حلقه]21[ سحر سميررجعت الغرفه ، دخلت و قفلتا الباباتلفت وراااي لقيت في وشي احمد من الخلعه رجعت افتح الباب مسكني ليه حقول ليهو فكني لقيتو خت يدو علي خشمي ، منططة عيوني و بقاوي فيهوو ، قلت انا كان قاويتو ما حفهم سبب تصرفو دا ، احسن حاجه استسلم ، وقفت و م حولتا اتحرك ، لحد ما زح يدو من خشمي اصلووو م اتحركتا ، و ما فتح خشمو معاي ، حاولت اتكلم رجع خت يدو علي خشمي ، قال لي انا السرقتا الدهب طبعا بقيت في حالة ذهووول ، انتظرتو يتم كلامو ، قال لي انتي ذكية بما فيهو الكفايه و اكيد حتكوني عرفتي ان الزواج دا مدبروالهدف منو تدمير اسرتك فرد فرد ، دموعي نزلوووو ، وازيدك من الشعر بيت وليد اخوي دا متزوج بي زوجتو في الرياض،اهاااا شفتي آخرة غرورك وصلتك لحد وين ؟ عارفين انا ح اجن ، طيب لييييه، يعني كل الحصل دا عشان غروري ؟ لالا اكيييد في سبب و سبب كبير كمان و انا حكتشفو ، طيب عرف مكان الدهب كيف ولا ان امي خاته الدهب لمشروع ابوي كيف !!!استسلمتا و ما قويتو ولا حاولتا اتكلم ، قال لي عارفه يا اقبال ، جنيه عارفه الجنيه حتتمنيهو في يوم من الايام ، و طلع خلانيانا هنا اعصابي باظت و م قدرت افكر الامور اتعقدت اكتر غير الانا كنت بتخيلو انا كنته حاصرة شكي علي وليد و عم عبدالله و مسبقاً عم صلاح)السواق( ، طيب و قصه غيداء شنو ؟ و قصه هيثم شنو ؟ و قصه عمر شنوووو !! يالطيييييييييف الطف بياسوي شنو انا اسي ،مشيت عاينتا بالفتحه و اتاكدت ان مافي زول براا ، اخدت لي زاويه و اتصلت علي سلمي ، حتقولو ليه م اتصلت علي اهلي و انا معاي تلفون ! حتصل اقول شنو ، مش دا خياري يبقي حتحملو ، يمكن ربنا ختاني في الموقف دا عشان اقدر اعمل اي حاجه لاهلي ، يمكن عشان ارجع ليهو لاني بعدت عنو و لهيت ورا حاجات فارغه ، قيمت حاجات كتيرة و هي ما ليها قيمة ، اهنت ناس كتار بسبب و من غير سبب يمكن دا عقابي ، بس لو فعلا دا عقابي يبقي اتحملو براي اهلي ما ليهم اي ذنب .. اتصلت علي سلمي م ردت ، اتصلت تاني ما ردت ، رجعت لي هي ، رديت طلع محمود ، قال لي سلمي طلعت نامت و التلفون بيشحن جمبي ، قلت ليهو ايواه تمام ، لمن تصحا خليها ترجع لي في اي وقت ، قاللي مالك انتي كويسه ؟قلت ليهو ايوة ، قال لي متاكدة ؟ قلت ليهو لا و قعدت ابكي بكا و هو مسكين م فاهم حاجه بقول لي رووقي رووقي ، احكي حصل شنو ؟قلت ليهو انا في ورطه يا محمود ،ورطتا نفسي و ورطتا اهلي و محبوسه و حتي م حاولتا اطلع ، ما بقدر امشي ليهم وانا الخليتهم بكل قسوة ،قال لي انا ما فاهم حاجه منك بس كدي روقي و وريني الحاصل بالتفصيل.. ) هه غريبه الدنيا دي ، مش محمود دا انا شتمتو و اهنتو و اهنت اسرتو ؟ ( سبحان الله ، بالجد سبحان الله ، الليله لفت الايام و لجأت ليهو .. ابتديت احكي ليهووو من البدايه ، و انا ربطت عمر بالاسرة دي ، لانو انا ما لي عداوه مع زول .. وفجاه اختفا مع ظهور وليد في حياتي ، حسيت بحركة طوالي قفلتا و دسيت التلفون .. الباب اتفتح لقيتو وليدعاينت ليهو ، و فضل واقف يعاين لي ، قلت ليهو يا مرحب اتفضل اقعد ، قال لي اقعد وين ؟ قلت ليهو مكان انا قاعده ، قال لي دا مكانكم انتو جمب الزباله ، قلت ليهو مكانا !!انا ومنو ؟؟استككانه~يتبع ....

حلقه]22[ سحر سميرقلت ليهو مكانا !! مكانا انا ومنوو ؟قعد يضحك ، و طلع .. حاولت اربط الخيوط م قدرتا ، رجعت لعمر يا حليلو من اول جرس رد علي ، قال لي انتي كويسه ؟قلت ليهو ايوة ايوة ، قال لي شوفي نفذي الحقولو ليكي دااا ، قلت ليهو طيب سامعاك )........( قلتا ليهو ساهله .. و قفلت علي كدا طلعت من الغرفه و بحاول اتاكد ان ماف زول شايفني وخصوصا احمد لانو بيطلع لي من اماكن غريبه و زي المراغبني ،نزلت الدورين و بحاول اتنصت علي اي تجمع بينهم و دايما بتجمعو في الصالون ، نزلت ما لقيت حاجه راجعه سمعت صوت بكا و علي الاغلب دي سهاد ، مشيت جمب غرفتا و سامعه صوت بكااا و بتقول"الله يرحمك يا امي " الله يرحمك يا الغاليه و تبكي ، امها ماتت !!! عشانكدا البيت صاني !لسه م تميت كلامي بالله امهم ظهرت لي زي الغدر انا من الخلعه لمن جررريت طلعت السلالم دي كيف ما عارفه وجري دخلت الغرفه وتربست الباب علي ، بسم الله الرحمن الرحيم ، من وين سهاد بتقول الله يرحمك يا امي و من وين القا امها في وشي ، استغفر الله يا ربي دي حالة شنووو دي ،جات طالعه وراي وتكورك افتحي الباب دا قلت ليها والله ما بفتح جابت ليها ارواح ناس ميتة كمان ، سمعتها بتبرطم قالت البت دي مخها اتلحس ولا شنو ، و مشتوانا جسسسمي دا برجف رجف ، طلعت التلفون واتصلت علي محمود ، قلت ليهو محمود محمود ، بقول لي مالك ، قلت ليهو حصلني المرة ماتت و عاشت تاني ، من الخلعه هو زاتو قعد يتمتمقال لي ببب بب بسسس بسمم الله ياخ ، دا كيف دا كلام شنو ، قلت ليهو والله انا مشيت عشان انفذ الاتفقنا عليهو ، سمعت سهاد بتبكي و بتقول الله يرحمك يا امي ، وبعدها شفت امها ، قال لي لحظو لحظة يعني هي قالت كدا انتي متاكدة ؟ اااي والله سمعتها بأضاني ، قال لي يمكن تكون دي ما امها الحقيقه او ما بتهم ، قلت ليهو كيف يعني ديل كلهم اخوان م اظن ما اظن مستحيل ياخ ، قال لي يعني المنطقي ان المرة تكون ماتت و قامت مجنونة انتي ، قلت ليهو كدي اقفل انا كان م فهمتحاجه ما بجيني نوم ، قفلت منو وقويت قلبي و مشيت لي سهاد ، خبطت عليها تلاته مرات حتي فتحت لي الباب ، قالت لي خير انتي الجايبك هنا شنو ؟ )اتمسكنت ليها ( حاساها طيبه بس في زول مؤثر عليها ، المهم قلت ليها ممكن ادخل ؟ قالت لي لا ، قلت ليها طيب انتيعيونك وارمة كدا ليه انتي كنتي بتبكي ؟ قالت لي م يخصك وقفلت في وششي الباب، نزلت تحت لقيت الحبايب متجمعين ، قلت لازم اطلع بي فهم من اللمة دي ،، قعدو يتونسو في الشغلو وليد بقوليهو انا بكرة بمشي للصادق و امضيهو علي تنازلات من المشروع دا و يدفع لينا تعويض لانو ما عندو المبلغ الاتفقنا عليهو و حفهمو انها خسارة لينا ،،ووووووووبعلي ووبعلي طيب دا سبب سرقه الدهب ، طيب عرفو كيف الدهب دا للمشروع ، والله العظيم يا وليد الكلب يا انا يا انت ، لسه م تميت كلامي ، سمعت عم عبدالله بقوليهو يا ولدي البنات ديل ما عندهم زنب و انحنا خلاص قربنا نوصل للعايزنو ،وليد قام هايجج قاليهو ليهم ذنب و ذنب كبير و هما الحيدفعو التمن ، قاليهو يا وليد قول بسم الله كل حاجة مقدرة من رب العالمينيعني حتعترض علي حكمة ربنا ؟البنات م ليهم ذنب للمرة الالف ، قاليهو طبعا لازم انت تدافع يا ابوي.... انتو حاسين بي كل م اقول قربتا امسك طرف الخيط الامور بتتعقد ، قلتا انا لازم اتحركمشيت غرفه وليد لحظي الزفت و زفت شديد وليد جااا داخل الغرفه ، قال لي انتي مدخلك هنا شنووو ؟قعدت وختيت رجل علي رجل في سريرو ، قلت ليهو ، جايه اتفرج قال لي غرفتي للفرجه ، قلت ليهو حاجه زي كداا ، لكن والله بيني وبينك يا وليد اول مرة اشوف لي رجال يطلعو قوتهم علي بنات ،يعني عادي انت اسي ممكن تمد يدك علي و تضربني ، لكن طبعا عادي ، حتي لو انا بقيت قليله ادب و مغرورة و ما متربيه دا كلو بيتصلح ، لكن سين سوال ، انت البرجع ليك رجولتك شنو ؟ قلت ليهو طبعا السوال دا مطير النوم من عيني ف ااا قلت اشاركك و كداا ، يلا انا طالعه ما اصدع بيك ، و طلعتا زي الما قلت حاجه لا وكمان رزعت ليهو البابّ.. خشيت المخزن وقعدت قلتا شنو حاصل علي غيدااا ،جاني ووليد داخل زي القدر ، ولا اتحركتا ، قلت ليهو كان م عندك حزام ، هداك واحد فيهو حديده كمان ، تعال ..ووووب الزول دا كان طال يخنقني يقتلني كان عملااا ، قال لي انتي لو متربيه ما حتكلمي مع اولاد انصاص الليالي ما حتدي رقمك لي واحد بس عشان عربيتو عجبتك ما حتدي ، م حتتزوجي واحد بس عشان تسافري ، عارفه دا بيدل علي شنو ؟ علي ان امك علي الحقاره الفيها ما عرفت تربيكي ، و عينكم ما تشوف الا النور و طلعت سفنجتي واديتو كف بيهاااا.....استككانه

ضياع الدر ..الحلقه 23 ..بقلم طارق اللبيب ..الجيلي بسمع في في احسان .. بانتباه وتركيز ومشاعر مختلطة..استغراب.. وشفقة .. وخوف .. وفرح .. لمن اتصبب بالعرق والواطه برد طبعا نحن في شهر واحد والبرد زيفة .. بعد خلصت شال نفسو وختاهو.. وقال لها .. ربنا يجزيك خير .. يا احسان وانتي ما مشحوده .. الحال شريك الوالد.. والموضوع بتاع الزعيم واهلها ده .. موضوع بسيط .. فيالنهاية حيسوو ليك شنو يعني؟.. المهم انتي عملتي الصح.. ومن احياها فكانما احيا الناس جميعا"الموضوع ده خليهو علي .. قالت ليهو خش شوف بدرية احتمال لمة تشوفك .. ترجع لطبيعتها.. قال ليها : ﻻﻻﻻ .. انا مشتاق اشوفا لمن حاس روحي دايره تمرق .. لكن ده ماوكتو .. انا داير اهلها يشوفوها بي حالتها .. عشان يعذروها ومايلوموها ولايأذوها بي اي كلام .. بعدين علاجها هين ان شاء الله انتي بس قولي يارب.. قالت ليهو .. ربنا يكملكبي عقلك يا الجيلي ..خلاص انت حتعمل شنو ؟ قال ليها انت اصبري وبتشوفي .. هسع اديني حاجة اكلها انا الجوع هلكني هلاك .. قالت ليهو بس خمس دقايق .. هبلت الصاج .. دفقت فوقو العجين .. وقلبت ليهو قراصة بوخها يلوي .. وكبت ليهو فوقا روب مشلهب .. اكل فضلة خيركم .. لمن حس العافية دبت في جسمو ..شرب ااموية وغسل ايديهو وفركن كدا وقال اللهم اجعلها نعمة واحفظها من الزوال اها يا احسان انا ماشي ونشوف البسويها ربنا .. قالت ليهو امش لود اللحمر بتلقاهو في الشدر القدامي .. اركب معاهو يوصلك .. قال لالا .. انا بمشي كداري ساي .. عشان اقدر افرغ طاقة الفرحة دي حاسي اني داير انشق نصين ..اول ما وصل الحلة ما مشى للديوان بتاع الزعيم .. مشى لي ام بدرية وقال ليها كيف احوالك .. انامن يوم عزيتك تاني ما اتلاقينا .. قالت ليهو سامعة بيك ياولدي ..حايم الحلال حلة حلة .. وخليتنا متشككين في موت بدرية .. بي سبب الخبر الجبتو من الرباطاب ..قال ليها ممكن تناادي لي حاج احمد داير اتكلم معاكم شوية قبل ما أسافر.. ويكون الكلام ده برانا التلاتة بس .. قالت ليهو خوفتني يا الجيلي في شنو .. بدرية منها خبر؟قال ليها بدرية ضيعتوها براكم تسأليني منها أنا؟ ناديهو لي ..المهم رسلت للزعيم . وجاء متلملم وشايل عصاتو .. قال الجيلي؟ الجيلي دهالجابو جوة شنو؟ الزول ده مابدخل على الحريم الا لموضوع خطير ..الجيلي قال ليهو اتفضل ياحاج .. البيت كان فاضي والوكت زي حداشر ضهر 12 كداالزعيم قعد .. قال ليهو يا حاج احمد انت .. ماحفظت لي الامانة الانا امنتك ليها ..انا سافرت منك وانت عاهدتني اني اوفي شروطي واجيك القى امانتي موجودة عندك .. اجي القاها سبب حياتي مافي ويقولو لي غرقت .. وفي النهاية اكتشف انها ضايعة ومامعروف الحاصل ليها شنو وانتو عايشين في امور ضلمه ..ياحاج احمد انت البت لمن قالت ليك انا ماعايزة اتزوج الزول ده ليه تجبرها ؟؟ وكمان تقول انتحري اشربي صبغة اقعي البحر .. ؟؟ وانت عارفبدرية وقوة راسها وحماقتها ..ولا ناسي انها دي بتك وماخده طبايعك ؟ انت عارف انك انت السبب في موت بدرية لو ماتت وانت السبب في ضياعها لو ضاعت ؟وانتي ياحجه .. ماحرام عليك تقولي ليها موتي وانتحري بعد تعرسي؟معقول ناس عندهم درة زي بدرية يضيعوها بالطريقة دي ؟ الزعيم يسمع مدنقر .. والام تشتت في دميعاتها وساكتين بس ..قال ليهم على كل حال حتى لو بدرية اتلقت حية هي تاني مابتكون مسؤليتكم .. وبتكون مسؤولية الزول الانقذها ..الحمد لله انا لقيت بدرية وفي مراة صالحة انقذتها من بين الموجات ولقتها في البحر تصارع في الموت وطلعتها .. وحفظتها من الضياع ..لكن للاسف المراة قالت تاني مابتديها زول .. وقالت ما بتخليكم تشوفوها نهائي لانكم مابتستاهلو .. تكون عندكم بت زي بدرية ..الزعيم رفع راسو قال ليهو عليك الله يا الجيلي الكلام ده صحيح؟عليك الله يا الجيلي ماتزرع فينا امل كاذب.. انت ماعارف الحسرة والندامة الحاسي بيها انا جواي ..ما مشكلة يا الجيلي نحن بس نتأكد انها كويسة وسليمة ونشوفها .. ونوعدك انو ما حنسوقها من المراة اللقتها .. بس علي الاقل نشكرها على عمليتها ..ونمشي منها امها قالت ليهو كيف يعني يا الحاج ؟ البت بتنا ؟ الجيلي قال ليها بتكم ؟ وينها؟؟ وديتوها وين؟؟ ضيعتوها ليه؟ يا حجة لو الزولعنده درة.. وجدعها في البحر.. وخلاص ضاعت منو .. وقنع منها وجاء زولفتش ليها وشالها.. واحتفظ بيها .. بصح سيدها الاول يجي يطالب بيها؟على كل ..المهم للاسف .. انا مابقدر اقول ليكم ..لاني وعدت المراة.. الا هي توافق ...ولو بتوعدوني انكم ما حتاخدوها منها .. انا بمشي استأذن منها .. تخليكمتشوفوها مرة واحدة .. وليعلمكم .. بدرية عيانة من يومها الوقعت البحر.. وعقلها مارجع ليها خالص واحتمال لو شافتكم حالتها تزداد ..لانكم انتو الاتنين سبب في الحاصل ده كلو .. امها قالت ليهو عيانة مالها.. قاليها جاتها حالة نفسية وكضمت ما بتتكلم نهائي وسارحة بس .. الزعيم قال ليهو انت شفتها بي عينك ؟ احتمال تكون مابدريه.. الجيلي قال ليهو .. لالا ياها بدري

ه انا بقول كمان لكم كلام زي ده كضب .. الزعيم قال ليهو امش كلمها لينا يا الجيلي ...امها قالت ليهو: )بس اوع يكون غشتك احسان الكضابة ولعبت بيك..!!!!!! .. (لاحول ولاقوة الا بالله .. الجيلي زنننننننننننن راسو ضرب ..خصوصا" انو هو ماشاف بدرية .. معقول احسان كضبت علي ؟؟ انا فعلا" ماشفت بدرية .. اضمن كيف انها موجودة يالطيف يالطيف .. معناها احسان مشهورة بالمقالب ..لكن ياربي قصدها بالمقلب ده شنو؟ وليه لو بتكضب قالت لي تعال شوفها ؟وستين سؤال جو في راس الجيلي في لحظة واحده ..وخلاص مخو داير يطرشق ..الى اللقاء ...

ضياع الدر ..الحلقة 24..بقلم طارق اللبيب..الجيلي من سمع الكلمتين ديل من )سعاد ام بدرية( .. بقت الدنيا مضلمه في وشو .. وشعر بي احباط شديد .. لكن قال انا لازم ما اظهر حاجة عن احسان .. قطع ليهم الونسة بي قحة .. وماعلق ابدا على كلمة المراة دي .. بس قال لهم خلاص اتفقنا ؟ انا ياحاج احمد بوثق فيك .. وبحترمك زي ابوي .. وعارفك راجل كلمتك ولا الف سيف .. عشان كدي فكرت اناسبك انت .. واعمل المستحيل عشان القى لي معاك مخلط .. لازم تقوي وشي قدام المراة .. وماتتصرف اي تصرف يخليني ندمان .. بقول ليهو في الكلام ده والالم والاحباط هداهو هد .. قال ليهم خلاص.انا خلاص امشي اكلم المراة وانتو مابتخذلوني معاها صح؟ .. الزعيم قال ليهو صااااااااح ..امشي ربنا يوفقك .. وخليك مطمئن .. واملا ايدك من عمك تب ..الجيلي قام طلع طوالي .. مشى علي الشارع .. وعلى حظو السمح لاقاهو لوري .. من الحللال الكدي .. طوالي اشر ليهو .. ونط فيهو قبال اللوري مايقيف ..اصلا"اللوري ماشي الكسني )يعني ببطء( على مهلتو. يطبحلط ..المهم لمن قاصد بيت ناس احسان ..قال ينزل ..واللوري كان صندوق حديد . ماتخشيبه .. الجيلي كوكو كو دقا ليهو .. وقف ..نزل منه .. وشكره بي ابتسامة. وضحكة جميلة ..اب قلبا ميت ..وصل بيت احسان ودقه الباب .. وقلبو يسوي تح تح تح .. خايف خوف شديد من انو ظنو يخيب .. وتطلع احسان فعلا كدا ..احسان جاتو لابسة توبها وفتحت ليهو الباب .. قالت ليهو ..الجيلي ؟؟مالك جيت سريع كدي .. قالها الموضوع اتحلا .. خليني اشوف بدرية .. اناقلبي داير يحرق عديل ..قالت ليهو كدي اتمهل اشرب لك موية .. قال ليها لا .. ماداير اي موية ؟داير اشوف بدرية .. ان شا الله البد لها بي ضرا الباب .. بس اشوفا مرة واحدة ..اكان اهدا شوية ..قالت ليهو اول حاجة احكي لي الحصل .. قال ليها بس الموضوع اتحلا ..بحكي ليك التفاصيل .. بعد ما اشوف بدريه ..قالت ليهو طيب تعال خش في الاوضة دي .. وافتح الشباك الوراني داك .. انا هسي بمشي بخليها تجي فايته على الحمام وانت تشوفها ..فعلا دخل الاوضة والاوضة ضهرا على الحوش الوراني . وفيها شباك فاتح فيهو .. الجيلي لسع ما متأكد .. ووقف وفتح ضلفة من الشباك .. فتحة خفيفة .. والاوضة جوة مضلمة .. يعني البرة مابشوف الجوة ..واحسان دخلت على الحوش الوراني .. اخدت مسافة وهو واقف .. جات ماشة وسايقة معاها بدرية .. بدرية ذااااتها المابتغبى عليهو.. الجيلي شاف بدرية .. بيحالا وجمالها .. الزول ده من الفرحة .. كان داير يغمى عليهو ..الحمد لله رب العالمين .. بدرية حية وطيبة .. ويهدي تتبسم مع خالتها .. شكلها واعية .. بس مالها؟ والجيلي بقى يقول.. )ياحليلك يا البدور .. يحليلك ..والله شدة ما مشتاق ليك ربنا عالم بي الحال العلي( ..بدرية ازدادت جمالا وبهاء.. وامتلات انوثة وروعة مدهشة ..تبارك الله احسن الخالقين ..حتى مشيتها في الواطة بقت رزينة وتمشي زي الوزه .. وتتلفت زي الحمامة ..تفاصيل الجمال فيها روعة وابدعها رب العباد ..والجيلي شدة ما فرحان.. ومعجب بي البدور .. فكر يصرف النظر .. انو مايسأل احسان يقول ليها كلام اختها عنها .. وخصوصا" انو فكر لو كلمها .. ربما تحصل مشكلة بين الاختين .. احتمال احسان تزعل من كلام سعاد .. بس ياربي ليه سعاد دي قالت كدا عن اختها .. وكيف عرفت انو المراة الانا قاصدها هي احسان ..المهم بعد شاف بدرية واطمأن عليها .. طلع من الغرفة وقعد في البرندة .. والحيطة بين الحوش الوراني والحوش القدامي فيها باب مقفول .. احسان لمن تدخل على ناس بدرية وبخوت .. بتقفلو وراها .. ولمن زول يدق الباب الكبير بتقفلو من بره ..اها جات وتتبسم .. قالت للجيلي خلاص بالك راق وهديت .. الجيلي مدنقر في الواطة يتبسم برضو .. ويفرك في ايديهو عامل فيها خجلان ..مبسوط بسط جد ..قالت ليهو اها احكي لي الحصل شنو؟ .. وقلت لي ناس اختي شنو وقالو ليك شنو؟يلا بدا يحكي ليها .. انو عمل معاهم اسلوب الهجوم .. وقال ليهم المراة الانقذت بدرية قالت مابتديها اي زول .. المهم حكا ليها كل الحصل .. ماعدا كلام .. سعاد الاخير .. احسان قعدت تضحك لمن دمعت .. وقالت ليهو الله يجازي محنك يا الجيلي .. بعد ماكنت خايفة .. خليتني في موقف المتحكم .. كويس بس اصبر لي ليهم هي وراجلها .. والله اعمل ليك فيهم عمايل .. قال ليها المهم انتي بقيتي السلطانه ..قالت ليهو اها سعاد قالت شنو ؟ .. طبعا يا الجيلي سعاد دي انا عملت ليك فيها عملية ماتتخيلا .. عارف .....وبدت تحكي ليهو ..صبحية البكا وانا قاعدة معاهن هناك .. وكنت بايتة جم اختي سعاد .. لقيتهاليك بالليل بتبكي وتتكلم براها .. وخفت عليها تجن .. واكان جنت انا تاني الناس مايسامحوني .. الصباح ناديتها براها .. وحكيت ليها قلت ليها..بدرية ما ماتت .. بدرية حية وقاعدة معاي في البيت .. وطلعناها منالبحر .. اول ماقلت ليها كدا .. زعلت وهاجت .. وقالت بدرية المجرمة تعمل فينا كدي .. ؟؟ والله الليله كان ارسل لي ناس الخرطوم يجو راجعين يعرسوها كي

تن عليها ..وخلاص قربت ترسل لحاج احمد يجي تحكي ليهو كلامي القلتو ليها ..بس انا اتصرفتا سريع .. قعدت اضحك بصوت عالي .. وقلت ليها هوي يا العويرة .. دي انتي صدقتي؟؟ .. انا دايرة اخفف عليك ساي .. بدرية ياحليلا.. ان شا الله ربنا يعوضها الجنة في شبابها .. عارف قامت تكشح فوقي بالتراب .. وجدعتني بالمواعين القداما .. وقالت لي انتي اصلك كذابة وبتاعة مقالب .. هسع انا كان رسلت لحاج احمد وجا وقلتا ليهو احسان قالت وقالت وطلع كلامك كضب انا اودي وشي وين؟))دي قصة احسان((الجيلي بعد خلصت ..قعد يضحك زي الكانو ماسمع حاجة من سعاد .. غايتو الجيلي ده زول صميم والله .. واشتغل بي المثل المصري البقول . ياخبر النهارده بفلوس بكره يبقى ببلاش .. يعني صبر وصبر وعرف الموضوع بدون مايسأل ويسبب مشكلة ..ويوم قال اللبيب..كان الزول صبر قبل الخبر مايفــــوح.زعيم الكضبة بغلط ودون مرادو يبوح..الى اللقاء ..ـــــــــــــــ

سِلُامٌ شِبّابّ✋حلُقًتْيَنَ الُيَوَمٌ وَبّكِرَُه

بوت لنشر منوع واشياء مفيده اللي حابي يجي خاص اضيفو @btabobekr

حلقة]23[سحر سميرو عينكم ما تشوف الا النور و طلعت سفنجتي واديتو كف بيهاااا ، قلت ليهو دا ابسط حاجه ارد ليك بيها ، طبعا مسكني طحني و وقع فيني ضرب ، بقيت بضحك و اقوليهو لسسسه اتقاوي اكتر ، و يلطش فيني كفوف ، لحد م طلع و م كان عندي حل غير اني اخش غرفتو دي و اشيل الاوراق الحيمضي ابوي عليهم ، خلاص الواطه ليل و م اضمن انو يطلع ، دقايق مافي سمعت جوطة ، عم عبدالله بيكورك قاليهو انا مش قلت ليك م تمد يدك عليهااا ، حريقه في اي حاجه وحريقه في المشروع بس م تضرب بنت الناس ، وليد قاليهو حريقه في اي حاجه بس ما حريقه فيامي الماتت ، امي الماتت بي سببكم و بي سبب امها ،ووي علي وي علي بسبب امي ، امي انا و امو ماتت وقاعده معاهم في بيت واحد العيله دي عيله مجانين يا اما انا المجنونه ،مشيت اتصلت علي محمود قلت ليهو محمود دا كلام شنووو حكيت ليهو كل حاجه .. قال لي ما عندك حل غير تنفذي الخطه واسي دا قلت ليهو وليد في البيت صعب اخش افتش وكان مسكني المرة دي احتمال اموت في يدو ، صعبه يا محمود ، قال لي لمن ربنا خت الحل في يدك م تقصري و الباقي اكيد حتفهميهو ، قلت ليهو طيب و قفلتا ، انا بس بقيت عامله زي ام العروس داخله ومارقه من الباب دا ، انا كان قدرت اشيل الاوراق دي م حقغد لحظة في البيت دا ، وعلي حظي السمح وليد تحت مافي غرفتو ، اتوكلت علي الله ودخلتا ، مشيت علي شنطة السفرديك لانو كان شفت فيها اوراق ، فتشتها سرعه سرعه ما لقيت ، سمعت صوت مشيتو ، جري دخلت تحت السرير ، وهو جا داخل و انا قلبي دا يمرق من مكانو من شدة ما نفسي قايم لثواني حسيت انو ممكنيحس بي ، دقايق و تلفونو اتصل رد عليها : حبيبتي وووينك يا عمري من الصباح م تطمني علي ... سمع ردها و قاليها انا طلاق ما حطلقك و فجاه هاج و بقا يجوط و يكورك ، شال مفاتيحو و طلع رازع الباب ، انا هنافرصه و جاتني ، بس برضو ابيت اطلع الا بعد مدة ما اضمن انه ما يرجع تاني ، بس اخدت دقايق و تلفوني بقي بينور و يطفي طلعتو لقيتو محمود ، قال لي اها بشري ، بقيت بتكلم ) بي همس( قلت ليهو انا تحت السرير ، دخل وانا في الغرفه ، قالي خلي الخط فاتح عشان اكون متابع ، قلت ليهو طيب ، طلعتا و مشيت علي الاداراج الفي الكومدينه ، بس بقيت بفتش و افتش ، م لقيت حاجه في الادارج خلاص اعصابي باظت، قلت اميد في غرفه عم عبدالله ي ربي لازم القاها ، قعدت و فقدت الامل تمام ، محمود قال لي بشري ، قلت ليهو مافي ،شويه مافي عيني وقعت علي شنطة لابتوب قلت ليهو دقيقه دقيقة ، مشيت فتحتها لقيتا كلها اوراق خاصه بالشغل و في كل ورقه كان في اسم ابوي زي القاصد يطارد ابوي ، قلت لمحمود لقيت اوراق كميه لو شلتهم كلهم حيظهر اني اكتشفتو و بكدا حتي لو هربته من البيت حيفتشو لي و ممكن ينتهو مني ، قال لي شوفي الاوراق المختوته في الاول و شوفي احدث تاريخ و شيليهم م تخلي ولا نسخه ، قلت ليهو طيب ، قعدت افتش لمن لقيت وحدة بتاريخ 2017 زي ستة ورقات شلتهم و قفلته الشنطة في محلها ، محمود قال لي ارجعي الغرفه ، الكلام دا كان 11 بليل فعلا شلت الاوراق ، قال لي اقل من نص ساعه حكون عندك تنزلي لي تحاولي بأي طريقه تطلعي من غير نا زول يحس عليكي ، خليكي جاهزة ، قلت ليهو طيب ..قفلتا منو و دسيت الاوراق تحت المرتبه و عبايتي جمبي ، راقده و متوترة ، و بفكر في غيداء و امي الاجوبه كلها حلقاها عند امي ، شويتين والباب اتفتح طوالي غمضتا عيوني وعملت فيها نايمة ، م عرفته منو بس شامةريحه رجالي ، و حاسه بحركتو بيقرب تجاهي ، قعد علي رجولو قصادي ،و ابتدا يقول نهايتك قربت يا حلوة ، ااااااخ بس لو اقدر و ابتدا يتحسس جسمي ، و من صوتو احمد وانا خلاص اعصابي باظت ، ما قادرة اتحمل يدو ، و شيطاني حيطلع ، قمت مخلوعه و دفرتو لمن وقع علي ضهرووو....استككانة~يتبع ...... مشو لي الاخطاء الاملائيه

ضياع الدر ..الحلقة 25..بقلم طارق اللبيب..اها بعد خلاص الامور كلها ظبطت ..والجيلي اطمأن والفرحة غامراهو ..قال ليها خلاص انا هسع انا بمشي .. وبجيبهم ليك واجيك بكرة الصباح ..قالت ليهو غلى خيرة الله .. الجيلي طلع ماشي الحلة .. طلع من ناس احسان .. لاقى ود اللحمر في الشارع .. سلم عليهو بي فرحة شديدة .. ومبسوط منه وماعارف يكافيهو كيف .. ود اللحمر قال ليهو اركب النوصلك .. الواطه مغربت خلاص .. ركب معاهو وبتونسوا ,, ود اللحمر قال ليهو شايفك مبسوط .. اظنك خلاص شفت العروس الجنبة يعني )الصعبه وفارسه( .. الجيلي قال ليهو .. اي والله ياعبود .. انت بس الله يجزيك خير.. ويعطيك لامن يرضيك .. السويتها انت بانقاذ بدرية .. بس يجازيك عليها رب العباد .. وانا شخصيا عمري ما بنساها ليك .. وح كون ديون ليك بحياتي والله .. ود اللحمر قال ليهو يازول ده كلام شنو البتقول فيهو ده؟ .. ده واجبي والله .. واي زول في محلي كان سوا كدي .. .. لكن والله يا الجيلي البنية دي قلبها حار حرة .. البت بالله جات للموج دهتوووووش .. والله انا حصلتها في اللحظة الاخيرة ..الجيلي قال ليهو الحمد لله ربنا لطيف بالعباد .. بس ماوريتني سر الخوة البينك وبين . خالتنا احسان .. قاليهو والله المراة دي في مقام امي .. الحقيقة انا داير بخيتة حماتها .. وبريدها ريده شديدة يا الجيلي .. وهي كمان بتريدني .. والفضل كله يرجع بعد الله لي المراة الملكة احسان .. بس والله يا الجيلي ظروفي واقفة لي عارض .. يعني الحمد لله .. حق باكر ماعندي .. حتى الكارو الشايفو ده موحقي .. شغال فيهو بالايجار .. كان عندي حمار وشغال تراب بالقليبه .. لكن الحمار مات .. الحمد لله .. ومرات نجازف في البنيان .. واشتغل طياني .. وبي كلو ماقادر الم حاجة .. عشان اتلم على بخيتة .. الجيلي قال ليهو .. الكارو حق منو؟ .. قال ليهو حق واحد اسمو الشريف .قال ليهو بعد تجي راجع .. امشي ليهو في البيت ..وقوله الكارو والحمار الاتنين بي كم ؟ .. وتعال نشتريهن يبقن حقاتك ..ود اللحمر قال ليهو لاالالا .. انت هسع ظروفك مابتسمح .. ماشه عليك مناسبة .. ربنا يتم لك على خير ..نحن المفروض نساعدك ونقيف معاك لكن العين بصيره والايد قصيره .. الجيلي قال ليهو يازول قول بسم الله .. نحن عبيد الله .. وربنا مابفرط فينا .. خل الامور على الله ..بس انتباكر الصباح لازم تلاقيني.. وتوريني الشريف قال ليك شنو؟طبعا ود اللحمر فرح فرح ..لمن بقى يبلع في ريقو . وخلاص الامال بدت تتزاحم عليهو .. وبقى ينوني ويتذكر في بخوت الفراقها زي الموت..الجيلي وصل .. وودع صاحبو العزيز ود اللحمر .. ومشى لبيت ناس ابوهو.. مرتاح وفرحان .. امه عاينت ليهو كدا .. قالت ليهو .. انت شكلك فرحان .. لقيت خبر من بدرية؟ ..قال ليها : اي يمة .. بدرية حية وطيبة.. الحمد لله .. امو دايرة تزغرد..ختاليها يدو فوق خشمها قاليها لالالا .. اصبري ماهسي ..الخبر ده مادايرين زول يعرفو .. لغاية اما امها وابوها يتاكدو منها .. قالت ليهو سمح ..صبحت واطات الله ..الجيلي مشى لي حاج احمد وزوجته .. وقال ليهم انا جاهر .. ارح عشان تشوفو بتكم .. بس مادايرين زول يعرف ..الزعيم قال ليهو بس معانا خالها .. عشان حيسوقنا بالكومر حقو .. قال ليهو مافي مشكلة ده مننا وفينا ..وركبو وطلعو .. ومعاهم الجيلي حاج احمد طول الشارع يتكلم براااهو ويقطع .. يقول ..والله يا الجيلي واحسان السويتوها مافي زول صبقكم عليها .. والله انا كنت داير اموت من الندم .. وكنت طول عمري بكون متحسر على موت بدرية .. الله يلعن الحماقة .. ياخي نحن قاعدين نتكبر ساي عن الحقيقة .. المفروض الزول مايجبر بتو على زول ما دايراهو .. لكن نسوي شنو؟ .. عادات لقيناها قدامنا .. علا والله بعد الحصل علي انا تاني .. عندي كلام اخر ..الجيلي وسعاد يعاينو لي الزعيم .. ويتبسموا ..سعاد قالت للجيلي .. يعني احسان يومها القالت لي بدرية حية .. كان كلامها صح ..الجيلي قال ليها نعم .. كلامها صح بس نكرت عليك في النهاية .. لانك قلتي دايرة ترسلي لناس الخرطوم .. سعاد قالت ليهو والله احساندي الله يقدرني على جزاها ..انا اليوم داك كشحتها بالتراب وجدعتها بالصحانة والكواري ..قال ليها اي لازم تصبر .. لانها حاسة بحسس بدرية .. زي ماقالو الخال شريك الوالد ..الكلام ده كللو كان في الطريق .. وهم ماشين على ناس احسان ..لمن وصلو لي احسان ودقو الباب .. فتحت ليهم واختها سلمت عليها بالاحضان .. وتبكي وتقول ليها ..صحي يا احسان بدرية معاك ؟؟..صحي يا احسان بدرية حـــيه؟؟..حرام عليك والله .. 17 يوم تخليني قلبي بنزف دم علي بتي ؟ .. قالت ليها احسن ينزف 17 يوم من تفقديها للابد ..قالت ليها ارح ارح وريني ليها ..وينها؟؟ دايره اشوفها ..قلبي مقطوع يا احسان ..كرعلي يابدور .. كرعلي ..احسان قالت ليها هووووووي .. اصبري ماشة وين؟ مافي زول بشوف بدرية هسي .. انا عندي شروط .. اتفضلو اشربو موية .. وبعدين تشوفوها بدرية قاعدة .دخلو قعدو في البرنده .. واخوها

بتاع الكومر متمحن يعاين ليها .. اصلوما اتكلم .. قالت ليهم الشرط الاول .. بدرية يعرسها الجيلي في مدة 15 يوم بس ..الشرط التاني بدرية بتي بتي وانا امها ماعندكم فيها اي تسلط ..انا حأجهزها للعرس والسيرة تجي من ناس الجيلي لي بيتي انا .. والعروس تمرق من بيتي ..حاج احمد قال ليها اساسا" انا وعدته الجيلي .. انو هو الوحيد البستاهل بدرية .. وهي بتستاهلو لو فعلا طلعت حية .. وح أوفي بشرطي .. وعندي ليك كلام تاني يا الجيلي ..بقولو ليك بعد اشوف بتي .. ويا احسان قصة بدرية تكون معاك ولا مع امها ده بينكم انتو الاتنين انتي وسعاد .امها قالت ليها .. قبلانين .. قبلانين بشروطك .. تعالي ورينا ليها ..قامو التلاتة .. دخلو والجيلى ماقدر يدخل معاهم .. دخل الاوضة جوة .. ورمى ليهو دمعتين وقشا وشو .. وطلع قعد في البرنده ..لمن دخلو على بدرية .. بدرية ماردت عليهم السلام ولاعاينت ليهم .. مسكوها يبكو ويبوسو فيها .. امها وابوها .. وكان مشهد يقطع القلب .. وهي لابكت .. ولاتكلمت .. ولا اندهشت .. ولا ابتسمت .. بس زي التمثال .. ولاعاينت ليهم .. سارحة بعيد .. امها قالت لي احسان .. مالا بتي يا احسان ؟؟ .. ليه مابتتكلم ؟؟ .. بدرية ؟؟ .. هوي يابدريه انا امك .. وده ابوك ؟؟ وبدرية كاضمة لابتودي لابتجيب ..الى اللقاء

سِلُامٌ شِبّابّ😌شٌِخصّ مٌحُتْاحُ رَسِامٌ يَرَسِمٌ لُيَُه صّوَرَُه الُبّقًدِرَ يَييَجْيَ ٌخاصّ وَشِكِرَا. @A7mmd2

طارق اللبيبضياع الدرالحلقة 26 الاخيرة ..بقلم طارق اللبيب..في اثناء ما الزعيم ومرتو واقفين )في البرنده الفي الحوش الورا( .ومندهشين..في الحالة الوصلت ليها بدرية .. وبدا عليهم الحزن ..بي سبب المرضالواضح ..بعد الفرح الحسو بيهو قبل شوية لمن شافو بتهم حية . احسان كان واقفة بعيد شوية .. تتفرج في المشهد .. بعد شوية احسانخلتهم في حالتهم دي .. وطلعت مشت للجيلي ..قالت ليهو .. تعال واقيف في باب النص ده ..وماتدخل ل هناك ..وجات راجعة سريع ..يلا الزعيم وسعاد بتكلمو مع بدرية ..)يابدرية ردي علينا.. يابدرية انتي ساكتة مالك؟ .. الحاصل ليك شنو؟ (... ولاحياة لمن تنادي..بعد شوية لاحظو انو بدرية التفتت للباب بانتباه ووعي .. كانها شافت حاجة نبهتها .. كلهم عاينو للباب .. لقو الجيلي واقف وبدرية بتعاين ليهو بي اندهاش .. فجاة قالت )) الجيلي؟؟(( وقعدت تبكي .. خالها قال ليهم خلاص كدا الحمد لله ..بدرية وعت .. مادام عرفت الجيلي واتكلمت .. وتبكي وتعاين للجيلي .. زي الكانو الجيلي ظلمها في حاجة وماقادرة تتكلم ..لمن الجيلي شافها كدا عيونو رقرقن .. وعايز يمشي .. قالت ليهو لا .. لا يا الجيلي ماتمشي تاني .. اقيف .. يا ابوي.. انا ماشة معاهو .. انا ماشه معالجيلي ..ابوها قال ليها حاضر ح تمشي معاهو .. بس هسع انتي تعبانه .. انتي هسي كيف ؟قالت ليهو تعبانة يابا ونعشانة دايره انوم .. الجيلي يا الجيليي .. ماتمشي انتظرني .. الجيلي هنا ماقدر يتمالك نفسو وبكى بحرارة .. و رجع مشى قعد في البرنده القداميه الكان قاعد فيها ..ابوها صلح ليها المخدة ..وقاليها ارقدي نومي ..نحن بنمشي ونجيك بعدين ..ورقدت دخلت في نومة ..هناك في الحلة الخبر انتشر ماعارف النشرو منو ..والحلة دي جاطت وانساطت.. والناس بقت تتجارى زي المجانين.. ويكوركوفرحانين بدرية اتلقت .. بدرية اتلقت حيه .. الجيلي لقى بدرية ..وين؟ وينوين؟ .. هسع بدريه مع خالتها احسان ..؟والناس ديل رجال ونسوان بنات وشباب ..بقو فايرين.. وفي ناس مشو حلة ناس احسان بي كرعيهم .. وجماعة القوز جو جارين من الحلة بي كرعيهم بالفرحه ..وفي ناس وصلو .. والجيلي سمع دق الباب ..مشى فتح ولقى الناس واصحابو والدنيا كلها وصلت بحممدو في السلامه .. وناس القوز اتكبسو فوقو بالاحضان والفرحه ..وبعد ساعة كدا بدرية صحت من النوم .. وصحت طبيعية مية في المية سبحان الله .. بس اول ماصحت قالت لبخيتة نادي لي ابوي .. ابوها جاها وفرح فرحة عجيبة لمن لقاها طبيعية .. قالت ليهو .. انت مش حتوافق بالجيلي يا ابوي ؟ قال ليها ايوة يابدرية .. ولي الشرف اوافق بالجيلي .. الجيلي درة وانا تاني مابضيعها .. قالت ليهو عليك الله يابا ناديهو لي اسلم عليهو .. ونادوهو .. ولمن الجيلي جا وقف قدامها هي تعاين ليهو وهو يعاين ليها قريب العشرة دقايق .. وابوها يعاين ليهم الاتنين .. ومتعجب في الريدة دي والنقاء ده .. وكيف الناس ديل مرتبطين بي بعض .. بالطريقة العجيبة دي .. وسألته قالت ليهو انت تاني ماشي السعودية؟؟ قال ليها لو مشيت انتي تمشي معاي .. ولا ما بمشي .. قالليها انا تاني كان بي موت بي حياة مابخليك وراي ..الزعيم قال ليهو حياتكم طويلة ياولدي ماتقول كدي .. ربنا يحفظكم والله علمتوني دروس عمري ما اتعلمتها .. الجيلي قال لبدور ..انا ماشي يابدرية في حريم ..جايين عليك ..بعض الحريم داخلات علي بدرية .. احسان قالت ليهن ..مافي واحدة فيكنتسألها من حاجة .. البت لسه داخلاها خوفة ونحن خايفين عليها .. والزعيم وجماعتو قبل صلاة الضهر رجعوا الحلة وضبحو الضبايح وعزم الناس ..والفرحة عمت كل البلد ..والزعاريد دي شاقة الحلة نصين وزعرودة ام الجيلي الكتموها ليها ديك ليها صدى ..الناس متلمين في العيزومة بعد الغدا ..الزعيم وقف على حيلو وصفق يديهو والناس كلهم سكتو من الونسة قال ليهم ...ياجماعة انتو معزومين معانا لي عقد ولدي الجيلي الاسبوع الجاي ..وعايزكم تشهدوا اني اهديت للجيلي واطاتي الفي كيلو سبعة .. )5 فدان ..(وكل تكاليف الزواج .. من الشيلة لغاية العيزومة ومصاريف السفر .. مايدفع تعريفة الا الصداق حق العقد ..بشارة مني ليهو بالخبر الجابو لي ..ومن الليلة الجيلي مانسيب وبس .. الجيلي ولدي وانا في مقام ابوهو .. وليهو الحق يتصرف في كل حقوقي ..والله الناس ديل فرحو فرحة واتبسطوا للجيلي والجيلي يستاهل ..بالاختصار ياجماعة الجيلي ربنا وفقو توفيق علي حسب ظنو في ربه . اصلا"الجيلي مابتشاءم ودايما"بظن في ربنا الخير .. عشان كدا اي مصيبة كانت حصلت ليهو كانت لخير ..السجن لخير .. وضياع بدرية لخير .. وهو زاتو اي مصيبة تحصل عليهو بقول لي خير ان شا الله ..لمن الجيلي ربنا وقفو ..المهم الحمد لله بدرية بقت في امان الله بعد ماصحت من النومة ديك..في هذه الاجواء دخل عمك مهدي ولقى الناس فرحانة .. والزعيم رحب بيهو حكا ليهو كل الحصل عمك مهدي ده فرح لمن بكى وقال .. نحناتعلمنا حاجة ..تقيف مع الناس ربنا يقيف معك .. وبعد لاقى الجيلي .. وبارك ليهو وقال ليهو ربنا

يتم على خير .. قال ليهو انا راجع اجيب بناتي وزوجتي ونجي نحضر العرس ....في ظرف الاسبوع ده الزعيم كان بجهز للجيلي .. والجيلي كان بجهز لي ود اللحمر ويشتري ليهو في شيلتو .. وطبعا اشترى ليهو الكارو .. وشنطة شيلة .. الجيلي يامك الله يكرمك .. ..في حاجة ماقلتها ليكم العزابة الفي الخرطوم اكتشفو انو الدحيش هو الوصل الجواب بتاع ناصر.. لمعتصم والخبر وصل ناس القوز .. ناس القوز كتبو جواب باسم الدحيش ورسلوهو لمعتصم .. وكتبو ليهو قالو ليهو : بدرية بت الزعيم اتلقت حية .. والزعيم متمني انك تجي عشانيرتب ليك زواجك منها مرة تانية يا معتصم ..بس انت تعال اعتذر ليهو.. انا اتكلمت ليك مع حاج احمد ..بس انت تعال لينا يوم الجمعة الجاية..) اخوك بلولة (.. ورسلوهو في عنوان معتصم .. ههه .. ناس القوز ضربو عصفورين بي حجر .. المطاميس ..الجيلي كان عارفهم مابخليهم ..المهم طبعا معتصم يوم الجمعة جاء ..لقى الدلوكة شغالة والصوط مدور.. والجماعة حلفو عليهو الا يندق ..قبل مايعرف ده عرس منو .. مع الضغط ملص قميصو .. وادوهو ليك خمسة سيطان من ابو كديس بالعنجاوي المقطرن . لمن بقى يتجلع ويتصروع .. وضهرو مشى دم .. وعرف ده عرس بدريه .. ههههههه...ويوم الجمعة كان يوم التلافي ..وكان ملان بالابتسامه . وكان جمال بالجد خرافي..كانت الدنيا بتدفق .. من مطر بالرحمة وافي ..الملاك بدرية سكنت .. في قلب رضيان وصافي..و الحجار فرحانه بي .. يوم المحاسن والمرافي..بي قلوب بالحن ملانه .. واي شر جواها مافي..لكم التحايا والمحبة لمتابعتكمودرركم البهيه ..اخوكم طارق اللبيب ..

حلقه]25[ سحر سميرقعدت اضحك قلت ليهو انا ؟ انا سرقت دهب و جريمة قتل ، طيب سعادتك انتو كنتو منتظرني هنا عارفني ح اجي زياره ، اذن دا حادث مدبر ، واقوليك حاجه انا حخش لاهلي و ما حتقدرو تمنعوني عندكم اي اجراء قانوني نفذو بعد اطمن علي اهلي ، قال لي يمكن تشردي ، قلت ليهوماتخاف يا جنابو انا اساسا كنته حسجل ليكم زياره ، و لو دايرين تتاكدو خلي واحد من المعاك ديل يجو معاي ، مشيت خشيت بفتش ماعارفاهم ويناتصلت علي عم صديق ، قلت ليهو وين انتو ، قال لي الدور التالت ، مشيت بجري و دموعي و لهفتي سابقاني ، ااااخ يا دنيا ، لقيت عم صديققلت ليهم هما وين ، سكت ، بقيت اصرخ فيهو عم صديق ما تدس عني حاجه ديل اهلي دي امي الغاليه امي الياما زعلتها وعليت صوتي عليها ،عليك الله ابوس رجلك توديني ليهم ، رفعني قال لي قومي انتي انسانة مؤمنة يا اقبال ، ابوكي في الانعاش لكن امك دي طلعوها في الغرف تحت ، قال لي ديك الانعاش جريت بذحف ذحف اقوم واقع اقوم واقع لمن وصلت و عاينت ليهو من القزاز ، راسو مربوط والاجهزة والخراطيش موصله ، يا حليلك يا الغالي ياداب عرفت خوفك علينا كان معناهو شنو ، ياداب عرفتا قسوتك واصرارك و قوتك معانا كانت ليه ، اهفي لي يا ابوي وان شاء الله تقوم لينا بالسلامة ، محمود جا كان تحت مع الظباط ديل، الحصل كان بيدل علي انهم مراقبني ، قلت لمحمود انا بنزل اطمن علي امي خليك مع عم صلاح ، نزلت لقيتا تالت غرفه ، شبه فايقه ، مسكت يدها و قعدت ابكي قلت ليها امي حبيبتي غاليتي ، انا ما عارفه ازعل منك ولا عليكي ، ما عارفه اعاقب نفسي كيف وانا حالياً الدنيا دي قاعده تعاقبني اسوء العقاب ، بالجد كل البعرفو اني ما بسوى بلاكم حاجه واللهما بسوى يا غاليه ، من البكا والانا فيهو الصداع داير يشق راسي ، طلعت برا قلت لمحمود انا لازم امشي القسم ، عمو صلاح قال لي قسم شنو ، قلت ليهو قصه طويله يا عمو ، خليك مع ابوي وان شاءالله ربنا لو راد برجع ، قال لي لا انا في مكان ابوكي لمن ابوكي يقوم بالسلامه ، ما بقدر اخليكي اخدت لي بكيه كدا و بالجد استاهل كل البحصل لي دا ، مشينا لحد القسم و الشنطة مع محمود كان جاي ورانا هو وعم صديق و المطمني سلمي مع غيداء )ااي سلمي الاهنتها( ، مشيت وابتدو يتكلمو معاي اني سرقت دهب بقيمة ملاين ، قلت ليهو ، هما السرقو دهب امي و في بلاغ اتفتح من فترة وابوي الحا فتحو ومعاهو العم دا ، عم صلاح قاليهو السارق واحد من اولاد حاج عبدالله ، انا شفتو في لحظتا بس ضربني في يدي و ما قدرت امسكو وم كنت عارف انو سرق حاجه ، قال لي دا يوم مشينا نودي جهاز الضغط ، قلت ليهو متذكرة وانتبهتا وشكيت فيك يا عمي اعفي لي ، قال لي انا م كلمتك عشان م تخافي وامك وابوكي كانو عارفين ، وحاليا سعادتك انا لو شفتو بقدر اتعرف عليهو ، و لمن حاج الصادق عرف انو واحد من اولاد عبدالله السرق جا عندكم واتنازل قبل نتيجه فحص البصمات تظهر ، انا اتخلعتا من طيبه ابوي معقول هو بسوي في كدا وهما بكيدو ليهو ، قام قال لي ممكن اعرف ليه ضربتي ولد عبدالله قلت ليهو اول حاجه ، ارتكب جريمة ةاغتصب اختي بعنف والتقرير الطبي بيقول انو لازم ننقلا للمصحالعقلي و دا التلفون ودا الفيديو هددني بيهو وكان حيعمل نفس الشي معاي وانا هاجمتو وهربتا دفاعاً عن النفس ، و عندي حاجه تانيه يا افندم ، و حكيتليهو قصه المشروووع كلها و وريتو الاوراق البتثبت صحه كلامي ومحمود م قصر معاي ساندني وبقي شاهد ، لمن سلمتهم الشنطة بتاعت وليد فضوها ، اثناء التفتيش لقو الموبايل الربيكا الشفتو من فترة و بعد شلتو رجعتو، فتحو الموبايل لقو كل الرسايل الكان بيرسلا لي بأسم عمر و كان ، طبعا انا م شفت التلفون ولا فتحتو الا اسي دا كدا دليل تاني ، انا كدا اثبت براتي بس برضو ما حيطلعوني ، طوالي الشرطة مشو لبيت عم عبدالله ، البيت م كان فيهو غير عبدالله والام و سهاد ، سهاد و امها م ليهم اي دور يثبت حاجه ، فجابو عم عبدالله ، و احمد في السجن ، حتي قصه هيثم حكيتت ليهم ، و قبضو عليهو وهو صديق وليد وكل شي كان مدبر باتفاق منهم ، اتحبستا اسبوعو عم عبدالله اتحبس بس ما اتكلم و رافض يتكلم الا في وجود اولادو و اهلي ، وانا محمود كل يوم كان بيزورني ، رقم الاورنيق بتاعي كان 815 ،جا محمود طلعني بي كفاله ، بعد الاسبوعمشيت طوالي المستشفي لقيت امي اتعافت تماما و كتبو ليها خروج ، بس ابوي بقي مشلول شلل نصفي ،يوم راجعين علي البيت ، قلت ليها امي ممكن تحكي لي قصه عم عبدالله ، قالت لي جدا ..عم عبدالله كان ولد جيرانا في بورتسودان امي وامو صحبات شديد ، و كنا بنحب بعض بس انا ابوي اجبرني اتزوج ولد عمي اللي هو ابوكي ، و عبدالله كان بيقرا ولسه م شغال ، و زواجي تم باجبار ، بعد سنة من زواجي بابوكي ابتديت اتعلق بيهو ، رغم انه عبدالله ما فقد الامل فيني وكان بحاول يوصل لي وانا بصد عنو ومن وقتها كل واحد مشا في طريق ، لحد ما في يوم اكتشفت انه بقي صديف ابوكي ، اتفاجاتا بس ما اهتميت ، قلت ليعا طيب زوجتو ام

اولادو اتوفت بسببك كيف ؟ و اذا اولادواكبر مننا يبقي كيف انتي اتزوجتي قبلو ، كان نكون احنا الاكبر ، قالت لي اناما حملت بغيداء اختك الا بعد كم سنة و بالدكاترة ، قلت ليها فهمت ،فالت لي وفاه زوجتو دي انا ما بعرفا بس زوجتو موجودة ، قلت ليها الحصل كله ) ...(قالت لي ما بقدر اسكت علي الاتعمل في بتي لكن الدهب في ستين ،، قلت ليها انا اخدت حقنا و بالزياده لكن عم عبدالله رافض يتكلم الا في حضرتكم ، قالت لي طيب ،لازم اطمن علي اختك ، مشينا و احنا في السكة محمود اتصل علي قال ليالشرطة قبضت وليد قلت ليهو ماشين عند غيداءقالي خلاص بجيكم ف المستشفي ، امشو علي قسم الامراض العقليه ، وصلنا اتصلت بسلمي قلت ليها رقم الغرفه كم ؟قالت لي 815يتبع ... الحلقه الاخيرة ..

قصة سيدة في احد المتاجر :

ذات يوم كنت في أحد المتاجر الاستهلاكية وبعد أن انتهيت من انتقاء ما أريد شراءه في العربة وذهبت ناحية الحساب وكان قبلي في الطابور سيدة ومعها بنتين صغار ومن بعدهم شاب ثم أنا ولاحظت ان محاسب الكاشير قال للسيدة حسابك 145 ريال.

وبعدها مدت يدها في شنطتها تبحث هنا وهناك وجمعت مائة ريال عبارة عن ورقة خمسين والباقي عشرات ولقيت كل واحدة من البنات جمعت الريالات اللي معاها الى أن وصل المبلغ 125 ريال وظهر الارتباك على الام حاولت ترجع شي من الاغراض عشان تقلل الحساب وواحدة من البنات تقول لها يا امي هذي ما نبغاها مو مهمة!

وفجأة لقيت الشاب اللي خلفهم يرمي ورقة فئة خمسين ريال بجانب السيدة في خفة وسرعة فائقة ومباشرة يخاطبها بمنتهى الهدوء والأدب يا أمي انتبهي هذي طاحت من شنطتك الحين وانحنى امامها وأخذ الخمسين ريال من الأرض وأعطاها لها وشكرته السيدة وأخذت المبلغ وأكملت الحساب وانصرفت.

وبعد أن انهى حسابه هو الآخر تحرك مسرعا دون أن يلتف خلفه كأنه يهرب. فلحقته بسرعة وقلت له انتظر يا أخي أنا أريد أتحدث معاك وسألته بالله عليك كيف جاتك الفكرة بهذه السرعة ونفذتها بهذا الاتقان طبعا في البداية حاول الانكار ولكن بعد أن أخبرته بأني شاهدته وطمأنته أني لست من سكان مكة وأني سأعتمر وأرجع مدينتي والأغلب أني لا أراه مرة أخرى.

قال لي شوف يا أخي والله اني كنت متحير ماذا سأفعل طوال الدقيقتين خلال فترة ما يجمعوا فيها الحساب ولكن ربك سبحانه وتعالى ألهمني هذا التصرف حتى لا أحرج الام أمام بناتها بدون أدنى حيلة مني وبالله عليك لا تفتنني واتركني أذهب قلت له يا أخي أرجو الله أن تكون ممن قال عنهم ( فأما من أعطى و اتقى وصدق بالحسنى فسنيسره لليسرى ) فبكى واستأذن ومشى لسيارته مسرعا يغطي وجه.

أسأل الله له الأجر والثواب وأن يجعلنا وأياه ممن قال الله عنهم {وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ أَنَّهُمْ إِلَى رَبِّهِمْ رَاجِعُونٍَ أُولَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ} أسأل الله أن يجعلنا ممن ينفقون في سبيله وابتغاء مرضاته آمل تعلم تلك الحركة وخفتها ودربوا أنفسكم عليها.

#مفيد_للقصص
🌹🌹🌹🌹🌹
لا تنسونا من صالح الدعوات

يلا شباب😍اليوم الحلقه الاخيره من الروايه

حلقه]26[ سحر سميرقلت ليها كم ؟ )بذهول(قالت لي رقم 815 حنتظرك برااا ، دموعي ديل جرو ، مشينا ، لقيناها في حاله لا يرثي لها ، 24 ساعه تبكي و تهضرب ، سالت الدكتور حتتعافي في قدر شنو ، قال لو استجابت للعلاج في اقل من شهرين باذن الله ،امي دي تبكي من الصدمة ما قادرة تتكلم ولا تنطق ،، جانا محمود ساقنا علي القسم لقيناهم كلهم حتي احمد خرجوهو ورابط راسو انا من شفتو دمي فار ، محمود ماسكني بيقول لي اهداي روووقي ، م تتحامقي موقفك ما بيساعد ، قلت ليهم قبل اي شي وليد طلقني اسي دا ، سكت هرشتو ، قلت ليك طللللقني ، قال لي انتي طالق بالتلاته ، بس كدا انا ارتحتا ، عم عبدالله ابتدا يحكي ، حكي نفس الكلام القالتو امي ، بس امهم اتوفت بسبب وحدة تانيه كان حيتزوجا علي مرتو ، و ان امي من زمان ما متواصل معاها و التلفونات الكانت بتجي لامي كانت من بابا بس لاني صغيرة ، كانت بتحاول م بتدخلني في حتات زي دي ، اولادو مخلوعييييين ، قلت ليهو وياداب اتجرأتا وحكيت بعد ما حياتنا انا واختي اتدمرت ، انت عارف ولد العاف دا عمل شنو في اختي انا اختي اسي في مستشفي الامراض العقليه بسببكم و بقيت بكورك و بصرخ ، لكن ودديني وايماني عقابكم ما خلص كان اعدموكم انا روحي ما حترتاح ، العذاب العذبتوني ليهو والايام الحبستوني فيها من غير اكل ، و الضرب الانضربتو والتهديد الكان كليوم بجيني ، دا كلو انا ما حخليهو واوعدك قدام الظباط والناس ديل انا حأسعي انكم ما ترتاحو ولا تتهنو في الدنيا دي ، و الدنيا دي دوارة زي ما دارت بي و ادتني درس ، لسه ياما حتشوفو ،قلت لي وليد بس سوال : رقم 815 دا شنو ، قال لي رقم المشروع ، و سميتك ضحية لان دت مخططي من البدايه و هدفي انتي واختك ، اعنزف بكل بجاحه ..طبعا احمد اتحبس مؤبد ، عم عبدالله خمسة سنوات ، و وليد مؤبد والقضايا بتاعتو كتيرة ، طبعا عم صلاح اتعرف علي احمد و احمد اصلا كدا كدا لقا نفسو في السجن فاعترف ، تاني يوم بالضبط ابوي طلع من المستشفي حمدلله ، ياهو علي كلام الدكتور اتشلا شلل نصفي ) شفتو الشماته ، تتذكرو الضحكة الضحكتها في المواصلات لمن شفت واحد عزير وضحكت فيهو ، اهو ربنا ابتلاني في اقرب الناس لي ( ..رجعت لحياتي الطبيعيه في البيت ، و كل يوم كنت بمشي لغيداء في المستشفي ، و طبعا سلمي واسرتا اقرب ناس لي ساندوني كتير ) شفتو الدنيا دي دارت بي كيف التاس الذليتهم و عفت منهم و هزأت بيهم جا اليوم الوقفو معاي من غير حتي ما يعاقبوني علي افعالي ( ..بعد اسبوع بالضبط ، مسكت مشروع رقم ابوي و امي ساندتني و تطورتا وعملت الشي الابوي كان حابي يعملو ، بعد شهر بالضبطكتبو لغيداء خروج من المستشفي ،مشينا ليها كلنا انا وامي وابوي و محمود وسلمي ، وكانت المفاجاه ان في لحظة خروج غيداء من الغرفه 815 صادف دخول مريضه جديده لنفس الغرفه و كانت ضحية لغلطة ارتكبوها اخوانها و هي" سهاد ")نوائب الدنياتدور سبحان الله( ..حمدلله رجعت كملت دراستي ، و غيداء اتحسنت تماما و ابوي كان بعمل العلاج الطبيعي بس لسه مافي تقدم ، انا استلمت الشغل و طبعا ابوي خلاالبحر ،اما محمود ، كان نصي الحلو انا ما بستاهل الزول دا عشان كدا رفضتو مراراً و تكراراً لكن كان شايف فيني جوانب انا ما شفتها في نفسي ، بعدها بفترة اتزوجنا و شغلو كان برا السودان سافرت معاهو شهر ما قدرت اقعد برا السودان ، لانو فعلا بلدي هو بلدي ناسي جيرانا الحله الشوارع كلها بتشبهني ما بقدر ابعد من بلدي ولا من اهلي ، اتعلمت الاحترام والاخلاق واحترام الناس واجب و ما بنقيم زول بي وضعو المادي لانو دي حاجات دنيويه ما بتدوم ، الدوام لله ، يعني لمن احب لي واحد عشان عربيه ولا قروش بالجد حسيت باهانه لنفسي وانا كيف كنت بالعقل دا و اخدت عقابي والدنيا ادبتني وكنت علي وشك اني اخسر كل شي الا لطف ربنا بي ، طبعا ربنا ما رزقني بي اولاد لحد اسي ،يمكن نوع آخر من العقاب ، غيداء اتزوجت الدكتور العالجا و رجعت احسن من اول ،بالجد الحياه دي جميله بس نعيشا صح.. العقاب كان حار لكن ما بنتعلم ببلاش"و قل للشامتين صبرً فأن نوائب الدنيا تدور "كل الحب / اتمني قد تكون نات رضاكم واستحسانكم و حتلقوها نازلهرفي اول نسخه من كتابي ، و دمتم ،* انتطروني في روايتي القادمة " أمل"النهايه