .. والله تفتح خشمك بي كلام زي ده يكسروه ليك . قاليهو انا عارف ياقسم.. وده الموضوع الموترني وجايب لي الهزة في دماغي واعصابي .. كل يوم احس اني انا وكران اكتر .. البت دي اليوم البشوفا مع صفية .بتجيني حمى للصباح .. وقلبي دة تف تف تف .. والله مانعارف اسوي شنو؟ لكن مابغلب حيلة .. قسم قال ليهو .. بعدين البت دي حسب علمي لسع صغيره يعني يمكن صطاشر سبعطاشر ..انا حقيقة طولت ماشفتها ..قاليهو ..صح.. لكن ياقسم البت فايرة فوارة ماشاء الله ..والله تفاحة بس .. والله ياقسم فيها قوام لا اله الله ..البت قايمة قومة ماطبيعية ..وبريئة حتى ونستها البسمعها مع صفية . ونسة اطفال بي الاختصار دي لؤلؤة . والعجيب بسمتها . ياخي ماتذكرني انا حاسي بي نفسي انقطع ..قسم ضحك هاهاها .. وقال ليهو لالالالا .. انت وضعك متأزم جدا.. عشان كدا ساكت .. قاليهو ايوة ساكت مالي الحق اسكت؟ بس عارف في حاجة .. قبل يومين انا في البيت بغسل في يدي بعد الفطور ..هي كانت بتعاين لي وتتبسم .. وانا لمن عاينت ليها خجلت وجرت.. وشايفها تتكلم مع صفية مابعرفها قالت ليها شنو؟قال ليهو طيب انت اسأل صفيه .. شوفا احتمال حتى هي بتريدك كدي برض

و .. قال ليهو مابقدر أسال صفيه ..نحن في البيت ماعندنا كلام زي ده .. البت بت ..والولد ولد .. يعني مستحيل اسأل صفية من الموضوع ده..)طبعا لان الرجل عندنا زمان في البيت هو مصدر الهيبة والوقار . واخته بتعمل ليهو الف حساب .. وبتخاف منه عديل . ففعلا" صعب كونوا يمشي يتكلم في مواضيع زي دي مع اخته الاصغر منو .. (اها طبعا"الجيلي شايف الحتة دي ماجاية كلو كلو وماقادرة تركب ليهو في راسو يعني يمشي يقولها شنو؟ .. المهم ..قسم قال ليهو.. انت مغفل يا الجيلي .. غير صفية ماعندك اي طريقة تواصل معاها .. وياشاطر صفية دي بتكون حلقة الوصل .. بس انت من الليلة اعمل فيها صاحب صفية. وخليك قريب منها ..البت دي لو رادتك وقلبها اتعلق بيك .. قصتك بتبقى فيها احتمال نجاح . لكن برضو احتمال ضعيف .. ياخي الناس ديل ما مستواك ..الجيلي قال ليهو ..اسمع يا قسم .. انت بدل تديني الامل ..مالك داير تقنعني .. انا والله واثق في ربنا .. ولو عندي فيها قسمة ،حتى لو ابوها بقى هامان ولافرعون .. ربنا قادر ينزعها منهم ويديني ليها .. ولو كمان ماعندي فيها قسمة ..معناها مكتوب لي العذاب والمعاناه .. وعمرو ياقسم الغنى والفقر مابوقف القسمة .. وفي النهاية انا أملي في الله .. وربنا ده في يدو تسخير الامور وتبديل الاحوال ..قال ليهو يازول ربنا يوفقك اها هسي حتعمل شنو؟ قال ليهو ح اعمل كلامك وامشي ابدا صحوبيه مع صفية اختي واشوف البت دي موقفها مني شنو ؟وهل ممكن الامور دي تمشي لي قدام؟ولا أنا اخير لي ابعد ؟الى اللقاء ..

«🔍»ـــــ📍وقفــــــــة📍ـــــ«🔎»
༅
«••🔻🖇🔻••»

📝 انتبهــي أختي الغالية ✋

خلفياتك أوملفك الشخصي أو مايسمى بروفايل إذا كان فيه👇

👈الصور النسائية الفاتنة فليست دلالة على أنوثتك❌

👈 وصور الأحضان والقبلات لا تدل على رومانسيتكـ❌

👈 وصور النساء الباكيات بدموع على خدودهن وهن سافرات لا تعبر عن شخصيتك الحزينة❌

وإنما هي ذنوب جارية تصب في صحيفتك إلى يوم القيامة .


#بادري_قبل_ان_تغادري! •••


لأنـ 🌸ــك غاليـ 🌟ــة