يلا شباب😃خلصتا الروايتين كدا وبكره ان شاءالله حابدا انشر من روايات تانيه😉
قًنـــاُه. 🌸||designers
لُاجْمٌلُ الُتْصّامٌيَمٌ😌✨
ادٌِخلُوَ وَشِوَفَوَ😉
https://t.me/joinchat/AAAAAD7kkqAAgOg1TyZ4MA
لُاجْمٌلُ الُتْصّامٌيَمٌ😌✨
ادٌِخلُوَ وَشِوَفَوَ😉
https://t.me/joinchat/AAAAAD7kkqAAgOg1TyZ4MA
📟 معادلة بين الجهل والعلم!!
.
.
١ - الجهل + الفقر = إجرام
٢ - الجهل + الثراء = فساد
٣- الجهل + الحرية = فوضى
٤- الجهل + السُلطة = استبداد
٥- الجهل + الدين = إرهاب
استبدل مكان الجهل العلم
وانظر ماذا يفعل العلم بالجهل؟ ! !
١ - العلم + الفقر = قناعة
٢ - العلم + الثراء = إبداع
٣ - العلم + الحرية = سعادة
٤ - العلم + السُلطة = العدل
٥ - العلم + الدين = استقامة
قال تعالى :
﷽ ﴿وَقُلْ رَبِّ زِدْنِي عِلْمًا﴾.
💡العلم نور أينما وضع...
#برضاك_نرتقي
.
.
١ - الجهل + الفقر = إجرام
٢ - الجهل + الثراء = فساد
٣- الجهل + الحرية = فوضى
٤- الجهل + السُلطة = استبداد
٥- الجهل + الدين = إرهاب
استبدل مكان الجهل العلم
وانظر ماذا يفعل العلم بالجهل؟ ! !
١ - العلم + الفقر = قناعة
٢ - العلم + الثراء = إبداع
٣ - العلم + الحرية = سعادة
٤ - العلم + السُلطة = العدل
٥ - العلم + الدين = استقامة
قال تعالى :
﷽ ﴿وَقُلْ رَبِّ زِدْنِي عِلْمًا﴾.
💡العلم نور أينما وضع...
#برضاك_نرتقي
روايات طارق اللبيب✏
حلقة]23[سحر سميرو عينكم ما تشوف الا النور و طلعت سفنجتي واديتو كف بيهاااا ، قلت ليهو دا ابسط حاجه ارد ليك بيها ، طبعا مسكني طحني و وقع فيني ضرب ، بقيت بضحك و اقوليهو لسسسه اتقاوي اكتر ، و يلطش فيني كفوف ، لحد م طلع و م كان عندي حل غير اني اخش غرفتو دي و اشيل…
شباب سوري🌝الحلقه24م نشرتها💔بنشرا اسي
روايات طارق اللبيب✏
شباب سوري🌝الحلقه24م نشرتها💔بنشرا اسي
حلقه ]24[ سحر سميرقمتا ناطه و دفرتو لمن وقع علي ضهرو ، قلت ليهو انت حيوان ولا شنووو ، في اللحظة دي تلفوني تحت المخدة منتبهه لمحمود بيتصل ، وكان احمد لاحظ للتلفون حتبقي مصيبه ، بالجد انا في موقف لا يحسد، قلت ليهو داير شنو انت مني ، قام علي حيلو وابتدا يقرب مني ، قال ليالحصل مع اختك ، حيحصل معاكي ، قلت ليهو اختي انا ؟ قال لي ايوة قلت ليهو اختي عملتو فيها شنو وحات الله اقتلك و اشرب من دمك انت اهلك كلهم فاهم ولا ما فاهم ، قعد يضحك و ابتدا يقرب مني و انا برجع لي ورا و يقرب وانا برجع لي وراا ، قال لي عايني شايفه الدم دا الفي بنطلوني دا دم اختك ، سبتها مجدوعه في الشقه و بقا يضحك وانا شيطايني بقت حاضرة ، بقيت بقول ليهو شقه هاها انت م بتقدر تعمل حاجه زي دي و استفذيتو عشان يجيب كل اللي عندو ولو فعلا كلامو صح احصل اختي ، و غيدا عمرها م طلعت برا البيت لحد الوقت دا ، قال لي انا مستعد اوديكي ليها في شقتنا الفي ال).......( ، و عشان تصدقي ، هاكي اتفرجي ، فتح التلفون و كل دا بهناك محمد بيتصل ، انتو متخيلين مصور غيدا اختي فيديو و بتصرررخ و بتقوليهو ابعد عني ابعد مني ، وووووااااي يا وجعتك يا اقبال و يا وجعة اختك ، انا اختي يتعمل فيها كدا يا كلب يا ود الحرام بس بقيت ابكي انا تدمرو اختي بالطريقه دي لييييه ياخ انحنا كاتلين ليكم رقبه ، قال لي ااااي امي ماتت بسبب امك امي ، واقعه مجدوعه مصدومة واتالمت لمن ماتت بسببكم ، ودا جزو بسسسيط ، قلت ليهو انت ما قدري ، يا احمد لا انت لا سلالتك كلها ، و بما اني قاعده في مخزن كلها خشب ومسامير و كراكيب قديمة، بس اتناولتا اقرب كراع كرسي بي مساميرا و ضربتو بقوتي في راسوووو ، وقع فرفر زي الجداده و لا عاينت ليهو ، مشيت سلت تلفوني و الاوراق و رجعت غرفه وليد شلتا شنطة الابتوب كلها و رديت علي محمود قلت ليهو انتظرني في الناصيه علي اليمين و خلي الانوار مطفيه ، بقيت بتسحب و نزلتا لقيت الصاله ضلام ، لمن وصلت الباب ، سهاد شافتني بفت تقول انت منو انت منو ، لانو ضلام م شافتني ، جريت وقفلت الباب و لقيت محمود منتظرني بسرعه ركبت وقلت ليهو دور العربيه بسرعه ، بفول لي في شنو ، قلت ليهو محمود ما زمنك دور العربيه ابوس يدك ياخ ، فعلا اتحركنا و انا ببكي منهارة و هو ماقادر يفهممني حاجه ، بس بقيت اقوليهو كتلتو يا محمود كتلتو و الله كتلتو و بصرخ و ببكي ، قال لي كيف يعني قلت ليهو كان داير يغتصبني بعد ما اغتصب اختي و الله اعلم هي عايشه و لا ماتت ، عارفه العنوان بس خايفهخايفه ، ما حستحمل منظرا والله ما بقدر ، قال لي لازم نمشي انتي عرفتي العنوان كيف ، قلت ليهو هو قال لمن كان بستفذني ، قالي طيب وين وريني ، بقيت بحاول اتزكر ، نسيتو ما قدرتاات بس ببكي بفكر انا وصلت لياتو مرحله بسبب اخلاقي الزفت بسبب اني بعدت من ربنا ، بستفاهات دنيويه ، استعفر الله يا رب استغفر الله ، قال لي روقي و اتزكري استغفري بس قولي "اللهم رب الضاله رد لي ضالتي " بقيت بكررا و اقول وراهو " اللهم رب الضاله رد لي ضالتي " ، قلت ليهو ايواا ايواا اتزكرتاقال لي اهااا قولب ، قلت ليهو ) .....( بس اتحركنا و طول السكة دموعي ما وقفت ، وصلنا انا ما قدرت اطلع في عمارة تحت الانشاء ، تقريبا مهجورة ، غلبني والله رجولي والله ماقادرة احركهم ، بس محمود يقول لي من متين اقبال ضعيفه كدا ، لو حابه تفقدي اختك خليكي كدا ، كلامو دا صحا جواي حاجات كتيرو ، بي بقيت جاريع و بفتش اصلا ماف بيبان لمن وصلنا الخامس ، و اتذكرت في الفيديو في علامة حمرا بالبوهيه ، بس اتذكرتها ، و خشينا ، ووووووواي انا وواي لقيناها مجدوعه زي الدلقان واقعه واقعه وسايحه في دمها ، اصلي م ندمت في العملتو فيها و بدعي ربنا م يكون مات بالسهوله دي وووواي يا اقبال يا خرقه قلبك علي اختك ، اسوي سنو يا محمود ، قالي لسه عايشه فيها نبض قومي انزلي قدامي انا بشيلا و بنزل ، قلت ليهو يلا ، فعلا نزلت و محمود وراي و شايل غيدا ، طلعنا العربيه ، و مشينا مستشفي اسعفوها ودخلت عمليه قريب تلاته ساعات ، انا علي اعصابي و اغرب شي امي و ابوي معقوله ما فقدوها ، ما عارفه الوم منو ، اااااخ يا نار قلبي ااخ ،لمن طلعوها و دخلوها غرفه عاديه ، و محمود دفع التكاليف كامله و انا فيعز وضعي داك من الخجل عايزة الارض تنشق و تبلعني ، بس جريت عليها ، الدكتور منعني ، بس قال لي لازم محضر دي تعتبر جريمة لا ينسكت عليها و حتي لو انتو سكتو ، انا حقوم بالاجراءت الازمة ، محمود كلم سلمي لانهم قلقو عليهو م جا البيت اتاخر ، جوني و قعدو معاي في المستشفي ، لمن غيداء فاقت و ياريت ما فاقت تصرررررخ و تكورك و تبكي فكني ، عليك الله فكني ، فكني فكني ، الا ادوها حقنه مهدئه ، الدكتور قالي اختك دي حتي لو اتعافت جسدياً نفسياً اتدمرت ولازم من هنا تتحول للامراض العقليه ، بقيت اكورك وابكي والحقد جواي زاد و كبر ، طلعت ماشايفه قدامي و محمد وراي يقول لي اقبال حتمشي وين اقبال اقيفب ، قلت ليهو تعال افتح
روايات طارق اللبيب✏
شباب سوري🌝الحلقه24م نشرتها💔بنشرا اسي
لي العربيه ، قال لي طيب لحظة ، فتح العربيه قعدت في الكرسي الورا و فتحت الشنطة بتاعت وليد ، و محمود بعاين فيني قالي حتعملي شنو ؟ قلت ليهو الاوراق دي اغلبيتا نصب و مشاريع و تزويرات ، و دي براها كفيله توديهم ورا الشمس ، و غير كدا احمد اعترف هو السرق دهب امي ..الخقلت ليهو وديني بيتنا م معقول امي و ابوي ديل كويسين و ما يفقدو غيداء ، قال لي البيت اسي خطر عليكي ، قلت ليهو انا فقدت نفسي و فقدت حياتي كلها ، م عندي حاجه اخسرا ، ارح ،، اتحركنا و مشينا ، لمن وصلنا لقيت العربيه برا مافي ، قلت معناتو نع عمو صلاح في مشوار ، فضلتارن في الجرس وارن لمن فتحت لي الحبشيه ، قلت ليها امي وين ؟ قالت لي ما عارفه طلعو بليل و لحد اسي ما رجعو ، قلت ليها كيف يعني الكلام دا ، قالت لي والله حتي غيداء ما رجعت من طلعت الصباح ، اتصلت بعم صلاح م ردا و اتصلت ب امي ما ردت و اتصلت ب ابوي ما رد علي ، بعدها عم صلاح رجع لي ، قال لي منو معاي ، قلت ليهو انا اقباليا عمو انتو وين انا جيت البيت و مالقيت زول ، سكت مسافه ، قلت ليهو سمعتني ؟ قال لي ايوة سمعتك ، قلت ليهو انت وين ؟ قالي في المستشفي ، قلت ليهو عند اقبال يعني ؟ اتخلع قالي اقبال مالها ؟ قلت معناتو م عارف ، قلت ليهو طيب مع منو في المستشفي ، قال لي انا امس كان يوم احازتي وابوكي وامك طلعو بليل و عملو خادث شاحنه خشت فيهو ،، قعدت اضحك قلت ليهو م تهزر عم صلاح ياخ و جدعتالتلفون و بقيت بصررررررخ وابكي لالالا ما ممكن يموتو ما ممكن اعيش من غيرهم والله ما بقدر والله ما بقدر ، انا لازم اعتزر ليكم والله كنت طايشه يا امي والله ما بقصد انكم تخلوني براي انا ما عندي غيرركم يا وجعه قلبي عليك يا امي و يا ابوي ، و محمود دا يهدي فيني ، بس طوالي اتحركنا علي المستشفي ، من دخلتا لقيت الامن علي الباب ، قالو ليداخله وين ؟ قلت ليهم امي و ابوي هنا و جايه اشوفهم ، قالو لي اسمك و معلوماتك ، قلت ليهم اقبال الصادق ... الخ ، قالو لي اتفصلي معانا القسم انتي متهمه بجريمة قتل و سرقه دهب من بيت الحاج عبدالله ....استككانه
بسم الله الرحمن الرحيم ..
رواية المسؤولية..من الروايات التي ربما تسبب للقارئ نوع من الحيرة والانشغال الفكري .. ولكنها قضية .. قضيه في مجتمعنا تحتاج منا للنظر الفاحص .. والذهن المتفتح .. في علاج المشكلات.. والوقاية منها قبل وقوعها .. وهي رواية قد تختلف عندها الاراء .. وتتباين فيها وجهات النظر ..وكل راي له من الحظوة والاحترام .. هكذا هي الحضارة والادب ..ووستتابعون ذلك .. في مجريات الاحداث .. وتسلسل القصة ..ساعدوني بالصبر ..والزول المابتصله اشارة.. ارجوه ثم .ان يكرمني بمشاركه في صفحته فانه بذلك يكرمني .. واحترامه علي حق ..ولكم مني تحية الود والنقاء ..
انتظرونا الساعه9
رواية المسؤولية..من الروايات التي ربما تسبب للقارئ نوع من الحيرة والانشغال الفكري .. ولكنها قضية .. قضيه في مجتمعنا تحتاج منا للنظر الفاحص .. والذهن المتفتح .. في علاج المشكلات.. والوقاية منها قبل وقوعها .. وهي رواية قد تختلف عندها الاراء .. وتتباين فيها وجهات النظر ..وكل راي له من الحظوة والاحترام .. هكذا هي الحضارة والادب ..ووستتابعون ذلك .. في مجريات الاحداث .. وتسلسل القصة ..ساعدوني بالصبر ..والزول المابتصله اشارة.. ارجوه ثم .ان يكرمني بمشاركه في صفحته فانه بذلك يكرمني .. واحترامه علي حق ..ولكم مني تحية الود والنقاء ..
انتظرونا الساعه9
المسؤولية ..الحلق الاولى ..بقلم طارق اللبيب ..شايف محمد جاي من الشغل ..خاشي البيت تعبان ومرهق .. وزوجتو كوثر منتظراهو بالغداء ..والساعة ماشة على خمسة مساء .. كوثر قالت ليهو.معقول يا محمد ؟؟ التأخير ده شنو ؟ يعني انا لازم انتظرك بالجوع لغايةالمغارب ؟ والمشكلة ما جوعي انا .. المشكلة انت الجوع ظاهر فوق وشك.. ياخي ارحم نفسك شوية ..قال ليها اعمل شنو ؟ انا يا كوثر على مسؤلية كبيرة . يعني حسابات شركة قدر دي كلها فوق راسي .. محمد شغال مدير مالي في فرع من فروع شركة من الشركات المعروفة ..)بس ماياها دي المسؤلية المسمين بيها الروايه( ..اسم الرواية بظهر لي قدام .. المهم محمد ده ياجماعة .. كان اتزوج كوثر .. )وكوثر كانت زميلتو في الشغل( .. اتزوجو قبل سنتين .. وربنا ماقسم ليهم جنا لحدي هسي .. محمد بحب كوثر حب مبالغ فيهو .. وكوثر كمان بتحبو ، ومتمسكة بيهو جدا" .. وربنا من فضلو وكرمو توجليهم الحب ده بالزواج .. بس ماقسم ليهم ذرية ..المسألة بتاعة تأخر الانجاب دي ،سببت ليهم مضايقات كبيرة من الاهل ..في الجانبين .. اهل كوثر بنقنقو معاها .. واهل محمد بنقنقو معاهو ..ومحمد مابيحكي لي كوثر نقة أهلو .. وكوثر مابتحكي لمحمد نقة اهلها ..اها اليوم ده كان بتكلم معاها فوق الغدا ..قال ليها يا كوثر.. نحن المفروض نمشي الدكتور نشوف الحاصل شنو؟ ونعمل فحوصات وتحاليل كاملة ..قالت ليهو ليه ؟ يعني ؟ لو فرضنا انو العيب فيني او العيب فيك .. حنتصرف كيف؟ .. قال ليها لو العيب فيني .. انا بطلقك .. عشان تشوفي حياتك وتجيبي ذرية .. قبل العمر يتقدم بيك ؟ قالت ليهو طيب لو العيب طلع فيني انا؟قال ليها مامشكلة.. انا اساسا" ماعندي رغبة شديدة كدا في جوطة شفع..قالت ليهو بالله؟ عليك الله .. كدي عاين لي جاي.. واتكلم عيني في عينك كدا..قالت ليهو اسمع مني يامحمد ..انا لو طلع في الفحص العيب مني ..والله يا اما انت تتزوج او انا امشي بيتنا ..لاني عارفاك نفسك في طفل..والنقة بتاعة الناس ..مامريحنك انا عارفه ..قال ليها يازوله ماشغالين بيهم .. اها يازول محمد وكوثر ديل ..الليلة فياليوم ده بالذات ..كانو ماشين لبيت اهلها .. قالت ليهو اتغدى سريع يامحمد .واخد ليك راحة . عشان نحن بعد المغرب ،ماشين لبيت ناس امي .. لانو امي زي ماحكيت ليك .ليها تلاتة يوم كانت عيانة، وانا مامشيت شفتها .. هسي تكون زعلانة مني ..قال ليها جدا نمشي طوالي مافي مشكلة ..انا زاتي طولت من امك واخواتك الاتنين العاملات زي جوز اللوز ديل ..هاهاها .. فعدو يضحكوا الاتنين واتغدو .. وقاعدين يتونسوا الاتنين وونسة دقااقه كدا .. انا غايتو ماسمعتها .. ماصح الزول يسمع ونسة الراجل مع مرتو.. ..طيب ..بعد المغرب لبسو وطلعو مشو على بيت ناس امها .. في الشارع قال ليها سبحان الله !! عارفه ياكوثر ؟؟ انا امك دي بعزها معزة ..لدرجة اني بشوفها زي امي ..ولمن اكون ماشي على بيتكم ، بحس اني ماشي على بيت الامان ..كوثر في سرها قالت ليهو .. )ياحليلك انت يا الطيبان .. ما عارف امي بتقول عنك شنو؟(وهم مواصل يتكلم بي كل اريحية ومبتسم ويبلع في ريقو .. قال ليها خصوصا" ونسة ) نادية وهادية( - ديل اخواتها اصغر منها - .. دايما تلقاهن متكاجرات وبتناقرن .. لكن مابتفرقن كلو كلو . تتذكري يوم ..هاديه قالت لي نادية الله يكتلك انتي .. بس وكت هادية طلعت .. مشت الزقاق البيورا ..في طش وقع .. نادية اتخلعت .. وقامت جارية حفيانة .. وقالت كرعلي هادية مايكون حصل لها شي.. هههه .. اصلا" الاخوات كدا ..تسمعي الشكلة تقولي ديل اعداء .. والواحده مابتحمل في اختها قرصة النملة ..هو يتكلم ويربرب ساااايق .. وهي تعاين ليهو معجبة ومبسوطه ..وصلو البيت .. ومحمد سلم على الحاحة بي كل فرحة وطيبة نفس .. وقعد اتونس معاهم شوية كدا.. وقال ليها انا ماشي مشوار صغير كدا بالعربية وجاييكم ..عندي صاحبي ساكن في الشارع القدام ده اسلم عليهو ..واجي ..وهو طالع قبل مايصل الباب ،حسا انو في حجر صغير دخل في جزمتة..خشا على البرندة فيها سرير ،قعد في السرير ،وقلع الجزمة ،بطلع في الحجر ..سمع الحجة ام كوثر بتتكلم معاها .. قالت ليها ..اها يا كوثر؟؟ مافي حركة كدا ولاكدا ؟؟ )تقصد بشاير حمل( كوثر قالت ليها ابدا" والله يا امي ..قالت ليها لو مافارقتي راجلك الخيبان العاقر ده .. ما بتشوفي ليك جنا بي عينك دي ..كوثر قالت ليها .. حرام عليك يا امي ماتقولي كدا عن راجلي ..بعدين احتمال اكون العيب فيني انا ..امها قالت ليها مستحيل .. امك وخالاتك وعماتك مافيهن واحدة عاقر ..لكن راجلك ده .. نحن بنعرف عنه وعن اهلو شنو؟؟قالت ليها يا امي عدم الانجاب ده مافيهو وراثة .. دي قسمة من رب العالمين ..قالت ليها غايتو راجلك ده ،انا شايفة العقر فوق وشو المسنوح ده ..انتي يا بتي سماحة الدنيا فوقك.. والرجال كلهم بتمنوك .. هسي كان طلقتيهو تعرسي وتلدي .. الجاري عليك مايلحق ..بس انتي ماسكا لي في الراجل البشبه العنبلوك ده .. )يعني التيس(طبعا محمد بسمع ..وماقدر يكمل باق
ي الكلام.. واتضايق ضيق شديد خلاص ..وطلع من دون مايحسو بيهو ..طلع مغلول غل ماتتخيل .. يازول الزول ده.. الدنيا كبيتت في وشو .. طبعا ماكان متخيل المراة الطيبة البحترمها وبحبها دي ..ممكن يطلع منها كلام بالشكل ده ..غايتو غضب غضب ..لدرجة انو صاحبو الماشي ليهو غير رايو منو .. طبعا ماممكن يمشي ليهو بالحالة دي .. ياخي الزول ده زعل لامن بكى ..مشى قعد في اخر محطة بتاعة الحافلات .. زي ساعة كدا ،كلها كانت افكار وخيالات بي سبب الغضب .. وكل مرة الشيطان يعيد ليهو الشريط المسجل بتاع كلام ام كوثر ..وطبعا" الشيطان في لحظة زي دي ،بجيب للانسان كل الافكار بتاعة الانتقام .. الغير مسؤلة.ويزيد ليهو معدل الغضب بنسبة 500 في المية ..غايتو الزول ده الحالة الحاصلة عليهو دي.. الله يستر ساي بس..
المسؤولية ..الحلقة 2بقلم طارق اللبيب ..قام محمد من محلو القاعد فيهو ..ورجع علي بيت اهل زوجته ..مشى والزعل ماليهو تب محنطقو .. لما حاسي بالدنيا دي لافه صينية .. المهمقبل يصل البيت ..قرر انو يتكلم مع الحجة دي.. ويقول ليها كلام زي السم.. ويوريها انو هو ما عمبلوك ولا خيبان .. لكين اول ما وصل البيت .. غير رايوواستحى .. وخجل .وقرر انو المفروض يسكت .. واقنع نفسو انو ماصح يفضي زعلو في مراة قدر امو .. وبقى يتكلم بي جواهو في سرو .. ويقول ..ياخي ماف داعي.. يعني هسي انا بستفيد شنو لو اتفشيت فيها ؟ وبعدين كوثر ذنبها شنو؟ انو انا اهين ليها امها قدامها ؟.. حتى لو امها ده رايها عني .. خليها التفتكر العايزه تفتكرو عني .. حتى لو انا اتكلمت معاها.كلامي مابخليها تغير رايها فيني .. المهم الزول ده عمل فيها انو ماسمعاي حاجة .. ودخل عادي .. بس غالبو يتونس ..كوثر لاحظت انو محمد ماطبيعي . بقت تعاين ليهو .. وهو بحاول يكون عادي ..كوثر خلت امها بتتكلم مع البنات .. جات قعدت جنبو ..وقالت ليهو :محمد انت مالك؟ شايفاك ماطبيعي .. شكلك ماعاجبني ..قال ليها : لالا مافي حاجة ..بس سوء تفاهم بسيط .بيني وبين كمال صاحبي ..)وهو كمال المسكين ولا مشى ليهو(قالت ليهو .. انت اساسا" ماشي ليهو ليه؟ .. الزيارة دي كانت مقرره لناس امي صح؟ ..قال ليها ياريت لو قعدت .. وماقلت ماشي كان على الاقل ، الضيق الحاسي بيهو هسي ده ماحصل ..قالت ليهو خلاص انسى حبيبي ولايهمك ..المهم الزول ده الكلام ده اثر فيهو تأثير شديد .. بس كان راجل محترم..وقططع الكلام في مصارينو ..الزيارة انتهت وساق مرتو ومشى.. وطول الطريق كان ساكت وبتكلم بالقطاره .. وطبعا" قبيل لمن كانو ماشين علي بيت ناس امها ،كان طول الطريق بتكلم ويطربق ..سبحان الله!! والله فعلا" ياجماعه .ما أسوء كسر الخواطر .. وتأثير الغيبة والقطيعة في القلوب الطيبة ..اتخيل !! .. ده احساس اي زول غايب انت بتتكلم فيهو .. لو سمعك بكونحاسي الاحساس ده بالضبط .. عشان كدا القطيعة ظلم .. وربنا نهى عنها..والمفروض اي زول يقطع في زول مافيش. وانت تكون حاضر .. تتخيل نفسيات الانسان الغايب .والظلم البحس بيهو لو سمع ..فالزول البقطع ده.. اما تمنعه يا اما تقوم من جنبو .. بعدين لو الزول البتقطعو فيهو سمعكم. بتمشو وين من ضمايركم ..وهسي لو ام كوثر عرفت. انو محمد سمع قطيعتها ونميمتها.. كانت بتكون محرجة.. والدنيا ما بتشيلا ..اها بعد ما وصلو البيت محمد انعزل في الغرفة الجوانية .. الزول كل ما يحاول ينسى كلام الحجة .. الكلام يضج ليهو في راسو ..دخل جوه.وعمل فيها بفتش ليهو لي حاجة ..وعندو كتب كدا بقلب فيها..بصراحة محمد بحب زوجتو شديد .. وما عايز يجرح مشاعرها بكلمة .. وبحترمها جدا وبخاف على نفسياتها ..ودي فعلا طبائع الرجال الكرماء .. زي مافي الحديث )ما اكرمهن الا كريم وما اهانهن الا لئيم ..(عارف . لمن الزول ده حس بي روحو شوية هدا.. وجا طالع بره .. كوثر قالت ليهو يامحمد .. نحن المفروض نشوف لينا طريقة علاج ..قال ليها كوثر انتي نحن ماعندنا موضوع غير الموضوع ده؟انا كل مرة بقول ليك اصبري ربنا كريم ..لكن اقول ليك حاجه ...انا مستعد نمشي بكرة الدكتور..بكره جهزي روحك .. وانا ماعندي مانع .. اسوقك طوالي نمشي نقابل اخصائي .. والفيها خير ربنا يسويها ..بكرة يازول المراة قامت خايفة خوف.. زي التقول عندها امتحان .. الصباح قامت بدريتنضف.. وتقشقش في البيت وتتسها.. وكل مره تسرح.. لما المكنسه تقع من يدها ..وهو طلع الشغل ..وهي الهم ماليها تب .. ووقلبها يضرب زي قلب الزرزور.. خايفة انو تطلع عاقر..لكن لو طلع العيب من راجلها. ما مشكلة. وغالبها تقعد في حته واحده ..من ما مرق الراجل هي تمرق وتدخل زي النابحها ضرس ..غايتو لغاية النهار كدا.. مشت لي جارتها مصلطه كدا اسمها تهاني ..لقتها قاعدة براها تنضف ليها في كبكبي ..كوثر قالت ليها.. تهاني . عليك الله خلي اي حاجة في يدك..وقومي تعالي لي.. انا عايزاك ضروري شديد .. تهاني نفضت ايديها . وجاتها..وقالت لها.. والله الليلة المخوفك ده الشديد القوي .. اها قولي مالك ؟كوثر قالتلها : والله انا الليلة خايفه خوف لمن بطني مايصاني .. يعني عندها )مقدمات الاسهال(.الليلة يوم الكشف.. انا ومحمد بعدين ماشين الدكتور.. وكان طلعت انا المابلد بموووووت يا تهاني .. وتاني مابقدر اعاين ليهو في وشو .. شوفي لي حل ؟تهاني قالت ليها بسيطه .. انتي الليلة اتحججي بأي حاجة وماتمشي ..قولي ليهو بنمشي يوم تاني .. ونقوم نمشي الدكتور انا وانتي للدكتور ويكشف عليك ..لو اتلقى العيب منك .. ماتمشي معاهو نهائي .. ولو اتلقى العيب منو تقوليليهو ارح الدكتور يكشف بي راحته). ,, بالله شوف تهاني دي ثعلبه كيف .هههه(كوثر قالت ليها حرام عليك ياتهاني ..لكن كيف اعمل كدا في حبيبي؟ .. قالت ليها طيب حبيبك حبيبك .. جاية تسأليني ليه؟ .. ماتمشي تكشفي معاهو ..قالت ليها طيب يا تهاني .. ماعندك حل غير ده ؟قالت ليها آسفه والله ماعند
ي .. عجبك انا مستعده ماعجبك مخيره ..وبقت كوثر بين امرين.. تكذب على زوجها وتمشي تكشف بي وراهو ..ولا تخش في مجازفه ما معروف تطلع فيها ظالمه ولا مظلومة .. طبعا" ده على حسب فهمها .. سكتت مسافة وكانت مرتبكه ومقلقه وتفرك في يدنها في النهاية رفعت راسها وقررت ..وقالت ليها انا موافقة .. الليلة بحاول اقنعو باي حاجة .. وبعدينالمساء بجيك نطلع مع بعض ..تهاني قالت ليها .. اخدمك بعيوني حبيبتي .. انا جاهزة ..وفعلا".. لما جا محمد المساء ..قالت ليهو، يامحمد الموضوع بتاع الدكتور.. الليلة الا نأجله..لانو تهاني جارتي دي .. اختها وضعت.. وماشة معاها احمد لي اختها السلامه ..المراة دي جارتي وصاحبتي.. الدكتور ملحوق !! كويس حبيبي؟؟ ..محمد قال ليها .. مافي مشكلة .. اليوم البتقوليهو انا جاهز ..وطبعا" كوثر غلطت غلط كبير بالكذبة دي .. وشكلها حتدفع التمن غالي..الى اللقاء .. —
المسؤولية..الحلقة 3بقلم طارق اللبيب..المسا .. كوثر قالت لمحمد نحن طالعين يامحمد.. قال ليها طيب اوصلكم بالعربية وانتظركم في حته.. قالت ليهو لا نحن تلات حريم بناجر لينا تكسي.. ولا نركب مواصلات الواطة بدري والحتة قريبة ..)قريبه يا ثعلبانه؟ (المهم محمد قاليها ماشي يا كوثر راحتكم..طلعت ولقت تهاني لابسة راجياها .. قالت ليها ياتهاني انتي مستعجله اكتر مني،شنو الحكايه؟ لكن لقيتك اسنانباي .تهاني قالت ليها بصراحة .. انا حارقني الشمار.. دايره اشوف الكاتل الجداده منو فيكم .. هههه الاتنين ضحكن وطلعو ..طول الطريق كوثر تكرر لتهاني . والله ياتهاني.انا اصلو ما مرتاحة .. كوني امشي وما اكلم محمد..قالت ليها ياكوثر عليك الله ماتلخميني .انت هسي قايلاهو قاعد يكلمك باي حاجه.؟هو زاتو تلقيهو بعمل في حاجات بوراك بدون مايقول ليك. الرجال ديل يالطيف .. غايتو انا ابو المعز ده مابثق فيهو نهائي .. دهزوجها .. )والله دي مشكله( .اها يازول وصلن الدكتوره . وعملن الكشوفات والتحاليل المعمليه .. والدكتورة قالت ليها ياكوثر انت ماعندك اي مشكله .. بالعكس كمان خصوبتك زايده .. المساله بتتوقف على زوجك .لازم يعمل الفحص المعملي ...اها طبعا كوثر فرحت فرح مخوزق .زي الزول القالو ليهو .. )انت جيت اول السودان.وابوك مات(.. !!اتاكدت انها سليمه .. وحبيب قلبها عاقر !!نفسها تجيب طفل يملا حياتها .. ويخرس السنة الناس.ومتمسكه بمحمد وبتحبو . فقدامها خيارين.. يااما تفارق محمد .. وتتزوج تاني .. وتحققا امنية حياتها. يااما تستمر مع محمد ..وتقنع من حاجه اسمها جنا..قامت قالت لي تهاني .. ياتهاني انتي رايك شنو؟ .. وانا اعمل شنو ؟قالت ليها انتي كدا عرفتي العيب من محمد .. الاجابة على السؤال ده بتتوقف عليك ..يامحمد .. يا الجنا .. لازم تختاري وبسرعة لانو الزمن مافي صالحك .. اذا عايزة الجنا لازم تقنعي من محمد .. وتطلقي بسرعة .. عشان تشوفي راجل من بدري تجيبي ليك منو طفل طفلين قبل العمر مايسرقك .. ولوكمان بقيتي على محمد ..المفروض تبقي لابتة ورضيانة .. وتاني ماتجيبي سيرة الجنا ..لكن انا نصيحتي ليك امسكي في راجلك ده .. والله الزيو نادر في زمنا ده. تمشي تكوسي للجنا تقعي ليك في راجل عواليق .. تكرهي الجنا وتكرهي روحك .. وتندمي على فقدان محمد وحيث لاينفع الندم ..طبعا زي ماشايفين تهاني زولة منطقية لحد بعيد ..وماعندها اي عواطف وبتحسب الامور حسابات بتاعة ناس امسك لي واقطع ليك ..وجات راجعة البيت ماعارفة تقرح وللا تزعل .. وبقت شايفه محمد بمنظار مختلف من الماضي لانها قبيل ماعارفها العيب منها وللا منو .لكن هسي اتاكدت انو العيب منو .وكل السرحات والحاجات ديك راحت .. ومحمد ما اكتشف انو هي مشت للدكتور بوراهو ..ومرت الايام وكوثر بدت تسرح من جديد .. ياربي انا اعمل شنو .. خصوصا وقت تمشي ليها مناسبة .. وتشوف الشفع بلعبو . وبدلعو فوق امهاتهم .. تحس بي حسرة من جواها ..اها يوم يازول كانت في مناسبة .. شافت ليها مرة نايمة جوة الغرفة والغرفة مسخنه والمراه عرقانة .. جا ولدها عمره اربعة سنة .. بدا يقش ليها في العرق من جبينها ..المشهد ده أثر علي كوثر تاثير شديد خلاص .. وقررت الليلة تتكلم محمد وتطلب منه الطلاق بطريقة دبلوماسية ..وبقت تتكلم براها زي المجنونة . ااي انا بحبو ومابقدر اتخلى عنه .. لكن انا اعمل شنو ؟ هو عاقر ومابيلد .. يعني انا عشان بحبو لازم اضحي بي حياتي وسعادتي؟؟ومالو انا ممكن اعرس تاني؟؟ والقى لي راجل احبو اكتر من محمد .. ويحبني .. والقى منو الجنا .ولمن جات البيت اترددت تردد غريب .وماقدرت تقول حاجة ..اها يوم من الصباح حصل بيناتهم نقاش عادي ..زي البيحصل بين اي راجل وزوجته .قامت قالت ليهو في اثناء النقاش . انت اصلك زول اناني وبتحب روحك ..قال ليها انا ؟ انا اناني..!! وبحب روحي ؟ !!سبحان الله ياكوثر !!..قالت ليهو ايوة .. انت لو ما اناني ..كان مشيت معاي الدكتور .. وكشفت على روحك .. انا خلاص تعبت يامحمد ..قال ليها بس انتي القلتي نمشي الدكتور .. وانت الاجلتي الموعد . وانا منتظرك لي شهر . منتظر اليوم البتقولي لي فيهو ارح .. انا اصلا" ما مصرشديد على الحكاية دي ورضيان باي حاجة ..قالت ليهو بس احتمال يكون في مرض .. موش المفروض نتعالج..؟قال ليها خلاص فهمت ياكوثر .. بعدين نمشي طوالي .. ماعندك مشكلة..وبالاختصار كدا المساء مشو للدكتور .. وعملو فحوصات وتحاليل كاملة .. الاتنين مع بعض .. طلعت النتايج كالاتي ..محمد سليم مية في المية وبكمية حيوانات منوية مهولة ..كوثر التهابات حاده في المبايض .. هههههههههطبعا ..كوثر اتفاجات مفاجأة شديدة .. وبقت تقول لي لمحمد مستحيل مستحيل .. انا ما كان عندي اي حاجة .. انا كنت كويسة .. وخشت للدكتور وبدون ماتحس قالت ليهو بس انا يادكتور .. دكتورة فلانة قبل شهر..قالت لي انتي سليمة ..محمد بقى يعاين ليها مندهش .. وفي عيونو الف سؤال ..الدكتور قالت ليها الاخطاء في التشخيص واردة يا مدام .. واحتمال الالتهاب جاك
قريب ..انتي استعملي الحبوب دي .. وتعالي لي بعد اسبوع ..ومحمد مربوك ربكة غريبة في كلام كوثر بتاع انها الدكتورة قالت ليها..وقالت ليها ..وجواهو سؤال هو )المراة دي متين مشت لدكتورة؟.. وليه ماكلمتني؟ (وهي زاتها ماعارفة الكلمة دي طلعت منها كيف.. المهم نشوف البيحصل ..الى اللقاء ..ان شاء الله ..
#كسره
دي حلقه بكره 😁لاني حكون م في
#كسره
دي حلقه بكره 😁لاني حكون م في
ـسلام شباب😁اذا حابين تطلبو تصاميم رسل كلامك ع حسابي وبكره بصمما وارسلا الجمعه لاني الخمميس م بدخل @btabobekr