يثم انا ح اجن والله ، المهم و صلنا البيت غيرتا فستاني و لبست عادي و ودعت ناس امي و البكااا دا ما يديكم الدرب لمن امي دي غمرت مصرة اني م اسافر كلهم ببكو الا انا بقلب قوي ، قلت ليها امي الله يخلي التلفونات و ما حغيب عنك ، بقت تبكي زياده ودعتهم وامي بقت توصي في وليد ، معليش هي عصبيه بس استحملا و اسلوبا حاد بس والله طيبه يا وليد ، امنتك ليك ، ضحك ضحكة كدا وقاليها في عيوني الاتنين ، و طلعنا و برضو هيثم الحيوصلناو قاعده علي اعصابي ، المهم وصلنا المطار ، نزلنا و عيني م نزلت من هيثم قلت الليله حتحصل مصيبه يعني حتحصل مصيبه ، وليد ابتدا يفتش في جوازاتنا مالقاها اتصل بي ابوه قليهو شوف كدا انا نسيت الجوازات في دولابي في اول ضلفه فيالنص قاليهو لحظه ، ثواني مافي قاليهو ايوة لقيتا ، قاليهو اديها لاحمد سرعه يوصلا لي ، قاليهو احمد ف الصاله مع اصحابو انا بجيبا ليك اسي ، نص ساعه مافي عم عبدالله جا و انا وهيثم ف اللحظة دي نظرات بس و ساكته م نطقتا بحرف ، المهم جا عم عبدالله سلم علينا ، قاليهو امك دي دايرة تكلمك هاك ، عايز يديهو التلفون اتزحلق وقع من يدو لا ارادياً كدا انا دنقرت اتناولو من الارض يدي و يد عم عبدالله اتصادفو و عيني وقعت علي يدو شفت ال...............استككانه~~توقعاتكم يا السمحاتبتاعت الجن العاشق كييييييفتمام هههه قومي اشربي قهوه وتعالي خمني ، يلا في انتظاركم يتبع .......

ضياع الدر ..الحلقة 17بقلم طارق اللبيب..طبعا" زي ما كلنا ماعارفين .. البدور كانت حالفه ومتجزمة .. مافي زول بمسك يدها غير الجيلي ..لامعتصم ولاغيرو .. اها لمن خالها حكا ليها الحصل .. قالت ليهو اسمعني .. انا اقسم بجلال الله .. وبحلف بالغيب تراني ماني حاضرة .. الا الكلام ده موصح .. اصلو الجيلي ماممكن يتاجر في الحرام .. وانا والله مابقبل بالزواج ده .. مالم اتأكد من الجيلي ذات نفسو .. وهو براهو يقول لي .. ااذا هو فعلا" بشتغل في الشغلة دي ولالا..ولو سمحت ياخالي .. نادي لي ابوي هسع .. قال ليها ابوك تاني مابتراجع .. لانو كلم الولد يجيب اهلو .. والولد سافر .. قالت ليهو بس انت ناديهو لي لو مافيها تعب ليك .. قال ليها لاتعب ولاحاجة .. هسي بمشي انا ديهو مشي .. كلمو براحة قال ليهو بدريه دايراك ..الحاج طوالي لفح شالو ..وجا داخل على بتو .. قال ليها نعم .. في شنو؟قالت ليهو ..يابا انا من الله خلقني .. ماعصيت ليك كلمة .. ولا كسرت ليك امر ..ابوي الكلام القالوهو عن الجيلي ده موصاح .. انتظر لمن تسمع من الجيلي..قال ليها اسمع منو وين .. انا ما نعارف ليهو عنوان ولاتلفون ..قالت ليهو طيب اصبر لمن تتم الفترة الاديتها ليهو ..قال ليها الموضوع ده انتهى .. وانا اديت الناس كلمة .. قالت ليهو يابا انت غلطان ..كيف تدي الناس كلمة بدون ماتاخد راي انا ..؟قال ليها ماعندك راي عندي .. مش قلتي لامك دايرة تنتحري .. اشربي صبغة اشنقي روحك .. اقعي البحر .. الفي راسك سويهو انا مابتراجع ..قالت ليهو يابا .. انت لو عنيد .. انا بتك .. ودمك جاري في عروقي ..انا ماني دايراك بعدين تندم ..قال ليها يابت انتي هبلة .. انتي لو تاني فتحتي خشمك .. بكتلك انا ما بنتظرك تكتلي روحك فاهمة؟ .. قومي شوفي اوضاعك ما الصق لك كف ..قالت ليهو كويس يابوي .. مافي مشكلة اعمل العايزو ..وانا بعمل الفي راسي ..بس انا بقول لك قدام امي وخالي وخالتي .. كلهم ياهوديل حاضرين انا مابتزوج الزول ده نهائي .. ولو مات مابمسك يدي ..الا بشرط واحد .. اسمع من الجيلي اعتراف .. انو فعلا بشتغل تجارة مخدرات..قال ليها يابت اتلمي ولمي عليك خشمك .. وطلع طوالي ..وبدا طوالي في التجهيزات .. و عمل بوماستك جديد للديوان .. وضرب الابواب بوهية ..والسراير الماشادة حيلا .. كلها عمل ليها صيانة واعادة تجليد واللحافات ..واشتروا الملايات ..المهم التجهيزات الاولية لتهيئة مكان الدعوة والعرس .. كلها قام بيها في 72 ساعة..في الوقت ده حامد اخو الجيلي سافر الخرطوم ..تقريبا ماشي يشوف طريقة اتصال بالجيلي .. او بي ناصر صاحب الجواب.. عشان يتأكد من الحاصل .. لانه ما مقتنع ابدا بالشي البحكو فيهوو الناس ..وطبعا السفرية لغاية الخرطوم .. بتاخد يومين باللواري .. لانو مافي زلط ولا سياحي ..اها لمن وصل بيت العزابة .. وكلهم ماكان عندهم خبر بالحاصل في البلد ..حكا ليهم وكلهم استغربوا كيف الجواب اتسرب بالسرعة دي للبلد ..وكل زول بدأ يسال في نفسو .. واي زول شكا في التاني ..حامد قال ليهم .. هسع ده مووكت لوم .. والفات مابجي ..والما الانجلغ مابنفعو اللمليم ..)يعني الموية لو اندفقت تاني مابتتلملم .. ( هسع نحن دايرين نمرة تلفون سريع .. نضربو للناس ديل في السعودية عشان يخبرونا الحاصل ..الجواب مكتوب فيهو نص سطر بس .. شوفو لي نمرة للجيلي ولا الزول الشغال معاهو ..ولا شوفو لي نمرة ناصر .. اتصرفو ..قالو ليهو والله ياحامد نحن ماني خابرين اي نمرة .. الناس ديل مواصلتنا معاهو بالجوابات ..والجواب بياخد ستة يوم ولا اسبوع عشان يصل ..والرد مامعروف يجي متين ..المهم سعو كلهم بالاسئلة والكلام والاستفسارات .. مالقو اي طريقة اتصال بالناس ديل في السعودية .. المهم في النهاية اضطرا حامد يكتبجواب تاني لي ناصر ورسلوهو ..وزادو عليهو عدد الدمغات عشان يصل سريع ..لكن المشكلة كانت انو الزمن انتهى والاسبوع جاء سريع ..والناس هناك في البلد كلهم مستعدين للعرس اللهو .. حيكون حدث ما بعدو حدث ..أهل الجيلي مقاطعين المناسبة .. وماعندهم اي وش يقابلو الناسلا أمو ولابوهو ولا اختو صفية اللهي صديقة العروس .. من قبل 4 يوم من الزواج تاني مامشت على ناس العرس ,,وبدرية رسلت ليها كم مرة .. قالت ليها انا محتاجة ليك تقيفي معاي .. قالت ليها انا اسفة والله مابقدر اجيكم ماعندي وش اقبابل بيهو الحريم ..حاسة عيونهم بتتكلم معاي .. ومافاضل لي الا ادخل في ضفوري من الخجلة ..ويوم الحنة ام بدرية قالت لي خالتها خليك قريب من بدرية دي .. ماتشرب ليها مصيبة ..تموت .. أحرسيها بس لمن نسلمهم عروسهم .. تاني عندهم كان دايرةتموت التموت ..وبدرية حست بانو خالتها مراقباها .. قالت ليها ياخالتي انتي حتراقبيني لمتين ..الروح دي روحي انا .. وكت ادور امرقها مافي زول بقدر يحصلني ..ولاهسع الفرصة معاكم .. اتلافو القصة ولمو الموضوع ده ....ولافي زول استمع ليها .. وكل الناس قايلنها بتهرش فيهم .. وبتكضب عليهم ..ماعدا امها وخالتها كانو حاسين انها ممكن تعمل حاج

ة ..الحاصل ياجماعة بكرة اصبح اليوم الاخير والعقد بعد صلاة العصر .. وبدرية مشت مع خالتها وبنات عماتها لبيت من بيوت الجيران عشان يجهزوها للعرس ..لانو لمن تجي بعدين لي )قطع الرحط(والرقيص..لازم تكون في ابهي زي واحسن هيئة ..والعقد باقي ليهو تلاتة ساعات بدرية قالت ليهم انا نعسانة شديد طلعو لي الحنة..وامرقن برة خلني اخد لي نومة .. وتضحك وتتونس كانو مافي حاجة ..بس مرقن بيجاي هي طلعت بالشباك .. ومرقت بالشوارع الميتة المافيها اي زول ..شوارع زرايب وجناين .. ولابسة الفنجة بس ..وعلى وين ؟؟ ..على دربا" مشن بيهو بنات كتار .. وراحن تاني مارجعن..وبقت قصصهم تحكي للناس حكايات .. بدريه ملصت سفنجتها وسلكت نفس الدرب..اللهو درب البحر ..والبنات قاعدات في البيت قايلاتنها نايمة ..اتونسن لن نعسن ونامن ..الى اللقاء ..

#ليك_انت 💚🍃
#الخاطره_الرابعه 💜

#عاوز_اكون_ملتزم😊

الاجابات المره دي ما كانت كتيره لانو معظم الناس ما فهمت السؤال 😂😂

يلا عاينو ...💜

الالتزام ما معناو بت #منقبه ولا ولد #مقصر بنطلونو ..
ولا معناو زول #معقد وبيقول على اي شي #حرام 💔

الموضوع ابسط من كدا ب كتييييير ....

الالتزام».... #تعفف عن المعاصي
واللي هي الزول ممكن في كل خطوه يعمل معصيه وهو ما حاسي
كلنا في حياتنا معرضين ل اقتراف الخطأ
لانو المعصومين هم #الملائكه بسسس

لكن انت كيف تتعفف عن المعاصي؟
وكيف كمان تكسب حسنات 💜
♢اقل حاجه غض البصر 😊
(النظره الاولى ليك والتانيه عليك) 😊

♢واماطه الاذى عن طريق الغير 
بسيطه وفيها اجر كبير . اذا شفت ليك حجر ممكن يوقّع زول كبير زحو من الطريق 🙂
♢ياخ ( تبسمك في وجه اخيك صدقه ) 💜
♢والكلمه الطيبه فيها اجر

الالتزام »...ممكن تتقرب لي ربنا بي حاجات بسيطه
مثلا #اذكار_الصباح ...تطبيق في تلفونك في المواصلات واحنا ماشين على جامعتنا او شغلنا نقرا اذكار الصباح
بدل ما نركب السماعات ونسمع #اغاني

♢ممكن نخصص وقت ولو ساعه ف اليوم ممكن بعد الفجر او بعد العشا
نقرا #ورقتين بس من كتاب #القران

(والله بصراحه انا ما قاعده اعمل الحاجات دي كلها ولسسسه المفروض حاجات كتيره نعملها)

ممكن بدل قصص الروايات الرومانسيه الزول يقرا كتب #دينيه ...مثلا في كتاب اسمو
(رجال حول الرسول) كتاب جميل اقروهو💜😊
وكتاب تاني اسمو (الطريق الى القرآن) اسلوبو سهل وبسيط 

♢😊الدين يسر وما بيطلب منك تكون زول #معقد ...
يعني الزول ممكن ب اقل شي يتقرب من ربنا من غير ما يضييق على نفسو ويحرم نفسو من حاجات اصلا ربنا حللها ليو 😊

وما اي شي الزول بقول عليو #حرام ...لانو زي ما قال رسولنا الكريم (الحلال بيّن والحرام بيّن) فما اي شي تدخلو فيو حلال وحرام 💔

خليك زول فاهم متفتح مواكب وعارف ااي شي بحصل
#في_حدود_دينك 😊
ما لازم عشان يقولو عليك زول
#ملتزم تكون #معقدها 💔

وكمان مفروض يكون عملك كلو لي ربنا سبحانه وتعالى
لانو اي عمل يقصد منه #الرياء
باطل 😊

#اخر_حاجه 😊

الصلاه ثم الصلاه ثم الصلاه
ما بتاخد من الانسان اكتر من 15 دقيقه كحد اقصى .....
انت ممكن تقضي ساعات بتتونس ...وساعات اكتر ع الواتس والفيس وانت بكااامل سرورك ...
تجي وقت الصلاه وتحسها تقيييله على قلبك وتشيل ليها هم ....
انت لو صلاتك بتصليها مجرد اداء واجب والمهم خلصت منها والسلام ...ما تصلي زاتو 😊
ﻗﺎﻝ ﺗﻌﺎﻟﻰ ؛ " ​ﻓﺨَﻠﻒ ﻣﻦ ﺑﻌﺪِﻫﻢ ﺧﻠﻒ ﺃﺿﺎﻋﻮﺍ ﺍﻟﺼﻼﺓ ﻭﺍﺗﺒﻌﻮﺍ ﺍﻟﺸﻬﻮﺍﺕ​ " .

#قال_الشاعر 💙 .....

ان المُحب لمن يحب مطيع 💜
فا من باب اولى تطيع ربنا #لانك_بتحبو 😊💜

طولت عليكم اعفو لي 😁💜

#AyaAbdo

ضياع الدر ..الحلقة 18 ..بقلم طارق اللبيب ..البنات صحو من النوم .. وفتحو الغرفة ولقو بدرية مافيشة .. طبعا مرت ساعة كاملة وهن نايمات .. يلا وقعدن يتصارخن .. وكل واحدي جرت على جيهة .. وفي خمسة دقايق الحلة كلها جاطت.. والبنات يتجارن حفايات ..والبلاقوها كلها تقول) العروس مافيشة (.. العروس رايحة .. في تلاتة شباب بس جرو على البحر .. لانهم سمعوا بانها عايزة تقع البحر ..وامها جات جارية .. وتسأل من إحسان.. احسان دي خالتها الحرسوها ليها.. احسان وينها .. انا ماقلت ليها راقبيها .. وينا المراقبة .. شوفو لي احسان دي .. وحات الليلة الا امعطها وازعطها .. وما إحسان وحدها؟؟ .. الحريم الكانن مع العروس .. كلهن لايصات ومافي زول لاقيهن .. جاريات بالشوارع زي المجانين .. ويقصو في الدروب والاتار ..كلها دقائق وجا واحد من الشباب المشو البحر .. والخيبة والخسارة مرسومةعلى وجهه .. وقال ليهم .. ياجماعة خلاص .. ماتفتشوا .. بدرية غرقت .. البقاء لله وحده ..انحن لقينا سفجتها دي فوق القيفة .. وعليها اثر الحنة .. ودربها دخلت علىالموية ..بس شوفو لينا ناس يطلعو الجثة من البحر ..وامها قعدت تكورك كضب ..كضب .. موصح .. بدرية بتكون .. في .. في ..شوفوها في بيت ناس صفية امشو شوفوها .. الولد قال ليها ياحجة استهدي بالله واستغفري .. الموت حق ..والزعيم جا مارق بسأل الحاصل شنو .. قالو ليهو بدرية غرقت في البحر .. دخل جوة طوالي .. ساق جماعة من الناس .. ومشو علي البحر ..وقال لهم امشو نادو لينا فلان وفلان .. ديل غطاسين وحواتة وناس بحر..وكل الناس مشو على البحر .. حتى اهل العريس .. وابوهو .. مذهولين .. وماعارفين انو العروس رافضة ولدهم ..لمن وصلو البحر .ابو العريس سأل الزعيم قال ليهو ياحاج هي بدرية تنتحر يوم زواجها ليه ؟ الموضوع ده عندو تفسير واحد ياحاج مع احترامي ليك . معناها البت دي ماشريفة .. وبتكون عاملة في روحها عملة وانت عايزين تكلفتونا بيها ..الزعيم قال ليهو علي الطلاق لو مابقيت ضيفي .. انا كان قديت لك كرشكدي بسكيني الفر ضراعي دي .. يا راجل ياخايب ..والكلام ده كان بينهم الاتنين .. يعني مافي زول سمعهم .. الناس كلها مشغولين بفتشو للجثة ..على طول الراجل الخايب مشى لجماعتو.. وقال لي معتصم.. اها ياولدي رايك شنو؟ نقعد نكمل الفتاشة معاهم ؟ معتصم قال ليهو .. ابدا" يا بوينحن ورانا مشاغل . .. والجنازة احتمال تلاتة يوم ماتتلقي .. نحن نسـاذن منهم ونمشي طوالي ..الراجل الخايب قال لي الجماعة يلا ياجماعة ربنا يجمع .. والبركة فيكم نحن ماشين .. في واحد من ناس الحلة .. من الناس المنغوليين البتكلمو بي براءة ديك .. قال ليهو ياحاج انت ابو العريس ..وداير تمشي قبل العروس تتلقي ؟ انا لو بقيت بدرية مابعرس ولدك.. بقع البحر ..والزعيم يعاين ليهم .. وقال بصوت عالي .. الحمد لله ال بدرية وقعت البحر ومادخلت عليكم .. على الحرام .. انتو ماكن رجال نسب .. وركبو عرباتهم وفاتو ..ومازال البحث جاريا" .. من الساعة 2 ضهرا" لعاية المغرب.. قبل المغرب بشوية .. الجماعة طلعوا قطعة قماش والناس قالو دي طرحتها الكانت لابساها .. ودو القطعة لامها وقالت فعلا دي طرحة بدرية ..وكدا اي امل عند امها انو بتها ماغرقت اتلاشى .. واتأكدت من وفاة بتها .. وبكت تبكي بمرارة ..وتقول الله ينتقم منك يا احسان .. واحسان ماجاتها ملاقتها نهائي .. قالت امشو .. فتشو لي أحسان جيبوها لي من سابع ارض .. مشو لقو احسان متدسية تبكي وترجف في البيت الكانت فيهو العروس .. وشكلها كدا مخها مامزبوط ..لانها بتبكي وتسكت .. وتسرح .. وتاني تصرخ ..وكان يوم من أسوء الايام المرت على القرية .. اي زول يبكي بي جيهة براهو .. ومافي زول لايم الزعيم ..لانو شاور ناس الحلة في اي تصرف كان عايز يتصرفوا .. حتى زوجتو مالايماهو .. الناس كلهم لايمين الجيلي لانه خذلهم ..ومشى اشتغل في المخدرات على حسب الاخبار )الغير صحيحة بالطبع(..الغريب في الامر انو الزعيم مارمى ولادمعة على بيتو كان بتعامل عادي..مع انو الناس كلها متأثرة .. راجل قلبو قاسي ..لمن جا المغرب والواطا ضللمت ..الزعيم قال للناس على الطلاق.. اي زول يمشي على اهلو.. وصباحات الله بيضا.. مافي زول يفتش بالليل دا .البحر كله )برد(.. )البرده نوع من السمك فيها تيار كهربي عالي وهي سبب غرق كتير من السباحين المهرة( .. الزعيم قال انا ما مستعد افقد لي زول تاني ..امرقو لابرة امشو على بيوتكم نجي الصباح .. والناس دي الليل كلو يبكو..وبيت الفرح اتحول لي فراش بكا.. وبكا حار كمان مو بكا هين .خلونا نمشي من جو الاحزان ده على خبر الجواب .. الجواب وصل السعودية..ووصل لناصر وفتحو قراهو ولقا فيهو انو .. حامد كاتب :وصل إلينا خطاب من طرف ناصر وفيه ان الجيلي مسجون في قضية مخدرات ..والخبر عمل بلبلة في البلد وفضيحة كبيرة وحاج احمد فسخ خطوبة الجيلي ...والبلد كلها بتلعن في الجيلي .. الرجاء ان توافونا بالاخبا ربالتفصيل .. طبعا الجواب اتكتب قبل خبر الوفاة .. يعني

مافيهو اي خبر عن وفاة بدرية..اها ناصر لمن قرا جواب حامد .. خاف جدا" من انو الجيلي يعرف انو جواب ناصر كان السبب .. وارتبك ارتباك شديد .. في النهاية قرر انو يحكي لحاج مهدي ..ويكتمو الخبر على الجيلي .. ومهدي وناصر مشو لمسعد وحكو ليهو في سرية تامة ..وقالو ليهو نحن عايزين نعالج القضية دي بدون الجيلي مايعرف ..وماكانو عارفين انو الليلة بدريه في خبر كان ..لو عرفو الحاصل ده كانو غيرو رايهم من الفكرة من أساسا..المهم قعدو واتشاورو كتير جدا .. وعملو خطة محكمة ولكنها مخططة علي غير هدى لانهم ماعارفين المستجدات ..المهم .. الى اللقاء ..

حلقه ]17[ سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..عايز يديهو التلفون اتزحلق وقع من يدو لا ارادياً كدا انا دنقرت اتناولو من الارض يدي و يد عم عبدالله اتصادفو و عيني وقعت علي يدو شفت خاتم شكلو غريب ، ركزت فيهو شديد , وهو سبقني ورفع التلفون من الارض لحظي الحلو الحظ حالفني اني م افكر في الموضوع كتير ، و وليد بعد خلص مكالمتو مع امو قال لعم عبدالله : يا ابوي انت الخاتم دا بعد كدا خلاص اجدعو و انا اوعدك بشوف ليك واحد نفس النقشه ، قاليهو يا وليد زي دا ما بيتلقي تاني ، قلت بيني وبين نفسي خاتم غريب شديد ، عاينت فيهو لمن حفظتو حاجه من الله بس خلتني اركز فيهو ،لمن خلاص زمنا قرب ولازم نخش صاله المغادرة ، ابتدا يوصي في وليد خلي بالك عليها البت دي امانه في رقبتنا و ....الخو فات علي كدااا ، جا دور هيثم الكان واقف في صمت غريب .. ودعوووو و غمز لي للمرة التانيه بالاضافه للابتسامة الما فارقت وشو خالص ، اخر كلمة قالوها قبل نحن نمشي و هيثم يمشي ، وليد قاليهو " زي ما كلمتك تمام" رد ليهو هيثم "يعني مصمم ؟ " رد ليهو وليد "شديد" .. و مشينا علي كدادخل جوازاتنا ومشينا صاله المغادرة ، ماشين نقعد ، قال لي ماشه وين ؟قلت ليهو كيف يعني ؟ قالي شايفه الممر دا ؟ قلت ليهو ايوة ! اخدي يمينك حتلقي الحمامات ، غسلي المهرجان الفي وشك دا !! قلت ليهو لا ما حأغسلو ، انا عروسه و دا شي طبيعي اكون عامله مكياج ، قال لي ما بكرر كلامي مرتين ، مسافه الرمشه بس ، شايفه الرمشه دي ؟ ما اشوفك قدامي بوشك دا .. قلت يا اقبال اكسري الشر و قومي .. مشيت دخلت الحمام و الغصه خانقاني كرهتو كراهيه ، لكن وديني وايماني يا وليد الزفت انا ما حعديها ليك علي خير ما اتخلق اليهيني كدا ،، غسلت وشي تمام و رجعت ليهو بأبتسامة حيرتو و قعدت زي الما حصل حاجة ، قلت ليهو جعانه انا ، قال لي انتظري اسي بتاكلي في الطياره ، قلت ليهو افرض الطياره اتاخرت ، قالي كلامي واضحقلت ليهو لالا لحظه انا عايزة افهم انت مالك في شنو فجاه اتحولتا 360 درجة ، ولسه لحد اخر لحظه حب و رومنسيات ، مالك عندك انفصام ؟والله من قلت ليهو عندك انفصام و شال يدووو و صراااااااج في وشي لمن رقبتي دي اتلوحت ، قدام الناس انتو متخيلين عروسه تنضرب في لحظة مفروض تكون من اجمل لحظات حياتها .. ضحكت ضحك بي دموع ضحك هستيري ، انه بالجد حابه افهم كل حاجه حولي عباره عن علامة استفهام حقيقيه ، قال لي بتضحكي مالك )بنهرة( قلت ليهو في الراجل البيمد يدو علي مرتو في اول لحظلت شهر العسل ، تفتكر دا يسمو شنو ؟ )ااااي لسه بقل في ادبي (طبعا من كميه الاستفزاز في كلامي ما رد علي ، قمتا مشيت علي الكنتين=)كافتيريا( بتاع المطار ، قال لي ماشه وين ؟ عاينت ليهو ولا كأنو بيتكلم معاي ، مشيت اشتريت لي تصبيرة لانو بجد م اكلتا من العصر ، جا علي وقعد قدامي و بيعاين لي وانا باكل ، قلت الا استفذو ، قلت ليهو وليد ؟ قال لي نعم ، قلت ليهو بتعاين لي كدا مالك كان جعان اطلب ليك انا ما بهون علي اشوف راجلي جعان ، سكت كتما كتمة ...بس لاحظت بتجيهو كمية من الاتصالات يا شال التلفون و مشا بعيد ، يا قضا المكالمة كلها اممممممم واه و ايوة و نعم ولا و كيف ....الخ ، بعد شويه زمن رحلتنا جا و اتجهنا علي الطياره ، قعدت علي الشباك )دي اول مرة اركب طياره ( و هو قعد جمبي و انا طلعت تلفوني بقيت بتصور سلفي ، قال لي دخلي تلفونك دا واقفليهو ، قلت ليهو بعد اخلص ، قال لي كلامي واضح ؟وحاتكم انا ام البرود و الببدا انا بتمو ليه اصلا م بفرق معاي شي ، كملت تصويري و دخلت تلفوني في الشنطة ، واخدت تكيتي و وضعيتي ، اتحركنا والامور تمام ، بعد شويه شالتو نومة و راسو نزل علي كتفي ، لمن خلاص بقي تقيل علي صحيتو قلت ليهو راسك دا شوف ليهو مكان تاني لو سمحتا لانو تقيل ، والله حمر لي حميرة كان م نعسو داك كان قشطني كف تاني ..المهم ما حصل شي يذكر ، وصلنا قريب الصباح ومن المطار علي الفندق ،دخلت استحميت و لبست اطول حاجه عندي و مشيت السرير وجريت لحافي ، وهو قاعد في الكرسي المقابل لي السرير ،،عملت فيها نايمة وبشخر ، اتصل بي زول ، قاليهو اخبار المستشفي شنو ؟ داك رد ليهو وقاليهو ، كلها اربعه يوم بالكتير بجي استلم منك ، انا استغربت موظف البوديهو المستشفي شنووو !!! قفل علي كدا بعدها ابوهاتصل عليهو ، بس بيقوليهو يا ابوي انا ما صغير انا ماشافع كل مرة تعيد لي كلامك دا ، يا ابوي قلت ليك ما تشيل هم انا مرتب كل حاجه .. انا قلبي اكلنيو اتذكرت الخاتم الغريب الفي يد عم عبدالله حفظت شكلووو تمام التمام بقيت بفكر لمن م عارفه نمت متين ولا كيف ..صحيت ما لقيتو في الغرفه ، عايزة اكل و ما عارفه اتصرف كيف ولا يتكلموكيف انجليزي زاتو ما عندي .. عجبني الجو شديد مشيت وقفت في البلكونه بي حمالات ، الا فجاه اتذكرت تلفوني وهيثم قلت اكيد في توضيح منو للحصل ، ب

س حيتصل بي كيف و شريحتي تكون قفلت ونت لواتساب زاتو ما عندي ، قعدت افكر كداااحاجات كتيرة شغلت بالي و تفكيري .. خطتي الماتميتا ، ولا كلو كووووم و سكوت وليد علي موضوع هيثم دا كوم ، ي ربي هو اتغير مني عشان كداااا..بقيت بفكر و اجمع الاحداث لمن ..استككانة,~يتبع .......

حلقه ]18[سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..بقيت بفكر و اجمع الاحداث لمن ..ابتديت اشك ان اي راجل دخل حياتي كان بتدبير من طرف خفي ، من طرف قاصد انو ينتقم مني او يعذبني او يحيرني ، في حين ان انا ما حصل اذيت زول ، فجاه قمت ناطه و اتزكرت الفاروصه منو بلبس خاتم فضه فاروصتو حمراا ، وووووبعلي وووبعلي ما معقول اعوز بالله من الشيطان الرجيم بسم الله لالالا ما معقول يكون ابوي ، لالا الخاتم دا انا شفتو ، قاطعني وليد م حسيت عليهو لمن جا داخل ، قال لي مالك بتحضري شياطين تتكلمي براكي ، عاينت ليهو من فوق لتحت ما اشتغلت بيهو ، تاني قلت لنفسي يا بت اعقليعشان اقدر استدرجو في موضوع الخاتم ، انا م خليت زول م شكيت فيهو ولاني ما قعد ادقق في الحاجات دي ف بالجد كان صعب علي شديد اني اقدر اصل .. ختيت حاجه في اكتافي و مشيت قعدت جمبو قلت ليهو كيفكان يومك ؟ قال لي تمام ، قلت ليهو وليد يا ريت لو في حاجات جواك حابي تتكلم عنها ياريت نتناقش فيهو ، قال لي انتي شايفه ان في حاجه ؟ قلت ليخو تصرفاتك م قادرة افهما و ....قاطعنا اتصال ، رد قدامي قال : الوووو حبيبتي و عيونو ديل بيلمعو لمع انا من الذهول لمن ما قادرة ارمش ، بضحك بصورة من ما عرفتو ما شفتو بضحك كدا ، وحات الله نار و ولعت فيني ، الغيرة عمت عيوني والموقف استفذاني شديد ، من غير ما احس شلت جك المويه القزاز و طرااخ جدعتو بيهو بكل قوتي ، الجك جلا منو لكن القزاز طار فيهو من الخلعه لمن تلفونو وقع من يدو ، مشيت رفت التلفون و قلت ليها اسمعي هنا انتي لو ماعندك اهل يربوكي وحات الله الخلقني انا بصلك وين م تكوني و حقطعك حتت و ااكل لحمك للكلاب الضالة ، فهمتي ولا لا .. و قفلت السكةبعد المكالمة دي انا مهما حكيت ليكم عن العملو معاي وليد ما حيخطر فيبال وحدة فيكم ، مسكني من شعري و جراني جر لمن حاولتا اقاويهو وقعت في الارض ، قايلنو خلاني ؟ مسكني جراني في بلاط الغرفه جر من شعري انا لمن جسمي دا مات بصرررخ وبكورك وليد فكني وليد فك شعري انت بتألمني وحات الله زي التور الهايج بس يجر فيني من غير رحمة ، رماني في السرير و بقي يلطش فيني كفوف بكل قوتو لمن مناخيري دي جابت دم ، دق بعنف لمن فقدت الوعي تماماً .. بعدها صحيت لقيتو قاعد في الكرسي ما عمل لي اي اسعاف ولا حاول يفوقني ،قال لي : انا من اول لحظة شفتك فيها و عرفت انك ناقصه تربيه و قليله ادب و شفتي حكون قاعد في حياتك زي العمل الشين ، ولسسه ياما حتشوفي ، قدامك ساعه تجهزي فيها و من هنا علي السودان و ابقي مرة يا اقبال تكلمي زول من اهلك ، والا الدور الجايه حتبقي علي اختك .. قلت ليهو اختي انا !!! اختي غيداء ، مالك بي غيداء و داير منها شنووو ، جا مسكني من رقبتي قال لي كلامي واضح ؟ هزيت راسي )ايماء بالموافقه(بالجديمكن انا ما كملت 24 ساعه برا السودان لكن الغربه الانا حسيتا م حتتخيلوها ، انا بكيت دم و ما لقيت زول لا امي ولا اختي .. طلع من الغرفه انا لبست لي عبايه ، و بقيت قاعده منتظراهو من الجوعه لمن راسي لافي ، جا داخل شال الشنط و انا ماشه وراهو ومغطيه وشي بالطرحه عشان اثار الضرب والجروح الفي وشي ،وصلنا المطار و من المطار الطياره ، ما صدقت المضيفه جابت لي الاكل قعدتا اكل زي الشرفانه ، و لا اشتغل بي ولا فتح خشمو معاي ، وصلنا السودان ، اتصل علي ابوه قاليهو انحنا في السكة كلم امي ، و علي كدا قفل ، وانا دموعي ديل ما وقفو ، وصلنا البيت كلهم كانو قاعدين في الصالهما عدا احمد و عم عبدالله ، ماف زول فيهم سال عن الحاصل ولا الفي وشي ولا اي سوال ،امو قالت لي : عروسه الموسم مبروك ياخ كيف كان شهر العسل ؟ بقتتضحك قالت لي الجواب باين من عنوانه ، قالت لي اكيد تعبانه ، نادتالحبشيه قالت ليها وصليها غرفتا ، طلعت معاها في دور تالت مافيهو غير الغرفه دي )غرفتي( الغرفه دي زي مخزن للعفش المركون والمكسر ، منخشيت الغرفه الغبار كتم علي نفسيبقيت اقح ، قلت للحبشيه اكيد دي ما غرفتي انتي غلطانه ، جات ام وليد و وليد ، نهرت الحبشيه قالت ليها انزلي شوفي شغلك وياريت ما تساعديها و لو جيت لقيتك رفعتي معاها قشه ما حيكون ليكي اكل عيش في بيتي دا ، انا مخلوعه ليييييييه دا كلو ! منتظرة وليد يتكلم مع امه ، خش غرفتووو وقفل الباب ، و دي مشت خلتني و انا بقيت براي ، قلت انا مستحيل اتحمل كدا ، فتحت شنطة يدي بفتش في تلفوناتي ما لقيتهم قلبت عليهم الشنطة دي فوق تحت اختفو ، خشيت اولع اللمبه ، اللمبه خربانه و كرور و وسخ و تراب مستحيل حيوان يقدر يعيش فيها ، بس خشيت وقعدت لي في ركن و بقيت ببكي بكاااا حاسه بحرقه جوة قلبي نار شابه فيني ، انا ليه بالسوء دا ، لو كان سمعت كلام امي كان حيحصل لي شنو ، يا حليلك يا امي يا حليلكم والله ، والله ندمانه انا كيييف قدرت ابعد عنكم بالقسوة دي كيييف ، بقيت بكورك و العن في نفسي ،قمت علي حيلي و بقيت بضر

ب في نفسي كفوووف ، فوقي يا اقبال فوووقي من متين زول بقدر يبكيني ولا يهزني ولا يقدر ينزل مني دمعه ،انا اقباااااال بت مناال ،م انخلف اليكسرني ، سكت مسافهقلت الناس ديل مش علي اساس اصحاب ابوي !!!!!!!!! طيب ليه بعاملوني كدا......استككانه

ضياع الدر ..الحلقة ال19 ..بقلم طارق اللبيب ..طبعا" كانت الخطة العملوها الجماعة الفي السعودية، خطة غير مدروسة، لانها مبنية على معلومات ناقصة، او قول انها خطه عرحاء .لانهم. ماكانوعارقين خبر الوفاه . المهم الخطة بدت في التنفيذ الان، ونحن متابعين . مسعد اصر اصرار شديد انو حاج مهدي يسافر البلد، لانه حامد في الجواب ماحكى ليهم انو الزواج مواعيدوجات .بس طلب منهم الاخبار بالتفصيل ، واخبرهم بفسخ الخطوبة . المهم واتفقوا على الطريقة البتم بيها تبرئة الجيلي امام اهله وناس حلته من التهمة .وبعد مايسافر عمك مهدي بي يومين تلاتة ، مسعد هو ذات نفسه حيحكي. للجيلي الحاصل ويجهز ليهو .بعض الترتيبات والنثريات الممكن تساعدو، لو ما وفاء بالطلبات كامله بجزء كبير منها ، بس كانو خايفين انو الجيلي مايقبل قروش من مسعد ، بغير عمل خصوصا هو قبل كدا التبرعاتوكت طلوعو من السجن قبلها بالتلتة .عم مهدي اصلا هو كان مسافر لاولادو بعد شهر عشرين يوم .. قاليهم مافي مشكلة لو انا استعجل عشان الجيلي . دي اقل حاجة ممكن الواحد يعملا عشانه .استعدا للسفر وقام حاج مهدي ..بعد ما أخد الوصف كامل من الاخ ناصر صاحب الجواب ..وطبعا" متفين على الحاجة الممكن يعملها هناك في البلد .. وأول ماوصل الخرطوم . ركب طوالي مشى لاولادو وسلم عليهو وخت عفشو وشنطو . وقال ليهم انا عندي سفرية صغيرة كدا وبجي . قال وسافر طوالى على قرية ناس الجيلي .. كان اليوم يوم خميس . سأل من بيت الزعيم حاج أحمد . ومشى لقى الناس متلمين ومفرشين في الارض وبستقبلو في العزاء والفواتح .. المهم رفع الفاتحة وقعد . ومافي زول من الناس عارفو ده منو.؟ وهو ماعرف الزعيم ده المات ليهو منو .بعد اده الفاتحة وقعد . والديوان مليان ناس . جابو ليهو مويه شرب وختو ليهو مخدة لانو ظاهر عليهو اثار السفر والغبار . يعني من قام من السعودية وصل الحلة في اربعة ايام .. وهنا كانت الوفاة ليها اسبوع بالتمام والكمال ..وجابو ليهو شاي شرب .. والناس القاعدين كل واحد يعاين للتاني وفي عيونهم سؤال هو: الزول الغريب ده منو؟ الزعيم ذاتو ماعرفو ..في لحظة والناس ساكتين كلهم .. قام حاج مهدي على حيلو.. وقال لهم:) السلام عليكم ورحمة الله .. طبعا" انا زول غريب عن البلد دي ..وجيت ماعارف الوفاة ولغاية هسع مانعارف الميت منو؟ لكن جيت الحلة مخصوص عشان زول من اولادها ..الحقيقة ياجماعة انا اسمي فلان الفلاني ..من المنطقة الفلانية ..متزوج وعندي خمس بنات اكبر بت فيهم عمرها 15 سنة . شغال ومقيم في السعودية في جدة .. كنت ساكن في بيت عزابة ومعاي اتنين من الشباب.. وكانو الشباب الاتنين بتاولو المخدرات .. وانا كنت مضطر اسكن معاهم رغم اني متضايق وكاره روحي ..في يوم من ذات الايام جانا واحد يسكن معانا من الشباب الافاضل اسمو الجيلي ود فلان .. وكان انسان بمعنى الكلمة كله خير وبركة .. وكان انسان نادر الوجود في الزمن الغريب ده ..في يوم من ذات الايام كان الجيلي نايم وانا مافي .. كبست الشرطة على البيت الى آخره .. وحكى لناس الحلة تفاصيل انو الجيلي برئ ودخل السكن فدائية عشاني وعشان ظروف بناتي .. لكن الحمد لله المحمكمة براته وطلع من السجن عزيزا مكرما محترما" ..وانا ماعارف ارد ليهو الجميل ده كيف بس قلت اقل حاجة ممكن اعملا هياني اجي ازور قريتو واسلم على الناس الطلع منهم الولد الملك ده ..وبالجد ياجماعة انتو ناس تستاهلو يكون الجيلي ولدكم .. الجيلي انسان نادر الوجود ..((بعد حاج مهدي كمل كلامو إتفاجأ انو الفراش كله ضجة بالبكا .. واي زول قبل على حيطة وقعد يجوعر ..وعمك مهدي استغرب ماسر هذا البكاء ..حتى الزعيم اول مرة في حياتو يبكي .والناس يشوفو دموعو .. سبحان اللهالراجل القلبو قاسي ، على بتو ما بكى. يدمع من قصة براءة الجيلي ..اها الزعيم حاج احمد قشقش دميعاتو ووقف على حيلو ..وشكر الراجل حاج مهدي ..وقال ليهو الله يبارك في ايامك .. ويحفظ ولدنا الجيلي .. انت بالجد ازحت غم من قلوبنا لايعلم به الا الله ..لكن للاسف اتأخرت تأخير شديد .. عارف نحن المفروض نعرف كلامك ده من قبل اسبوع على الاقل .. لانو العزاء الانت شايفو ده .. عزاء بتي الكان الجيلي حيتزوجها ، وهي غرقت في البحر ،لانها سمعت بانو الجيليبياع مخدرات، ونحن حنزوجها لزول غيرو . عشان كدا وقعت البحر . ونحنبنمشط في الموج ليل ونهار . لغاية ما جانا جواب من منطقة في الشمالية.. انهم طلعو جثة بت من البحر . مشوهة وعليها اثر الحنة ،ودفنوها، كدا نحن وقفنا الفتاشه في البحر واستسلمنا لقدر الله ..حاج معدي تخ طوح ولفه صينة وجا داق الواطة لامن الناس الجنبو لحقوهو مايقع يكسر راسو بي حافة الصبة ..وقعد يجوعر ويبكي زي الشافع الفطيم ..وطوالي لبس نعلاته ومرق وقال لهم ودعتكم الله .. ياجماعة .. وقدر الناس ماحاولو يوقفوهو ماوقف. وفات ..طبعا في الوقت ده مسعد كان حكا للجيلي قصة الجواب .. وقال ليهو حاج مهدي سافر قدامك ومشى يثبت براءتك لناس الديرة .. وانت راح تمشي وتلاقى المواضيع قد

امك زينه مية في المية .. انا دقيت ليك خروج وعوده .. ومنتظرك تجيني بالبشاير .والجيلي ارتبك وخاف جدا انو بديرية تفلت من يدو ويزوجوها لزول تاني..ولمن مسعد مدا ليهو قروشو .. كانت قروش ماهينه وماقدر حقو الحقيقي اكتر بكتير .. الجيلي فعلا اتردد ..مسعد قال لييهو اصلا مافي مشكلة.. بعدتتزوج تعال راجع وسددهم بالشغل ..قال ليهو افرض حصلت لي حاجة ..يكون دين في رقبتي ؟ قال ليهو انا عافيها ليك ..المهم الجيلي سافر في عجلة واستعجال شديد ..الى اللقاء .

ضياع الدر ..الحلقة 20بقلم طارق اللبيب ..الجيلي غشى باب شريف في جده .. واشترى الشيلة .. وكل مايلزم تجهيزاتو ..مع انو ماضامن البحصل هناك شنو؟ .. الزول ده زول غريب .. وفهمو شنو انا حيرني ..المهم قام وسافر ..طول الطريق سارح في الافكار .. ويتبسم وشايف الطريق طويل .. وبفكر انو يشوف بدرية بقت كيف .. وهو كمل قريب للسنة ماشافها .. وبتخيل في بسمتها وفي عيونها واستهبالا . وضحكتها الخافتة .. وسارح مع الخيال . وماجايب خبر للناس المعاهو في السفرة .. الجيلي بريد بدرية ريدة غريبة .. ومامعروف تاثير الخبر يكون عليهو كيف ؟ ..الجيلي وصل الخرطوم بالمساء . وقال للتاكسي يوديهو بيت العزابة .. وهناك مالقى العزابه . . لقى بلولة )الدحيش( .. سلم عليهو بشوق عجيب.. ما عارفو ده سبب المصايب والبلاوي .. قال ليهو وين الجماعة .؟قال ليهو مشو السينما .. وقالو الليلة بايتين مع الصادق في السجانة .قال ليهو وانت مالك مامشيت معاهم ؟.. قال ليهو انا جاي من المستشفى.. ابوي عندو حبس بول .. وقالو عندو حصوة في الحالب ..والوضع صعب شديد .. والله يا الجيلي انا عندي عجلة جديدة بعتها للعلاج .وبرضو ناقصة لينا قروش كتيرة .. وحق العملية لسه مادبرتو .. وماعارف اسوي شنو؟.. ابوي تعبان شديد يكورك من الالم ,,وهسي انا ...............وسكت . قال ليهو وانت مالك كمان؟ ..الدحيش قال ليهو وانا ظهر لي سكري .. غايتو مصايب ورا بعض ..الجيلي قال ليهو ربنا يلطف يابلوله .. قروش العملية كمها؟ .. وراهو .. قال ليهو مافي مشكلة .. انا بدفعها ليك عشان الوالد تعبان .. متى ماانت لقيتها ممكن ترجعها في اي وقت .. ابوك زي ابوي .. وما ممكن اخليهو متالم في حالة خطرة بالطريقة دي وامشي ..في اثناء النقاش .. الدحيش فهم انو الجيلي ماعارف انو بدرية ماتت ..وماعرف يكلمو كيف ..في النهاية قرر انو يسكت ومايكلمو .. قال احسن يجيهو الخبر من زول تاني .. احتمال لو عرف الخبر .. يغير رايو مايديني القروش .. هسي لانو فرحان بديني ليها.. ده الدحيش بتكلم مع روحو .. المهم الجيلي دخل استحم وطلع عد القريشات لي الدحيش اداها ليهو ..وقال ليهو اصبر شوية .. انا امشي معاك المستشفى اشوف الوالد ..قال ليهو لالا انت ماتمشي .. لانو البيت مامقفل كويس .. يجي حرامي يسرق حاجاتك ديل ..انت بعد اديتني القريشات .. والله تاني ماقصرت ربنا يبارك فيك ..الجيلي بات في بيت العزابة .. والدغش قام سافر .. ولغاية الان ماعندو خبر بالحاصل في الحله ..وصل الحله واول مانزل في بيت اهلو ..لقى وامو وابوهو .. موجودين .. ولمن شافوهو انفقعو بالبكا .. وهو مندهش من بكاهم .. لكن قال احتمال شوق ساي ..وسلام ومرحب وحق الله بق الله .. امو قالت ليهو ربنا يعوضك ياولدي.. ويعوضها الجنة في شبابها .. قال ليها منو يايمة البعوضها الجنة في شبابها؟؟امه سكتت ساي وعرفت انو ماعندو خبر ..ابوهو قال ليهو .. الجيلي ياولدي انت هسي جاي من السفر .. اخد راحتك بعدين نحكي ليك ..قال ليهو ياابوي في شنو؟؟ انا حاسي انكم داسين علي حاجة .. صفية اختي وينها ؟ هي كويسه؟؟ .. صفية جات من جوة تنفض في يدينها من الصابون .. كانت بتغسل ..لمن الجيلي شافها اطمأن شوية ..وسلم عليها بكل فرحة .. وقعدو التلاتة ماعارفين يحكو ليهو كيف ؟بعد شوية جا حامد من برة .. ورفع مع الجيلي الفاتحة . قايلو عارف .. الجيلي رفع الفاتحة ومطير عينيهو .. ومافاهم اي حاجة ..بعد سلم علي حامد بكل شوق وابتسامة . قال ليهو ياحامد اخوي .. انت رفعت معاي الفاتحة في منو؟ .. حامد قعد يعاين لابوهو وامه ..قال ليهم يعني موعارف؟قالو ليهو لا الجيلي كورك في حامد ) ياحاااااااااامدفي شنو؟(حامد قال ليهو : ))بدرية بت حاج احمد غرقت يا الجيلي ..((قال ليهو غرقت كيف يعني؟؟ .. قول كلام غير ده .. انتو دايرين تسوو فيني مقلب ومتفقين عليهو وقعد يضحك وهم يعاينو ليهو..حامد قال ليهو .. انت بعد ماسافرتا جو ناس يخطبو بدرية والزعيم قالليهم كيت كيت نحن وبعد انت سافرتا بي فترة جانا جواب من ناصر انك كدا كدا .. قال ليهو عارف ده كلو .. قال ليهو الزعيم قال قال والجماعة جو يعرسو بدرية .. ويوم عرسها وقعت البحر .. و ما اتلقت تانيالمهم .. ليهو كل تفاصيل الحصل ,,وانو بدرية غرقت في البحر .. وفتشنا ليها ومالقيناها .. وفي النهاية قلعت في الشمالية ودفنوها هناك ..قال ليهو اولا قصتك دي ماقادر استوعبا .. وماركبت فيراسي نهائي ..ارح معاي على حاج احمد .. وهم في الشارع اي زول يلاقيهم .. يدور يرفع الفاتحة مع الجيلي .. الجيلي يرفض .. يقول لهم انا مابرفع فاتحة في زول ماعارفو حي ولامات .الا اتاكد انو مات فعلا".خلاص الناس حسو انو جنا وعقلو بقى ما مظبوط ..وصلو لي ديوان حاج احمد .. الزعيم اول حاج ماشاف الجيلي خنقتو العبرة ..ودموعو اشتتن ..الجيلي قال ليهو .. السلام عليهم ياعمي ويازعيم البلد .. انا مابرفع الفاتحة في بدرية لاني مامتأكد انها ماتت .. لازم تقنعوني ..حاج احمد قال ليهو ياولدي الموت حق .. اصبر والصبر جبر

..الجيلي قال ليهو انتو لقيتو بدرية ؟ طلعتوها من البحر اتاكدتو ؟قال ليهو ياولدي كل حاجة بتدل على الموت .. سفنجتها فوق القيف .. وطرحتها طلعناها من الموية .. واثر كرعيها دخل على البحر .. واهلك في الشمالية في المنطقة الفلانية ..)المنطقة اسمها كجي في الجزيرة مقرات منطقة في الرباطاب( .قالو طلعو جثة بت محننة ودفنوها .. ..الجيلي قال ليهو برضو انا مامقتنع .. لمن اتاكد انو بدرية ماتت .. بجي برفع معاك الفاتحة .. واقسم بجلال الله بدرية تكون ماتت .. انا تاني في حياتي ما امسك مرة بيدي .. لامن الاقى الله ..

حلقه]19[سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..قعدت و مليون سوال في راسي ، كل العرفتو اني ما حضعف ، نمته وانا قاعده علي رجولي عارفين نومة الذئب ، قاعده بالمرصاد ،، جا الصباح ، حرصت علي اني اكون اول واحدة اصحا ، ولازم افهم الحاصل .. في فتحتالعكرة بتاعت الباب ، بعاين بيها شفت وليد جاي علي غرفتي و متردد ، اكتر من مرة يجي و يمشي ، لحد م نزل و اتاكدت انه برا البيت ، اتسحبتا مشيت غرفتو و تربست الباب من جوة ، فتشت غرفتو دي فوق تحت بس بي بفهم كنت برجع كل ورقه في مكانه ، اول حاجه شهاداتو و عرفت انه جراح اول و درس في الهند و العرفتو ان ليهم علاقه بي بورتسودان ، لانو الابتدائي والمتوسط قراهم هناك ، تعالو افاجأكم و اخيراااا لقيت مكان الفاروصه الصح ، بس للاسف الفاروصه في دولابي في بيتنا ، لقيت الخاتم تحت صف البناطلين في دولابه ، الخاتم في حجم بيضاوي بس م حصل شفت وليد دا لابس ليهو خاتم ، انا لو شكي في محلو اذن الدهب دا موجود في الغرفه دي ، سمعت صوت برااا و صوت سهاد بتقول لامها ، وينا اقبال يا امي الغرفه فاضيه ، طوالي حررت الترباس و ما عندي طريقه اطلع ، دخلت تحت السرير ، ما عارفه جاطو ولا حصل شنو لمن بقيت م سامعه حركة ، رجعت تربست الباب و بقيت بفتش حاسه اني قربتا انا لازم افهم كل حاجه ، فتحت ضلفة الشماعه لقيت شنطة السفر فتشت الجيوب السريه لقيت تلفوناتيو واحد ربيكا حقو ، شلت الربيكا و شلت شريحتي من التلفون لقيت انها مقصوصه نا حتركب في الربيكا ، طيب والحل ، قلت انا اتوكل واشيل تلفوني واخليهو يتوهم ان التلفون دا ضاع ، شلتو دسيتو جوة صدري ، اناكدا وجودي اكتر من كدا خطر علي ، طلعت التلفون وفتحت فيديو ، وصورت الغرفه فيديو و عملت حفظ و طلعتا ، ورجعت التلفون في صدريو طلعت و قفلت الباب ، طالعه كداااا لقيت احمد في وشي ... ودا الما اتوقعتو ولا عملت حسابو ، هو زاتو اتخلع ، قال لي اقباااااال !!!قلت ليهو ايوة خشيت اشوف وليد لقيتو ماف و طلعتا ، قال لي خليكي من وليد وشك مالوو ؟ قلت ليهو وقعت علي وشيو م قدرت اتاقلم طلبت من وليد نرجع ، قال لي اهاااا ، و قف و تكا علي الحيطه ، وبقا يعاين فيني من فوق لي تحت ، نظرات عمري ما حنساها..لقيت حمام في الدور خشيت استحميت و شلت غياري و غيرتا و اتكحلتا و اتروجتا ، و ما يهزني ريح للمخملية والريحه ختيت ، و جيت نازله .. لقيت عم عبدالله وامهم و سهاد واحمد قاعدين ، نزلت ليهم بي ابتسامه حيرتهم ، م عدا عم عبدالله ، قال لي اقبااال !! حمدلله علي سلامتكم ، قلت ليهو الله يسلمك ، مع انه وليد كلمو لمن كنا في العربيه ، بس ليه عمل نفسو مخلوع ، طبعا انبهرو من شكلي وانو م اتاثرتا بالعملو معاي بس كمان م بنكر انه كان درس قاسي شديدو عرفت قيمة اني اكون محاطه بي ام واب واخت ينصحوني ...فطرت معاهم رغم صرتهم لي ، جيت اطلع امهم قالت لي ، الليله تسويلينا غدا شنو يا اقبال ؟ قلت ليها والله انا في بيت ابوي ما طبختا ، فاااكيد القاعده حتنطبق علي الكل .. و طلعتا خليتا ، خشيت الغرفه لقيت في مرتبه مفرشه و ملايه نضيفه و مكان لنومتي نضيف ، اتخلعتا .. كيف ومنو العمل كدااا!! بقيت منبهرةاستككانة~يتبع ......

سوزوكي قُلتَ 👣:
مهما حصل بينك وبين زول قريب منك مشاكل وافترقتو ايا كان السبب وجاك في يوم محتاج وقفتك !اقيف معاهو ماعشانو هو لا عشان نفسك وعشان الوعد الانت قطعتو زمان لمن قلت ليهو انا عمري ماحاخذلك ....رغم اي حاجه بينكم بس طعم الخذلان ماااحلو اقيف معاهو لحدي ماينتهي الموقف وخليهو وامشي صدقني في يوم حتكون قاعد براك تتذكر الموقف دا وتبتسم لانك عملت العليك وعملت بي اصلك ويمكن في يوم من الايام انت تحتاج لي وقفة زول بعيد منك وربنا يسخر ليك البيقيف معاك ...دايما عامل الناس بي اصلك واتذكر انك حتلقى اشكال كتييييره فيها البي يستاهل وفيها المابي يستاهل لكن خلي اخلاقك فوق اي شي ومهما قابلت ناس سدو نفسك عن الحياه صدقني ح تلقى البي يستاهل ويفتح نفسك للحياه تاني ❤.

#سوزوكي 👣💙.

حلقه]20[سحر سميرتنويه* اي وحدة حابه ترسل الروايه او تنشرا في قروبات تانيه ارجوكي اهتمي بحفظ الحقوق لانو الروايات دي حتنزل في اول نسخه كتاب لي باذن الله ..وقفتا بعاين ، قلت دي لو الحبشيه كان طردوها ، جا احمد من وراي ، قال لي دا انا ، قلت ليهو وخير ! قال لي لا عادي قلت اخد فيك الاجر ، قلت ليهو انا مافي مزاج يسمح لي اجادلك ، قال لي حلووو بس تاني مرة متستغفليني وامور الارقام وامينة و ما امينة دا ما بيمشي علي ، حعتبر زي الكأنو مافي حاجه حصلت ، طبعا مذهوله عرف كيف دي انااا !! قلت استغبي، قلت ليهو ما فهمتكّقرب مني ،، قال لي عايني في عيوني و قولي فعلا انك ما فهمتيني ، قلت ليهو انت حيوان ولا شنو ، زح كدا ) بانفعال(قال لي صوتك ما يعلا لي ، لانو باختصار انت مافي موقف يسمح ليكي بكدااا ، سكت و مشيت قعدت في المرتبه ، قلت ليهو انت طالع اقفل الباب وراك ..طلع فعلاا و قعدت ابكي عايزة اطلع امشي بيتنا ماقادرة اتحمل ، فات اسبوع عديل علي الحال دا ومافي اي جديد بحاول بكل الطرق ان اضاني تكون في كل حته في البيت بس ما اتوصلتا لشي ، اتزكرت التلفونشلتو وفتحت الفيديو وبقيت بعاين في الاماكن الممكن تكون فيها خذانة سريه ، اليوم دا نزلت تحت لقيت عم عبدالله ، قلت ليهو عايزة امشي لاهلي اشتقت ليهم ، قال لي كلام م متزكراهو لان م ركزتا بعلين في يدو انا قاطعتو .. قلت ليهو عم عبدالله خاتمك دا غريب شديد ..قال لي دا هديه من انسانه غاليه علي ، لمن حس بنفسو قام سكت قالي زول عزيز عليقلت ليهو هو بس كدا ؟ م ناقصه منو حاجه ؟؟ جا وليد داخل ، طبعا سكتا..قال لي انتي بتتلائمي مع امي مالك؟ قلت ليهو متين ؟ بس وقع فيني دق دق و عم عبدالله يقوليهو وليد دا ما اتفاقنا البت دي حتموت ، و بكا يشاكل فيهو وهو لسه بيدق بس يمعطني من شعري ، و انا ببكي ، قلت بيهو انا اسي عملتا شنووو ، واسي دا تطلقني انا ما جايه من بيت ابوي عشان اتهان هنا ، قالي من ناحيه انك حتطلقي حتطلقي بس لمن الطبخه تنجض ، بقبت ببكي بطريقه م عاديه ، اما سهاد دي كأنها ما كانت صحبتي لا بتطقع لا بتجيب الحجارر ،عارفين انا لو خلو لي باب الشارع دا فاتح ما حمرق لانو انا مالي عين اقابل اهلي ، قدر شنو رفضو زواجي دا وانا اصريت وعاندتا ، قدر شنووو تعبو ومالقو مني فايده ،و السبب الرئيسي اني لازم اعرف مشكلتهم معاي شنوو ..طلعت جارة جسمي دا جرر زي الكلبه في السلم ، سبحان مبدل الاحوال ما معاي ولا مليم ، ولا نومة زي الناس مابنوما ، مشيت رقدتا .. عاينت للتلفون لقيتو بنور و بيطفي عاملاهو صامت عشان م انكشف ، لقيتا سلمي رديت ليها طوالي وبقيت ابكي ليها ، لانو عارفه هي الوحيده البتسمع لي ، رديت وسلمت عليها، قالت لي صوتك مالو ؟ قلت ليها كنت نايمة ، و بقت تسالني اخبارك و اتزوجتي منو ما وريتني وككدا حسيت بيم تمام ، قلت ليها بحكي ليكي ي سلمي لكن ما اسي ، قفلت علي كدااو بقيت قاعده ، نزلت للحمام سمعت صوت وشوشه ، تابعتا الصوت و بقيت بحاول اتصنت ،كل السمعتو احمد بقول ليهم البتعملو فيهو دا غلط ، و عم عبدالله بقول لي وليد دا ما الاحنا اتفقنا عليهو انحنا هدفنا المشروع م اكتر ، وليد قاليهو انا هدفي اكبر ، امو قالت ليهو وووووليد )بنهرة( يعني اسكت م تتكلم ،طوالي رجعتا الغرفه جري و قفلتا الباب ، قلتا في نفسي يعني كل دا عشان المشروع و الشراكة ، طيب انا ذنبي شنو ، وراااسي داير يطرشق ، سمعت صوت رجلين جايه علي غرفتي طوالي عملت فيها راقده ،، انتظرتامافي زول جاا ، مشيت عاينت بالفتحه الفي الباب ، م لقيت زول ،قلت امشي الحمام الفي الممر دا بس ، طلعت زي عشر دقايق و جيت راجعه لقيت سهاد شايله صينيه اكل و عيش مقطع يعني بواقي اكل ، قالت لي الاكل ، قلت ليها شكراااقالت م يكون ما عاجبك ولا ما بيناسب مستوووواكي ، قلت ليها سهاد لسكتي مني ، قالت لي في بيتنا و انا حرة اتكلم زي ما عايزة ، قلت ليها طيب بعد تخلصي نبيح اتخارجي ، جات مسكتني من بلوزتي ، قعدت اضحك قلت ليها والله دا الفضل يا سهوده تضربيني ، ججرتني من شعري قالت لي تستاهلي البتعمل فيك داااا و الدور ماشي لاختك)الجمله دي هددني بيها وليد برضو(قلت ليها اختي دخلها شنو ولا كان جينا للحق انا اختي زاتا زنبها شنو !!ضحكت ضحكة استفذني ، صرخت فيها ،قلت ليها اختي مالها تمي كلامك ، مشيت جريت وراها و بجرجر فيها سهاد تمي كلامك مشت ولا عبرتني ، الحيرة جواي قاعده تكبر رجعت الغرفه ، دخلت و قفلتا الباباتلفت وراااي لقيت في وشي .........استككانة

ضياع الدر ..الحلقة 22 ..بقلم طارق اللبيب ..في حاجة غريبة حصلت الليله الصباح ,الحصل كالاتي ..في واحد بتاع كارو ..جا وقف الصباح قبل الشمس ماتشرق .. وقف قدام بيت ناس الجيلي ..اساسا الجيلي الليل كلو مانام .. )ياربي بدرية .. دي تكون حصل ليها شنو؟ ياربي حيه وللا ميتة .. ياربي ياربي الليل كلو (..اها الزول الجا .ده قال انا داير الجيلي .. نادوهو ليهو .. سلم عليهو والجيلي ماعرفو .. قال ليهو كيفك يا الجيلي .. انا دحين بتعرفني؟ قال ليهو والله شايفك .. لكن وين ماعارف .. قال ليهو انا عبود ود اللحمر . من الحله الفلانيه . عندنا مشوار في زول دايرك ضروري .. ومرسلني ليك تصلو هسسسع دي ..الجيلي قال ليهو الزول منو الدايرني ؟ ووين الزول هسي ..؟ والموضوع شنو بالضبط ..قال ليهو أنا ماعارف اي حاجة . بس انت اركب معاي فوق الكارو وارح .. واكان ما ماشي وريني عشان انا مستعجل ... قال ليهو طيب طيب ..دقيقة ادرع لي جلابية وامرق معاك ..الجيلي دخل البيت .. لبس وطلع ركب معاهو ومشو .. والجيلي مستغرب في المشوار المجهول ده ..المهـــــم ..فاتو الحلة الاولى والتانية ..الجيلي مازال بكررفي الاسئلة لي بتاع الكارو .. يازول نحن ماشين وين .؟ وداك يسوي ليهو اصبر .. بتعرف ماتشفق قربنا نصل . وصلو حلة كدا الجيلي بعرفها تماما" .. ونزله جم بيت .. قال ليهو دق الباب .. فتحت ليهو الباب إحسان خالة بدرية .. قالت ليهو مرحب عليكم السلام .. ادخل يا الجيلي .. ده بيتي . سلم عليها حق الله بق الله .. قال ليها كيف الحال ؟ ..ان شا الله خير ؟ لقيتي خبر؟قالت ليهو .. ده الموضوع الناديتك ليهو ..زااااااااتو ؟ ..قال ليها انا اتذكرت انك ساكنة في الحلة دي .. بس ماكنت بعرف بيتكم.. قالت ليهو انا ساكنة هنا معاي اخت زوجي .. ووليداتي الصغار ديل .واحد 3 سنة واحد سنة او اقل .. .. زوجي مسافر في الجنوب ضابط في الجيش.قالت ليهو .. انا سمعت امبارح بالليل انك جيت ماكنت بعرف انك جيت.. ورسلت ليك ود الاحمر .. )بتاع الكارو( .. يناديك لي .. .. ..الحاصل يا الجيلي.. قصة بدرية . قصة اغرب من الخيال .. انت طبعا" سمعت بي قصة الناس الجو من الخرطوم ..عشان يعرسو بدرية لولدهم .. بدرية كانت بتحلف الاربعة وعشرين ساعة انها ح تنتحر ..ح تنتحر ..وامها قالت ليها انتحري بعد العرس .. وابوها قال ليها اعملي العايزاهو..العرس بتم فوق راسك .. وانا حرسوني ليها اتابعها ..عشان امها كانت مشغولة ..وفعلا بدرية جربت الانتحار مرتين .. المرة الاولى .. لمن كان بحننو فيها.. الحنانة خلت جنبها كيس الصبغة .. خلت الحنانة طلعت ..وشالت الكيس سفت منو .. وانا كنت مراقباها .. جيت جارية عليها وكففتها ..وطلعت الصبغة من خشمها ..ودقيقتها بي عصبية وانفعال .. وغسلت ليها خشمها بالليمون .. ومافي زول اكتشف القصة دي .. وانا ابيت اكلم امها لانها كانتمافاضية لينا ..المرة التانية كانت يوم العرس .. ونحن كنا طابقين ليها الحنة .. وانا فضيت نفسي نهائي ..وبقيت بس براقب فيها .. من بعيد .. بلبد في حتة ..وبكون بعاين ليها ولي تصرفاتها .. بدت تتصرف تصرفات غريبة .. ووتتكلم براها ..والحالة بتزيد عليها كل ماوقت العرس قرب ..حتي في النهاية بقت تضحك بلاسبب .. لمن البنات لاحظن ..قالت لي للبنات طلعن مني الحنة .. واطلعن برة خلني اخد لي نومة .. اناتعبانة شديد ..وانا كنت قاعدة في الزقاق الغربي بسمع في الكلام كلو .. الكلام ده كان في بيت ناس نفيسة زوجة النور ..والبنات طلعن قعدن في البرندة ..اتونسن ونامن ..وانا لابدة في الزقاق .. اول ما البنات سكتن من الونسه ..وبدرية اتأكدت انهن نامن .. وكان في واحدات طلعن ..بدريه فتحت الشباك براااحه ..وانا بعاين ليها ..ومرقت بشارع جنينة صالح .. وجارية بسفنجتها وطرحتها ..وانا جارية وراها ..وصلت البحر ..وملصت سفنجتها ..ودخلت البحر وانا بعيده منها امكن عشرين متر ..بس الحمد لله ربك رب الخير ..لقيت ود الاحمر )بتاع الكارو ( ..بسقي في حمارو فوق البحر .. حصلها بعد دخلت الموية .. وقبضها .. وانا حصلتها في اللحظة الاخيرة ونفسي مقطوع من الجري ..ومسكتها وهي كان بتبكي بهستريا .. قلت ليها وعدد مني يابدرية مافي زول بتزوجك غير الجيلي .. بتصدقي خالتك ؟ قالت لي ايوة بصدقها .. قلت ليها اركبي في الكارو..وكانت الطرحة وقعت في البحر .. والفنجة خليناها في محلها ومشينا باشارع التحت ولفيناها بي شوال فاضي .. والحلة كانت فااااضية الناسكلها في العرس ..جبتها قفلتها في البيت الجواني .. وطبلتها بالطبلة ورجعت ناس اختي ناس العرس لقيتهم طالقين البكا .. وانا ذاتي بقيت ببكي واجوعر اكتر من الناس .. وبقيت زايـغة من اختي واختي كايسه لي عشان انا الكنت حارساها ..وهي تكورك )شوفو لي احسان .. احسان وينها ؟؟ وانا سمع فيها وكل مرة ادسه في حته .. أمكن لي تالت يوم لاقيتها وبكت معاي وفي النهاية جضمت لي .. وقالت لي ده كلو منك انتي .. انتي انا ماحرستك بدريه .؟ واناساكتة وكاتمة السر .. وقلت اصلو مابتكلم ..قلت الح

مد لله خليهم يعرفو قدرها .. خليهم يفتكروا انها ماتت .. والله مايشوفوها تاني الا يجي الجيلي .. ويوم البكا قلت بكلم ابوها بعد يفوتو ناس الخرطوم ..وبرضو غيرتا راي .. بس المشكلة من يومها الدخلت البيت وهي ساكتة ومامركزة ماعارفة الحاصل عليها شنو احتمال تكون جاتها نفسيات .. بس انا مااشتغلت بيها كتير اصلا ماعايزاها تظهر .. والسر ده مافي زول عارفو الابخيتة حماتي وود الاحمر بتاع الكارو الجابك ده..وديل الاتنين معاهديني انهم مايتكلمو .. وناس الحلة من يوم بدريه الغابت هم فوق البحر يفتشو ليل ونهار .. بخيتة حماتي قالت لي انا عندي فكرة نوقفهم بيها .. وهي كانت بتقرا في ابوحمد .. كتبت جواب مرسل من منطقة في الشمالية ماعارفة اسمها شنو كدا .. انهم لقو الجثة وشنو وشنو .. المهم خلي بخيتة تجي توريك كتبت شنو .. اصلها بت مصلته .. وهي صاحبة بدرية وصاحبة اختك صفية .. وكان ماخاف الكضب صفية خابرة انو بدرية عايشة ..واحتمال تكون بخيتة الغتيتة كلمتها بس مامتأكدة حتى لو كلمتها بتكون محلفاها .. المهم ..هسع بدريه قاعدة في الاوضة الجوانية في البيت الورا معاها بخيتة .. كل ما زول يدق الباب بوديهن بيغادي حتن اجي افتح الباب .. ))بدريه درة يا الجيلي .. والدر عمرو مابضيع .. عشان ربنا بحفظو وبسخر ليهو الناس تخاف عليهو وتراعيهو ... ((...بس بدرية حالتها ماعاجباني .. ومتأكده انها عيانه ..نهائي لاسألت من اهلها ولا امها ولا ابوها ..ولاسالت من خبر العرس ولا سالت منك .. بس ساكته ..ومن يوما الجات مانطقت كلمة .. الاتقول دايرة مويه ..المهم يا الجيلي يا ابني .. في الاخير انا بي تصرفي ده رغم اني ماغلطانة..لكن حسيت اني في مشكلة حقيقية .. وماعارفة ردة فعل اهلها حيكون شنو؟ ..وحاج احمد يسوي معاي شنو..؟ حقيقة انا خايفة شديد يا الجيلي.. بس اكتر حاجة طمنتني وفررحتني ..البارح سمعت انو حاج احمد .. وعدك لو اتلقت بدريه ..حيزوجها ليك .. وعندو ليك وهبيه كمان.. وبقت مشكلتك تلقا بدريه كيف؟وانا هسي حليت لك مشكلتك .. لكن انا الواقعة في مشكلة .. بتحلني كيف؟..الى اللقاء ..